Fréttablaðið - 18.08.2020, Blaðsíða 35

ÉG ER ALLTAF AÐ
VINNA MEÐ MANN-
ESKJUNA OG KANNSKI VERUR
ÚR ÖÐRUM HEIMUM.
Upprisa er yfirskrift sýningar Sólveigar Hólmarsdót t u r í Galleríi Fold. Þetta er fyrsta einkasýn-ing Sólveigar í gall-
eríinu en hún hefur haldið fjölda
einkasýninga og samsýninga í Evr-
ópu og í Bandaríkjunum.
„Á þessari sýningu sýni ég bæði
skúlptúrverk og málverk. Þetta er
fyrsta sýning mín á málverkum en
ég hef lengi unnið skúlptúra,“ segir
hún.
Sólveig var á sínum tíma nemi
hjá Koggu á Vesturgötu í nokkur
ár og lærði síðan módelteikningu
í Myndlistaskólanum í Reykjavík.
Seinna fór hún í listaháskóla í Barce-
lona og byrjaði þar í keramiknámi.
„Þar gerði ég verkefni um skólann
og nemendurna og kennarar lásu
út úr því að ég ætti heima í skúlp-
túrdeildinni. Þannig að ég ákvað
að hlýða og taka skúlptúrinn með
keramikinni.“
Í skúlptúrum sínum skapar Sól-
veig sérstakan heim. „Öll verkin eru
fígúratíf. Ég er alltaf að vinna með
manneskjuna og kannski verur úr
öðrum heimum. Ég er að segja sögur
og ævintýri, og hef til dæmis unnið
verk upp úr ævintýrum H.C. Ander-
sen. Sum verk mín hef ég stækkað
þannig að þau verða nærri mann-
hæðarhá.“
Málverkin á sýningunni eru tíu,
gerð með akrýl. „Ég byrjaði að mála
fyrir nokkrum árum en hætti því
svo. Dóttir mín, sem var í Listahá-
skólanum, sagði mér að ég yrði að
halda áfram og halda sýningu með
málverkum. Ég byrjaði aftur að
mála og síðan hef ég ekki stoppað.“
Hún segir verurnar í skúlptúrn-
um birtast á málverkunum. Í sýn-
ingartexta segir að í málverkinu fái
verur hennar „frelsi þar sem flæði,
litagleði og óhefðbundin form njóta
sín“.
Upprisa er fyrsta sýning Sól-
veigar frá árinu 2013. Spurð um titil
sýningarinnar segir Sólveig: „Ég
missti manninn minn árið 2015 úr
erfiðum veikindum og móður mína
sömuleiðis. Það var mjög erfitt.
Núna er ég að stíga út úr sorginni
með gleði, galdra og töfra. List-
sköpun mín byggist á tilfinningum,
ég skapa út frá kjarnanum í mér.“
Gleði, galdrar og töfrar í
listaverkum Sólveigar
Sólveig Hólmarsdóttir sýnir skúlptúrverk og málverk í Galleríi
Fold. Segir sögur og ævintýri í verkum sínum. Sýnir málverk í
fyrsta sinn. Segir listsköpun sína byggjast á tilfinningum.
Listsköpun mín byggist á tilfinningum, segir Sólveig. FRÉTTABLAÐIÐ/VALLI
Kolbrún
Bergþórsdóttir
kolbrunb@frettabladid.is
Alls 39 ljósmyndir frá árlegri sýningu Blaðaljósmyndara-félags Íslands eru nú til
sýnis með fram Sæbrautinni og
við Hörpu. Sýningin stendur yfir
til sumarloka. Ljósmyndirnar eru
úrval af bestu blaðaljósmyndum
ársins 2019 að mati dómnefndar
Blaðaljósmyndarafélagsins og gefa
innsýn í helstu fréttir og umfjöll-
unarefni fjölmiðla síðastliðins árs.
Stærri útgáfa af sýningunni var í
vor sýnd í Ljósmyndasafni Reykja-
víkur en í samstarfi Reykjavíkur-
borgar og Blaðaljósmyndarafélags
Íslands er hluti hennar nú til sýnis
utandyra. Er það liður í því að efla
menningu, útivist og mannlíf í mið-
borginni undir merkjum Sumar-
borgarinnar.
Borgarbúar og gestir eru hvattir
til að taka sér göngutúr frá Hörpu og
með fram Sæbrautinni til að njóta
sýningarinnar auk annarra útilista-
verka sem þar eru í eigu Reykjavík-
urborgar, en þau eru Sólfarið eftir
Jón Gunnar Árnason, Íslandsvarðan
eftir Jóhann Eyfells og Fjöruverk
eftir Sigurð Guðmundsson.
Það er sannarlega þess virði að
taka sér göngutúr með fram sjónum
og virða fyrir sér listina, hafið og
fjöllin. – kb
Útisýning á blaðaljósmyndum
Sæbrautin er skreytt ljósmyndum.
M E N N I N G ∙ F R É T T A B L A Ð I Ð 15Þ R I Ð J U D A G U R 1 8 . Á G Ú S T 2 0 2 0