Íþróttablaðið - 01.03.1966, Blaðsíða 14
Heimsmeistarar í heimsókn
Rúmenar sigruðu íslendinga tvívegis í lands-
leikjum, 23 — 17 og 16 — 15
Það var mikil viðurkenning
fyrir íslenzka handknattleiks-
menn, þegar heimsmeistararnir
í íþróttinni 1961 og 1964, Rúm-
enar, buðust til að koma hingað
og leika tvo landsleiki við Islend-
inga. Það er ekki á allra þjóða
færi að leika við heimsmeistara
— og voru því ýmsir með hrak-
spár í þessu sambandi. En í
leikjunum tveimur, sem háðir
voru í íþróttahöllinni í Laugar-
dal 5. og 6. marz, sýndu íslenzku
leikmennirnir svo ekki verður
um villzt, að þeir voru viður-
kenningarinnar verðir, og það
svo vel, að heimsmeistararnir
máttu taka á öllu sínu til að
fara með sigur af hólmi. Og
vissulega var ísl. liðið í síðari
leiknum óheppið að ná ekki
jafntefli — eða öllu frekar
sigra — og átti hinn norski
dómari mikla sök á því. En
hvað sem því líður, var það að
vissu leyti sigur, að tapa aðeins
með eins marks mun í síðari
leiknum, 16—15, gegn hinum
krýndu heimsmeisturum hand-
knattleiksins.
Fyrri leikurinn 23—17
fyrir Rúmena.
Laugardaginn 5. marz sáu ís-
lenzkir áhorfendur, með forseta
íslands, hr. Ásgeir Ásgeirsson,
menntamálaráðherra Gylfa Þ.
Gíslason og borgarstjóra Geir
Hallgrímsson í broddi fylkingar,
heimsmeistara í flokkaíþrótt í
fyrsta sinn. Og þeir urðu ekki
fyrir vonbrigðum í fyrri hálf-
leik. Islenzka liðið sýndi þá
þann bezta leik, sem það hefur
nokkru sinni náð, og ómögulegt
hefði verið fyrir ókunnugan að
sjá hvort liðið var heimsmeist-
arinn. íslenzka liðið hafði alltaf
yfir í mörkum, tvívegis var
þriggja marka munur, en í hléi
stóð 9—8 fyrir ísland.
Og lengi framan af síðari
hálfleik stóð íslenzka liðið sig
mjög vel og það var ekki fyrr
Þessi mynd er frá fyrri leiknum við Rúmena. Stefán Jónsson, nýliði úr Haukum, er með knöttinn á línu,
en er hindraður. Lengst til vinstri klemma Rúmenar Gunnlaug Hjálmarsson á milli sín, en sérstakur leik-
maður var settur til höfuðs Gunnlaugi í báðum leikjunum, sem fylgdi honum hvert sem hann fór.
86