Feykir - 04.07.2018, Blaðsíða 2

Nú er tími sumarhátíða hafinn fyrir nokkru og svo
sannarlega megum við hér á Norðvesturhorninu vel við
una hvað framboð og fjölbreytni snertir. Fyrstu hátíðirnar
tengjast líklega sjómannadeginum sem víða er haldinn
hátíðlegur með pompi og prakt og margir bíða þess í
ofvæni að taka þátt í
skemmtilegum leikjum og
uppákomum sem í boði eru
fyrir unga sem aldna. Á
mörgum stöðum er dagskrá í
tilefni þjóðhátíðardagsins 17.
júní og svo taka hinar ýmsu
bæjarhátíðir við þar sem
brottfluttir flykkjast á
heimslóðir og gleðjast með
íbúum og öðrum gestum, já og
ekki má nú gleyma öllum
íþróttaviðburðunum.

Það er raunar alveg ótrúlegt hvað jafn lítil þjóð og við
Íslendingar erum getum haldið margar fjöldasamkomur.
Það hlýtur að vera enn eitt heimsmetið sem við eigum
miðað við höfðatölu. Ég held það væri ágætis rannsóknarefni
að taka það allt saman og setja upp í töflur og súlurit.
En hvernig í ósköpunum förum við að þessu, eitthvað
hlýtur þetta nú allt saman að kosta og hvaðan koma
peningarnir?
Víst er að fjölmörg fyrirtæki og stofnanir sýna þessum
viðburðum mikla góðvild og láta sitt af hendi rakna til að af
þeim geti orðið. Hitt er þó örugglega ekki síðri þáttur hve
Íslendingar eru afskaplega duglegir að leggja fram ómælda
sjálfboðavinnu þegar blása skal til hátíðahalda eða
íþróttamóta. Mér er til efs að samkomuþörf okkar
Íslendinga væri hálft eins vel fullnægt ef allra þessara
vinnufúsu handa nyti ekki við þar sem ungir sem aldnir
leggja glaðir hönd á plóg, án þess að ætlast til endurgjalds.
Og svo ég tali nú bara fyrir sjálfa mig þá finnst mér
uppskeran af slíkum verkum alltaf meira gleðiefni en
nokkrar viðbótarkrónur í launaumslaginu.
Fríða Eyjólfsdóttir,
blaðamaður
LEIÐARI
Að leggja hönd á plóg
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Lee Ann Maginnis, bladamadur@feykir.is & 867 3799, Óli Arnar Brynjarsson, oli@feykir.is
Áskriftarverð: 530 kr. hvert tölublað með vsk.
Lausasöluverð: 650 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Í síðustu viku var landað rúmum 111
tonnum á Skagaströnd af 32 bátum.
12 skip og bátar lönduðu rúmum 383
tonnum á Sauðárkróki og á Hofsósi lögðu
tveir bátar upp rúm tvö tonn. Heildafli
síðustu viku á Norðurlandi vestra var 496.820
kíló. /FE
Aflatölur 24. – 30. júní 2018
Málmeyjan með 165 tonn
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
HOFSÓS
Skotta SK 138 Handfæri 372
Þorgrímur SK 27 Handfæri 2.010
Alls á Hofsósi 2.382
SKAGASTRÖND
Addi afi GK 97 Landbeitt lína 11.953
Alda HU 112 Lína 10.255
Auður HU 94 Handfæri 6.502
Beggi á Varmalæk HU 219 Handfæri 739
Bjartur í Vík HU 11 Handfæri 1.498
Blíðfari HU 52 Handfæri 1.073
Blær HU 77 Landbeitt lína 1.045
Bogga í Vík HU 6 Handfæri 1.502
Dísa HU 91 Handfæri 832
Dóra ST 225 Handfæri 1.385
Elín ÞH 82 Handfæri 735
Fengsæll HU 56 Handfæri 2.548
Garpur HU 58 Handfæri 1.393
Geiri HU 69 Handfæri 1.559
Guðmundur á Hópi HU 203 Lína 11.446
Guðrún Ragna HU 162 Handfæri 1.591
Gyðjan HU 44 Handfæri 519
Hafdís HU 85 Handfæri 870
Hulda HF 27 Línutrekt 22.986
Jenný HU 40 Handfæri 652
Kambur HU 24 Handfæri 584
Katrín GK 266 Landbeitt lína 19.174
Kópur HU 118 Handfæri 1.237
Loftur HU 717 Handfæri 1.601
Lukka EA 777 Handfæri 622
Már HU 545 Handfæri 366
Rúnar AK 77 Handfæri 517
Svalur HU 124 Handfæri 1.088
Sæfari HU 212 Landbeitt lína 956
Sæunn HU 30 Handfæri 1.255
Víðir EA 423 Handfæri 1.508
Víðir ÞH 210 Handfæri 510
Alls á Skagaströnd 111.278
SAUÐÁRKRÓKUR
Dagur SK 17 Rækjuvarpa 26.364
Drangey SK 2 Botnvarpa 142.902
Gjávík SK 20 Handfæri 753
Kaldi SK 121 Handfæri 1.107
Kaldi SK 121 Þorskfiskinet 2.896
Kristín SK 77 Handfæri 1.555
Maró SK 33 Handfæri 1.649
Málmey SK 1 Botnvarpa 165.468
Már SK 90 Handfæri 683
Onni HU 36 Dragnót 9.465
Sigurborg SH 12 Rækjuvarpa 29.361
Steini G SK 14 Handfæri 957
Alls á Sauðárkróki 383.160
Hestaferðir um söguslóðir
Þrjár hestaferðir um söguslóðir
Fyrr í sumar auglýsti Magnús
Ólafsson frá Sveinstöðum,
hestaferðir um söguslóðir
morðanna á Illugastöðum
og síðustu aftöku á Íslandi í
janúar 1830. Í upphafi voru
auglýstar tvær fimm daga
ferðir, en vegna mikils áhuga
hefur hann nú bætt þeirri
þriðju við. Enn er möguleiki
á að bóka sig í einhverja af
þessum þremur ferðum.

Allt síðan að Magnús ákvað að
fara þessar ferðir hefur hann
bætt þekkingu sína á sögunni
og er alltaf að finna nýja vinkla.
Sagan er mjög áhugaverð og
hana má segja frá ýmsum
sjónarhornum. ,,Ég lofa því
engu um að sögurnar verði eins
í hverri ferð, en kjarninn verður
sá sami. Morðin á Illugastöðum,
aftakan á Þrístöpum, forleikur
að þessum atburðum og
eftirmálin, skilaboð frá löngu
látnu fólki,“ útskýrir Magnús.
Fyrsta ferðin hefst
fimmtudaginn 19. júlí, sú næsta
fimmtudaginn 9. ágúst en
lokaferðin hefst laugardaginn
18. ágúst. Magnús sjálfur sér um
leiðsögn og sögustundir á
áningastöðum. Hver þátt-
takandi sér um hnakk, hest,
nesti og gistingu. Æskilegt að
hver þátttakandi hafi a.m.k. tvo
hesta en leyfilegt er að vera með
þrjá. Að mati Magnúsar duga
tveir duglegir hestar alveg í
þessa ferð, enda dagleiðir ekki
mjög langar og oft stoppað til að
segja sögur. Oftast verða lausir
hestar reknir en þegar riðið
verður yfir Vatnsnes þurfa
þátttakendur að vera með lausa
hesta í taumi. Engin skylda er að
fólk ríði með alla dagana fimm.
Ferðin hefst með sögustund á
Þrístöpum að morgni fyrsta
dags en þaðan er riðið að
Breiðabólstað í Vesturhópi.
Næsta dag verður riðið yfir
Vatnsnes og hestar geymdir í
hólfi við morðstaðinn á
Illugastöðum. Á þriðja degi
veður riðið að Tjörn, þar sem
Agnes og Friðrik voru grafin
eftir að hafa, í rúm 100 ár, legið á
Þrístöpum. Síðan verður farið
upp Katadal og yfir í Vesturhóp.
Á fjórða degi verður riðið hjá
Vatnsenda, yfir Þingeyrasand í
Sveinsstaði. Á fimmta degi riðið
um Vatnsdal, uppeldisslóðir
Agnesar og framhjá Kornsá og
Hvammi. Ferðalok verða á
Sveinsstöðum. Sögustundir
verða hér og þar á áningastöðum.
Frekari upplýsingar má fá hjá
Magnúsi sjálfum með því að
senda honum skilaboð á
Facebook, með tölvupósti á
netfangið mao@centrum.is eða
í síma 898 5695. /LAM
Illugastaðir á Vatnsnesi. MYND: MAGNÚS ÓLAFSSON
Vestur - Húnavatnssýsla
Notað og nýtt hjá
húsfreyjunum á Vatnsnesi
Húsfreyjurnar munu bjóða upp á vöfflukaffi í Hamarsbúð á
Vatnsnesi nk. sunnudag, þann 8. júlí frá kl. 13-17.
Í Hamarsbúð verður einnig flóamarkaður, handverksmarkaður
og hnossgæti úr héraði - allt að hætti Húsfreyjanna.
Hlaðborðið vinsæla verður svo á sínum stað um
Verslunarmannahelgina eins og húsfreyjanna hefur verið háttur
mörg undanfarin ár. /LAM
2 26/2018