Fréttablaðið - 24.04.2020, Page 6

Ég myndi giska á að
ríkt og fjölbreytt
dýralíf hafi verið á Suður-
skautslandinu.
Thomas Mörs, yfirsafnfræðingur
Innleiðingin hjá
okkur hefur ekki
verið mjög hörð en þetta
hefur gengið frekar smurt og
við auglýsum þetta vel
innan skólans.
Steinunn
Gestsdóttir,
aðstoðarrektor
kennslumála
og þróunar
MENNTUN Háskóli Íslands hefur
nú haldið fimm námskeið í gegn-
um edX, alþjóðlegt samstarfsnet
háskóla um opin netnámskeið. Hafa
alls 17.900 nemendur tekið þátt frá
140 löndum. Sá yngsti 12 ára og
sá elsti 92. Steinunn Gestsdóttir,
aðstoðarrektor kennslumála og
þróunar, segir að háskólinn muni
nýta þetta meira í framtíðinni.
Bandarísku háskólarnir Harvard
og MIT komu edX-kerfinu á legg
árið 2012. Hugmyndin með því var
að gefa f leirum færi á að komast í
tæri við fremstu menntastofnanir
heimsins og verkefnið er ekki rekið
með hagnað í huga. Háskóla Íslands
var boðið að taka þátt árið 2017.
Í dag eru um 145 háskólar, stofn-
anir og fyrirtæki í edX-netinu og
27 milljónir nemenda hafa nýtt sér
námskeiðin.
„Námskeiðin eru á öllum mögu-
legum fræðasviðum og sérstak-
lega mörg tengd viðskiptum og
atvinnulífinu. Þar sem þetta er
kennt í gegnum netið eru þau yfir-
leitt frekar stutt,“ segir Steinunn.
Námskeiðin byggjast ekki aðeins
á fyrirlestrum, heldur einnig verk-
efnavinnu, umræðum og prófum.
Háskóli Íslands hefur til þessa
boðið upp á f imm námskeið.
Um Íslendingasögurnar, menn-
ingarlæsi, eldfjallavöktun og jarð-
skorpuhreyfingar, jafnréttisfræði
og beit íslensks sauðfjár og var það
síðastnefnda unnið í samstarfi við
Landbúnaðarháskólann. Öll hafa
verið feykivinsæl og námskeiðin
um eldfjallavöktun og sauðfjárbeit
bæði verið valin af notendum sem
framúrskarandi netnámskeið. Þá
eru enn f leiri námskeið í vinnslu,
svo sem um sjálf bærni á Íslandi,
auðlindir hafsins og smáríki í
alþjóðakerfinu.
Aðspurð um einingar og réttindi
segir Steinunn að hægt sé að taka
stutt meistaraprógrömm beint
í gegnum edX og fá mat frá við-
komandi háskóla sem rekur hvert
námskeið. „Kennararnir hér eru
að komast upp á lagið með að nota
kerfið, til dæmis sem forkröfu til að
geta hafið visst nám eða sem hluta
af námskeiði sem kennt er við skól-
ann,“ segir hún. Alls er 2.881 nám-
skeið í boði núna og 247 námsleiðir.
Oft eru þetta námskeið sem fremstu
fræðimenn heimsins á hverju sviði
kenna.
„Innleiðingin hjá okkur hefur
ekki verið mjög hörð en þetta hefur
gengið frekar smurt og við auglýs-
um þetta vel innan skólans,“ segir
Steinunn. „Markmið Háskólans
með þátttöku var tvenns konar,
annars vegar að veita nemendum og
kennurum okkar aðgang að efninu
og hins vegar að læra af þeim bestu
og ýta undir upplýsingatækni-
væðingu í kennslu almennt. Ég held
að hvoru tveggja hafi tekist vel.“
Kerfið er ókeypis og opið öllum
sem vilja fræðast, en ef fólk vill nýta
námskeiðin til eininga og fá ein-
kunn fyrir er tekið vægt gjald. Nám-
skeiðin hafa verið gerð aðgengileg
án endurgjalds tímabundið fyrir
alla nemendur skóla sem eiga aðild
að edX vegna COVID-19 farald-
ursins.
Segir Steinunn að nú sé verið
að skoða hvort hægt sé að bjóða
áframhaldandi ókeypis aðgang,
þar sem búist sé við auknum fjölda
nemenda í háskóla í kjölfar aukins
atvinnuleysis. EdX-námskeið kunni
að vera góður kostur sem eitt úrræði
sem nýst gæti þeim hópi.
kristinnhaukur@frettabladid.is
Yngsti nemandinn tólf ára
og sá elsti níutíu og tveggja
Háskóli Íslands hefur haldið fimm námskeið í gegnum edX, samstarfsnet fremstu háskóla heimsins.
Tæplega 18 þúsund nemendur frá 140 löndum hafa sótt námskeiðin, sá yngsti 12 ára og elsti 92 ára.
Námskeið um eldfjallavöktun og beit íslensks sauðfjár voru valin framúrskarandi af notendum edX.
MEXÍKÓ Heilbrigðisstarfsfólk um
allan heim er í framlínu COVID-
19 faraldursins og setur sig sjálft
í mikla hættu. Hefur það hlotið
mikið lof fyrir óeigingjörn störf
sín víðast hvar, nema í Mexíkó.
Þar í landi hafa fjölmargir hjúkr-
unarfræðingar og læknar orðið fyrir
ofbeldi á götum úti og verið sakaðir
um að dreifa veirunni.
COVID-19 faraldurinn hefur
verið í vexti í Mexíkó undanfarna
daga. Alls hafa rúmlega 10 þúsund
tilfelli verið greind en þúsund
þeirra undanfarinn sólarhring.
Tæplega þúsund hafa látist og and-
látum hefur fjölgað hratt. Rétt eins
og margir þjóðarleiðtogar gerðist
forseti Mexíkó, Andres Obrador,
sekur um að gera lítið úr hættunni
í upphafi faraldursins. Hefur hann
hlotið gagnrýni fyrir að bregðast
seint við og heilbrigðisstarfsfólk
hefur mótmælt því að þau fái lítinn
og lélegan hlífðarbúnað.
Reiði almennings beinist aftur
á móti að heilbrigðisstarfsfólkinu
sjálfu og hafa margir lýst árásum
á götum úti. Í samtali við breska
blaðið The Guardian segir læknir-
inn Jovanna, sem starfar í Guadalaj-
ara, frá því að klór hafi verið skvett
framan í hana. Hún hafi ekki séð
árásarmanninn en fengið brunasár
í framan. Annar læknir í borginni
hafi orðið fyrir sams konar árás
sama dag.
Hjúkrunarfræðingurinn Sandra,
sem býr í San Luis Potosí, varð fyrir
árás konu fyrir utan kaffihús. „Hún
barði mig í andlitið og ég reyndi
að verja mig,“ segir Sandra. „Tveir
fingur á hægri hendi brákuðust.“
Auk þess sem veist er að heil-
brigðisstarfsfólki á götum úti hefur
það verið rekið úr strætisvögnum,
búðum, veitingastöðum og jafn-
vel af heimilum sínum. Þá er ótalið
níðið á netinu. Er nú svo komið að
margir þora ekki að klæðast hvítum
einkennisfötum nema inni á sjúkra-
húsunum. – khg
Heilbrigðisstarfsfólk í Mexíkó verður fyrir ofbeldi á götum úti
Háskóla Íslands var boðið að taka þátt árið 2017 og hefur þegar haldið fimm námskeið. FRÉTTABLAÐIÐ/ANTON BRINK
Mótmæli í borginni Coahuila þar
sem læknir lést nýlega. MYND/EPA
VÍSINDI Vísindamenn hafa fundið
steingerving frosks á Suðurskauts-
landinu, sem talinn er vera um 40
milljón ára gamall. Er þetta í fyrsta
sinn sem sannanir finnast fyrir því
að froskdýr hafi lifað í heimsálf-
unni.
Steingervingurinn fannst á eyj-
unni Seymour, við skaga á Suður-
skautslandsins er vísar í átt að Suð-
ur-Ameríku. Hefur froskurinn verið
um 5 sentímetra langur og mjög
áþekkur mörgum af þeim froskum
sem lifa í Patagóníuhéröðum Arg-
entínu og Síle í dag.
„Ég myndi giska á að ríkt og fjöl-
breytt dýralíf hafi verið á Suður-
skautslandinu. Við höfum aðeins
fundið eitt prósent af því sem til
hefur verið,“ segir Thomas Mörs,
yfirsafnfræðingur við Náttúru-
gripasafn Svíþjóðar, sem tekur þátt
í rannsókn á svæðinu.
Áður höfðu fundist steingerv-
ingar vatnalilja, sem gaf vísinda-
mönnunum vísbendingar um að á
svæðinu hefði verið ferskvatn sem
hefði haldist ófrosið allt árið. Vet-
urnir hafa þó verið langir og gerir
Mörs ráð fyrir því að þessi froskur
hafi getað grafið sig í leðju og lagst í
dvala yfir langan tíma.
Fleiri tegundir hafa fundist á
Seymour-eyju, svo sem blóðsugur.
Mörs telur að lífríkið í Patagóníu
gæti verið ágætismælikvarði á
hvernig Suðurskautslandið leit út
áður en jöklarnir tóku yfir.
– khg
Froskar lifðu á
Suðurskautinu
Jöklarnir eru nú aftur að víkja.
ÞÝSKALAND Suður- og vesturhluti
Evrópu er sá heimshluti sem verst
hefur farið út úr COVID-19 faraldr-
inum. Þá sérstaklega lönd eins og
Belgía, Ítalía, Spánn og Frakkland.
Þýskaland hefur sloppið betur
og yfirvöld þar fengið hrós fyrir
að taka faraldurinn alvarlega. Í
gær sagði Angela Merkel, kanslari
landsins, að Þýskaland væri tilbúið
til þess að setja meira fé í sameigin-
lega Evrópusjóði til að bregðast við
ástandinu.
Sumir hafa gagnrýnt Evrópusam-
bandið fyrir að sýna ekki samstöðu
á slíkum krísutímum en í undirbún-
ingi er risavaxinn björgunarpakki
sem leiðtogar álfunnar munu funda
um á komandi dögum. Merkel gaf
út áðurnefnda yfirlýsingu í þýska
þinginu í gær.
„Í anda samstöðu ættum við að
vera tilbúin til að veita umtalsvert
hærri framlög til Evrópusambands-
sjóða yfir ákveðið tímabil. Af því að
við viljum að öll sambandsríkin geti
náði sér efnahagslega,“ sagði hún.
Sambandsríkin munu setja 540
milljarða evra, eða 85 billjónir
króna, í neyðarpakka. Í kjölfarið,
þegar faraldurinn er genginn yfir,
verður annar sjóður settur á fót
svokallaður batasjóður, en óvíst er
hversu stór hann verður.
Ríkjum verður í sjálfsvald sett
hvernig þau nota styrkina til að
bregðast við bráðavandanum en
þegar kemur að seinni útdeilingu
verða skilyrði sett.
Ljóst er að lönd í norðurhluta
Evrópu, þar sem betur hefur tekist
til við að kljást við veiruna, munu
borga meira en lönd í suðurhlut-
anum. Helsta vandamálið verður að
sannfæra austurhlutann um að þró-
unarstyrkir sem renna áttu til þeirra
verði frekar nýttir til að styrkja þau
lönd sem verst hafa orðið úti. – khg
Þjóðverjar munu borga meira en aðrir í björgunarsjóði Evrópu
Angela Merkel kanslari ávarpaði
þýska þingið í gær. MYND/EPA
Í anda samstöðu
ættum við að vera
tilbúin til að veita umtals-
vert hærri framlög til
Evrópusambandssjóða yfir
ákveðið tímabil.
Angela Merkel,
Þýskalandskanslari
2 4 . A P R Í L 2 0 2 0 F Ö S T U D A G U R6 F R É T T I R ∙ F R É T T A B L A Ð I Ð