Austri - 21.06.1990, Blaðsíða 6

6
AUSTRI
Egilsstöðum, 21. júní 1990.
Göngum vel um sæluhúsin

ygfí'iÐ velkomiíQ
' JMGFNGNI LÝSIR iNNRA MAI >
SlYSAVARNAFÉlwAG ÍSIAUD^
Allir þeir, sem á þurfa að halda
eru boðnir velkomnir í sæluhús
Slysavarnafélags íslands, eins og
sjá má á skiltinu hér á myndinni,
og jafnframt er hvatt til góðrar
umgengni um húsin.
Hún getur þó orðið köld og
óvistleg aðkoman að slíku húsi, ef
fólk í neyð kemur að brotnum
rúðum og umgengni innan dyra
eftir því, eins og nú er ástatt með
sæluhúsið við veginn yfir Fagradal.
Enginn veit hver næst þarf að
leita skjóls í þessu sæluhúsi
kannski í blindbyl og ófærð að
vetrarlagi. Því ætti ekki að þurfa
að hvetja vegfarendur og ferða-
menn til að ganga vel um öll sælu-
hús, hvar sem þau eru, og valda
þar ekki skemmdum. Ekki ætti
heldur að fjarlægja þaðan neitt af
búnaði eða vistum að óþörfu, svo
þau. séu ávallt tilbúin, sem öruggt
skýli fyrir nauðstadda ferðalanga.
Það getur jafnvel skipt sköpum að
nauðsynlegur búnaður sé til staðar
í sæluhúsinu, þegar á honum þarf
að halda.
Þess má geta til gamans, að sam-
kvæmt upplýsingum frá Slysa-
varnafélagi íslands eru nú 81 neyð-
arskýli eða sæluhús á vegum
félagsins víðs vegar um land. í
landinu eru starfandi 94 björgun-
arsveitir á vegum Slysavarnafé-
lagsins, en aðeins 7 menn eru á
launum hjá félaginu. Öll starfsemi
á vegum sveitanna er annars unnin
í sjálfboðavinnu. Austramynd/B
Flugleiðir velja Fokker 50
fyrir innanlandsflug
FIRRING
í Búðardal er gefið út héraðs-
fréttablað sem heitir Dalablaðið,
og í síðasta tölublaði þess birtist
leiðari sem ber nafnið „Firring“.
Jónas Pétursson í Fellabæ kom hér
við á Austra og hafði hann með-
ferðis umræddan leiðara sem hann
bað okkur að birta við fyrsta tæki-
færi. Taldi Jónas þessa ritsmíð
eiga erindi til fleiri en lesenda
Dalablaðsins og var tekið undir
það sjónarmið hér á bæ. Fer
umræddur leiðari hér á eftir:
„Firring er það kallað þegar or-
sakasamhengi hlutanna slitnar og
grundvöllurinn hverfur, eða
verður ekki séður og málin svífa í
lausu lofti.
Þegar maður upplifir það að
lærðir hagfræðingar og aðrir
þekktir hugsuðir spá því að hin
íslenska þjóð muni innan 15 ára
ganga í Efnahagsbandalag Evrópu
með öllum þeim skilmálum sem
það bandalag byggist á, þá dettur
manni þetta orðtak í hug, - firring.
Eðli EBE er slíkt að íslenskt
þjóðfélag myndi hrynja á örfáum
vikum ef við gengjum í það banda-
lag. íslenskur landbúnaður hefur
ekki nokkra samkeppnismögu-
leika á þeim vettvangi af þeirri ein-
földu ástæðu að ísland er svo harð-
býlt land. Jafnvel bændur í einu
frjósamasta héraði Svía á Skáni
undirbúa sig undir það að leggja af
mestan hluta búskaparins vegna
þess að þeir telja sig ekki sam-
keppnishæfa á hinum fyrirsjáan-
lega EBE markaði. Öll fiskvinnsla
mun leggjast niður á íslandi ef
íslendingar ganga í EBE. Lítil
þorp vítt og breitt hringinn í
kringum landið munu leggjast í
auðn. Útlendingar sækjast nú
þegar mjög eftir því að fá keyptan
óunnin fisk til vinnslu erlendis og
væru til í að kaupa allan fisk sem
við veiðum óunninn.
Er hugmyndin um að íslend-
ingar gangi í EBE ekki firra?
Vantar ekki að lærðir menn eins
og hagfræðingar og aðrir þekktir
hugsuðir sjái orsakasamhengið og
skoði endinn á slíkri gjörð? Eða
hugsa menn sem svo að farið hafi
fé betra en íslenskur landbúnaður
og afskekkt sjávarþorp, en þora
kannski ekki að segja það
upphátt? K.E.“
Jónsmessumót UÍA
UMFÍ hlaup
Laugardaginn 23. júní gengst
UÍA fyrir frjálsíþróttamóti á
Egilsstöðum, svokölluðu Jóns-
messumóti, og er það fyrst og
fremst úrtökumót fyrir Landsmót
UMFÍ í Mosfellsbæ. Mótið hefst
kl. 11:00 og þar verður keppt í
flestum Landsmótsgreinum.
Félögin eru beðin að skrá sem
flesta keppendurna á skrifstofu
UÍA eða hjá frjálsíþróttaráði eigi
síðar en á föstudag. Þeir, sem ekki
verða skráðir fyrirfram, verða
skráðir á keppnisstað. Öllum
félögum í UÍA, 13 ára og eldri, er
heimil þátttaka í mótinu og það er
einnig opið gestum.
UMFÍ - hlaup
Á Landsmótinu í Mosfellsbæ fer
fram svokallað UMFÍ-hlaup fyrir
börn fædd 1976, 1977, 1978 og
1979. Jafnhliða Jónsmessumótinu
23. júní verður haldin undan-
keppni fyrir þetta hlaup á Egils-
staðavelli og hefst hún kl. 14:00.
Skráð verður í hlaupið við völlinn
á milli kl. 13:00 og 14:00. Allir
aldurshópar hlaupa 2000 m og þrír
fyrstu í hverjum flokki öðlast rétt
til þátttöku í UMFÍ-hlaupinu í
Mosfellsbæ. Allir þátttakendur fá
viðurkenningu.
ATVINNA
Vikublaðið Austri óskar eftir að ráða
útgáfustjóra og blaðamann
í fullt starf.
Upplýsingar veitir
Broddi Bjarnason
í síma 11984
Stjórn Flugleiða ákvað 7. júní
sl. að endurnýja innlandsflugflota
Flugleiða með nýjum 50 sæta
Fokker 50 skrúfuþotum innan
tveggja ára. Sigurði Helgasyni,
forstjóra félagsins var falið að
ganga frá samningum við Fokker
verksmiðjurnar í Hollandi um
kaupleigu þriggja véla og að láta fara
fram frekari arðsemisútreikninga
um fjórðu vélina. Gert er ráð fyrir
að allar vélarnar komi til félagsins
innan tveggja ára og Fokker verk-
smiðjurnar hafa þegar tekið frá
framleiðslunúmer vegna þeirra.
Nýjar Fokker 50 flugvélar kosta
í dag um 12 milljónir dollara eða
um 730 milljónir króna. Flugleiðir
gera ráð fyrir að nýju flugvélarnar
verði teknar á kaupleigu. Félagið
hafi þær á leigu í 10 ár og öðlist þá
kauprétt á föstu umsömdu verði
og leigugjaldið renni upp í kaup-
verðið. Gert er ráð fyrir að Fokker
verksmiðjurnar kaupi allar eldri
Fokker 27 flugvélar Flugleiða
þegar í stað og félagið endurleigi
þær fram að afhendingu flugvél-
anna.
Fokker 50 eru fullkomnustu
skrúfuþotur sem völ er á og með
þessari ákvörðun hafa Flugleiðir
sett markið hærra en nokkru sinni
fyrr í innanlandsflugþjónustu.
Allur aðbúnaður farþega er fylli-
lega sambærilegur við það sem
gerist í millilandaþotum. Allur
stjórnklefabúnaður er mjög full-
kominn og þar hefur reyndar orðið
tæknibylting þar sem mekanískur
búnaður hefur vikið fyrir staf-
rænum rafeindatækjum. Þá eru
nýju vélarnar búnar fullkomnustu
tegund flugleiðsögutækja. Flugvél-
arnar eru með nýja tegund hreyfla
sem eru hinir hljóðlátustu sem
fáanlegir eru á skrúfuþotum af
þessari stærð. Mjög mikill munur
er því á hávaða frá nýju Fokker 50
flugvélunum og Fokker 27 vél-
unum sem Flugleiðir hafa nú í
þjónustu í innanlandsfluginu.
Flugleiðir hafa alltaf gert
kröfur um öryggi og
þægindi í innanlandsfluginu
Flugleiðir og Flugfélag íslands
fyrir þeirra daga hafa alltaf gert
mjög miklar kröfur um öryggi og
þægindi í innanlandsflugi. Flugfé-
lagið sté stórt framfaraspor þegar
F-27 flugvélarnar tóku við af DC-3
flugvélunum hér á landi fyrir 25
árum bæði hvað varðar flugöryggi,
rekstraröryggi, afkastagetu innan-
landsflugvéla og aðbúnað farþega.
Þær meginreglur sem fyrirtækið
setti sér þá hefur það enn í heiðri
nú þegar aftur er komið að endur-
nýjun innanlandsflugflotans. Flug-
Ieiðir gerðu því eftirfarandi grund-
vallarkröfur til nýju flugvélanna.
a) Að þær gætu athafnað sig við
fullt öryggi á íslenskum malar-
flugbrautum og við aðflug í
fjörðum landsins.
b) Áð þær væru búnar jafnþrýsti-
klefa sem gerðu þeim kleift að
fljúga yfir veður, þar með væri
meira öryggi í flugi tryggt og
betur væri búið að farþegum.
c) Að þær væru búnar tveimur
áreiðanlegum skrúfuhverflum.
d) Að þær væru framleiddar af
viðurkenndum verksmiðjum í
N-Ameríku eða Evrópu.
e) Að þær væru sem víðast í
notkun meðal helstu flugfélaga
í Evrópu.
f) Að um háþekjur væri að ræða
og loftskrúfur í nægjanlegri
fjarlægð frá yfirborði malarflug-
brauta.
Meginástæður fyrir vali
á Fokker 50
Flugleiðir stefndu að kaupum á
45-50 sæta flugvél og með framan-
greind skilyrði í huga komu auk
Fokker 50 til greina Dash 8-300 frá
De Havilland verksmiðjunum í
Kanada og ATR 42 sem er frönsk-
ítölsk smíði. Eftir ítarlegan
samanburð hafði Fokker 50 betur.
Ástæðurnar eru fyrst og fremst
eftirfarandi:
Reynsla Flugleiða af sam-
skiptum við Fokker undanfarin 25
ár er mjög góð og þjónusta verk-
smiðjanna við flugrekendur yfir-
leitt talin með ágætum. Flugleiðir
eiga hægt um vik með að nálgast
varahluti vegna nálægðar verk-
smiðjanna við flugvelli sem íslensk
flugfélög þjóna.
Flugmenn og tæknimenn Flug-
leiða hafa kynnt sér þessi mál og
hafa almennt lýst yfir stuðningi við
kaup á Fokker 50. Margt í gerð á
skrokki Fokker 50 er svipað og í
F27 vélum félagsins og flugeigin-
leikar vélanna eru um margt líkir.
Skiptin yrðu því áhættuminni og
einfaldari.
Þau flugfélög í Evrópu sem Flug-
leiðir hafa mest samskipti við hafa
öll valið Fokker 50. Þar má nefna
SAS, Luxair, Mærsk Air, Busy
Bee, Austrian, Crossair (dóttur-
félag Swissair) og KLM. Þetta
býður uppá gagnkvæma aðstoð
varðandi viðhaldskerfi, viðhalds-
þjónustu, varahluti, þjálfun og
flugaðferðir.
Fokker 50 getur borið mesta
arðhleðslu þeirra þriggja gerða
sem komu til álita og getur jafn-
framt flutt hana lengst. Fokker 50
getur meðal annars flutt fulla
hleðslu til Oslo, Glasgow , Narsar-
suaq, Kulusuk, Færeyja og
London. Auk innanlandsflugs
gefst því færi á að nýta þessa teg-
und til fjölbreyttari þjónustu en
hinar tvær. Það er ein af forsend-
um þess að rekstri innanlands-
flugsins verði snúið til betri vegar.
Langflugseiginleikar Fokker 50
gera meðal annars mögulegt að
fljúga beint frá flugvöllum úti á
landi til viðkomustaða erlendis.
Fokker 50 á auðveldara um vik
en hinar gerðirnar tvær með að
athafna sig fullhlaðin og með fullu
öryggi þar sem aðstæður eru erfið-
ar líkt og við ísafjarðarflugvöll og
í Færeyjum.
Fréttatilkynning.