Fréttablaðið - 26.06.2020, Side 8

Ísland hefur alltaf
stutt tveggja ríkja
lausnina og ber ávallt að tala
fyrir því að alþjóðalög séu
virt og að diplómatískum og
friðsamlegum leiðum sé
beitt í deilum Ísraela og
Palestínumanna.
Úr yfirlýsingu þingmannanna
1,1
milljón ávísana var send til
einstaklinga sem eru látnir.
✿ Mörk Hafnarfjarðar og Garðabæjar
Norðurbær
Garðahraunsgata
He
rjó
lfs
br
au
t
Hrafnista
PrýðahverfiGötulokun
SAMGÖNGUR Rósa Guðbjartsdóttir,
bæjarstjóri Hafnarfjarðar, segir að
lokun Garðabæjar á Garðahrauns­
vegi, eða gamla Álftanesveginum,
hafi komið henni og bæjarstjórn í
opna skjöldu. Hafi Hafnfirðingum
verið lofað því að veginum yrði ekki
lokað fyrr en nýr vegur yrði lagður
norðan við hið nýja Prýðahverfi.
„Þetta hefur gríðarleg áhrif á allt
umferðarf læði um Norðurbæinn
hjá okkur og líka á þjónustuna á
dvalarheimilinu Hrafnistu,“ segir
Rósa. En til stendur að stækka og
byggja við Hrafnistu á komandi
árum.
Breytingin var kynnt árið 2016
og mótmælt mjög harðlega, bæði af
íbúum og bæjarstjórn Hafnarfjarð­
ar. „Mótmælunum var komið mjög
örugglega til skila til Garðbæinga.
Af samtölum var það skilningur
okkar að veginum yrði ekki lokað
fyrr en nýr vegur kæmi norðan við
byggðina,“ segir Rósa. „Það hefur
ekki enn verið gert og því kemur
þetta okkur mjög á óvart.“
Íbúar á svæðinu, úr báðum sveit­
arfélögum, hafa lýst yfir óánægju
með lokunina en með henni er
Garðahraunsvegur orðinn botn­
langi og ekki hægt að beygja af
Herjólfsbraut í Norðurbæ Hafnar­
fjarðar inn á hann. Þurfa íbúar nú
að fara mun lengri leið og umferð
hefur aukist í íbúðahverfinu í Vöng­
unum.
Þá hefur bílaumferðin á veginum
sjálfum ekki gengið snurðulaust
fyrir sig. Samkvæmt lögreglunni á
höfuðborgarsvæðinu gengur öku­
mönnum misvel að virða það að
ekki megi lengur keyra af Herj­
ólfsbraut yfir á Garðahraunsveg,
þó að merkingar séu komnar upp.
Leyfilegur hámarkshraði er nú 30
kílómetrar á klukkustund en öku­
menn hafa keyrt mun hraðar. Fjórir
ökumenn eiga nú von á ökuleyfis­
sviptingu og nokkrir til viðbótar
eiga von á sektum.
Rósa segir að málið verði tekið
upp í skipulags­ og byggingarráði
á þriðjudag og óskað eftir tillögum
til að bregðast við þeirri stöðu sem
komin er upp. „Við erum að undir­
búa viðbrögð okkar og ég á von á því
að það verði gert með mjög ákveðn­
um hætti,“ segir hún.
Vegna orlofa var ekki hægt að ná
tali af Gunnari Einarssyni, bæjar­
stjóra Garðabæjar. En Guðjón Erling
Friðriksson bæjarritari segist ekki
kannast við að formlegt loforð hafi
verið gefið um að halda veginum
opnum þar til nýr vegur hafi verið
lagður. „Það hefur sjálfsagt verið
rætt að það kæmi ný tenging en
ekki að það væri forsenda fyrir því
að loka ekki veginum,“ segir hann.
Nýr vegur sé á aðalskipulagi en sé
ótímasettur að svo stöddu.
Viðurkennir Guðjón hins vegar
að samskiptin hefðu mátt vera betri.
„Við hefðum mátt standa betur að
því og láta þá vita. Það var reyndar
búið að tilkynna þetta en fyrir svo­
lítið löngu síðan. Við hefðum mátt
ítreka það,“ segir hann.
Spurður hvort til standi að bakka
með lokunina í ljósi óánægju íbúa
beggja sveitarfélaga, bæjarstjórnar
Hafnarfjarðar og vandræða lög­
reglunnar segir Guðjón að skoða
megi ýmsa möguleika. „Við getum
kannski gert þetta á einhvern hátt
betur en við erum skuldbundin
gagnvart íbúum á skipulagssvæði
Garðahrauns. Að þarna eigi ekki
að vera gegnumakstur,“ segir hann.
„Þeir íbúar Garðabæjar í Boðahlein
og Garðprýði sem lenda í því að
komast ekki sína leið munu fá betri
tengingu innan ekki svo langs tíma.
Þarna er verið að horfa til meiri
hagsmuna fyrir minni.“
kristinnhaukur@frettabladid.is
Hafnfirðingar munu bregðast
við veglokun Garðbæinga
Bæjarstjóri Hafnarfjarðar segir að Garðbæingar hafi gefið fyrirheit um að Garðahraunsvegi yrði ekki
lokað fyrr en nýr vegur hefði verið lagður. Hafi lokunin nú mikil áhrif á umferð í Norðurbænum og við
dvalarheimilið Hrafnistu. Bæjarritari Garðabæjar viðurkennir að upplýsingagjöfin hefði mátt vera betri.
Bæjarstjóri Hafnarfjarðar segir að veglokun Garðahraunsvegar hafi komið í opna skjöldu. FRÉTTABLAÐIÐ/DANÍEL
AUSTURRÍKI Ný mæling leiðir í ljós
að 42 prósent íbúa skíðabæjarins
Ischgl í Austurríki eru með mótefni
í blóði gegn COVID­19. En staðurinn
er talinn vera ein helsta uppspretta
faraldursins í Evrópu.
„Í Ischgl sjáum við hæstu mæl­
ingar á mótefnum í blóði sem til eru.
Jafnvel þótt hlutfallið sé svo hátt er
ekki hægt að sanna að hjarðónæmi
hafi verið náð en íbúar bæjarins
ættu að vera nokkuð vel varðir gegn
sjúkdómnum,“ segir Dorothee von
Laer hjá Veirufræðistofnun Inns­
bruck­háskóla sem leiddi rann­
sóknina.
Fyrsta tilfelli bæjarins greindist
þann 7. mars eftir að íslensk sótt­
varnayf irvöld greindu Austur­
ríkismönnum frá því að fjölmargir
Íslendingar hefðu komið sýktir frá
bænum.
Síða n þá ha f a I s chg l og
nágrannabæir verið í deiglunni og
ótal tilfelli verið rakin þaðan.
Nú stendur yfir hópmálsókn
austurrísku neytendasamtakanna
gegn bæjarstjóra Ischgl, ríkisstjóra
Týról, skíðalyftufyrirtækjum og
fleirum fyrir að hafa hylmt yfir smit
og brugðist seint við. Hafa nokkrir
Íslendingar sem smituðust ákveðið
að taka þátt í þeirri málsókn.
Mótefnamælingarnar voru gerð­
ar milli 21. og 27. apríl og alls voru
um 80 prósent íbúanna prófuð.
Ischgl er lítill bær með aðeins um
1.600 íbúa.
Mælingin er umtalsvert hærri en
annars staðar þar sem faraldurinn
hefur verið skæður. Í Val Gardena­
dalnum á norðurhluta Ítalíu mæld­
ust 27 prósent ónæm og í Genf 10
prósent. – khg
Nærri helmingur íbúa Ischgl með mótefni gegn COVID-19 í blóði
Krárnar í Ischgl eru taldar ein helsta
uppspretta COVID-19 í Evrópu.
UTANRÍKISMÁL Fjórir þingmenn
í utanríkismálanefnd lýsa yfir
áhyggjum af áætlun nýrrar ríkis­
stjórnar Ísraels um innlimun á
svæðum Palestínumanna. Þetta
kemur fram í yfirlýsingu sem þeir
sendu fjölmiðlum í gær.
Í yfirlýsingunni kemur fram að
áætlunin brjóti alþjóðalög og gangi
gegn alþjóðlegum samþykktum og
ályktunum Öryggisráðs Sameinuðu
þjóðanna um málefni Palestínu og
Ísraels.
„Hún gengur þvert á markmið
um réttláta tveggja ríkja lausn, sem
samið var um í Osló og Evrópa hefur
beitt sér fyrir í áratugi, og setur full­
komið bakslag í alla möguleika á
friðarviðræðum,“ segir í yfirlýsing­
unni.
Undir yfirlýsinguna skrifa Rósa
Björk Brynjólfsdóttir, Logi Einars­
son, Silja Dögg Gunnarsdóttir og
Smári McCarthy.
Þingmennirnir hvetja utanríkis­
ráðherra og ríkisstjórn Íslands til að
beita sér með ákveðnum og skýrum
hætti fyrir friðsamlegri lausn á
deilu Ísraela og Palestínumanna og
að koma því skýrt á framfæri við
ísraelsk stjórnvöld að áform þeirra
gagnvart Palestínu séu óviðunandi.
„Samkomulag ríkisstjórnar Ísra­
elsríkis kveður á um að byggingar
nýrra landnemabyggða geti hafist
strax á næstu dögum og vikum. Yfir­
gnæfandi líkur eru á að það muni
endanlega gera út um horfur um frið
milli Ísraela og Palestínumanna með
ófyrirsjáanlegum afleiðingum.“
Þá minna þau á að með samþykkt
á Alþingi árið 2011 hafi Ísland orðið
fyrsta vestræna ríkið til að viður­
kenna sjálfstæði og fullveldi Pal­
estínu.
„Ísland hefur alltaf stutt tveggja
ríkja lausnina og ber ávallt að tala
fyrir því að alþjóðalög séu virt og
að diplómatískum og friðsamlegum
leiðum sé beitt í deilum Ísraela og
Palestínumanna. Það er söguleg
nauðsyn nú sem aldrei fyrr.“ – uö
Segja áætlun Ísraelsstjórnar bakslag í möguleika á friðarviðræðum
BANDARÍKIN Tæplega 1,4 millj­
arðar Bandaríkjadala voru sendir
látnum einstaklingum sem hluti
af efnahagsaðgerðum ríkisstjórnar
Donalds Trump vegna COVID­19.
Fjárhæðin sem jafngildir rúm­
lega 90 milljörðum íslenskra króna
var send í formi ávísana til f leiri en
milljón einstaklinga sem eru látnir.
Breski miðilinn The Guardian
greinir frá þessu og vísar í skýrslu
óháðrar stofnunar sem hefur eftir­
lit með framkvæmdavaldinu. Alls
fengu tugir milljóna Bandaríkja­
manna senda ávísun frá skattinum
upp á 1.200 dollara.
Ástæða þessara mistaka er sú
að kerfið sem var notað byggði á
grunni kerfis sem var notað í efna­
hagskrísunni 2008. Skatturinn og
fjármálaráðuneytið samstilltu ekki
gögn sín. Skatturinn hefur aðgang
að skrám um andlát einstaklinga
en ráðuneytið og skrifstofan sem
sá um greiðslurnar hafa það ekki.
Í skýrslunni er mælt með því að
þingið tryggi fjármálaráðuneytinu
fullan aðgang að skrám yfir and­
lát og notast verði við þau gögn til
að koma í veg fyrir að svona gerist
aftur.
Atvinnuástand í Bandaríkjunum
er enn slæmt og í síðustu viku sótti
tæp ein og hálf milljón um atvinnu­
leysisbætur. Heildarfjöldinn er
kominn upp í um 47 milljónir frá
því að faraldurinn hófst.
Alls hafa tæplega 2,3 milljónir
tilfella komið upp í landinu og eru
dauðsföll orðin tæplega 122 þús­
und. – sar
Látnir fengu
ávísanir frá
Donald Trump
Nafn forsetans var skrifað á
ávísanirnar. MYND/GETTY
2 6 . J Ú N Í 2 0 2 0 F Ö S T U D A G U R6 F R É T T I R ∙ F R É T T A B L A Ð I Ð