Feykir - 01.03.2017, Blaðsíða 4

Þjónustukönnun HSN á Sauðárkróki
Mikilvægt að fá þátttöku sem flestra
Eins og þeir sem átt hafa leið á
Sjúkrahúsið á Sauðárkróki nýverið hafa
kannski tekið eftir hefur þar verið komið
fyrir standi við útganginn sem hefur að
geyma tölvuskjá með þjónustukönnun
sem nýlega var hleypt af stokkunum.
Guðrún Jóhannsdóttir yfirhjúkrunar-
fræðingur sagði blaðamanni frá tilurð
og tilgangi þessa.
Könnun þessi er gerð að undirlagi
landlæknisembættisins og er ætlunin að
skoða hvort þetta fyrirkomulag, sem á
rætur að rekja til Svíþjóðar, henti hér á
landi. Um er að ræða tilraunaverkefni í
eitt ár og í því skyni voru tvær heilsu-
gæslur, á Sauðárkróki og í Grafarvogi,
svo og ein deild á Landspítala Háskóla-
sjúkrahúsi og ein á Sjúkrahúsinu á
Akureyri valdar til að taka þátt í
verkefninu.
Könnunin felur í sér nokkrar grunn-
spurningar sem varða t.d. þjónustu,
aðgengi og viðmót og er viðkomandi að
auki boðið upp á að leggja sitt til
málanna með það sem betur mætti fara.
Könnunin er aðgengileg, á litlum skjá
eða iPad þar sem fólk getur valið úr
nokkrum svarmöguleikum. Því ætti
ekki að taka nema örstutta stund að
svara könnuninni, nema þá helst fyrir þá
sem eru mjög óánægðir og þurfa því
mest að tjá sig. Einnig gefst þeim sem
það vilja möguleiki á að bjóða fram sitt
framlag til að taka þátt í breytingunum
og hefur þá landlæknir samband við
viðkomandi og er því fundinn farvegur.
Markmið þessa er að bæta þá
þjónustu sem veitt er og til þess að svona
könnun þjóni tilgangi sínum skiptir
miklu máli að sem allra flestir af
notendum þjónustunnar leggi sitt af
mörkum og gefi sér tíma til að svara
henni. Einnig er mikilvægt að það sé
gert i sérhvert skipti sem viðkomandi
þarf að heimsækja heilsugæsluna þar
sem fólk getur verið að koma þangað í
mismunandi erindagjörðum, viðtal í
eitt skiptið, rannsókn það næsta o.s.frv.
Einnig getur verið að sú þjónusta sem
veitt er sé mismunandi frá heimsókn til
heimsóknar.
Í lok hverrar viku fær heilsugæslan
Guðrún Jóhannsdóttir yfirhjúkrunarfræðingur og Þorsteinn Þorsteinsson yfirlæknir við tækið. MYND: FE
„Hlutirnir hafa einfaldlega
aldrei verið unnir af kvenmanni“
Viðmælandi þáttarins þessa vikuna er Helga Sigurbjörnsdóttir,
rafvirki í vinnuflokki Rarik á Sauðárkróki. Hún er fyrsti fastráðni
kvenmaðurinn hjá Rarik í 70 ára sögu fyrirtækisins.
Nafn: Helga Sigurbjörnsdóttir.
Aldur: Fædd árið 1992 sem
gerir mig þá 25 ára á þessu ári.
Starf: Er lærð rafvirki og vinn
núna í vinnuflokki Rarik á
Sauðárkróki. Ég er fyrsti kven-
maðurinn til að vera fastráðin í
vinnuflokk hjá fyrirtækinu í 70
ára sögu fyrirtækisins.
Stutt lýsing á starfinu: Gera
við háspennulínur og almennt
viðhald í kringum þær. Setja
niður jarðspennistövar og
háspennustrengi. Fara í útköll
ef rafmagnsleysi kemur upp,
eins og til dæmis í slæmum
veðrum. Klifra upp í háspennu-
línustaura við viðgerðir og
viðhald.
Hvað ert þú búin að vera lengi
í þessu starfi? Ég byrjaði að
vinna hjá Rarik í september
2016, áður var ég að vinna hjá
Tengli þar sem að ég kláraði
nemasamninginn minn.
Gaman er frá því að segja að hjá
Tengli var ég einnig fyrsta
konan sem ráðin var sem
rafvirki hjá fyrirtækinu.
Hvers vegna fékkst þú áhuga
á þessu starfi? Mér hefur alltaf
þótt skemmtilegt að þurfa að
vinna með höndunum og fékk
áhuga á rafvirkjun eftir að ég
skráði mig í skólann. Þá sá ég
hvað þetta var fjölbreytt starf og
býður upp á marga möguleika
eftir að námi er lokið.
Rafvirkinn er gráða út af fyrir
sig, en svo er hægt að sérhæfa
sig á svo mörgum sviðum og
fjölbreytnin mikil, það er meðal
annars það sem heillaði mig.
Hver telur þú að sé ástæðan
fyrir því að starfið er almennt
talið „karlastarf“? Í mínum
augum er þetta reyndar ekki
karlastarf, heldur bara hvert
annað starf. En ef maður ætti
að reyna að finna ástæðu, þá er
rafvirkjun í grunninn iðngrein
og hafa iðngreinar alltaf verið
taldar þessi týpísku „karlastörf“.
Ef við horfum svo á starf mitt
hjá Rarik þá er það í ofanálag
áhættumikið starf. Ef við horf-
um á þær starfsgreinar sem
taldar eru áhættumiklar, svo
sem vinna við háspennu,
sjómennska og önnur vinna þar
sem líkamlegir burðir skipta
máli, þá er þvert á litið ekki
mikið um kvenmenn í þeim
störfum. Líkamlegir burðir,
styrkur og þol spila stórt hlut-
verk þarna.
Var eitthvað sem kom þér
sérstaklega á óvart við starfið?
Hjá Rarik kom það mér á óvart
hversu rólega maður verður að
vinna til að vera viss um að
engin mistök eigi sér stað. Það er
svo mikið í húfi að maður má
ekki gera neitt í fljótfærni.
Er eitthvað við þetta starf sem
gerir það að verkum að konur
eigi erfitt með að vinna það?
Stauravinnan kemur strax upp í
hausinn á mér. Það að klifra upp
í staur í aftaka veðri er ekkert
grín, maður verður að fara að
öllu með gát og hafa styrk til að
bera.
Þekkir þú/veist þú um margar
konur sem vinna þetta starf?
Nei, ég er eina konan sem vinnur
í vinnuflokki innan Rarik eins
og staðan er núna, vonandi er ég
að ryðja brautina fyrir aðrar
konur!
Var erfitt að byrja í starfi þar
sem meirihluti vinnufélaga var
af öðru kyni? Nei það fannst
mér ekki. Strákarnir tóku mér
bara mjög vel enda er ég
þrælvön að vinna með karl-
mönnum.
Finnst þér þú hafa mætt
fordómum á vinnustað eða
annars staðar vegna þess að
þú ert kvenmaður? Alls ekki
fordómum, frekar vantrausti
sem byggist á því að hlutirnir
hafa einfaldlega aldrei verið
unnir af kvenmanni, en það
kemur þá bara í minn hlut að
sýna þeim að kona getur alveg
gert þetta líka!
Nokkur orð að lokum: Ég vil
bara hvetja alla, bæði stelpur
og stráka, til að fylgja sínum
draumum um starf og aðallega
sínum áhuga á starfi og ekki
láta neinn segja þér hvað þig
langar til að gera í lífinu. Þú átt
að lifa lífinu fyrir þig en ekki
einhvern annan.
Helga röltir uppi í staur. MYND: DAVÍÐ MÁR
( #kvennastarf ) frida@feykir.is
Helga Sigurbjörnsdóttir starfar hjá Rarik
bráðabirgðaniðurstöður úr könnuninni.
Eftir fyrstu vikuna höfðu aðeins 60
svarað, sem er ekki nema rétt um það bil
sá fjöldi sem heimsækir heilsugæsluna á
einum degi, þannig að lítið er hægt að
byggja á því enn sem komið er. Eftir
hvern mánuð kemur svo heildarúttekt
þar sem svörin ættu að vera orðin það
mörg að niðurstöðurnar séu orðnar
marktækar. Þannig verður hægt að
bregðast strax við þeim athugasemdum
sem fram hafa komið og hefja úrbætur.
Landlæknir er eftirlitsaðili með könn-
uninni og kemur til með að fylgja því
eftir að leitað sé úrbóta þar sem þörf er á.
Guðrún getur þess að einn annmarki
á könnuninni hafi strax komið í ljós en
hann er sá að þrátt fyrir að boðið sé upp
á val um nokkur tungumál vanti þar
pólsku og rússnesku en margt fólk hér á
svæðinu komi frá löndum þar sem þau
mál eru töluð, eða í það minnsta lesin, af
almenningi. Í lok apríl verður könnunin
uppfærð og gefst þá tækifæri til að bæta
úr þeim göllum sem komið hafa í ljós og
er fólk eindregið hvatt til að koma með
gagnlegar ábendingar þar að lútandi.
Það er von þeirra sem að könnuninni
standa að sem allra flestir taki þátt í
henni og leggi þar með sitt af mörkum
til að gera þjónustuna sem Heilsugæslan
á Sauðárkróki býður upp á enn betri.
UMFJÖLLUN
Fríða Eyjólfsdóttir
4 09/2017