Feykir - 15.08.2018, Blaðsíða 9
sofnuð. Ef ég hins vegar kveiki
á sjónvarpinu verður N4 stöðin
yfirleitt fyrir valinu.
Besta bíómyndin? Notting Hill -
því Spike er flottastur.
Hvaða íþróttamanni hefurðu
mestar mætur á? Ég hefði seint
trúað mér til þess að segja þetta,
en ég er kolfallin fyrir landsliðinu
okkar í fótbolta. Ég eltist við að
horfa á leikina nú í sumar m.a.
á írskum bar í Chicago, flugvelli
í London, strönd á Kalamata í
Grikklandi og á götuhorni í Aþenu.
Alls staðar fann ég stuðninginn við
Ísland og áhugann á okkar litlu
þjóð sem er samt svo öflug. Fátt
hefur sameinað þjóðina á eins
jákvæðan hátt eins og landsliðið
í fótbolta hefur gert síðustu ár,
þeir eru algjörlega magnaðir.
Núna hlakka ég til að fylgjast með
kvennaboltanum næst.
Hvað gerir þú betur en allir aðrir
á þínu heimili? Ég geri nokkurn
veginn allt á heimilinu, en er þó
mun flinkari með ryksuguna en
borvél þó ég brúki hvoru tveggja.
Hvert er snilldarverkið þitt í
eldhúsinu? Börnin mín myndu
sennilega segja Lasagne en ég tel
að sérgreinin sé að elda allt mjög
hratt, enda yfirleitt að flýta mér.
Hættulegasta helgarnammið?
Það er ekkert sem heitir helgar-
nammi þegar maður borðar gott
súkkulaði alla daga...
Hvernig er eggið best? Hrært
ofan á beiglu.
Hvað fer mest í taugarnar á þér í
fari þínu? Hvað ég er ómannglögg
og gleymin. Og brjálæðislega
lofthrædd, er t.d. talsvert að vinna
með kertaljós þegar ljósaperurnar
springa. Ég asnaðist til að kaupa
íbúð á annarri hæð og klöngrast
nú skjálfandi upp stillansa til að
mála húsið að utan. Það örlar
á kaldhæðni hjá börnunum
mínum þegar þau kalla mig
„spidermom”...
Hvað fer mest í taugarnar á þér
í fari annarra? Óheiðarleiki og
neikvæðni.
Uppáhalds málsháttur eða
tilvitnun? „Dreams don´t come
true, decisions do.”
Hvaða fræga manneskja mundir
þú helst vilja vera? Ég myndi
vilja vera David Attenborough.
Fróðleikurinn sem hann býr yfir og
hlutirnir sem hann hefur upplifað
eru svo stórkostlegir.
Hver er uppáhalds bókin þín
og/eða rithöfundur? Bróðir minn
Ljónshjarta eftir Astrid Lindgren
því boðskapur hennar um að lífið
sé ekki alltaf gott og dauðinn sé
ekki alltaf slæmur er svo sterkur.
Það var algjörlega frábært að fara
í Astrid Lindgren garðinn í Svíþjóð
fyrir nokkrum árum og upplifa
Nangijala með eldri börnunum.
Orð eða frasi sem þú notar of
mikið? Æi, hættu þessu væli...
Ef þú gætir farið til baka í
tímann, hvert færirðu? Til fram-
haldsskólaáranna. Þetta var svo
áhyggjulaus og skemmtilegur
tími. Maður gat líka verið ungur
og vitlaus í friði án þess að það
rataði á samfélagsmiðla að
eilífu. Ef einhver náði óheppilegri
mynd þá gat maður bara nappað
ljósmyndinni og negatívunni með.
Ekki það að ég hafi nokkru sinni
haft ástæðu til að gera það…
Hver væri titillinn á ævisögu
þinni? Mistök eru mannbætandi.
Framlenging:
Ef þú gætir hoppað upp í flugvél
og réðir hvert hún færi, þá
færirðu… til Hawaii.
Bucket list spurningin: Nefndu
eitthvað þrennt sem þér finnst
þú mega til að gera áður en
þú gefur upp öndina: Hlaupa
maraþon, skrifa bækur
og heimsækja áfram eitt
nýtt land á hverju ári.
Hvernig nemandi varstu? Ég
held að ég hafi verið ágætlega
þolanleg - að minnsta kosti er
fyrrverandi umsjónarkennari minn
núverandi skólastjórinn minn, en
kannski er hann bara fljótur að
gleyma :)
Hvað er eftirminnilegast frá
fermingardeginum? Þegar aldr-
aður frændi minn óskaði mér til
hamingju með daginn og ég heyrði
hann muldra “hvur andskotinn, er
þetta stelpa…” þegar hann gekk
í burtu, en ég var burstaklippt í
skítagallanum fram að fermingu
og var ævinlega heilsað sem
dreng þegar ég var yngri.
Hvað ætlaðir þú að verða þegar
þú yrðir stór? Sálfræðingur - en
þar sem ég var í mörg ár með
sumarskóla fyrir fósturbörn sem
voru hjá mömmu og pabba í sveit,
þá vissu víst allir í kringum um
mig að ég yrði kennari, nema ég.
Besti ilmurinn? Lyktin af ný-
slegnu grasi og ilmurinn af
pönnukökunum hennar mömmu.
Hvað varstu að hlusta á þegar
þú fékkst bílprófið? U2 - og þeir
eru enn uppáhalds.
Hvernig slakarðu á? Með því
að hlaupa og prjóna. Ég hanna
prjónavörur undir merkinu Elfs
Design og sel hingað og þangað
um heiminn.
Hverju missirðu helst ekki af í
sjónvarpinu? Ég horfi almennt
ekki á sjónvarp. Þar sem er yfirleitt
nóg að gera þá nota ég kvöldin
yfirleitt í vinnu þegar börnin eru
NAFN: Álfhildur Leifsdóttir.
ÁRGANGUR: 1977.
FJÖLSKYLDUHAGIR: Ég er einstæð móðir Halldóru 12 ára, Sindra 11
ára og Kötlu 5 ára.
BÚSETA: Sauðárkrókur.
HVERRA MANNA ERTU OG HVAR UPP ALIN/N: Ég er dóttir Kristínar og
Leifs frá Keldudal, yngst af sex systkinum og var svo heppin
að alast þar upp við bústörf og hestamennsku þar til ég fór
suður í háskólanám.
STARF / NÁM: Ég er menntaður kerfisfræðingur og grunnskóla-
kennari og starfa við kennslu í Árskóla. Að auki er ég einn af
þremur Apple Professional Learner Specialist á landinu sem
þýðir að ég kem að endurmenntun annarra kennara víða
um land hvað varðar tækni í skólastarfi, sem er gríðarlega
skemmtileg vinna.
HVAÐ ER Í DEIGLUNNI: Ég tók nýverið sæti í sveitarstjórn Skaga-
fjarðar og er afar þakklát því trausti sem mér hefur verið
sýnt. Þar bíða mörg verkefni sem ég hlakka til að takast
á við með góðu fólki. Ég fékk líka nýverið það hlutverk
að vera eTwinning sendiherra á Íslandi, en eTwinning
er rafrænt skólasamfélag Evrópu og þar bíða örugglega
nokkur skemmtileg verkefni. Að auki stendur til að
skottast eitt hálfmaraþon í Eistlandi í haust og kíkja með
saumaklúbbnum til Dublin, en aðalatriðið er þó alltaf að
njóta hversdagsleikans með börnunum mínum.
Álfhildur í útlöndum. MYND ÚR EINKASAFNI
Listir og menning
Hasarlífs-
stíll Arnars
Úlfs
Skagfirðingurinn Arnar Freyr
Frostason, öðru nafni Arnar
Úlfur, sendi á dögunum frá sér
splunkunýja sólóplötu sem ber
titilinn Hasarlífsstíll. Á plötunni
eru átta lög og fær kappinn
til liðs við sig nokkra skínandi
gesti sem hjálpa til við rappið.
Hægt er að hlýða á verkið á
tónlistarveitunni Spotify sem
flestir ættu að þekkja.
Á Facebook-síðu meistarans
segir: „Í morgun [föstudag] gaf
ég út fyrstu sóló plötuna mína.
Þetta verkefni hófst sem hálfgert
grín á milli mín og Björns Vals,
rétt á meðan ég beið eftir því að
Helgi [hinn helmingur Úlfur
Úlfur á móti Arnari] kláraði að
gera tónlistina við Stellu Blóm-
kvist seinasta haust. Björn gerði
takta og ég gaulaði jafnóðum
yfir þá án þess að setja
spurningarmerki við nokkurn
skapaðan hlut.
Það var eiginlega alveg óvart
að okkur fannst lögin það góð að
við fórum að taka verkefnið
alvarlega, hóa í okkar besta fólk
til að taka þátt og brýna og slípa
en ég gæti ekki verið sælli í dag
með þá ákvörðun. Þetta mun
sennilega lifa lengur en eitthvað
grín á milli mín og Björns.
Gestir á plötunni eru Salka Sól,
Helgi Sæmundur, Kött Grá Pje
og Kjartan Lauritzen (Per Áki)
og þau gera öll sitt besta til að
kasta skugga á mig. Þannig á
það að vera.
5 lög eru eftir Björn Val, 2
eftir Sin Fang og 1 eftir Redd
Lights. Björn Valur og Helgi
mixuðu allt nema Hvítur tígur,
Reddlights sáu um sig sjálfir.
Friðfinnur Oculus masteraði
allt.“
Í lokin er kannski rétt að
bæta því við að Salka Sól rappar
í ætt við Cardi B í laginu Falafel
nema hvað Arnar segir það
vera að gera út af við sig að
hann hafi gleymt að ríma Salka
Sól við Tindastól – sem er
auðvitað synd. /ÓAB
Hasarlífsstíll – Arnar við kaggann.
MYND AF FACEBOOK-SÍÐU ARNARS
( RABB-A-BABB ) oli@feykir.is
Álfhildur
30/2018 9