Austri - 19.12.1991, Page 20

20
AUSTRI
Egilsstöðum, jólin 1991.
Margt er mjög ólíkt
hér og heima
Patricia Rabascall Velasco er
skiptinemi sem hefur dvalist á
Egilsstöðum síðan í ágúst síðast-
liðnum. Hún er frá borginni Pto
Ordaz í Venezúela og býr nú hjá
Védísi K. Þórðardóttur og Friðriki
Kjartanssyni en hún stundar nám í
Menntaskólanum á Egilsstöðum.
Henni finnst erfitt að læra íslensku
en er þó farin að skilja talsvert í
málinu. Stutt viðtal við hana fer
hér á eftir.
Hvers vegna komstu til íslands?
Þegar ég ákvað að gerast skipti-
nemi fékk ég valblað þar sem ég
gat valið um Kanada, Bandaríkin,
Jamaíka og Evrópu. Ég valdi Evr-
ópu en ekki var gefinn kostur á því
að velja eitthvert tiltekið land í
Evrópu. Við erum þrír skipti-
nemar frá Venezúela á íslandi -
hinir eru í Stykkishólmi og
Reykjavík - og þetta er í fyrsta
skipti sem skiptinemar frá Vene-
zúela koma til dvalar á íslandi.
Hvað fínnst þér líkast með
Venezúela og íslandi?
Flest er mjög ólíkt finnst mér.
Þó er landslag sums staðar svipað
t.d. fjöll, ár og fossar. Mér finnst
víða mjög fallegt í báðum þessum
löndum.
Hvað fínnst þér ólíkast hér og í
heimalandinu?
Mér finnst fólkið mjög ólíkt.
íslendingar eru miklu lokaðri en
landar mínir og það er erfiðara að
kynnast íslendingum og eignast
vini meðal þeirra. Hinir tveir
skiptinemarnir frá Venezúela
segja þetta líka. Svo eru auðvitað
ýmis smærri atriði gjörólík. Hér
gengur fólk ekki á útiskóm inni í
húsum og ég hef borðað hrossa-
kjöt og hreindýrakjöt, sem er ný
reynsla. Hvorttveggja bragðaðist
ágætlega. Ég þarf ekki að minnast
á veðrið, Venezúela er suður undir
miðbaug en ísland er norður undir
heimskautsbaug svo það segir sig
sjálft.
Eru skólar í þessum tveimur
löndum svipaðir?
í mínu landi klæðast nemendur
skólabúningum og þar ríkir meiri
agi en í íslenskum skólum. Skóla-
kerfið er ekki alveg eins. Hjá
okkur eru 7-13 ára börn í barna-
skóla en 14-18 ára nemendur eru í
unglingaskóla og að loknu námi
þar geta nemendur farið í háskóla
sem eru margir og viðhafa verka-
skiptingu. Þegar nemendur eru 15
ára velja þeir um tvær námsbraut-
ir, raungreinar eða samfélags-
greinar, en að nokkru leyti er
svipað námsefni í báðum. Ég valdi
raungreinar og ætla að læra verk-
fræði sem lýtur að olíuvinnslu en
olía er mikilvægasta útflutnings-
vara okkar.
Að svo miklu leyti sem ég get
um það dæmt sýnist mér að kunn-
átta nemenda í hinum ýmsu náms-
greinum sé almennt svipuð í
báðum löndunum nema hvað
íslenskir nemendur eru upp til
hópa betri í ensku en nemendur í
mínu föðurlandi.
Segðu mér nú eitthvað frá jóla-
haldi fjölskyldu þinnar.
Við kaupum jólamatinn á
aðfangadag og uppistaðan í
honum er nautakjöt, svínakjöt eða
kjúklingar. Mamma og amma fara
alltaf í kirkju á aðfangadagskvöld
og á miðnætti safnast margt fólk
aftur saman í kirkjunni og syngur.
Um miðnætti tökum við upp jóla-
gjafir en allir í fjölskyldunni fá
gjafir. Gjafirnar eru margs konar
t.d. leikföng, föt, skartgripir o.fl.
en lítið er um bækur til jólagjafa.
Við höfum jólatré og ég held að
lifandi jólatré tíðkist alls ekki í
Patricia Rabascall Velasco.
mínu heimalandi. Börnin trúa á
jólasveininn sem kemur með gjaf-
irnar. Hann á heima á Norður-
pólnum og kemur akandi í loftinu
í sleða sem dreginn er af 4-5
hreindýrum.
Fjölskyldur foreldra minna eiga
sveitahús þar sem við dveljum á
jóladaginn. Þar borðum við, t.ölum
saman og leikum okkur.
Börnin fá einu sinni í skóinn.
Það er aðfaranótt 7. janúar en þá
koma vitringarnir þrír og setja
sælgæti í skóinn hjá krökkunum.
Hvað gerið þið um áramótin?
Þá förum við til föðurömmu
minnar og það er borðað klukkan
9. Klukkan 12 hringir kirkjuklukk-
an 12 sinnum. Þá setjum við pen-
ing undir setuna í stólnum og
stöndum uppi á stólnum. 1 hvert
skipti sem kirkjuklukkan slær
borðum við eitt vínber eða 12 alls
og drekkum síðan eitt glas af
heimalöguðum drykk. Síðan
tökum við peninginn aftur undan
setunni og okkur mun ekki skorta
peninga á nýja árinu samkvæmt
þjóðtrúnni. SH
Andi jólanna
Andi jólanna horfði döprum
augum á skýrsluhlaðann á skrif-
borðinu. Það var jólanótt og hann
varð að ljúka við skýrslurnar fyrir
dögun, reglurnar hjá Almættinu
voru nú einu sinni þannig. Andinn
kveið alltaf fyrir þessu verki. Þessu
árlega yfirliti yfir hegðun jarðar-
búa, ekki vegna þess að þetta væri
svo mikið verk - onei, hann kunni
nú enn til verka þótt gamall væri.
Það voru miklu fremur pappír-
arnir sjálfir og innihald þeirra sem
áttu sök á hugarástandi hans þessa
heilögu nótt. Hann var að verða
eitthvað svo viðkvæmur með
árunum og átti æ erfiðara með að
taka öllum þeim vonbrigðum sem
þetta uppgjör hafði óneitanlega í
för með sér. En það dugði ekki að
hangsa svona yfir eigin hugsunum,
ekki gæti það bjargað heimskringl-
unni - eða hvað? Hann stóð upp og
gekk að gömlum útskornum skáp
sem stóð í einu horninu, opnaði
hann og tók út úr honum gylltan
kassa. Hann bar kassann að borð-
inu og lagði hann varlega frá sér.
Hvar skyldi nú lykillinn vera?
Hann leitaði í vösum sínum -
bíðum nú við - þarna var hann. í
brjóstvasanum auðvitað eins og
undanfarin nítjánhundruð níutíu
og eitt ár. Andi jólanna stakk lykl-
inum varlega í skrána á gyllta kass-
anum, sneri honum og - vúps -
kassinn var opinn.
Þarna lá hún sjálf vogin og það
glampaði á gullið í vogarskálun-
um. Þessi vog hafði verið notuð frá
upphafi vega til að greina á milli
mannvonsku og mannkærleika og
andinn fylltist ævinlega lotningu
þegar hann fór um hana höndum.
Hann tók vogina upp og setti
hana varlega á borðið. Nú var
komið að því, uppgjör alls mann-
kyns á góðverkum og illverkum á
liðnu ári lá þarna á skrifborðinu
fyrir framan hann og uppi á efstu
hæð beið Almættið eftir niðurstöð-
um.
Andi jólanna hafði aðeins átt
sér eina ósk í tímanna rás og hún
var sú, að mannkærleikurinn vægi
þyngra á vogarskálunum. Þá gæti
hann svo sannarlega haldið gleði-
leg jól. Það gladdi hann alltaf að
hugsa til þess að þarna á vogar-
skálinni væru loksins allir jafnir,
fátækir sem ríkir, betlarar sem
konungar, verk allra væru vegin og
metin á sama hátt. Það sakaði ekki
að gera sér vonir um betri útkomu
en síðast. Með eftirvæntingu og
glampa í augum tók hann hvern
skýrslubunkann af öðrum og lagði
á vogina.
Ef til vill rættist óskin hans nú
um þessi jól.
Hann skráði nákvæmlega allar
niðurstöður í stóra hvíta bók, sem
lá á borðinu fyrir framan hann.
Hann sá að mannanna börn höfðu
enn sem áður látið blindast af
dansinum kringum gullkálfinn.
Þessum tryllta dansi sem engu eir-
ir. Hann sá líka baráttuna um völd
og yfirráð um alla heimsbyggð,
ásamt grimmd og illsku valda-
manna. Verst fannst honum þó að
sjá, að sömu nöfnin og í fyrra
höfðu ráfað um í vanþekkingu á
öllu því sem verðmætast er í þessu
jarðlífi voru enn í sömu sporum.
Öðru hvoru brá þó gleðibrosi fyrir
hjá honum og hann smellti kossi á
einhverja skýrsluna og á næsta
augnabliki táraðist hann af gleði
yfir óskrifuðum blöðum ungbarn-
anna af því að á þeirra blöðum lá
von mannkyns um alla framtíð.
Við skiljum við Anda jólanna í
hugleiðingum sínum enda er jóla-
nóttin ekki liðin. Skýrslurnar
okkar eru á borðinu hjá honum og
það er enn ekki of seint að bæta
inn í þær einu og einu góðverki til
að gleðja þennan öðling sem vitjar
okkar stundvíslega í skammdeg-
ismyrkrinu. Vilt þú bæta lóði réttu
megin á vogarskálina?
Guðrún Tryggvadóttir
SKQGRÆKT
RIKISINS
HALLORMSSTAÐ
Góðfúslega pantið jólatrén ítíma
Umboðsmerm á Austurlandi:
Bakkafirði
Vopnafirði
Borgarf. eystri
Seyðisfirði
Neskaupstað
Neskaupstað
Eskifirði
Reyðarfirði
Fáskrúðsfirði
Stöðvarfirði
Breiðdalsvík
Djúpavogi
Járnbrá Einarsdóttir
Kaupfélag Vopnf.
K.H.B.
K.H.B.
Aðalst. Halldórss.
Kaupfél. Fram
Jóhanna Sigtryggsd.
K.H.B.
Kaupfél. Fáskr.
Kaupfél. Stöðf.
Kaupfél. Stöðf.
Kaupfél. Djúpav.
Höfn Kiwaniskl. / Haukur Sveinbj.
Egilsstöðum Byggingavörud. K.H.B.
S 31660
S* 31203
E* 29940
S 21201
S* 71253
5 71304
S* 61466
6 41200
S* 51245
S* 58882
S* 56670
S* 88882
S* 81260
S 11200
Velunnarar og starfsfólk!
Bestu þuHHir fyrir góðar
gjafir, hlýhug
og wel unnin störf.
Gleðileg jól og
gæfuríkt komandi ár.
Sjúkrahúsið, Heilsugæslustöðin og
Dvalarheimili aldraðra á Egiisstöðum
Sendum viðskiptavinum okkar
og öðrum Austfirðingum
bestu jóla- og nýársóskir.
Þökkum viðskiptin á árinu
sem er að líða.
PRENTVERK
AUSTURLANDS HF.
■s 11800
5endum starfsfólKi og viðshiptavinum
bestu jóla- og nýársóshir.
Með þöKK fyrir viðsKiptin á liðnu ári.
Dagsverk sf.
Egilsstöðum