Feykir - 02.05.2018, Blaðsíða 12
Heilir og sælir lesendur góðir.
Gaman að byrja með vel gerðar vorvísur eftir
Ágúst Pétursson frá Klettakoti.
Vorið kæra völdin fær
völlur grær í næði.
Sólin skær og blíður blær
blessun ljær og gæði.
Út um flóa fjörð og mel
Fugla þróast hlátur.
Syngur lóa víða vel,
vellur spói kátur.
Ástarþáttinn þröstur kær
þylur dátt í runni.
Allt er kátt sem andað fær
úti í náttúrunni.
Þakka mínum góða vini, Sigurði Sigurðssyni
áður bónda á Brúnastöðum í Skagafirði,
fyrir að senda þættinum þessar vel gerðu
hringhendur.
Enginn bilbugur virðist á Ingólfi Ómari með
að yrkja auðskildar vísur. Þessi er ort vegna
bónusgreiðslu bankamanna.
Allt er nú með öðrum brag
eins og dæmin sanna.
Góður bónus bætir hag
bankaræningjanna.
Fallega hugsar Ingólfur til vorsins í þessum
mögnuðu hringhendum:
Grösin skreyta hól og hlíð
hugann sveitin laðar.
Geislum heitum glóey fríð
gróðurreitinn baðar.
Vori hrósa hlýnar art
hagarósir anga.
Sólarljósið sindrar bjart
signir ós og dranga.
Að lokum þessi frá Ingólfi, sem ég reyndar
tel að sé óþörf nú um sinn:
Þegar ég af foldu fer
frjáls úr heljardíki.
Greiða tilferð gefðu mér
Guð að himnaríki.
Um þetta leyti fer að nálgast sá tími er blessuð
sauðkindin fer að verða í lífshættu á vegum
landsins. Það er Davíð Hjálmar Haraldsson
sem er höfundur að eftirfarandi limru:
Á kindur ég keyri og tré
í kosningum merki við D.
Ég sé alltaf betur
og betur í vetur
hve afspyrnu illa ég sé.
Það er sá skagfirski Pétur Stefánsson sem
yrkir svo:
Þurr og leiður þreyi hér
þungt ég styn af ekka.
Bara ef einhver byði mér
brennivín að drekka.
Vísnaþáttur 711
Friðrik Steingrímsson, úr Mývatnssveit,
vildi strax reyna að hughreysta þennan vin
sinn.
Langt á milli okkar er
sem erfið reynist glíma,
svo brennivínið býð ég þér
bara í gegnum síma.
Það er Guðmundur Arnfinnsson sem yrkir
svo laglegar hringhendur í tilefni af komu
vorsins:
Vorið færist nær og nær
nú er blærinn þýður,
hopar snær og grundin grær
glampar særinn víður.
Lóa syngur senn á mel
svarta bringu meður,
óði slyngum afar vel
Íslendinginn gleður.
Ein hringhenda kemur hér í viðbót, það er
Andrés H. Valberg sem yrkir svo á vordegi.
Sést hér falleg sólar rún,
svignar allur snærinn.
Yfir hjalla, engi og tún
andar fjallablærinn.
Önnur kemur hér eftir Andrés:
Fjarri striti og flækingi
fæ af hita kynni,
yfir sit ég áfengi
inni í kytru minni.
Einhverju sinni er Andrés var í gleð-
skaparferð með Sigurði Laxdal í Holtsmúla,
varð þessi til:
Lát mig vínið, Siggi sjá
síðan grínið tökum.
Við skulum brýna ljóðaljá,
láta hvína á stökum.
Þegar Andrés fékk heimsókn góðra vina úr
Skagafirði, þeirra Pálma á Reykjavöllum og
Lúðvíks Kemp, varð þessi til:
Ort og hlegið við og við
vínið hressti kalla,
grín og fjör að gömlum sið
glatt var þar á hjalla.
Hamingjusamur hefur Sigurður Óskarsson í
Krossanesi verið er hann orti þessa:
Öðrum gleði auka vil
á það nokkuð laginn,
sífellt vafinn sól og yl
syng ég allan daginn.
Gott að leita til Sigurðar með lokavísuna.
Það er bjart yfir bænum,
blóm undir húsveggnum grær.
Í sólskini og sunnanblænum
sumarið kom í gær.
Veriði þar með
sæl að sinni.
/ Guðmundur
Valtýsson
Eiríksstöðum,
541 Blönduósi
Sími 452 7154
( GUÐMUNDUR VALTÝSSON ) palli@feykir.is
AÐSENT : Bjarni Jónsson og Steinunn Rósa Guðmundsdóttir skrifa
Veruleikinn eins og hann er
Fjölmörgum spurningum er ósvarað
um Sýndarveruleika ehf.
Skuldbindingar sveitarfélagsins
vegna þess eru
víðtækar,
umfangsmiklar og
spanna marga áratugi.
Hefur sveitarfélagið
fullnægjandi
lagaheimildir og felur
stuðningurinn í sér
ólögmæta fjárhags-
aðstoð við einkaaðila í
samkeppnisrekstri? Þá
þarf að fara að leik-
reglum stjórnsýslulaga,
þannig að íbúarnir og
fyrirtæki í sveitarfélag-
inu njóti jafnræðis þegar
kemur að ráðstöfun eigna og aðgangi
að fjármunum og auðlindum
sveitarfélagsins. Þá hefur ekkert
komið fram sem réttlætir leyndina.
Fjárhagsskuldbindingar
yfir 770 milljóna markinu
Skylt er sveitarstjórn, áður en tekin er
ákvörðun um fjárfestingu, framkvæmd
eða aðra skuldbindingu umfram 20% af
skatttekjum, sem hér eru um 770
milljónir, samkvæmt sveitarstjórnar-
lögum, að gera sérstakt mat á áhrifum
hennar á fjárhag sveitarfélagsins.
Skuldbindingar vegna samninga við
Sýndarveruleika ehf. nema, ef engu er
undan skotið, ríflega þeirri upphæð.
Af leynifundum um ráðstöfun
á skattfé almennings
Meirihluti sveitarstjórnar dregur upp
nöturlega mynd af vinnubrögðum
byggðaráðs, nefnda og stjórnsýslu
sveitarfélagsins í Feyki. Látið er að því
liggja að þar sé höndlað með skattfé
íbúanna og fyrirgreiðslu til einka-
fyrirtækja á lokuðum óbókuðum
leynifundum og teknar ákvarðanir sem
í fyllingu tímans verða íbúum ljósar
sem orðinn hlutur. Þar tala þau fyrir
sig. Ekkert er að finna um Sýndar-
veruleika ehf í trúnaðarbókum
byggðarráðs eða nefnda fyrr en í apríl
og þá bókanir minnihlutans. Samn-
ingarnir hafa aldrei verið sýndir í
fagnefndinni. Þá hafa fulltrúar VG og
óháðra aldrei samþykkt neina þá
gjörninga, enda áheyrnarfulltrúar í
byggðaráði og fagnefndinni án
atkvæðisréttar. Langt er seilst, að hluti
af undirbúningi leyniverkefnisins væri
að koma við í HR í gegnum
fjölskyldutengsl eins fulltrúa, og setja
upp sýndarveruleikagleraugu, eftir
málsverð í næsta húsi Nauthóli, á leið í
boð sambands sveitarfélaga. Okkur
hjónum þótti það í besta falli ágætur
samkvæmisleikur og varpa ljósi á
hvernig lundasýningin gæti orðið.
21. desember sl. var hugmyndin um
sýndarveruleika fyrst kynnt byggðaráði
og sveitarstjórn. Áður var samþykkt að
Byggðasafnið færi einnig inn í húsið.
Byggðasafnið þurfti ekki allt húsið og
hægt að hafa leigutekjur af fleiri
sýningum. Það er langur vegur frá
kynningu á smellinni hugmynd og
fjárskuldbindingum fyrir hundruð
milljóna króna sem dunkuðu upp
nokkrum vikum síðar.
Leynisamningarnir
15. febrúar sl. samþykkti byggðaráð að
ganga til samninga við Performa ehf,
um endurbætur á Aðalgötu 21.
Svohljóðandi fundarboð byggðaráðs
með einu máli, barst svo vegna fundar
2. mars: Aðalgata 21A - Utanhússviðhald
- Frumkostnaðaráætlun og greinargerð.
Inn á fundinn var hinsvegar komið
með tvo samninga; annars vegar
samstarfssamning um uppbyggingu á
Sýndarveruleika ehf. og um að fela
fyrirtæki sömu aðila umsjón með
framkvæmdum við húsin sem
sveitarfélagið greiddi fyrir samkvæmt
reikningi. Var rennt yfir þá á skjá en
þeir urðu ekki aðgengilegir til frekari
yfirferðar fyrr en 7. mars fyrir
byggðaráðsfund 8. mars. Enn vantaði
mikilvæg fylgiskjöl með samstarfs-
samningi (vantar enn) og tölur.
Samningarnir voru því ekki lagðir fyrir
fundinn með þeim sólarhringsfyrir-
vara sem áskilinn er í sveitarstjórnar-
lögum. Nú, þremur sveitarstjórnar-
fundum síðar, hafa samningarnir ekki
ennþá verið lagður fyrir sveitarstjórn til
samþykktar eða synjunar. Því liggja
ekki fyrir heimildir til að hefja
framkvæmdir undir stjórn samnings-
aðila. Þar erum við stödd.
Bjarni Jónsson og
Steinunn Rósa Guðmundsdóttir,
Vg og óháðum.
12 17/2018