Morgunblaðið - 12.02.2020, Side 4
4 FRÉTTIRInnlent
MORGUNBLAÐIÐ MIÐVIKUDAGUR 12. FEBRÚAR 2020
Myndakvöld
Ferðafélags Íslands
Þá er komið að myndakvöldi í kvöld, miðvikudag 12. febrúar kl. 20.00.
Þemað að þessu sinni er „Landslag úr lofti.“
Sýndar verða myndir eftir Ólaf Haraldsson og Björn Rúriksson.
Sýndarveruleiki úr lofti
Ólafur er gagnvirkur hönnuður og ljósmyndari sem unnið hefur undanfarin
ár að stórum gagnvirkum ljósmyndaverkefnum en sýning hans nefnist
„Sýndarveruleiki úr lofti“.
Á flugi yfir Íslandi í 50 ár
Björn er rithöfundur, bókaútgefandi, náttúruunnandi, ljósmyndari og reyndur
flugmaður sem hefur ferðast um landið í lofti, á legi og láði í sextíu ár. Björn er
höfundur allmargra bóka um Ísland, bæði ljósmynda- og kennslubóka. Sýning
hans nefnist „Á flugi yfir Íslandi í 50 ár“.
Miðaverð á sýninguna er 1.000 krónur sem greiðast við innganginn og eru
kaffiveitingar innifaldar í verðinu. Í kaffihléi gefst svo gestum kostur á
að skoða Ísland með sýndarveruleikagleraugum.
FERÐAFÉLAG ÍSLANDS | Sími 568 2533 | www.fi.is
Myndakvöld verður í sal FÍ í Mörkinni 6
miðvikudaginn 12. febrúar 2020 kl. 20.00
www.fi.is
Höskuldur Daði Magnússon
hdm@mbl.is
„Íbúarnir þurfa að vera með og það
þarf að hlusta á þá. Við viljum heyra
hvernig þeir sjá framtíðina fyrir
sér,“ segir Björg Erlingsdóttir,
sveitarstjóri Svalbarðsstrandar-
hrepps.
Boðað hefur verið til íbúafundar í
Svalbarðsstrandarhreppi á laugar-
daginn. Þar á að ræða framtíðarsýn
sveitarfélagsins og sameiningarmál
sveitarfélaga. Fundurinn verður
haldinn í Valsárskóla og hafa áhuga-
samir Ströndungar, eins og þeir eru
nefndir, verið hvattir til að kynna sér
ýmis gögn um sameiningu sveitar-
félaga fyrir fundinn. Fundarmönn-
um verður skipt upp í vinnuhópa og
eiga allir að geta komið sjónarmiðum
sínum á framfæri.
Móta áherslur sveitarfélagsins
Eins og kunnugt er hafa stjórn-
völd boðað þá stefnu að fyrir sveitar-
stjórnarkosningarnar 2022 verði
sveitarfélög með 250 íbúa og færri
þvinguð til að sameinast öðrum og
fjórum árum seinna verði lágmarks-
tala íbúa 1.000 manns. Tæplega
fimm hundruð manns búa á Sval-
barðsströnd, svo að ljóst er að sam-
eining er fyrir höndum á næstu sex
árum.
Björg segir í samtali við Morgun-
blaðið að á þorrablóti í sveitinni um
síðustu helgi hafi íbúar grínast með
það að tveir valkostir væru í stöð-
unni; að horfa til sameiningar eða
fara heim og leggja drög að umtals-
verðri fjölgun íbúa.
„Við erum ekki komin það langt að
fara í samningaviðræður við önnur
sveitarfélög. Og vissulega eru menn
uppteknir af því hverjum eigi að
sameinast og hverjum ekki,“ segir
Björg. „En fyrst þarf að kortleggja
hvaða þjónustu við viljum hafa í
sveitarfélaginu. Þegar kemur að því
að ræða við einhvern viljum við hafa
nokkuð mótað hvað við leggjum
áherslu á. Þessi fundur er tilraun til
að hleypa íbúum sem fyrst að þessu
ferli. Við höfum sex ár en svona ferli
tekur tíma,“ segir sveitarstjórinn.
Mikið samstarf nú þegar
Fjögur smærri sveitarfélög við
Eyjafjörð hafa nú þegar með sér
ýmislegt samstarf auk þess að deila
kjörum með Akureyri. Þetta eru
Svalbarðsstrandarhreppur með um
500 íbúa, Eyjafjarðarsveit með um
þúsund íbúa, Hörgársveit með um
600 íbúa og Grýtubakkahreppur með
um 400 íbúa, alls um tvö þúsund
manns.
„Við rekum saman byggingarfull-
trúa og það er ansi mikið samstarf á
milli okkar. Við erum bakland hvert
annars,“ segir Björg.
Funda um sameiningu
Íbúafundur á Svalbarðsströnd Búa sig undir viðræður
Morgunblaðið/Skapti Hallgrímsson
Svalbarðsströnd Safnasafnið dregur að sér ófáa ferðamenn á sumrin.
Guðni Einarsson
gudni@mbl.is
Meirihluti svarenda (52%) í könnun
MMR fyrir Árvakur hefur mjög litl-
ar eða frekar litlar áhyggjur af
kórónuveirunni. Spurt var: „Hversu
miklar eða litlar áhyggjur hefur þú
af kóróna-veirunni sem nú geisar í
Kína og hefur borist víða um heim?“
Um fjórðungur skipaði sér í hóp-
inn „bæði/og“ en 23% svarenda hafa
frekar miklar eða mjög miklar
áhyggjur af veirunni.
Þegar rýnt er í sundurliðun talna
virðast karlar hafa minni áhyggjur
af veirunni en konur. Þá hafa yngri
aldurshóparnir (18-29 ára og 30-49
ára) minni áhyggjur en þeir sem
eldri eru (50-67 ára og 68 ára og
eldri). Ekki var marktækur munur á
afstöðu hópa eftir búsetu, þ.e. á
höfuðborgarsvæðinu eða úti á landi.
Könnunin var gerð 6.-10. febrúar
og í úrtakinu voru Íslendingar 18 ára
og eldri valdir handahófskennt úr
hópi álitsgjafa MMR. Fjöldi svar-
enda var 1.003 og voru svör vigtuð út
frá upplýsingum um þýði frá Hag-
stofu Íslands. Aðeins tíu (1%) svar-
enda tóku ekki afstöðu til
spurningarinnar.
Enginn enn greinst hér á landi
Veiran fékk opinbera heitið
COVID-19 í gær. Greint var frá
nafninu á blaðamannafundi Alþjóða-
heilbrigðismálastofnunarinnar í
Genf. Hún verður því ekki lengur
kennd við tiltekið land eða land-
svæði. Hér á landi er unnið sam-
kvæmt óvissustigi, landsáætlun –
heimsfaraldri inflúensu.
Enginn hefur greinst með smit af
völdum COVID-19 á Íslandi, sam-
kvæmt stöðuskýrslu almannavarna-
deildar ríkislögreglustjórans í gær.
Þá höfðu 18 sýni verið rannsökuð af
sýkla- og veirufræðideild Landspít-
alans og voru öll neikvæð.
Sýking af völdum veirunnar hafði í
gær verið staðfest hjá um 43.118
manns og um 1.018 (2,3%) höfðu lát-
ist. 4.347 höfðu náð sér að fullu, sam-
kvæmt yfirliti frá Johns Hopkins.
Tvö dauðsfallanna voru utan Kína, í
Hong Kong og á Filippseyjum.
Langflestir hafa greinst í Kína, eða
42.706 staðfest tilfelli og þar hafa
einnig flestir látist, eða 1.017 manns.
Af þeim 37 sem greinst hafa í Evr-
ópu höfðu tólf smitast innan Þýska-
lands, sex innan Frakklands og einn
í Bretlandi. Svo litið sé til næstu ná-
grannalanda okkar höfðu átta
greinst með smit í Bretlandi, einn í
Finnlandi og einn í Svíþjóð.
Á fundi áhafnar samhæfingarmið-
stöðvarinnar í gær kom m.a. fram að
smit utan Kína og innan Evrópu er
enn sem komið er fátítt. Samtals hef-
ur komið upp 41 tilfelli innan Evrópu
og allt fremur vægar sýkingar. Grip-
ið hefur verið til yfirgripsmikilla að-
gerða í Evrópu til að rekja för sýktra
einstaklinga sem ferðast hafa frá
Kína til Evrópu og hefur það gengið
vel. Samkvæmt áhættumati Sótt-
varnastofnunar Evrópu er ekki
reiknað með að kórónuveiran verði
mikið lýðheilsuvandamál fyrir þjóðir
sem beita aðgerðum, þ. á m. sóttkví
og einangrun, til að koma í veg fyrir
smit. En hún getur orðið heilsufars-
vandamál fyrir þau sem sýkjast.
Gæta þarf að réttindum fólks
Amnesty segir að rétturinn til
heilsu sé mikilvægastur en önnur
réttindi séu einnig í húfi.
„Ritskoðun, mismunun, handtök-
ur af geðþóttaástæðum og önnur
mannréttindabrot eiga ekki að líðast
í baráttunni gegn kórónufaraldr-
inum,“ segir Nicholas Bequelin,
framkvæmdastjóri Austur- og Suð-
austur-Asíudeildar Amnesty Inter-
national. „Mannréttindabrot hindra
fremur en greiða fyrir réttum við-
brögðum við hættuástandi á sviði
heilbrigðismála og grafa undan skil-
virkni þeirra.“
Litlar áhyggur af veirunni
MMR kannaði hug fólks fyrir Árvakur Meirihlutinn með mjög litlar eða fremur litlar áhyggjur af
kórónuveirunni Tæpur fjórðungur með frekar miklar eða mjög miklar áhyggjur Enginn greinst hér
Áhyggjur Íslendinga af kórónu-veirunni
Hversu miklar eða litlar áhyggjur hefur þú af kórónu-veirunni?
Mjög
litlar
Frekar
litlar
Bæði/og Frekar
miklar
Mjög
miklar
16%
36%
25%
17%
6%
Heimild: Könnun MMR fyrir Morgunblaðið
Frekar eða
mjög litlar áhyggjur
Frekar eða mjög
miklar áhyggjur
Bæði/og
52%
23%
25%
AFP
Japan Fólk í varnarbúningum kemur í land í höfninni í Yokohama frá skemmtiferðaskipinu Diamond Princess. Þar um borð voru um 3.600 manns í sóttkví
af ótta við smit af völdum kórónuveirunnar. Um 130 manns úr hópi farþega og úr áhöfn skipsins höfðu greinst með veirusmit í fyrradag.
Kórónuveiran COVID-19
» Fréttir bárust af alvarlegum
lungnasýkingum í Wuhan-borg
í Kína í desember 2019.
» Staðfest var að um áður
óþekkt afbrigði af kórónuveiru
væri að ræða.
» Staðfest er að veiran getur
smitast á milli manna og að
hún getur valdið alvarlegum
veikindum.
» Fólk er hvatt til að gæta
hreinlætis og t.d. þvo sér oft
um hendur til að forðast smit.