Feykir - 22.11.2017, Blaðsíða 3

Liltla stúlkan „Agnarögn“ var aðeins 724 grömm við fæðingu. MYND AÐSEND
Safnað fyrir Agnarögn litlu
Styrktarkvöld í Höfðaborg
Næstkomandi föstudagskvöld,
þann 24. nóvember, verður
haldið Pub Quiz eða Barsvar í
Félagsheimilinu Höfðaborg á
Hofsósi. Tilefnið er að safna fé
til styrktar Jóhannesi Veigari
Jóhannessyni og Heiðrúnu
Eddu Ingþórsdóttur sem fyrir
skömmu eignuðust tvíbura-
dætur eftir tæplega 25 vikna
meðgöngu. Unga parið, sem
átti fyrir 18 mánaða dóttur, er
búsett á Dalvík en Veigar er
fæddur og uppalinn á Hofsósi
og Heiðrún á Blönduósi.
Litlu tvíburasysturnar komu
í heiminn þann 23. október og
fæddist önnur þeirra andvana
en álitið hafði verið í nokkurn
tíma að hún hefði litningagalla
sem gerði lífslíkur hennar
sáralitlar. Hún var skírð Eva
Björk og var borin til grafar á
Dalvík á laugardaginn var. Hin
systirin, sem kölluð er Agnarögn,
vó aðeins 724 grömm við
fæðingu eða tæpar þrjár merkur
og dvelur hún nú á Vökudeild
Landspítalans og braggast
ótrúlega vel að sögn Hörpu
Kristinsdóttur, móður Veigars.
Hún er nú orðin 990 grömm og
dafnar vel miðað við aðstæður.
Harpa segir að auðvitað séu
erfiðir tímar hjá fjölskyldunni en
þau munu þurfa að dvelja í
Reykjavík næstu mánuðina þar
sem þau eru fjarri heimili sínu
og fjölskyldu og geta ekki
stundað atvinnu, auk þess sem
þau þurfa að standa straum af
húsnæðiskostnaði. Þau hafi þó
verið heppin og fengið úthlutað
íbúð frá Landspítalanum en að
sjálfsögðu þurfi að borga af
henni leigu þó ekki sé hún eins
há og á almennum markaði.
Framundan er sá tími ársins sem
flestir tengja samvistum við
fjölskyldu og sterkum hefðum
og ljóst er að jólin verða
frábrugðin því sem þau eiga að
venjast.
Styrktarreikningur
stofnaður
Stofnaður hefur verið styrktar-
reikningur fyrir fjölskylduna og
er ábyrgðarmaður reikningsins
Guðrún Helga Magnúsdóttir,
frænka Veigars. Reiknings-
númerið er: 0177-05-260070, kt:
010856-3889. Harpa segir
fjölskylduna hafa fengið margar
góðar kveðjur og vera mjög
þakkláta fyrir þann stuðning og
hlýhug sem þeim sé sýndur.
Höfðaborg opnar kl. 21:00 á
föstudaginn en spurninga-
keppnin hefst kl. 21:30.
Þátttökugjald er 1.500 kr. og
rennur allur ágóði kvöldsins til
fjölskyldunnar. Allir sem eiga
þess kost eru hvattir til að mæta.
Hægt er að fylgjast með Agnar-
ögn á Facebooksíðunni Styrktar-
síða fyrir Agnarögn og foreldra
hennar. /FE
Smellt'á okkur einum...
Feykir.is
Skjalasafn á Sauðárkróki
Utanríkisráðuneytið óskar að ráða starfsmenn til skjalavörslu í starfsstöð
skjalasafns sendiskrifstofa á Sauðárkróki.
Helstu verkefni:
• Útprentun skjala í málaskrá sendiskrifstofa utanríkisþjónustunnar og
frágangur til varðveislu.
• Pökkun skjala og skráning í geymsluskrá til afhendingar á Þjóðskjalasafn
• Leit, skönnun- og sending skjala úr eldri skjalasöfnum sendiskrifstofa
fyrir starfsmenn utanríkisþjónustunnar
• Frágangur, skönnun og skráning ljósmynda
• Skráning erinda í málaskrár sendiskrifstofa.
Kröfur til umsækjenda:
• Menntun sem nýtist í starfi
• Reynsla af almennum skrifstofustörfum, reynsla af skráningu skjala er
kostur
• Mjög gott vald á íslensku
• Mjög góð kunnátta í ensku og kunnátta í Norðurlandamáli, kunnátta í
frönsku og þýsku er kostur
• Góð tölvukunnátta, kostur að hafa reynslu af notkun GoPro
• Þjónustulund, samskiptalipurð, frumkvæði, færni til að vinna sjálfstætt
og góð framkoma
Um launakjör fer samkvæmt kjarasamningi Félags starfsmanna stjórnarráðsins og
fjármála- og efnahagsráðherra.
Umsóknarfrestur er til og með 4. desember 2017. Umsóknir skulu berast á netfangið
umsokn@mfa.is, merkt „Skjalasafn 2017“. Ráðuneytið hvetur karla jafnt sem
konur til sækja um starfið. Litið verður svo á að umsóknir gildi í sex mánuði frá því að
umsóknarfresti lýkur. Öllum umsóknum verður svarað þegar ákvörðun um ráðningu
hefur verið tekin.
Nánari upplýsingar veita Auðunn Atlason (audunn.atlason@utn.stjr.is) og Anna Ósk
Kolbeinsdóttir (anna.osk.kolbeinsdottir@utn.stjr.is).
og verður sýnt á fjölum
Bifrastar.
Aðalhlutverk er í höndum
Valdísar Valbjörnsdóttur sem
leikur Blúsí og Ásbjarnar
Waage sem leikur Bugsy.
Anna Valgerður Svavarsdóttir
leikur Talúlu, Sæþór Hinriks-
son Sam feita og Einar Örn
Gunnarsson Danna snobb.
Á laugardag og sunnudag
verða tvær sýningar hvorn
daginn, klukkan 16 og 20.
Þriðjudag og miðvikudag
verða sýningar klukkan 20. /PF
Bugsy Malone í Bifröst
Leikhópur FNV frumsýnir
Næstkomandi föstudag
munu nemendur
Fjölbrautaskóla Norðurlands
vestra frumsýna leikritið
Bugsy Malone í leikstjórn
Guðbrands Ægis
Ásbjörnssonar. Bugsy
Malone er fjölskylduleikur
sem fjallar um ævintýri
„gangstersins“ Bugsy
Malone á bannárunum í
Chicago upp úr 1930.
Yfir 20 leikarar eru í sýn-
ingunni en þeir sjá einnig um
tæknimál og sviðsmynd, að
sögn Ægis. „Þetta er allt á
léttu nótunum og flott lög í
sýningunni. Margir góðir
leikurar og söngvarar,“ segir
Ægir sem er spenntur fyrir
frumsýningunni nk. föstu-
dag. Hefst hún klukkan 20:00
Leikarar í Bugsy Malone. MYND FRÁ ÆFINGU
44/2017 3