Fréttablaðið - 14.05.2020, Blaðsíða 38

ÉG LAS HANA OG
HEILLAÐIST SVO
GJÖRSAMLEGA AÐ ÞEGAR ÉG
HAFÐI LOKIÐ VIÐ AÐ LESA
SÍÐUSTU BLAÐSÍÐUNA STÓÐ ÉG
UPP, KVEIKTI Á TÖLVUNNI OG
BYRJAÐI AÐ ÞÝÐA.
Skáldsagan Litla land eftir Gaël Faye er fyrsta bókin sem Rannveig Sigurgeirs-dóttir þýðir, en bókin kom út hjá Angústúru fyrir skömmu.
Rannveig vinnur hjá Heklu í bók-
haldi og fleiru. Hún segir að sig hafi
allt frá unglingsárum langað til að
þýða bók. „Stundum byrjaði ég á
einhverju en strandaði alltaf og
hætti við,“ segir hún. „Svo sá ég á
franskri sjónvarpsstöð viðtal við
Gaël Faye þar sem hann ræddi um
bókina. Ég hugsaði með mér að
bókin hlyti að vera áhugaverð og
pantaði hana að utan. Ég las hana og
heillaðist svo gjörsamlega að þegar
ég hafði lokið við að lesa síðustu
blaðsíðuna stóð ég upp, kveikti á
tölvunni og byrjaði að þýða. Þessi
bók, sem er afar fallega skrifuð,
hafði gríðarsterk áhrif á mig. Mér
fannst ég verða að koma þessari
sögu áfram.“
Marglofuð bók
Litla land er fyrsta skáldsaga tón-
listarmannsins Gaël Faye og endur-
speglar uppvöxt hans í Búrúndí. Hún
kom út í Frakklandi árið 2016, hefur
Fannst ég verða að koma sögunni áfram
Rannveig Sigurgeirsdóttir las skáldsöguna Litla land á frönsku og áhrifin voru slík að hún þýddi sína
fyrstu bók. Hún er þakklát fyrir sterk og góð viðbrögð og langar svo sannarlega til að þýða fleiri verk.
Ég hefði aldrei þorað að láta mig dreyma um viðlíka viðbrögð, segir Rannveig. FRÉTTABLAÐIÐ/ERNIR
Bók sem hefur hlotið mikið lof.
hlotið viðurkenningar og verðlaun
og verið þýdd á 30 tungumál.
R annveig þýddi bók ina úr
frönsku. „Frönsk tunga hefur heill-
að mig frá því ég man eftir mér. Ég
var ákveðin í því að læra frönsku
almennilega, þannig að strax eftir
stúdentspróf fór ég í útlendinga-
deild háskólans í Lausanne í Sviss,
var þar í þrjú ár og tók kennslu-
réttindi í frönsku. Ég vann seinna í
Norður-Frakklandi í tvö ár. Fransk-
an er stór hluti af mér,“ segir hún.
Skemmtileg þraut
Rannveig leitaði til bókaforlagsins
Angústúru með þýðingu sína. „Ég
kynntist því bókaforlagi þegar
kínverski rithöfundurinn Xialou
Guo kom hingað til lands og hélt
fyrirlestur í Veröld vegna útkomu
bókarinnar sinnar Einu sinni var í
austri, sem Angústúra gaf út. Ég fór
að skoða heimasíðu Angústúru, en
þar eru tvær konur við stjórn og sá
hvernig bækur þær gefa út. Þær eru
að opna glugga út í heim og vilja
gefa út bækur frá öllum heims-
hornum. Mér fannst þessi bók passa
algjörlega þar inn í. Þær tóku sér
tíma í að spá og spekúlera og skoða
umsagnir um bókina. Síðan gerðu
þær samning við mig.“
Rannveig segist hafa fengið sterk
viðbrögð við bókinni og þýðingu
sinni. „Ég hefði aldrei þorað að láta
mig dreyma um viðlíka viðbrögð.“
Spurð hvort góðar viðtökur hafi
orðið til þess að hana langi til að
þýða meira segir hún: „Algjörlega.
Mér finnst mjög gaman að þýða.
Það er skemmtileg þraut að finna
réttu orðin á íslensku og skila anda
sögunnar. Ég er mjög þakklát fyrir
að íslenskir lesendur virðast finna
fyrir svipuðum hughrifum þegar
þeir lesa þýðinguna og ég fann fyrir
þegar ég las bókina á frönsku.“
Kolbrún
Bergþórsdóttir
kolbrunb@frettabladid.is
Norræna félagið í Reykjavík býður til umræðufundar í dag, 14. maí, klukkan
17-18.30 í tilefni þess að fréttir hafa
borist af því að gátan um morðið á
Olof Palme muni hugsanlega leysast
á komandi mánuðum. Tilefnið er
einnig útkoma bókarinnar Arfur
Stiegs Larsson í íslenskri þýðingu
þar sem reifuð er ákveðin kenning
um lausn morðmálsins.
Vera Illugadóttir útvarpskona
mun flytja erindi um Palme-morðið
og morðrannsóknina. Páll Valsson,
annar þýðandi bókarinnar Arfur
Stiegs Larsson, mun ræða þá kenn-
ingu sem sett er fram í bókinni.
Håkan Juholt, sendiherra Svía á
Íslandi, mun ræða kynni sín af Olof
Palme og áhrif hans á sænskt þjóðlíf.
Í kjölfar fylgja umræður. Fundar-
stjóri er Sigurður Ólafsson, stjórnar-
maður í Norræna félaginu í Reykja-
vík.
Fundurinn fer fram í Norræna
húsinu og verður einnig sendur út í
beinu streymi á vef Norræna hússins
og Facebook-síðu Norræna félagsins
í Reykjavík. Gestafjöldi verður tak-
markaður við 15 manns.
Gátan um morðið á Olof Palme
Olof Palme, forsætisráðherra Svía.
Hlíðasmári 6. Sími: 510 7900.
www.fastlind.is · www.nyjaribudir.is
Hannes
Steindórsson
Lögg. fasteignasali
699 5008
hannes@fastlind.is
Nánari upplýsingar:
OPIÐ
HÚS
www.102hlidarendi.is
Eitt vandaðasta hús
höfuðborgarsvæðisins
Opið hús að Valshlíð 16, Arnarhlíð 2 og Smyrilshlíð 13-15
Hlíðarenda, fimmtudaginn 14.maí frá kl 17:00-18:00.
Aðkoma hjá Valsheimilinu.
Einstakar íbúðir með þakgörðum bílskúr og stórum geymslum.
140-240m2 þriggja og fjögurra herbergja íbúðir
Verð frá 89.900.000 – 119.900.000 kr.
Bílskúr fylgir öllum íbúðum, Aukin lofthæð, 280 cm, gólfsíðir gluggar.
Rafmagnstæki frá frá Miele. Quartzborðplötur í eldhúsi og á baði.
Einstakur garður. Free@home rafkerfi. Þrjár gerðir innréttinga.
1 4 . M A Í 2 0 2 0 F I M M T U D A G U R26 M E N N I N G ∙ F R É T T A B L A Ð I Ð
MENNING