Feykir - 22.02.2017, Blaðsíða 2
Mikilvægt að íbúum verði gefinn
kostur á að búa í eigin íbúð
Sambýlið á Blönduós
Færðar hafa verið fréttir af því að vistmenn á
sambýlinu á Blönduósi hafi verið beittir þvingun
og nauðung af starfsfólki sambýlisins en
réttindagæslumaður fatlaðra á Norðurlandi lét
starfsmenn réttindavaktarinnar vita af ástandinu.
Þetta kemur fram í úrskurði sérfræðiteymis
velferðarráðuneytisins frá seinasta ári.
Sveitarfélagið Skagafjörður tók við ábyrgð á
þjónustu við fatlað fólk í Húnavatnssýslum í
ársbyrjun 2016 og var það gert með samningi
allra sjö sveitarfélaganna á Norðurlandi vestra
um sameiginlegt þjónustusvæði um þjónustu við
fatlað fólk.
Samkvæmt lögum um réttindagæslu fyrir
fatlað fólk er öll beiting nauðungar í sam-
skiptum við fatlað fólk bönnuð nema veitt hafi
verið undanþága eða um neyðartilvik sé að
ræða. Að sögn Grétu Sjafnar Guðmundsdóttur,
framkvæmdastjóra málefna fatlaðs fólks á
Norðurlandi vestra, er nauðung, samkvæmt
lögum, athöfn sem skerðir sjálfsákvörðunarrétt
einstaklings og fer fram gegn vilja hans. Þetta
geti verið líkamleg valdbeiting, til dæmis í því
skyni að koma í veg fyrir að fatlaður einstaklingur
skaði sjálfan sig eða aðra, valdi stórfelldu tjóni á
eigum sínum eða annarra eða þá að húsnæði
sem tilheyrir fötluðum einstaklingi sé læst.
Á Blönduósi er um svokallað herbergjasam-
býli að ræða þar sem einkarými takmarkast við
19 m2 herbergi hvers íbúa, annað rými er sam-
eiginlegt. „Samkvæmt gildandi stefnumörkun
löggjafans í þessum málaflokki er gert ráð fyrir
því að heimilisumgjörð fatlaðs fólks uppfylli
viðmið um einkarými og búseta í herbergja-
sambýlum verði lögð niður í áföngum,“ segir
Gréta. Hún segir að markmið sveitarfélaga á
Norðurlandi vestra í búsetuþjónustu sé að fatlað
fólk eigi þess kost að búa í íbúðum með bað-
herbergi, eldhúsi, stofu og svefnherbergi, svipað
og er hjá öðrum þjóðfélagsþegnum og tekið verði
tillit til staðsetningar út frá íbúðarhverfum og
hönnunar með tilliti til aðgengis.
„Sveitarfélagið, í samstarfi við húseiganda, er
að meta hvaða kostir eru í stöðunni; breyta núver-
andi húsi og byggja við eða fara allt aðrar leiðir.
Þar liggur allt undir,“ segir Gréta Sjöfn. /PF
Mikið hefur verið rætt um hlýnun jarðar undanfarið, bæði
hér á Fróni sem og á jarðarkringlunni allri enda staðreynd
að meðalhitinn hefur hækkað jafnt og þétt frá því að
mælingar hófust. Við kvörtum ekki hér í norðrinu yfir
örlitlu hlýrra loftslagi. En málið er alvarlegt þegar
heimurinn allur er undir og framtíðarspársem vísinda-
menn hafa borið á borð fyrir okkur ekki glæsilegar.
Það er vitað að hitastig hefur
verið sveiflukennt hér á landi í
milljónir ára. Á Vísindavefnum
segir að talið sé að fyrir sex
þúsund árum hafi nær allir
jöklar frá síðasta kuldaskeiði
verið horfnir af Íslandi og í
meira en þúsund ár hafi verið
2-3 gráðum hlýrra en nú er. Þá
hafi birki breiðst yfir stóran
hluta landsins. Fyrir um tvö
þúsund og fimm hundruð
árum síðan tóku jöklar að
myndast á ný sem loks urðu að þeim jöklum sem við
þekkjum nú. Í kjölfarið lét birkikjarr undan síga á láglendi
og heiðum en mýrlendi stækkaði. Á Litlu ísöldinni, sem stóð
frá 1450 til 1900, uxu jöklarnir enn frekar og sem dæmi náði
Breiðamerkurjökull næstum í sjó fram árið 1890.
En hví skyldi ég vera að fjasa um það sem ég hef ekkert
vit á? Það var frétt á RÚV sem vakti athygli mína á því að
endurheimt votlendis, sem er ein þeirra leiða sem talin er
geta nýst til að draga úr losun gróðurhúsalofttegunda, sé
ekki nægilega rannsökuð að mati Þrastar Eysteinssonar
skógræktarstjóra. Hann segir blautar mýrar losi líka
gróðurhúsalofttegundir og sums staðar sé mögulega enginn
loftslagsávinningur af því að fylla upp í skurði til að
endurheimta votlendi. Þá var fjallað um það í einhverjum
sjónvarpsþætti að allur sá fjöldi nautgripa sem lifir á jörðinni
losi svo gríðarlegt magn gróðurhúsalofttegunda að maður
gapir af undrun. Kannski verður það svo að blessaðri kúnni
verði kennt um hlýnun jarðar. Er nema von að fólk sé ringlað
í þessum fræðum.
En nú spyr ég eins og sá sem ekkert veit, enda veit ég
ekkert um þetta: Hvaða hitastig er ásættanlegt sem besti
meðalhitinn í heiminum?
Páll Friðriksson
LEIÐARI
Hlýnandi veröld
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Kristín Sigurrós Einarsdótti, kristin@feykir.is & 867 3164
Fríða Eyjólfsdóttir, frida@feykir.is & 867 9744, Óli Arnar Brynjarsson, oli@feykir.is
Áskriftarverð: 530 kr. hvert tölublað með vsk. Lausasöluverð: 650 kr. með vsk.
Áskrift og dreifing: Nýprent ehf. Sími 455 7171. Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Kynningarfundir á Skaga-
strönd og Hvammstanga
Arctic Coastline Route
Þriðjudaginn 28. febrúar er
boðið til kynningarfundar um
ferðamannaveginn "Arctic
Coastline Route". Fulltrúar
ferðaþjónustufyrirtækja á
svæðinu og annað áhugafólk er
hvatt til að mæta á fundinn.
Ferðamannavegurinn liggur
að mestu meðfram strandlengju
Norðurlands og er tilgangurinn
að þróa nýtt aðdráttarafl fyrir
norðurhluta Íslands. Verkefnið
hófst árið 2016 og er tilgangur
fundarins að gefa innsýn inn í
markmið, áherslur og fyrstu
skref. Tækifæri gefst til um-
Þá er sjómannadeilunni loks lokið og
flotinn haldinn til hafs á ný. Tölur vikunnar
eru lágar, sem von er, 46 tonn á Skagaströnd
tæp fjögur á Sauðárkróki og þrjú og hálft á
Hofsósi.
Í síðustu viku birtum við mynd af skipi
sem lá í Sauðárkrókshöfn og var það titlað
sem norski togarinn Silver Bergen. Myndin
mun hins vegar hafa verið af norska
loðnuskipinu Endre Dyroy. Við biðjumst
velvirðingar á þessum mistökum.
Á meðfylgjandi mynd má hins vegar sjá rétta
mynd af norska flutningaskipinu Silver
Aflatölur 12.–18. febrúar 2017 á Norðurlandi vestra
Skipin komin á miðin
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
Fengsæll HU 56 Landb.lína 3.321
Jenný HU 40 Handfæri 1.777
Sæfari HU 212 Landb.lína 3.107
Alls á Skagaströnd 46.158
SAUÐÁRKRÓKUR
Kristín SK 77 Handfæri 2.072
Már SK 90 Handfæri 348
Vinur SK 22 Handfæri 1.383
Alls á Sauðárkróki 3.803
HOFSÓS
Ásmundur SK 123 Landb. lína 1.695
Skáley SK 32 Landb.lína 4.845
Alls á Hofsósi 6.540
SKAGASTRÖND
Alda HU 112 Landb. lína 9.763
Auður HU 94 Landb. lína 4.210
Bergur sterki HU 17 Landb. lína 4.939
Dagrún HU 121 Þorskfisknet 13.147
Dísa HU 91 Landb. lína 5.894
Bergen sem kom með tæp 700 tonn af rækju
fyrir Dögun á Sauðárkróki í síðustu viku.
Myndina tók Páll Friðriksson. /FE
Kjörbúðin opnar
Samkaup Úrval á Skagaströnd
Að undangenginni mikilli vinnu
og framkvæmd kannana verður
Samkaups verslunum víða um
land breytt á komandi mánuð-
um og munu mynda nýja keðju
sem heitir Kjörbúðin. Meðal
þeirra er Samkaup Úrval á
Skagaströnd sem opnaði sl.
föstudag.
Lágt verð alla daga er loforð
sem Kjörbúðin gefur neyt-
endum en allar helstu
nauðsynjar til heimilisins verða
í boði á hagstæðu verði.
Kjörbúðinni er ætlað að
þjónusta bæjarbúa með því að
bjóða gott úrval, lágt verð og
ferskar vörur. /PF
ræðna og áhrifa á verkefnið og
er m.a. leitað hugmynda um
endanlegt nafn leiðarinnar.
Verkefnastjóri Arctic
Coastline Route er Christiane
Stadler. Mun hún kynna
verkefnið og fer fundurinn
fram á ensku.
Fundarstaðir: Skagaströnd
kl. 13-14:30 - Kaupfélagshúsið
(Einbúastíg 2) og Hvamms-
tangi kl. 16:30-18 – Selasetrið.
/FE
2 08/2017