Austri - 19.12.1991, Qupperneq 10

10
AUSTRI
Egilsstöðum, jólin 1991.
Jóíamatseðiíí
Jólamatseðillinn kemur að þessu sinni frá Óla Gísla
Sveinbjörnssyni matreiðslunema á Hótel Höfn. Óli
Gísli er á fjórða ári í námi sínu, en að því loknu hyggur
hann á framhaldsnám erlendis. Hann er 22 ára gamall,
borinn og barnfæddur Hafnarbúi og hefur stundað mat-
reiðslunám undir handleiðslu Árna Stefáns Árnasonar
matreiðslumeistara á Hótel Höfn.
Villibriesósa:
4 dl soð (soðið sem kom af pönnunni)
1/2 gul paprika
1/2 rauð paprika
1 sellerístöngull
5 sveppir
1 lítill laukur
1/2 1 rjómi
1 dalabrie (afhýddur)
rifsberjahlaup eftir smekk
Grafinn humar, fyrir fjóra:
20 meðalstórir, skelflettir humarhalar.
Kryddblanda:
4 tsk. dill
3 tsk. dillfræ
4 tsk. salt
3 tsk. sykur
1/3 tsk. hvítur pipar
1/5 tsk. fenkel
safi úr hálfri sítrónu
Til skrauts:
2 tómatar, skornir í tvennt
og kjarninn fjarlægður
4 sítrónubátar
steinselja
Stráið 1/3 af kryddblöndunni á grunnt fat
og leggið humarhalana yfir. Stráið afgang-
inum af kryddinu jafnt yfir og þekjið með
dilli. Hellið sítrónusafanum að síðustu
jafnt yfir. Látið standa í kæli í sólarhring.
Sinnepssósa:
2 msk. sætt sinnep
2 msk. sterkt sinnep
2 msk. majones
1 tsk. dill
Fyllið tómatana með sósunni og setjið á
miðjan diskinn. Raðið humrinum í
kringum tómatinn og setjið steinselju á
milli humarhalanna. 1 sítrónubát á hvern
disk og berið síðan fram með ristuðu
brauði.
Hreindýrasteik:
Þar sem að hreindýrakjöt er vandmeð-
farið hráefni er erfitt að gefa einhlíta
uppskrift um eldunartíma. Þar ræður
mestu smekkur hvers og eins. Heindýra-
kjöt er hin mesta kóngafæða ef það er
fallega rautt og safamikið en verður að
mínu áliti óæti, mikið steikt og þurrt.
Ágætis viðmiðun er eldun líkt og á roast
beef.
Lokið vöðvanum á heitri pönnu, setjið
síðan í ofn ekki heitari en 120°C. Tími fer
eftir stærð og þykkt vöðvans.
Hellið 1/2 1 af vatni á pönnuna og látið
sjóða (notað síðar í sósu).
Nota má hvers konar villibráðakrydd-
blöndu á kjötið en ég mæli með ÖRTSE-
SONING frá EUROSPICE.
200-250 gr af kjöti ættu að vera nóg á
mann.
Umsjón:
Ólafur G. Sveinbjörnsson
matreiðslumaður.
Skerið allt grænmetið smátt og kraumið í
potti. Hellið soðinu saman við og látið
sjóða í 5-10 mín. Bætið rjómanum og rifs-
berjasultunni í og takið síðan af hita.
Setjið að síðustu ostinn út í í litlum
bitum. Látið bráðna vel. Setjið allan þann
safa sem kemur af kjötinu loks út í.
Ávaxtasalat:
2 epli
2 bananar
1 sellerístöngull
1 dós sýrður rjómi
1 1/2 dl þeyttur rjómi
Afhýðið eplin og takið kjarnann úr,
saxið smátt. Skerið sellerí og banana smátt.
Hrærið saman sýrða- og þeytta rjómanum
og blandið öllu saman, kælið. Stráið
söxuðum valhnetum yfir.
Sykurbrúnaðar kartöflur og heit pera til-
heyra þessum rétti.
Ávaxtakvintett í brauðformi:
1 hunangsmelóna
1 Cantelópmelóna
1 stjörnuávöxtur
1 kiwi
10 dökk vínber
1 dl Malibu (kókoshnetulíkjör)
Skerið melónurnar í hæfilega bita.
Sneiðið stjörnuávöxtinn, kiwi og vínberin.
Setjið allt í skál og hellið líkjörnum yfir,
hrærið í og kælið.
Brauðform:
100 gr flórsykur
100 gr smjör
100 gr hveiti
2 eggjahvítur
Hrærið saman flórsykrinum og mjúku
smjörinu. Stífþeytið eggjahvíturnar og
bætið þeim varlega saman við, sigtið
hveitið og jafnið deigið.
Smyrjið deiginu í þunnum kökum á
smurða, hveitistráða plötu. Bakið kök-
urnar ljósgullnar. Losið kökurnar eina í
senn og leggið heitar ofan á glas og leggið
hliðarnar varlega niður. Látið kólna.
Ofnhiti 225°C, tími 4-5 mín.
Skiptið ávöxtunum jafnt í skálarnar og
setjið þeyttan rjóma yfir, skreytið t.d. með
ferskum jarðarberjum.
Njótið vel og lengi.
Gleðileg jól.
Ólafur G. Sveinbjörnsson