Austri - 21.06.1990, Blaðsíða 4

4
AUSTRI
Egilsstöðum, 21. júní 1990.
Austraspurning
Ætlar þú að ferðast eitthvað
í sumar?
Friðmar Gunnarsson, Fáskrúðsfirði.
— Það hugsa ég ekki. Ég geri ráð fyrir að vera
heima.
Hákon Aðalsteinsson, Egilsstöðum.
— Já, ég verð mikið fyrir ofan 1000 metrana í
sumar. Ég verð mest allt sumarið uppi á hálend-
inu. Ég fer á mínum fjallabíl.
Sigfinnur Karlsson, Neskaupstað.
— Já, þrítugasta og fyrsta júlí fer ég með hóp frá
Verkalýðsfélagi Norðfirðinga í 12 daga hringferð
um Vestfirði, Snæfellsnes og Norðurland.
Hreggviður Jónsson, Fellabæ.
— Ég reikna með því að verða að vinna á fullu í
allt sumar, nema þá helst, ef ég skrepp eitthvað
um helgi, kannski helst um verslunarmannahelg-
ina.
Geir Valur Ágústsson, Seyðisfirði.
— Nei, það er ekkert ákveðið.
Sólveig Svavarsdóttir, Seyðisfirði.
— Ég var að koma úr nokkurra daga ferðalagi til
Finnlands. Ég var þar með hópi frá íþróttafélagi
fatlaðra. Ferðin gekk mjög vel. Það voru 10
keppendur í ferðinni og þeir komu heim með 15
verðlaunapeninga.
Minning:
Ingibjörg Sigfúsdóttir
Egilsstöðum
Fædd 17. mars 1952
Dáin 10. júní 1990
Deyr fé,
deyja frændur,
deyr sjálfur ið sama;
en orðstír
deyr aldregi,
hveim er sér góðan getur.
(Hávamál)
Með fáeinum orðum viljum við
minnast Ingibjargar Sigfúsdóttur
skólasystur okkar sem útskrifaðist
með okkur þann 19. maí 1990. Það
var mikið áfall að frétta að nú
hefur verið höggvið skarð í
þennan hóp.
Ingibjörg var sterkur persónu-
leiki, hreinskiptin og ákveðin og
kom ævinlega til dyranna eins og
hún var klædd. Ingibjörg var ætíð
létt og hress í tímum og kom oft af
stað umræðum um námsefnið.
Hún var áhugasöm um námið og
stundaði það af miklum dugnaði,
þrátt fyrir að hún þyrfti einnig að
sinna heimilinu og atvinnu sinni.
Var það okkur sem yngri erum
mikil hvatning í okkar námi. Ingi-
björg lauk námi sínu nú um ára-
mótin en svo mikill var námsáhugi
hennar að þrátt fyrir að hafa lokið
tilskyldum áföngum til stúdents-
prófs þá tók hún einn áfanga um
skógrækt á vorönn.
Þegar komið var að því að fagna
námslokum og „Dimmitera“
saman, tók hún þátt í því af lífi og
sál og opnaði heimili sitt fyrir
okkur öllum. Mikil gleði ríkti
þennan dag og kynnin urðu öðru-
vísi en á venjulegum kennslu-
dögum þegar setið var yfir skóla-
bókunum.
Ingibjörg Sigfúsdóttir.
Útskriftardagurinn var stór
dagur fyrir okkur öll. Langþráðum
áfanga var náð, stúderitsprófið í
höfn.
Stutt er á milli gleði og sorgar og
skyndilega er komið að því að
kveðja einn úr hópnúm. Ingibjörg
hefur verið kölluð burt af þessari
jarðvist til að gegna öðru hlut-
verki.
Ég veit þú heim ert horfin nú
og hafin þrautir yfir,
svo mœt og góð, svo trygg og trú,
svo tállaus, falslaus reyndist þú,
ég veit þú látin lifir!
(S. Sigurðsson)
Við þökkum Ingibjörgu sam-
fylgdina og biðjum góðan Guð að
styrkja alla fjölskyldu hennar í
þessari miklu sorg.
Samstúdentar
Kosninga-
úrslit
Laugardaginn 9. júní sl. var
kosið til 50 hreppsnefnda víðs
vegar um landið. Kosningin var
alls staðar óhlutbundin utan í
fjórum hreppum þar sem kosið var
á milli tveggja lista. Hér á Austur-
landi var kosin ný hreppsnefnd í 8
hreppum og fara úrslit hér á eftir.
Tunguhreppur
Á kjörskrá voru 70. Atkvæði
greiddu 51, eða 71,5%. Auðir og
ógildir seðlar voru 3. Kosningin
var óhlutbundin. Kosningu hlutu:
Þórarinn Hallsson, Rangá (41),
Jón Steinar Elísson, Hallfreðar-
stöðum (32), Anna Bragadóttir,
Flúðum (29), Gunnar Guttorms-
son, Litla-Bakka (24) og Örn Þor-
leifsson, Húsey (15).
Flj ót sdalshr eppur
Á kjörskrá voru 88. Atkvæði
greiddu 71, eða 80,7%. Auðir og
ógildir seðlar voru 0. Kosningin
var óhlutbundin. Kosningu hlutu:
Magnhildur Björnsdóttir, Víði-
völlum (50), Guttormur V. Þormar,
Geitagerði (42), Hjörtur E. Kjer-
úlf, Hrafnkelsstöðum (42), Ingi-
mar Jóhannsson, Eyrarlandi (35)
og Bergljót Þórarinsdóttir, Egils-
stöðum (31).
J ökuldalshreppur
Á kjörskrá voru 111. Atkvæði
greiddu 94, eða 84,7%. Auðir og
ógildir seðlar voru 0. Kosningin
var óhlutbundin. Kosningu hlutu:
Arnór Benediktsson, Hvanná
(69), Vilhjálmur Þ. Snædal,
Skjöldólfsstöðum (65), Jón V.
Einarsson, Hvanná (51), Sigurður
Aðalsteinsson, Vaðbrekku (42) og
Björgvin Geirsson, Eiríksstöðum
(38).
Hlíðarhreppur
Á kjörskrá voru 76. Atkvæði
greiddu 52, eða 68,4%. Auðir og
ógildir seðlar voru 2. Kosningin
var óhlutbundin. Kosningu hlutu:
Björn Sigurðsson, Surtsstöðum
(43) , Guðgeir Ragnarsson, Torfa-
stöðum (34), Benedikt Hrafnkels-
son, Hallgeirsstöðum (29), Stefán
Sigurðsson, Breiðumörk (26) og
Stefán Geirsson, Ketilsstöðum
(25).
Skriðdalshreppur
Á kjörskrá voru 79. Atkvæði
greiddu 54, eða 68,4%. Auðir og
ógildir seðlar voru 0. Kosningin
var óhlutbundin. Kosningu hlutu:
Einar Árnason, Hryggstekk, (45),
Jónína Guðmundsdóttir, Lynghóli
(44) , Jón Júlíusson, Mýrum (44),
Kjartan Runólfsson, Þorvalds-
stöðum (40) og Magnús Karlsson,
Hallbjarnarstöðum (22).
Umsjón:
Sigurður Óskar Pálsson.
/
I hendingum
Á minnisblaði sé ég, að þann
22. fyrra mánaðar hef ég hripað
niður vísu eftir Braga frá Surts-
stöðum, þá nýlega kveðna.
Hann hafði frétt hvernig sauð-
burður gengi á bæ einum í
Fellum og vikið orðaröð fregn-
arinnar lítið eitt:
Ærnar bera og þær gera betur.
Þær sem eru ei þrílembdar
þær eru allar tvílembdar.
Um einlembinga ekki framar getur.
Þegar ég fór að hugsa fyrir
þessum þætti hringdi ég í Braga
og spurði hvort hann hefði aldr-
ei glímt við stikluvikið. Lét
hann ekki mikið yfir því og
kvöddumst við að sinni. Ekki
leið þó á löngu uns hann
hringdi í mig og átti eitt og
annað í pokahorninu:
Glaður leikur lambs um vor,
líf og kveikja bragsins,
mönnum eykur mátt og þor
möguleiki um heillaspor.
Fróðir menn telja, að fyrst
hafi verið ort undir þessum
hætti á 16. öld og segja hann
hafa orðið mjög algengan á
rímum, einkum á 19. öld. Sak-
laus lesari veit ekki betur en að
hann sé að renna augum yfir
venjulega ferskeytlu þar til síð-
asta braglínan steypist yfir hann
eins og þruma úr heiðskíru
lofti, með jafnmörgum
atkvæðum og sama rími og
fyrsta og þriðja hending. Man
ég vel hve afkáralegur mér þótti
háttur þessi er ég heyrði hann í
fyrsta sinn, og hélt að höfund-
urinn hefði kveðið svona ein-
göngu vegna þess, að hann
hefði með engu móti getað
fundið orð sem rímaði við loka-
hljóð annarrar braglínu.
Að sjálfsögðu hafa menn
leikið sér að stikluvikinu, eins
og öðrum rímnaháttum
gegnum tíðina, skreytt það með
alls konar listilegum rímkrúsi-
dúllum þvers og kruss, ef mér
leyfist að taka svo gálauslega til
orða, en lítt hætti ég mér út í þá
sálma.
Bragi benti réttilega á, að
auðvelt væri að breyta vísunni
þeirri arna í ferskeytlu með því
að hafa síðustu hendinguna
svona:
möguleiki dagsins.
Svo geta lesendur skemmt
sér við að athuga hvor gerðin
þeim þykir betri.
Þá kemur hér önnur vísa sem
Bragi lét mig heyra:
Enga rengi sagða sögn,
sannananna leita þó,
finn og kynni gömul gögn
gengins drengs í tímans þögn.
Sé að gáð, sést að þessi vísa
er ekki með sama bragarhætti
og hin fyrri, enda er hér ekki á
ferðinni hið eina, sanna stiklu-
vik, skilji ég bragfræðinga rétt.
Hér eru allar braglínur jafn-
langar, sjö atkvæði, allar brag-
línur stýfðar, eins og það er
kallað þegar síðasti liður er
aðeins eitt atkvæði. Þetta er
gagaraljóð með stikluvikstil-
brigði, nefnt gagarastikluvik og
er vísan síst verri fyrir það. Hér
að auki er hún framhend, eins
og það er nefnt: Enga rengi,
sannananna, o.s.frv.
Bragarháttur alkunnrar vísu
eftir Pétur Pétursson prófast (í
Stafholti, viti ég rétt) er gott
dæmi um gagaraljóð, óbreytt:
Litli Gráni leikur sér,
lipurt hefir fótatak.
Pabbi góður gaf hann mér,
gaman er að skreppa á bak.
Oft kemur mér í hug gömul
vísa sem ég lærði einhvern tíma
þegar ég var krakki. Ég hef
heyrt af henni þrjú tilbrigði og
a.m.k. eitt þeirra heyrist oft í
útvarpinu. Öll eru tilbrigðin
hringhend.
Austan kaldinn á oss blés,
upp skal faldinn draga.
Veltir alda vargi Hlés,
við skulum halda á Siglunes.
f þessari gerð er vísan með
hætti stikluviks. Sumir hafa síð-
ustu braglínuna svona:
við skulum halda á skaga.
Hér er hátturinn orðinn fer-
skeyttur. Og að lokum hef ég
heyrt hana svona:
Austan kaldinn á oss blés,
upp skal faldinn draga trés.
Síðan áfram eins og í fyrsta
tilbrigðinu og er hún þá komin í
búning samhendu, sem hefur
sömu braglínulengd og gagara-
ljóð, en sömu rímhljóð í öllum
endingum.
Skal svo látið af bragfræði-
stagli í bili.
Með bestu kveðju.
S.Ó.P.
Mj óafj arðarhreppur
Á kjörskrá voru 24. Atkvæði
greiddu 20, eða 83,3%. Auðir og
ógildir seðlar voru 1. Kosningin
var óhlutbundin. Kosningu hlutu:
Sigfús Vilhjálmsson, Brekku (13),
Jóhann Egilsson, Kastala (12) og
Erlendur Magnússon, Dalatanga
(11).
Geithellnahreppur
Á kjörskrá voru 54. Atkvæði
greiddu 22, eða 40,7%. Auðir og
ógildir seðlar voru 5. Kosningin
var óhlutbundin. Kosningu hlutu:
Ragnar Eiðsson, Bragðavöllum
(15), Flosi Ingólfsson, Flugu-
stöðum (13), Eysteinn Ingólfsson,
Flugustöðum (13), Ástríður Bald-
ursdóttir, Hofi (10) og Haukur
Elísson, Starmýri (5).
Fáskrúðsfjarðarhreppur
Á kjörskrá voru 68. Atkvæði
greiddu 47, eða 69,1%. Auðir og
ógildir seðlar voru 0. Kosningin
var óhlutbundin. Kosningu hlutu:
Friðmar Gunnarsson, Tungu (36),
Jón Úlfarsson, Eyri (33), Friðrik
Steinsson, Hafranesi (31), Björn
Þorsteinsson, Þernunesi (29) og
Gestur Sigmundsson, Kappeyri
(23).
Legsteinar
úr fallegum norskum steini.
Gerið verðsamanburð.
Sendum myndalista.
SJALFASTEIKN?
■''720 Borgarfirði eystri
S 97-29977