Hvöt - 01.03.1954, Síða 22

20
H V O T
Frá þingi S. B. S.
22. þing Sambands bindindisfélaga í
skólum var háð í Samvinnuskólanum
dagana 30. nóvember og 1. desember s.l.
Forsed þingsins var kosinn Orlygur
Hálfdánarson, Samvinnuskólanum, en
þingritarar þau Rúna Magnúsdóttir,
Kvennaskólanum og Hjörtur Guðmunds-
son, Kennaraskólanum.
Fráfarandi stjórn lagði fram skýrslu
yfir störf sambandsins á liðnu starfsári. 1.
febrúar á hátíðisdegi bindindssamtakanna
gekkst S. B. S. fyrir erindaflutningi ásamt
Stórstúku Islands í ýmsum skólum lands-
ins. Aðallega í Reykjavík og nágrenni.
Einnig sá S. B.S. um útvarpsþátt 1.
febrúar.
Málgagn sambandsins, Hvöt, kom út
eins og undanfarin ár. Á s.l. ári gekkst
ritstjórn blaðsins fyrir þeim breytingum,
að blaðinu var breytt í ársrit. Blaðið þótti
,vel úr garði gert, fjölbreytt og vandað.
Það var sent í alla framhaldsskóla lands-
ins, og þar sem tilraun var gerð með sölu
þess, tókst hún ágætlega. Blaðið fékk
almennt góðar viðtökur. Einnig gaf sam-
bandið út dreifirit eftir prófessor Níels
Dungal, um tóbaksnautn og heilsu og
framkvæmdi skoðanakönnun í skólum
um bindindismál.
Allmörg félög eru nú í sambandinu,
bæði í Reykjavík og út um land. Helzta
samþykkt þingsins að þessu sinni var sú,
að það hyggst gangast fyrir fjársöfnun
meðal skólafólks til þess að koma upp
drykkjumannahæli. Þessari samþykkt
fylgir allítarleg greinargerð, sem getið er
hér á öðrum stað í blaðinu.
Þá má geta þess að á undanförnum
árum hefur S. B.S. notið ríkisstyrks, en á
s.l. ári sýndu valdhafarnir stuðning sinn
við sambandið með því að svipta það
styrk þeim, er því ber.
I stjórn sambandsins voru kjörnir: For-
maður: Árni Stefánsson, Háskólanum.
Varaformaður: Hjörtur Guðmundsson,
Kennaraskólanum. Meðstjórnendur: Rúna
Magnúsdóttir, Kvennaskólanum; Ásgeir
Sigurgeirsson, Kennaraskólanum og
Höskuldur Jónsson, Menntaskólanum.
Þingið gerði Þorvarð Ornólfsson kenn-
ara og eftirlitsmann sambandsins að
heiðursfélaga þess.
Um Goethe
Eins og kunnugt er, þá mun ætt þessa
mikla skálds og vísindamanns vera út-
dauð. Þýzkur læknir ritaði bók um Goethe,
og færði sterkar sönnur fyrir því, að
áfengisnautn ætti sök á þessu. Goethe átti
fimm börn, og dóu þau öll mjög ung,
nema elzti sonur hans, Agúst, sem dó
rúmlega fertugur. Við líkskoðun kom í
ljós, að hann hafði dáið vegna áfengis-
eitrunar. Börn þessa manns voru sífellt
þjáð af sjúkdómum, og dó ættin út með
þeim. En þó Goethe drykki sjálfur áfengi,
þá viðurkenndi hann skaðleg áhrif þess.
Það sést bezt á skrifum hans.
Þannig skrifar hann í bréfi einu 1772:
„Hinir heilögu guðir gáfu mér dýrlegt
kvöld, ég hafði ekkert vín drukkið, og
augu mín gátu þess vegna ótrufluð notið
náttúrunnar. I sannleika dýrðlegt kvöld.“
1780 segir hann: „Ef ég gæti rekið áfengið
burtu úr heiminum þá væri ég sæll. Ég
drekk sem stendur ekkert af víni, og fer
daglega fram í skarpskygni og vinnu-
þreki.“