Bæjarbót - 01.04.1987, Blaðsíða 4

4

Óliáð flokkadrætti
Knattspymudeildin stendur á tímamótum:
r
, ,Eg er viss um að tímanum
hefur verið vel varið ‘ ‘
—spjallað við Jónas Þórhallsson formann Knatt-
spyrnudeildar UMFG
Knattspyrnudeild UMFG
verður 10 ára á þessu ári, en saga
íþróttarinnar er vitaskuld lengri
í bænum. Á þessum 10 árum
hafa áhugasamir formenn hald-
ið um stjórnvölinn. Menn eins
og Sigurður G. Ólafsson, Gunn-
laugur Hreinsson, Gunnar Vil-
bergsson, Ragnar Ragnarsson,
Hilmar Knútsson, Hermann
Guðmundsson og nú síðast Jón-
as Þórhallsson. Auk þessara
manna hafa ávallt setið áhuga-
samir menn í stjórn deildarinnar
og hægt og bítandi lagt grunn-
inn að því að Knattspyrnudeild
UMFG er nú glæsilega rekið
áhugamannafélag, stefnufast,
með góð markmið. Að efla æsk-
una í leik og starfi og ná árangri.
Bæjarbót hitti hinn ötula for-
mann deildarinnar, Jónas Þór-
hallsson, að máli og spurði hann
fyrst um nýja félagsheimilið.
,,Þetta var draumur, sem
lengi hafði verið hjá okkur,
þessum kjarna sem mest höfum
unnið að félagsmálum deildar-
innar. Sumarið 1983, í for-
mannstíð Ragnars Ragnars-
sonar var Kjartan Másson þjálf-
ari hérna og hann lagði mjög
mikla áherslu á að deildin ætti
einhvern samastað og þá fórum
Ragnar Ragnarsson hefur
unnið frábært starffyrir deild-
ina.
við að huga að því að eignast
hús. Við skoðuðum ýmsa mögu-
leika, sumarbústaði, gamla
hafnarvarðahúsið og fleira.
Síðan varð það úr að Gunnlaug-
ur Hreinsson og Hilmar Knúts-
son drifu í að teikna þetta hús og
útvega öll tilskilin leyfi og áður
en menn vissu af var kominn
sökkull! Síðan hefur þetta verið
látlaus sjálfboðavinna, þó með
hléum. Grindin var reist 1984,
húsið gert fokhelt 1985 og síðan
var lokaátakið 1986. Við tókum
húsið í notkun 26. júní 1986.
Það var stór stund.“
En hverju hefur það breytt
fyrir deildina að hafa þessa
aðstöðu?
„Vegna stuttrar reynslu er
nokkuð erfitt að svara því. Ég
held að í sumar komi fyrst í ljós
hve mikilvægt þetta hús er fyrir
deildina. Ég spái því að þegar
fram í sækir muni þetta gjör-
bylta öllu okkar starfi og hugs-
unarhættinum til hins betra. Til
þessa hefur verið mikið og gott
starf í húsinu og það getur
aðeins vaxið ekki bara knatt-
spyrnunni til góða, heldur öllu
æskulýðs- og félagsmálastarfi í
bænum.“
Nú hefur þú, ásamt Ragnari
Ragnarssyni og auðvitað
fleirum, eytt gifurlegum tíma í
uppbyggingu þessarar aðstöðu
fyrir deildina. Sérðu einhvern
tíma eftir þessum ólaunuðu
sjálfboðastörfum?
,,Ég skal segja þér að oft
hefur hverflað að manni að nú
væri nóg komið og aðrir gætu
Hér eru þrír forystumenn með leikmönnum framtíðarinnar. Myndin var tekin við verðlaunaaf-
hendingar eftir vel heppnaða knattspyrnuvertíð sl. haust.
Félagsheimili knattspyrnudeildar UMFG við íþróttavöllinn. Sannarlega öðrum áhugasömum
félögum til eftirbreytni hvernig var staðið að málum.
Jónas Þórhallsson, formaður knattspurnudeildar UMFG. ,,Það
kemur í Ijós ísumar hve mikilvœgt félagsheimilið á eftir að reynast
okkur. “
tekið við. En þetta er nú þannig
að við höfum ekki fyrr lokið
einu verkefni, en vangaveltur
um ný viðfangsefni taka við.
Nýjar hugmyndir og lausnir
þjóta um hugann og láta mann
bara ekki í friði! Nei, nei, ég sé
ekki eftir þessum stundum, og
ég veit að þeim hefur verið vel
varið og ég er viss um að félagar
mínir sem hafa verið í þessu líka
eru mér sammála,“ sagði Jónas
að lokum.
Á síðasta ári sagði einn
bæjarfulltrúinn um starf og
stórhug knattspyrnudeildar-
innar að þar væri „eldmóður
sem alls ekki mætti slökkva, en
yrði að styðja dyggilega.“ Þau
orð segja í rauninni allt sem
segja þarf.
Unnið að gerð grasvallar sl. haust. Gerð vallarins er þrekvirki sem
hlýtur að skila árangri.
Félagsmenn
Sjómanna-
og vélstjórafélags
Grindavíkur!
Sumarbústaður félagsins í Hraunborgum
Grímsnesi verður tilbúinn til leigu eftir mikl-
ar endurbætur fyrstu vikuna í júní. Bústað-
urinn í Húsafelli Borgarfirði er tilbúinn til
leigu.
Stjórn sumarbústaðanna hvetur ykkur sem
ætlið að nota bústaðina í sumar til að sækja
um tímanlega og greiða leigugjaldið við
pöntun.
ATHUGIÐ! Umsóknarfresturinn er til 1.
• r r
jum.
Upplýsingar og móttaka pantana hjá:
Sverrir Jóhannsson, Ránargötu 8, hs. 8064,
vs: 8262.
Björn Gunnarsson, Leynisbr. 9, sími 8198.
Borþór Baldursson, Dalbraut 5, sími 8546.