Feykir - 12.09.2018, Blaðsíða 2
Fjölmiðlar flytja okkur daglega fréttir af því hvað illskan í
heiminum er mikil. Þar er af nógu að taka, þúsundir flýja
frá stríðshrjáðum löndum, skotársir í skólum í
Bandaríkjunum, saklausir borg-
arar drepnir í hryðjuverkum hér
og þar um heiminn, ógnar-
stjórnir og einræðisherrar beita
þegna sína harðræði og svona
mætti lengi telja.
En þetta er nú auðvitað allt í
útlöndunum og lítil ástæða fyrir
okkur hér á Íslandinu góða að
vera að kippa okkur upp við það.
Auðvitað heyrum við öðru hvoru
af líkamsárásum og öðru ofbeldi en það er jú oftast eitthvað
skaddað fók sem þar á í hlut, það hlýtur bara að vera.
En því miður þá virðist geislabaugurinn ekki vera alveg
gljáfægður hjá ýmsum atvinnurekendum landsins, meira að
segja virðast þeir ekki vera neitt skárri þó þeir starfi úti á
landi. Það er með ólíkindum hvað aurapúkinn fær suma til
að leggjast lágt. Af nógu er að taka ef marka má fréttir:
„Ólögleg sjálfboðaliðastarfsemi, launastuldur, ófullnægjandi
ráðningarsamningar, misnotkun á vinnandi fólki, brot á
ákvæðum um hvíldartíma, óviðunandi aðbúnaður og
misnotkun í tengslum við útleigu íbúðarhúsnæðis í eigu
atvinnurekanda.“ Allt eru þetta atriði sem talin eru upp í
ályktun frá formannafundi Starfsgreinasambandsins og sagt
er frá í Morgunblaðinu í gær. Flest snúa þessi dæmi að
innfluttu vinnuafli, fólki sem kemur hingað til lands í góðri
trú til að vinna fyrir sér og oft á tíðum fjölskyldum sínum.
Og Íslendingar, sem hafa alla tíð verið talin afar gestrisin
þjóð, virðast hafa það sem þjóðarsport að svindla á gestum
sínum. Í sumum tilfellum er svo langt gengið að ASÍ telur
jafnvel um mansal að ræða en það er kurteisislegt orð yfir
þrælahald.
Ég held að íslenskir atvinnurekendur þurfi aðeins að fara
að taka til í sínum ranni og almenningur þarf, eins og
sérfræðingur í vinnustaðaeftirliti hjá ASÍ sagði í fréttum
sjónvarps á mánudag, að hætta meðvirkni með þeim aðilum
sem brjóta á vinnuafli sínu. Við getum ekki alltaf snúið
blinda auganu að því sem miður má fara og þar með gefið
þögult samþykki fyrir því að það sé fullkomlega eðlilegt að
níðast á þessum „útlendingaræflum“ sem hingað koma í
atvinnuleit. Ég bara vil ekki trúa að okkur finnist það bara
vera í himnalagi.
Fríða Eyjólfsdóttir,
blaðamaður
LEIÐARI
Er allt í himnalagi?
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Óli Arnar Brynjarsson, oli@feykir.is
Áskriftarverð: 530 kr. hvert tölublað með vsk.
Lausasöluverð: 650 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Eins og sjá má af umfangi aflafrétta er nú
strandveiðitímabilinu lokið enda fækkar
bátum á sjó umtalsvert.
Í síðustu viku lönduðu 28 bátar á
Skagaströnd og var samanlagður afli þeirra
rúm 253 tonn. Á Sauðárkróki lönduðu átta
skip og bátar rúmu 441 tonni. Engu var
landað á Hvammstanga og á Hofsósi.
Heildarafli vikunnar var 694.942 kíló. /FE
Aflatölur 2. – 8. september 2018 á Norðurlandi vestra
253 tonn á Skagaströnd
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
SKAGASTRÖND
Alda HU 112 Lína 30.376
Auður HU 94 Handfæri 3.284
Bragi Magg HU 70 Handfæri 5.242
Daðey GK 777 Handfæri 3.528
Daðey GK 777 Lína 21.113
Dísa HU 91 Handfæri 2.967
Dóra ST 225 Handfæri 2.995
Dúddi Gísla GK 48 Lína 14.338
Fengsæll HU 56 Handfæri 1.888
Garpur HU 58 Handfæri 898
Geiri HU 69 Handfæri 1.220
Guðbjörg GK 666 Lína 41.391
Guðmundur á Hópi HU 203 Handfæri 3.711
Guðmundur á Hópi HU 203 Lína 11.309
Hafrún HU 12 Dragnót 13.490
Hanna SH 28 Handfæri 3.378
Hulda GK 17 Lína 31.124
Húni HU 62 Handfæri 1.116
Jenný HU 40 Handfæri 1.186
Kambur HU 24 Handfæri 1.196
Kópur HU 118 Handfæri 827
Kristborg SH 108 Handfæri 3.310
Kristinn SH 812 Landbeitt lína 38.353
Magnús HU 26 Handfæri 6.944
Magnús HU 23 Landbeitt lína 1.311
Ólafur Magnússon HU 54 Handfæri 475
Rán GK 91 Landbeitt lína 6.037
Sæunn HU 30 Handfæri 465
Alls á Skagaströnd 253.472
SAUÐÁRKRÓKUR
Drangey SK 2 Botnvarpa 99.789
Fjölnir GK 157 Lína 47.312
Hafborg SK 54 Þorskfiskinet 8.923
Kristín GK 457 Lína 66.654
Málmey SK 1 Botnvarpa 161.663
Onni HU 36 Dragnót 22.629
Sigurborg SH 12 Rækjuvarpa 31.740
Sæfari HU 212 Landbeitt lína 2.760
Alls á Sauðárkróki 441.470
Fiskmarkaður Íslands
Starfsstöð opnuð á Króknum
Fiskmarkaður Íslands
hf. opnaði starfsstöð á
Sauðárkróki í síðustu viku til
viðbótar við þær átta sem
félagið hefur rekið víða um
land. Til þessa hefur ekki verið
aðgengilegt að selja afla frá
Sauðárkróki með endurvigt og
verður það stærsta breytingin,
að sögn Arons Baldurssonar,
framkvæmdastjóra
fyrirtækisins.
„Seldur afli með réttari vigt
vegna endurvigtar endurspeglar
hærra verð,“ segir Aron en hann
telur að með tilkomu starfs-
stöðvarinnar megi ætla að frek-
ari áhugi verði á löndunum og
þjónustu í höfninni almennt.
Áður fór afli vestur á Skaga-
strönd, millilenti þar og þaðan
keyrt til kaupenda.
Á heimasíðu Fiskmarkaðar-
ins kemur fram að meirihluti þess
afla sem seldur er hjá Fiskmark-
aði Íslands sé af dagróðrabátum
og er fiskurinn þá oftast seldur
áður en honum er landað. Það
tryggir kaupandanum góðan og
ferskan fisk. Uppboð fara fram á
netinu í uppboðskerfi Reikni-
stofu fiskmarkaða kl. 13:00 alla
virka daga og geta kaupendur
því tengst uppboðskerfinu frá
tölvum sínum hvaðan sem er úr
heiminum.
Húsnæði fiskmarkaðarins á
Sauðárkróki er staðsett að
Háeyri 6 sem er í eigu Sveitar-
félagsins Skagafjarðar en það
húsnæði keypti sveitarfélagið
fyrr í sumar undir starfsemi
hafnarinnar. Auk þess að leigja
Fiskmarkaði Íslands verður í
húsinu verkstæði og skrifstofa
Skagafjarðarhafna. /PF
Óskar Meldal sölustjóri ásamt nýráðnum útibússtjóra Fiskmarkaðar Íslands á Sauðár-
króki, Helga Þór Emilssyni. MYND: PF
Skíðasvæðið í Tindastól
Slys við uppsetningu skíðalyftu
Maður var fluttur með sjúkraflugi á bráða-
móttökuna við Fossvog eftir að hafa lent í
slysi við uppsetningu skíðalyftu í Tindastól í
síðustu viku. Verið var að koma endahjóli fyrir á
endamastur, gírnum á drifstöðina, þegar spotti
slitnaði með þeim afleiðingum að hjólið féll
ofan á manninn.
Verið var að leggja lokahönd á grófvinnu
lyftunnar áður en vírnum verður komið fyrir. Svo
vel vildi til að hraustir menn voru viðstaddir og
gátu lyft þungu hjólinu og komið manninum
undan. Vel gekk að koma honum niður hlíðina og
undir læknishendur. Við skoðun kom í ljós að tíu
rifbein höfðu brotnað í manninum en auk þess er
hann axlarbrotinn á vinstri, með brotið herðablað
og smávægilega innvortis blæðingu. Mildi þykir að
hann hafi verið með hjálm, sem hlífði höfðinu, en
hann brotnaði við atganginn.
Samkvæmt heimildum Feykis er líðan manns-
ins góð miðað við aðstæður og hann orðinn ról-
fær. /PF
2 34/2018