Víkurfréttir - 23.01.2020, Blaðsíða 23

Verið velkomin
á samkomu
alla sunnudaga
kl. 11.00
Hvítasunnu-
kirkjan í Keflavík,
Hafnargötu 84
  Bílaviðgerðir
Smurþjónusta
   Varahlutir
Brekkustíg 38 - 260 Njarðvík
sími 421 7979
www.bilarogpartar.is
UPPBOÐ
Til leigu
70 fm stúdíóíbúð í Sandgerði.
Laus strax. Uppl. í síma 893-2974.
Sex Íslandsmeistaratitlar
– Njarðvíkingar sigursælir í fangbragðaíþróttum
Um helgina fór fram Íslandsmeistara-
mótið í keltneskum glímubrögðum.
Keppt var í Backhold í húsakynnum
Glímufélags Reykjavíkur og Reykja-
vík MMA.
Heiðrún Fjóla Pálsdóttir og Ingólfur
Rögnvaldsson byrjuðu árið með stæl og
sigruðu alla flokka sem þau kepptu í.
Heiðrún varð tvöfaldur Íslandsmeistari
og Ingólfur þrefaldur. Guðmundur
Stefán Gunnarsson sigraði í þunga-
vigt og lagði Evrópumeistarann og
Glímukóng Íslands í svakalegri rimmu
risanna. Úrslitaviðureign þeirra tók yfir
fimmtán mínútur.
Allir keppendur Njarðvíkur unnu til
verðlauna. Jóel Helgi Reynisson varð
annar í sínum flokki, Jóhannes Pálsson,
bróðir Heiðrúnar, varð annar í sínum
flokki og Brynjólfur Örn Rúnarsson,
sem er nýgenginn til liðs við Njarðvík-
inga, varð þriðji í opnum flokki karla.
Heiðrún tvöfaldur
bikarmeistari í glímu
Á lagardaginn hélt Glímusamband
Íslands bikarmeistaramót í glímu. Heið-
rún Fjóla var eini keppandi Njarðvíkur
að þessu sinni. Hún hélt áfram þaðan
sem frá var horfið frá deginum áður,
glímdi óaðfinnanlega og sigraði +70 kg
flokk kvenna. Þar á eftir keppti hún í
opnum flokki kvenna. Þar lenti Heið-
rún í smá vandræðum með hina geysi-
sterku Mörtu Lovísu Kjartansdóttur en
sýndi styrk sinn í seinni umferðinni og
lagði alla andstæðinga sína.
Keflvíkingar á Norðurlandamóti
Andri Sævar Arnarsson og Ágúst Kristinn Eðvarðsson kepptu á Norðurlanda-
mótinu í taekwondo um helgina. Báðir eru þeir sigursælir keppendur með
langan afrekaferil að baki í taekwondo, þeir hafa báðir unnið Norðurlandatitla
og eru ríkjandi Íslandsmeistarar í sínum flokki.
Norðulandamótið var
haldið í Noregi í ár og
yfir 500 keppendur tóku
þátt í því. Fjöldi annara
Íslendinga var að keppa
á mótinu en þeir Andri
og Ágúst voru þeir einu
úr Keflavík.
Fyrsti bardagi Ágústs
var gegn Norðmanni.
Hann náði sér ekki á strík
og þurfti að láta í minni
pokann fyrir sterkum heimamanni sem að lokum vann svo flokkinn.
Andri keppti einnig gegn norskum andstæðingi og barðist mjög vel, hann
sigraði bardagann örugglega og var yfir frá byrjun. Í næsta bardaga mætti
hann gífurlega góðum dönskum keppanda sem reyndist einu númeri of stór
fyrir hann. Andri tapaði þeim bardaga og endaði í 3. sæti í flokknum, það var
Daninn sem tók gullið.
Árangur strákanna stóð ekki undir væntingum en framundan er spennandi
keppnistímabil og það verður gaman að fylgjast með þessum öflugu íþrótta-
mönnum á næstunni.
Samúel ánægður að vera
kominn í þýsku Bundesliguna
„Það er gott að vera komninn í gang aftur. Liðið er frábært, klúbburinn og
allt í kring,“ sagði Keflvíkingurinn Samúel Kári Friðjónsson, atvinnumaður
í knattspyrnu, en hann hefur gengið til liðs við þýska knatt spyrnu fé lagið
Pader born. Keflvíkingurinn fór í læknisskoðun í síðustu viku og var skrifað
undir samning í framhaldinu. Samúel lék síðast með norska liðinu Viking
en hann var þar á láni í eitt ár frá Vål erenga. Samúel skrifaði und ir tveggja
og hálfs árs samn ing við fé lagið, eða til sum ars ins 2022.
Samúel hóf atvinnumannaferilinn
hjá enska liðinu Reading sextán ára
gamall en hann lék tvo leiki með
Keflavík í efstu deild. Honum gekk
vel með Vik ing í Stavan ger og lék 28
af 30 leikj um liðsins í norsku úr vals-
deild inni árið 2019 og skoraði í þeim
þrjú mörk.
Samú el lék sinn fyrsta leik með ís-
lenska landsliðinu síðasta haust gegn
Moldóvu en hann hef ur leikið átta
A-lands leiki og var á HM hópnum
í Rússlandi sum arið 2018. Hann lék
43 leiki fyr ir yngri landslið Íslands.
Samúel þurfti að draga sig úr íslenska
landsliðshópn um sem fór í keppnisferð
til Kali forn íu í síðustu viku.
Samúel var með samningstilboð frá
Póllandi þegar þýska liðið hafði sam-
band. Pader born komst upp í Bundes-
liguna, efstu deild þar í landi, fyrir þetta
tímabil en er núna í neðsta sæti.
vf is
Sjónvarp Víkurfrétta ræddi við
Samúel Kára í ársbyrjun
um ferilinn og framtíðina.
Viðtalið er á vef Víkurfrétta.
Sigurreifir Njarðvíkingar.
Heiðrún Fjóla
varð tvöfaldur
Íslandsmeistari
og tvöfaldur
bikarmeistari
um helgina.
Ókeypis í sund fyrir börn að 18 ára aldri
Börn sem búsett eru í Reykjanesbæ
fá nú frítt í sund til átján ára aldurs.
Börn á aldrinum tíu til átján ára þurfa
að eiga sundkort sem fyllt er á í af-
greiðslum sundlauganna þeim að
kostnaðarlausu. Sundkortið kostar
750 krónur.
Um síðustu áramót var tekin sú ákvörð-
un að fella niður kostnað við sund-
ferðir barna frá tíu ára aldri til átján ára
aldurs en gjaldtaka hófst áður við tíu
ára aldur. Að sögn Hafsteins Ingibergs-
sonar, forstöðumanns íþróttamann-
virkja Reykjanesbæjar, er þetta gert til
að fjölga sundgestum á þessu aldursbili.
„Okkur fannst börn á þessum aldri
ekki vera að skila sé nógu vel í sund-
laugarnar en við viljum endilega að
þau komi oftar í sund. Við erum sífellt
að vinna að heilsueflingu í bænum og
liður í því er að fara reglulega í sund.“
Við tíu ára aldur þurfa börn ekki
lengur að koma í sund í fylgd foreldra
eða einstaklinga sem náð hafa fimmtán
ára aldri. Nú geta þau komið gjaldfrjálst
í sund til átján ára aldurs með því að
fá fría áfyllingu á sundkortið sitt í af-
greiðslum sundlauganna. Þar er jafn-
framt hægt að kaupa kort til áfyllingar
sem kostar 750 krónur.
Stefna Reykjanesbæjar í gjald-
frjálsum sundferðum barna til átján
ára aldurs rímar vel við lýðheilsustefnu
Velferðarráðuneytis þar sem kveðið er
á um að sérstaka áherslu skuli leggja á
börn og ungmenni að átján ára aldri. Til
hennar hefur verið horft í stefnumótun
Reykjanesbæjar í lýðheilsumálum sem
nú er í vinnslu.
Með niðurfellingu sundgjalds fyrir
börn á aldrinum tíu til átján ára eru
börn í Reykjanesbæ hvött til að vera
duglegri að stunda sund.
Ágúst og Andri með Helga Rafni, aðalþjálfara
takwondodeildar Keflavíkur, á milli sín.
Erfðamál
Lilja Margrét Olsen, héraðsdómslögmaður,
heldur fræðslufund um erfðamál fyrir Félag
eldri borgara á Suðurnesjum þann
24. janúar kl. 14.00 á Nesvöllum.
Farið verður yfir helstu álitamál á borð við:
■ Þarf ég að gera erfðaskrá?
■ Erfist lífeyrir minn?
■ Hvað er erfðafjárskattur hár?
■ Hvað er fyrirfram greiddur arfur?
■ Hvernig get ég tryggt að maki minn sitji í
óskiptu búi eftir minn dag?
■ Hvernig get ég tryggt að arfur eftir mig
verði séreign barna minna?
23 // VÍKURFRÉTTIR Á SUÐURNESJUM Í 40 ÁR fimmtudagur 23. janúar 2020 // 4. tbl. // 41. árg.