Víkurfréttir - 20.05.2020, Síða 34

Fimm uppáhaldsplötur
Guðjóns Inga Guðjónssonar
Sumar á Sýrlandi – StuðmennÞetta var fyrsta poppplatan sem ég féll fyrir, enda ekki annað hægt. Það var einhver nýr tónn sem sleginn var með þessari plötu Stuð-manna „and the rest is history“ eins og sagt er. Á meðan nálin flutti mér þessa stórkost-legu tóna af þessari eðalskífu grandskoðaði ég plötuumslagið en á bakhlið þess var teikni-myndasaga sem gerði upplifunina enn ánægju-legri. Snilld frá Stuðmönnum.
Greatest Hits – The Cure
The Cure er sannarlega ein mín uppáhalds-
hljómsveit og hefur verið lengi. Ég gæti
sett nokkrar plötur með þeim sem mínar
uppáhalds en kýs að setja bara safnplötuna
þeirra frá 2001, sem ber hið frumlega nafn
Greatest Hits, því hún inniheldur mörg
þeirra bestu laga. Ég hef hlustað mikið á
þessa plötu og diskurinn hefur verið í spilar-
anum í bílnum mínum í mörg ár.
34 // VÍKURFRÉttIR á SUÐURNESJUM Í 40 áR
Fimmtudagur 20. maí 2020 // 21. tbl. // 41. árg.