Feykir - 20.12.2017, Blaðsíða 21
48/2017 21
Hver er uppáhalds tónlistar-
maðurinn? -Bubbi Morthens.
Hver er uppáhalds kvikmynd-
in? -Hross í oss.
Hvert er uppáhalds íþrótta-
félagið? - Stefnir á Suðureyri.
Ein góð saga í lokin:
Ég hitti Guðna Ágústsson
fyrrum þingmann og ráðherra í
Olís sjoppunni í Borgarnesi
fyrir kosningarnar í fyrra þar
sem hann var að spjalla við
Rúnar Gíslason frambjóðanda
Vinstri grænna og son Gísla úr
Landanum sem allir þekkja.
Guðni vindur sér að mér þegar
Rúnar gengur í burtu og segir
„Þetta er skynsamur drengur
enda kominn af góðu fram-
sóknarkyni en hann segist vera
Vinstri grænn ég skil ekki hvað
veldur því að hann er ekki
framsóknarmaður eins og hans
kyn bendir til? Ég var snögg
upp á lagið og svaraði um hæl:
„Hann hefur að sjálfsögðu verið
kynbættur og er orðinn Vinstri
grænn sem er framþróun úr
Framsókn.“ Guðni lét þetta
gott heita enda á leið á hrútasýn-
ingu á Raufarhöfn með Hrúta-
vinafélaginu en þar eru kyn-
bætur alþekktar.
Lilja Rafney Magnúsdóttir
hefur verið Alþingismaður
Norðvesturkjördæmis
síðan 2009 og er oddviti
flokksins á því sviæði. Hún
býr á Suðureyri, gift Hilmari
Oddi Gunnarssyni bílstjóra og
sjómanni frá Skagaströnd og
eiga þau fjögur börn og þrjú
barnabörn.
Lilja er gagnfræðingur frá
Reykjum í Hrútafirði ásamt
hörðum skóla lífsins og fjölda
námskeiða og starfaði hún við
sundlaug og Íþróttamiðstöð
Suðureyrar áður en þing-
mennskan kallaði. Lilja Rafney
er þingmaður vikunnar á Feyki.
Hvenær og hvernig vaknaði
áhugi þinn á pólitík? -Ég drakk
pólitískan áhuga með móður-
mjólkinni en fyrir alvöru þegar
ég fór að hafa afskipti af
sveitarstjórnar- og verkalýðs-
málum um þrítugt og varð ung
oddviti Suðureyrarhrepps og
var formaður Verkalýðs- og
sjómannafélagsins Súganda á
Suðureyri í 16 ár. Ég er svo
heppin að hafa átt gott sam-
ferðarfólk og vini og ættingja
með sterka réttlætiskennd sem
hefur líka mótað mína lífssýn.
Lífið í litlu þorpi hefur kennt
mér að hver og einn getur haft
áhrif og að við öll skiptum máli
og enginn er merkilegri en
annar. Það er mikilvægt að allir
reyni að láta gott af sér leiða
hver með sínum hætti.
Hvenær settist þú fyrst á þing?
-1993 sem varaþingmaður fyrir
Alþýðubandalagið en var kosin
þingmaður fyrir VG árið 2009
og er í fullu fjöri.
Hvaða máli værir þú líkleg til að
beita þér fyrir á Alþingi framar
öðrum? -Byggðamálum al-
mennt og eflingu sjávarútvegs
og landbúnaðar í dreifðum
byggðum, sjálfbærri auðlinda-
nýtingu og að bæta lífskjör
þeirra efnaminni.
Telur þú að stjórnmálaum-
hverfið hafi breyst eða sé að
breytast frá því sem áður var?
-Já, það er að breytast hratt.
Samskipti við kjósendur hafa
færst mikið yfir til sam-
skiptamiðla og fundarsókn er
orðin minni á pólitíska fundi en
persónuleg samskipti eru enn
mikils virði. Við frambjóð-
endur Vinstri grænna breyttum
til fyrir síðustu kosningar og
gengum í hús og heilsuðum upp
á kjósendur sem tóku okkur vel
og þetta gerði kosningabarátt-
una skemmtilegri og hreyfingin
var góð.
Telur þú að fjölmiðlar, Facebook
og aðrir samfélagsmiðlar, hafi
áhrif á skoðanir og gjörðir
þingmanna? -Ekki spurning en
það má ekki týnast í þeim
heimi. Við verðum öll að vega
og meta hlutina út frá raunheimi
og heilbrigðri skynsemi.
Hvaða verkefni bíður helst íbúa
Norðvesturkjördæmis að þínu
mati? -Þau eru mismunandi
eftir svæðum innan kjördæm-
isins. Við þurfum að jafna
búsetuskilyrðin, styrkja innviði,
auka fjölbreytni í atvinnulífi og
efla menntun og heilbrigðis-
þjónustu. Allt er þetta
kunnuglegt en við þurfum að
gera kjördæmið samkeppnis-
fært við höfuðborgarsvæðið og
vinna að því að laða að ungt fólk
með frumkvæði og þekkingu
því það er frábært að búa úti á
landi.
Hvaða málefni telur þú að
brenni helst á íbúum Norður-
lands vestra? -Heilbrigðis-,
mennta- og atvinnumál, sam-
göngur og innviðir. Að svæðið
fái notið auðlinda sinna til
uppbyggingar og nýsköpunar.
Hvaða áhugamál áttu fyrir utan
pólitíkina? -Góð spurning. Ég
verð að segja að pólitíkin litar
allt mitt líf en ég hef gaman af að
ferðast og vera úti í náttúrunni
og einnig að hlusta á góða
tónlist. Svo á ég stóra yndislega
fjölskyldu sem ég geri eitthvað
skemmtilegt með í frístundum.
ÞINGMAÐURINN
Lilja Rafney Magnúsdóttir Vinstri grænum
Við öll skiptum máli
UMSJÓN
palli@feykir.is
Lilja Rafney ásamt Hilmari Oddi, eiginmanni sínum. MYND ÚR EINKASAFNI