Feykir - 20.12.2017, Blaðsíða 7

48/2017 7
Viðurkenningar fyrir
framúrskarandi árangur
Íþróttamaður Skagafjarðar
Tilkynnt verður um val á
íþróttamanni Skagafjarðar, liði
og þjálfara ársins 2017 við
hátíðlega athöfn 27. desember
nk. í Húsi frítímans að
Sæmundargötu 7 Sauðárkróki.
Einnig verða ungum og
efnilegum íþróttamönnum
Skagafjarðar veittar viðurkenn-
ingar. Allir eru velkomnir að
vera viðstaddir þennan prýðis-
viðburð sem hefst kl. 19:00. /PF
Pétur Rúnar Birgisson var Íþróttamaður
Skagafjarðar 2016.
Verum snjöll
verZlum
heima
Vissir þú...?
Að kaupa jólagjafir og annað til jólanna hér heima
er stuðningur við samfélagið okkar.
Njótum þess besta og jólahátíðarinnar saman.
Þannig njótum við öll gleðilegra jóla.
N
ÝPR
EN
T EH
F
Fæðing í
Hverfisbrekkunni
Eignaðist barn með hjálp sjúkraflutningsmanna
Hann segir að þegar komið var
í bílskúrinn á HSN hafi allir
verið í hálfgerðu sjokki yfir því
hve fljótt þetta gekk fyrir sig.
„Við fórum að annast barnið
sem fór stuttu seinna að gráta,
og þvílíkur léttir! Í þann mund
mæta ljósmóðir og læknir og var
yndisleg stúlka fædd 21 mínútu
eftir að útkallið barst,“ segir
Yngvi hrærður yfir atburðunum.
Þarna hafði þeim Ólöfu Ösp
Sverrisdóttur og Snorra Geir
Snorrasyni á Sauðárkróki fæðst
yndisleg dóttir.
Ólöf segist hafa vaknað um
fimmleytið um morguninn
með mikla verki og ákvað að
skella sér í sturtu til að athuga
hvort það myndi slaka aðeins
á verkjunum, sem ekki gerðist.
„Þá voru orðnar 3-4 mínútur á
milli, með litlum hríðum inn á
milli svo ég var hreinlega ekki
viss um að ég væri komin svona
langt, því mér fannst verkirnir
ekki nógu reglulegir. Ég ákvað
að heyra í þeim á Akureyri
og þær sögðu mér að leggja af
stað á einkabíl, þar sem vatnið
var ekki farið, þó ég hafi reynt
að segja þeim að barnið væri
óskorðað og fyrri fæðingar
hefðu gengið hratt fyrir sig.
Þegar foreldrar mínir komu til
að taka eldri stelpurnar fór ég
að gera mér grein fyrir því að
ég þyrfti að fara að rembast svo
ég sagðist ekkert vera að fara á
Akureyri. Þá fór Snorri í það
að reyna að ná á ljósmóðurinni
okkar, án árangurs þar sem
við höfum ekki ljósmóður á
vakt hérna á Sauðárkróki. Það
flækti stöðuna og gerði alla ansi
stressaða ásamt óvissunni um
hvað ætti að gera,“ segir Ólöf.
Hringt var í vakthafandi
lækni og segir Ólöf að hann hafi
vart vitað meira en þau hvað
ætti að gera í þessari stöðu. „En
hann mætti á heimili okkar
ásamt sjúkrabíl. Þar var staðan
tekin á mér á meðan áfram var
reynt að ná á ljósmóður. En
allt kom fyrir ekki og ég bað
mömmu mína á endanum að
keyra heim til ljósmóðurinnar
og ná í hana og ákveðið var að
fara upp á sjúkrahús. Mér var
rúllað út í sjúkrabíl, lagt af stað,
og á Grundarstígnum missti
ég vatnið. Daman mætti svo í
heiminn í Hverfisbrekkunni þar
sem sjúkraflutningamennirnir
tóku á móti henni. Hún var
ansi slöpp þegar hún mætti en
sjúkraflutningamenn, lækn-
ir og ljósmóðir stóðu sig frá-
bærlega að koma dömunni
almennilega í gang eftir allan
hamaganginn,“ segir Ólöf og
bætir við að þarna hafi alls ekki
verið um draumastöðu að ræða.
Fannst henni jafnvel erfiðast að
hafa ekki fagmanneskju með
sér í gegnum þetta ferli til að
leiðbeina henni en allt fór vel á
endanum.
„Okkur mæðgum heilsast
vel. Daman er vær og góð og
Klukkan 6:54 þann 4. desember sl. fá sjúkraflutningamenn á
Sauðárkróki boð um F1 útkall sem er fyrsti forgangur í þeirra
kerfi. Fæðing! Þeir Yngvi Yngvason og Sigurbjörn Björnsson
eru mættir á sjúkrabílnum stuttu síðar og læknir svo í kjölfarið.
Afráðið er að fara upp á HSN á Sauðárkróki í betra umhverfi þar
sem legvatnið var ekki farið og tekin yrði ákvörðun þar um hvort
farið yrði með sjúkrabíl eða flugvél á fæðingardeildina. „Ekki
vorum við komnir langt þegar vatnið fór og Sibbi kallar: „Það
er að koma!“ sem það og gerði í Hverfisbrekkunni,“ segir Yngvi
aðspurður um atburðarásina þennan viðburðaríka morgun.
Nýbakaðir foreldrar með börnin sín þrjú. Ólöf heldur á dömunni sem lá svo mikið á
að komast í heiminn, Snorri heldur á Emblu Nótt og á milli þeirra er elsta systirin í
hópnum, Emilía Rós MYND: PF
braggast vel. Hún á tvær eldri
systur sem sjá ekki sólina fyrir
henni og dekra við hana og eru
duglegar að hjálpa til.“
Eitthvað sem þú vilt koma á
framfæri? -Ég vil koma því
á framfæri að ég hefði ekki
getað komist í gegnum þetta
án Snorra míns og sjúkraflutn-
ingamannanna okkar, Sigur-
björns og Yngva. Þeir stóðu sig
frábærlega við aðstæður sem
þeir hafa ekki verið í áður og
erum við óendanlega þakklát
fyrir það. Og svo eigum við
yndislega ljósmóður, Önnu
Maríu Oddsdóttur, sem létti
heldur betur á hjarta okkar
þegar hún mætti á staðinn og
sýndi gríðarlega fagmennsku
við að koma dömunni á réttu
brautina og erum við henni
innilega þakklát fyrir allt
saman. Við viljum einnig koma
því á framfæri að við vonum að
einn daginn munum við hafa
aðgengi að ljósmóður á vakt svo
þessar aðstæður komi ekki upp
aftur því þetta er ekki óskastaða
verðandi foreldra að lenda í.“
VIÐTAL
Páll Friðriksson