Fréttablaðið - 24.07.2020, Page 22

Ástkær móðir okkar, tengdamóðir,
amma og langamma,
Aðalbjörg Guðmundsdóttir
kennari,
frá Harðbak á Melrakkasléttu,
lést á heimili sínu að Lindarseli 7,
Reykjavík, að morgni 10. júlí.
Útför hennar fer fram frá Hjallakirkju í Kópavogi,
mánudaginn 27. júlí, kl. 13.00. Vinsamlegast athugið
breytta staðsetningu á útförinni.
Sæmundur Rögnvaldsson Ingibjörg Axelsdóttir
Elín Rögnvaldsdóttir Björgvin Guðmundsson
Margrét Rögnvaldsdóttir Magnús H. Ingþórsson
barnabörn og barnabarnabörn.
Ástkær dóttir okkar,
systir og barnabarn,
Elisabeth Rita Ward
lést mánudaginn 13. júlí.
Útför hennar mun fara fram í
Akureyrarkirkju, mánudaginn 27. júlí,
kl. 13.30. Einungis nánustu ættingjum
og vinum verður boðið að vera viðstöddum, en þeim
sem vilja fylgjast með athöfninni er bent á streymi frá
útförinni á Facebook, (jarðarfarir í Akureyrarkirkju –
beinar útsendingar)
Courtney Michael Ward Betty Ward Ouma
Angelica Johanna Ward
Isabella Guðbjörg Ward
Megan Ella Ward
Richard James Ward Carolyn Arlene Ward
Einhver sagði að þetta væri landsliðið sem er komið hingað, ég sel það ekki dýr-ara en ég keypti það. Er bara æðislega ánægð með það sem hér er að gerast,“ segir
Margrét Grétarsdóttir, staðarhaldari
í Stóra-Klofa í Landsveit, um  lista-
fólk sem gerði innrás á svæðið og
opnar sýningu þar á morgun í gömlu
húsi.
„Foreldrar mínir ráku refabú hér
á sínum tíma, síðan varð  húsið dóta-
geymslan hans pabba. Oft er sagt að
gesti þurfi að bera að garði svo farið sé
að laga til og hér átti sér stað mjög góð
tiltekt þar sem margir lögðust á eitt.
Mér leist sko ekkert á hugmyndina til
að byrja með,“ lýsir Margrét, sem sjálf
er söngkona, ferðamálafræðingur og
menningarmiðlari, en þakkar Borghildi
Óskarsdóttur myndlistarkonu fram-
takið nú. „Borghildur er frumkvöðull að
sýningunni. Hún hefur áður unnið hér
með sögu sinna ættmenna í Landsveit
í verki sem heitir Þræðir á landi. Þema
sýningarinnar nú er vist mannsins
í landslagi og  verkin eru mjög ólík,
sumt  listafólkið nýtir eitthvað úr
umhverfinu í þau.“
Refahúsið er ekki hið eina sem nú er í
nýju hlutverki í Stóra-Klofa. Það er líka
hundrað ára gamalt fjárhús sem stendur
við þjóðveginn um Land og Margrét
segir marga stansa hjá til að mynda, með
eldfjallið Heklu í baksýn. „Það verður
eitt verk í fjárhúsinu og svo er húsið í
raun listaverk með sínar fornu hleðslur,“
bendir hún á.
Stóri-Klofi er milli Skarðs og Leiru-
bakka. Sýningin þar verður opnuð
klukkan 17 á morgun. Svo ætlar Mar-
grét að vera með sögugöngu um svæðið
klukkan 11 á sunnudaginn og  eftir
hádegi hefst listamannspjall Hjálmars
Sveinssonar borgarfulltrúa. „Meiningin
er að hafa hér listamannsspjall á sunnu-
dögum áfram og búið er að gera kaffi-
krók þar sem boðið verður upp á kaffi
og kleinur að sveitasið,“ segir Margrét
og heldur áfram: „Hugmyndin er jafn-
vel að framhald verði  á sýningum á
þessum stað með vissu millibili. Hér
verði Suðurlandstvíæringur eða eitt-
hvað slíkt,“ segir hún.  „Það er ekki verið
að hugsa neitt smátt, enda fáum við orku
úr hálendinu og Hekla sendir okkur
sterka strauma!“
gun@frettabladid.is
Gestagangur í Stóra-Klofa
Gamalt refahús í Stóra-Klofa í Landsveit hefur verið gert að listaskála. Sýningin
Landvist verður opnuð þar á morgun, laugardag, með verkum ellefu listamanna.
Margrét, staðarhaldari, söngkona og menningarmiðlari í Stóra-Klofa og Borghildur Óskarsdóttir, frumkvöðull að sýningunni.
Borghildur Óskarsdóttir myndlistarkona að fást við skúlptúrana sína.
Þema sýningarinnar nú er vist
mannsins í landslagi og verkin
eru mjög ólík, sumt listafólkið
nýtir eitthvað úr umhverfinu í
þau.
Listafólk á sýningunni
Landvist
Borghildur Óskarsdóttir,
Eygló Harðardóttir,
Guðjón Ketilsson,
Hannes Lárusson,
Hildur Hákonardóttir,
Leifur Ýmir Eyjólfsson,
Margrét H. Blöndal,
Ósk Vilhjálmsdóttir,
Pétur Thomsen,
Sólveig Aðalsteinsdóttir,
Þorbjörg Jónsdóttir.
Við mæðgurnar, Arnbjörg og ég, verðum með ljóðatón-leika í Hallgrímskirkju í Saurbæ í Hvalfirði á sunnu-daginn klukkan 14. Það verður í fyrsta skipti sem við
komum saman fram opinberlega, þótt við höfum auðvitað oft
spilað og sungið saman heima í stofu,“ segir Ragnhildur Dóra
Þórhallsdóttir söngkona. Hún upplýsir að dóttirin Arnbjörg
sé píanóleikari og heiti eftir ömmu sinni sem var þekkt sem
dægurlagasöngkonan Adda Örnólfs. 
„Ég hef áður haldið tónleika með lögum sem mamma gerði
fræg en nú ætlum við að f lytja ljóðadagskrá þar sem fluttir
verða flokkar eftir Robert Schumann, Joaquin Rodrigo og Þrír
söngvar úr Pétri Gaut eftir Hjálmar H. Ragnarsson. Það er allt
gullfalleg tónlist.“
Þetta eru fjórðu tónleikar sumarsins í Hallgrímskirkju í
Saurbæ. Þeir eru haldnir til styrktar kirkjunni og staðnum
þar sem Hallgrímur Pétursson samdi Passíusálmana. Í kirkj-
unni er bæði f lygill og orgel og þar er fallegur hljómburður.
Aðgangseyrir er 2000 krónur. – gun
Saman í fyrsta sinn
Píanistinn Arnbjörg og söngkonan Ragnhildur Dóra.
2 4 . J Ú L Í 2 0 2 0 F Ö S T U D A G U R14 T Í M A M Ó T ∙ F R É T T A B L A Ð I Ð
TÍMAMÓT