Fréttablaðið - 30.06.2020, Blaðsíða 14

Það sem veldur
okkur vonbrigðum
er að farið sé í að laga hluta
tartansins á vellinum.
Við erum öll sam-
mála um að það sé
af hinu góða að hafa fjöl-
breytni í flóru knattspyrnu-
stjóra í deildunum.
3 0 . J Ú N Í 2 0 2 0 Þ R I Ð J U D A G U R14 S P O R T ∙ F R É T T A B L A Ð I Ð
SPORT
FRJÁLSAR ÍÞRÓTTIR Viðgerðir hófust
í síðustu viku á hlaupabraut Laugar-
dalsvallarins. Þar er verið að lappa
upp á hlaupabraut sem lögð var
upphaflega árið 1992 en var úr sér
gengin vegna slits og ágangs.
Frjálsíþróttasamband Íslands,
FRÍ, hefur í töluverðan tíma óskað
eftir framtíðaráformum Reykja-
víkurborgar hvað aðstöðu fyrir
frjálsar íþróttir utandyra varðar.
Engin hlaupabraut á höfuðborgar-
svæðinu uppfyllir alþjóðlegar
kröfur til keppnishalds og ekkert
íþróttasvæði í Reykjavík uppfyllir
skilyrði sem þurfa að vera fyrir
hendi til að halda frjálsíþróttamót.
Freyr Ólafsson, formaður FRÍ,
segir að þrátt fyrir að ánægjulegt
sé að framkvæmdir standi yfir á
Laugardalsvellinum sé aðeins um
plástur á sárið að ræða.
„Frjálsíþróttasambandið sendi
borgarráði erindi síðasta haust þar
sem með fylgdi greinargerð mann-
virkjanefndar FRÍ þar sem fram
kemur að Laug ar dalsvöll ur sé ekki
í keppn is hæfu ástandi, þó að keppt
hafi verið á vell in um síðustu ár. Þau
frjálsíþrótta mót hafi verið hald in
með und anþágum,“ segir Freyr.
„Við höfum lengi beðið eftir
því að Reykjavíkurborg setji fram
framtíðarskipulag um fullnægjandi
keppnisaðstöðu fyrir frjálsar íþrótt-
ir í borginni. Því er nú svarað með
þessum nauðsynlegu viðhaldsbót-
um á Laugardalsvellinum sem voru
löngu tímabærar. Það er hins vegar
alveg ljóst að þessar framkvæmdir
munu ekki leysa stöðuna til fram-
tíðar,“ segir Freyr enn fremur.
„Það sem veldur okkur von-
brigðum er að farið sé í að laga
hluta tartansins á vellinum þar sem
skemmdir eru verstar í stað þess að
taka alla brautina upp og leggja nýja
hlaupabraut. Það gefur augaleið að
það er ekki ákjósanlegt fyrir frjáls-
íþróttafólk að hlaupa á tveimur mis-
munandi undirlögum í keppnum.
Það er líkt og sett væri upp tvenns
konar gervigras á einn og sama fót-
boltavöllinn,“ segir formaðurinn.
„Frá okkar bæjardyrum séð held-
ur biðin eftir framtíðarskipulagi um
þjóðarleikvang fyrir frjálsar íþróttir
áfram. Lilja Dögg [Alfreðsdóttir]
menntamálaráðherra hefur boðið
okkur að borðinu þegar kemur að
starfi nefndar um nýjan þjóðar-
leikvang. Það er hins vegar baga-
legt að okkar mati að ekki liggi fyrir
áætlun um framtíðar staðsetningu
á aðstöðu sem sæmir frjálsíþrótta-
fólki,“ segir hann.
„Okkar stærstu mót eru haldin í
Kaplakrika en þar er fín aðstaða til
frjálsíþróttaiðkunar. Svæðið þar
stenst hins vegar ekki alþjóðlegar
kröfur um mótahald. Að okkar mati
er líka ekki tækt að félögin í Reykja-
vík sem bjóða upp á frjálsar íþróttir
þurfi að leita til Hafnarfjarðar til
þess að halda mót,“ segir Freyr.
„Við vorum að vonast til þess að
svæðið hjá ÍR yrði klárt í sumar
en svo varð því miður ekki. Þar er
hins vegar um að ræða aðstöðu sem
bætir úr þeim vanda sem við erum
í hvað aðstöðumál varðar nema
bara hvað æfingaastöðu fyrir ÍR-
inga varðar. Í þeim framkvæmdum
sem þar eru í gangi er eingöngu
um bætta aðstöðu til æfinga að
ræða. Við biðum því spennt eftir
næsta útspili hjá borginni í þessum
málum,“ segir formaðurinn um
framhaldið.
hjorvaro@frettabladid.is
Verið að setja plástur á sárið
Freyr Ólafsson, formaður Frjálsíþróttasambands Íslands, segir framkvæmdir á Laugardalsvelli ekki full-
nægja þeim kröfum sem sambandið geri um fullnægjandi aðstöðu fyrir frjálsar íþróttir til frambúðar.
Verið er að laga hlaupabrautina við Laugardalsvöllinn þessa stundina en hún var orðin ókeppnisfær vegna slits.
Forkólfar Frjálsíþróttasambands Íslands segja aftur á móti að betur megi ef duga skal. FRÉTTABLAÐIÐ/SIGTRYGGUR ARI
Freyr Ólafsson, formaður Frjálsíþróttasambands Íslands, segir sambandið
bíða eftir framtíðarúrlausn á aðstöðumálum sínum. FRÉTTABLAÐIÐ/ERNIR
E N S KI BOLTINN Forsvarsmenn
ensku úrvalsdeildarinnar og næst-
efstu deildarinnar í knattspyrnu
karla á Englandi hafa í samstarfi
við leikmannasamtökin þar í landi
sett á laggirnar átak sem hefur það
að leiðarljósi að fjölga þeldökkum
og asískum knattspyrnustjórum í
deildunum sem og öðrum stjórum
úr öðrum minnihlutahópum.
Markmiðið er að fá inn í deildirn-
ar f leiri knattspyrnustjóra úr þeim
þjóðfélagshópum sem eiga fáa eða
enga fulltrúa í deildunum. Fyrsta
skref átaksins er að sex þjálfurum
úr minnihlutahópum verður veitt
23 mánaða starfsþjálfun hjá lið-
unum í ensku B-deildinni á næsta
keppnistímabili.
Þeir þjálfarar sem hafa nægilega
menntun til þess að sinna þessu
starfi geta sótt um stöðurnar.
„Það hefur verið erfitt fyrir þel-
dökka, asíska og knattspyrnustjóra
úr öðrum minnihlutahópum að
komast að í stjórastörf hjá félögum
í fremstu röð á Englandi,“ segir Dar-
ren Moore, knattspyrnustjóri Don-
caster Rovers, sem stýrir rýnihóp
um stöðu þeldökkra knattspyrnu-
stjóra í ensku úrvalsdeildinni.
„Við erum öll sammála um að það
sé af hinu góða að hafa fjölbreytni í
f lóru knattspyrnustjóra í deildun-
um og þetta átak verður vonandi til
þess að færa hlutina til betri vegar,“
segir Moore um stöðu mála.
„Það eru fjölmörg störf hjá hverju
félagi fyrir utan starf knattspyrnu-
stjóra. Það að fjölga þeim sem eru
úr minnihlutahópum í störfum
hjá félögunum mun vonandi færa
þá nær því að taka við sem knatt-
spyrnustjórar í framtíðinni,“ segir
hann um framhaldið.
Eins og sakir standa eru einungis
sex knattspyrnustjórar úr minni-
hlutahópum í því 91 félagi sem
keppir í ensku deildarkeppnunum.
Þar af er einn í ensku úrvalsdeild-
inni en það er Nuno Espirito Santo
sem er í brúnni hjá Wolves. – hó
Stefnt að fjölgun stjóra úr minnihlutahópum
Nuno Santo er eini dökki stjórinn í úrvalsdeildinni. FRÉTTBLAÐIÐ/EPA
KÖRFUBOLTI Stjarnan hefur samið
við Mirza Sarajlija um að leika með
karlaliði félagsins í körfubolta á
næsta keppnistímabili. Sarajlija er
ætlað að fylla það skarð sem Nick
Tomsick sem skildi eftir sig en
Tomsick söðlaði um og fór í Skaga-
fjörðinn þar sem hann gekk til liðs
við Tindastól í byrjun sumars.
Sarajlija er 29 ára gamall skotbak-
vörður sem er fæddur í Slóveníu og
er 185 sentímetrar á hæð. Hann lék
á síðustu leiktíð í næstefstu deild í
Rússlandi.
Fram kom í tilkynningu Stjörn-
unnar um komu Sarajlija að með
tilkomu hans væri leikmannhópur
liðsins að taka á sig nokkuð endan-
lega mynd fyrir næsta vetur.
Þeir þrír erlendu leikmenn sem
léku með liðinu á síðustu leiktíð
eru allir horfnir á braut og Sarajlija
er eins og sakir standa eini erlendi
leikmaðurinn í hópnum. Hins vegar
verða allir íslensku leikmennirnir
áfram utan þess að óvíst er hvort
Ágúst Angantýsson verður áfram í
herbúðum Garðabæjarliðsins.
Danielle Rodriguez og Ingi Þór
Steinþórsson bættust við í þjálf-
arateymi Arnars Þórs í vor. Þá fékk
Stjarnan til liðs við hina ungu og
efnilegu tvíburabræður Huga og
Hilmi Hallgrímssyni frá Vestra í
vor. Stjarnan er ríkjandi deildar- og
bikarmeistari. – hó
Mynd komin á
Stjörnuliðið
Arnar Þór Guðjónsson hefur fengið
nýjan leikstjórnanda til liðs við sig.
FÓTBOLTI Knattspyrnusamband
Íslands, KSÍ, tilkynnti í gær að
næstu tveimur leikjum kvenna-
liðs Fylkis í knattspyrnu á Íslands-
mótinu hefði verið frestað. Er þetta
gert þar sem smit greindist hjá leik-
manni liðsins um síðustu helgi.
Þar sem leikmenn meistaraflokks
kvenna hjá Fylki hafa verið settir í
sóttkví, hefur leikj Fylkisliðsins við
Þór/KA sem fram átti að fara í kvöld
verið frestað og það sama á við um
leik Fylkis við ÍBV sem var á dagskrá
mánudaginn 6. júlí.
Mótanefnd KSÍ hefur ekki ákveð-
ið nýja dagsetningu á þessa tvo leiki
en næstu leikjum Breiðabliks og KR
í mótinu hefur einnig verið frestað
vegna smits hjá leikmanni Blika
og sóttkvíar leikmannahópa fyrr-
greindra liða.
Þjálfarar og aðrir í liðsstjórn KR-
liðsins sem og ónotaðir varamenn
í leik KR og Breiðabliks í þriðju
umferð Íslandsmótsins eru hins
vegar komin úr sóttkví. Þeir fjór-
tán leikmenn KR sem spiluðu leik-
inn við Blika eru hins vegar ennþá
í sóttkví. Þar með hefur hluti KR-
liðsins hafið æfingar á nýjan leik
undir stjórn þjálfara sinna.
Leikur ÍBV og Vals sem spilaður
verður í Vestmannaeyjum í kvöld og
Stjörnunnar og Selfoss sem er á dag-
skrá á Samsung-vellinum í Garða-
bænum annað kvöld eru einu leik-
irnir í fjórðu umferð Íslandsmótsins
sem leiknir verða í vikunni. – hó
Mótahaldið
breyttist meira