Fylkir - dec 2019, Qupperneq 7
FYLKIR - jólin 2019
°
°
7
Eyverjar, félag ungra sjálfstæðis-
manna í Vestmannaeyjum, verður
90 ára þann 20. desember næst-
komandi. Það er mjög merkilegt að
í desember sama ár og Sjálfstæðis-
flokkurinn sem var stofnaður í maí
1929 skuli hafa verið búið að stofna
félag ungra sjálfstæðismanna í
Eyjum. Framan af hét félagið ein-
faldlega “Félag ungra Sjálfstæðis-
manna í Vestmannaeyjum” en árið
1961 var ákveðið að félagið fengi
nafnið “Eyverjar” ásamt því að nú-
verandi merki félagsins var tekið í
notkun. Það var mikill samhugur
í þessu nýstofnaða félagi, sem
reyndar hefur ávallt einkennt starf-
semi félagsins. Markmið Eyverja,
sem og annarra ungra Sjálfstæðis-
manna, er að berjast fyrir “víðsýnni
framfarastefnu í þjóðfélaginu með
hagsmuni allra stétta að leiðarljósi”
eins og segir í lögum félagsins.
Með stuðningi Sjálfstæðisflokks-
ins hafa Eyverjar reynt eftir bestu
getu að koma þeim sjónarmiðum
á framfæri. Eyverjar hafa alla tíð
unnið vel með öðrum Sjálfstæðis-
félögum í Vestmannaeyjum, og
ætíð hefur yngri meðlimum flokks-
ins verið treyst til ábyrgðastarfa. Til
að mynda hafa Eyverjar nær alltaf
fólk á framboðslista í bæjarstjórn-
arkosningum, sem og í ráðum og
nefndum fyrir hönd félagsins. Fyrir
síðustu bæjarstjórnarkosningar
voru meira en helmingur fram-
bjóðenda á lista Sjálfstæðisflokks-
ins á Eyverja aldri. Fyrsti formaður
félagsins var Páll Eyjólfsson, en
frá stofnun hafa 47 einstaklingar
gengt formannsembætti.
Starfsemin
Eyverjar hafa alltaf lagt mikið upp
úr miklu félagsstarfi. Hér áður fyrr
var venja að halda svokallaða
Vorhátíð Eyverja, þar sem settur
var upp nokkurskonar kabarett
á hvítasunnukvöld og síðan var
dansleikur langt fram eftir nóttu,
en þessi hefð lagðist niður fyrir um
30 árum eða svo.
Á þrettándanum hafa Eyverjar
haldið grímudansleiki í mörg ár.
Upphaflega bæði fyrir fullorðna og
börn, en í dag eru þeir eingöngu
fyrir börn og er óhætt að segja að
dansleikurinn sé ómissandi hefð
ár hvert. Það er einstaklega gaman
að sjá metnaðinn sem börn og
foreldrar leggja í búningana og
gleðina sem á sér stað á ballinu.
Engin breyting er þar á núna og
kemur ballið til með að vera haldið
á komandi þrettándahátíð.
Ásgarður, núverandi félagsheimili
Sjálfstæðisfélaganna í Vestmanna-
eyjum, er fjórða aðsetur félaganna.
Fyrsta aðstaðan var í Samkomu-
húsinu, en upp úr 1960 var ákveð-
ið að kaupa húseignina Helgafell
og gera þar upp félagsheimili.
Opnunarhátíð félagsheimilisins í
Helgarfelli var síðan haldin tveimur
árum síðar. Félagsheimilið var oft
á tíðum kallað “Betlehem” vegna
þess að félagsmenn leituðu mikið
í stuðning hjá fyrirtækjum og ein-
staklingum bæjarins þegar lagfær-
ingar á húsinu áttu sér stað. Árið
1968 var síðan ákveðið á félags-
fundi að kaupa eignina Vík sem
stóð við Bárustíg. Stóð til að gera
húsið upp og breyta því í félags-
heimili, en það kom aldrei til þeirra
breytinga vegna fjárskorts og var
húsið selt nokkru síðar. Árið 1974
var lokið við að innrétta nýja félags-
aðstöðu í vesturhluta nýbyggingar
Samkomuhússins. Salurinn sem
var ekki stór var jafnan kallaður
Eyverjasalurinn og hafði gríðarlega
góð áhrif á félagsstarfið. Nokkrum
árum síðar var kjallarinn undir
salnum þar fenginn líka og hann
innréttaður sem leiktækjasalur.
Samkomuhúsið var selt 1987 og
árið 1989 festu Sjálfstæðisfélögin
í Vestmannaeyjum kaup á jarðhæð
og hluta kjallara Heimagötu 35-37,
sínu framtíðarhúsnæði.
Árið 1982
var stofnaður
Ferðaklúbbur
Eyverja, sem á
þeim tíma var
nokkuð öfl-
ugur. Farið var
í eftirminni-
lega ferð til
Englands árið
1982, ásamt
styttri ferðum um landið, til að
mynda í heimsókn á Keflavíkur
flugvöll og skemmtiferð um Suð-
urland. Fyrr á árum var einnig farið
í margar ferðir um landið en fyrsta
ferðin upp á land var árið 1932, þá
var farið með m.b Skógarfossi til
Stokkseyrar sem þótti mikið ferða-
lag á þeim tíma. Síðasta ferðin sem
ferðaklúbbur félagsins stóð fyrir
var heimsókn nokkra Eyverja til
Færeyja árið 2003 þar sem ferða-
langar kynntu sér jarðgangagerð
í Færeyjum ásamt sögu og menn-
ingu eyjaskeggja.
Árið 1938 kom fyrst út málgagn
Eyverja, Stofnar og var Loftur Guð-
mundsson kennari fyrsti ritstjóri
þess. Næst kom það út tæpum
30 árum síðar, en útgáfustarfsemi
hefur verið sterkur þáttur í starfi
Eyverja frá þeim tíma. Tölublaðið
kemur út 1-2 á ári. Einnig gaf fé-
lagið út símaskrá fyrir Vestmanna-
eyjar í mörg ár. Fyrsta útgáfan var
árið 1978. Ákveðið var að hafa aug-
lýsingar, söguágrip sem og upp-
lýsingar um helstu stofnanir bæj-
arins í þessu riti. Það gekk þó ekki
áfallalaust fyrir sig til þess að byrja
með þar sem Póstur & sími höfðu
einkaleyfi á útgáfu símaskrár, var
þá í kjölfarið ákveðið að nefna út-
gáfuna Upplýsingarit Vestmanna-
eyja. Póstur & sími kærði útgáfuna
með þeim afleiðingum að þáver-
andi formaður félagsins Sigurður
Örn Karlsson var handtekinn, en
skráin kom þó út eftir mikið laumu-
spil í kringum það. Nokkur ár eru
síðan að hætt
var að gefa út
Upplýsingaritið
og má segja að
tæk nibylt ing
og netið hafi
skipt þar mestu.
Síðustu ár hafa
Eyverjar reynt
að halda uppi
góðu félags-
lífi fyrir ungmenni Vestmannaeyja.
Félagið reynir að hafa nokkra við-
burði ár hvert, eins og til dæmis
spurningakeppnir, golfmót, uppi-
stand og hin ýmsu skemmtikvöld
við góðar undirtektir.
Mikilvægi ungliðastarfs
Í stjórn eins og Eyverjum koma
saman ólíkir einstaklingar með ólík
sjónarmið. Það er bæði þroskandi
og gefandi að taka umræðu um
málefni og komast að góðri sam-
eiginlegri niðurstöðu. Það er mikil-
vægt að raddir ungs fólks fái að
heyrast og Sjálfstæðisflokkurinn
hefur sýnt það að hann hlustar á
ungt fólk og hann treystir ungu
fólki. Eyverjar hafa verið í góðu
samstarfi við bæjarfulltrúa flokks-
ins og komið þar sjónarmiðum
sínum á framfæri og það sama á
við um þingmenn sem hafa sýnt
áhuga á starfi félagsins og má þar
helst nefna Áslaugu Örnu Sigur-
björnsdóttur og Vilhjálm Árnason.
Framtíðin
Það er ljóst að erfiðara og erfiðara
er að fá einstaklinga til þess að
taka þátt í sjálfboðaliða starfi og
þar er þátttaka í stjórnmálasam-
tökum ekki undanskilin. Hins vegar
ríkir mikil gleði og mikill einhugur í
Eyverjum og auðvelt hefur verið að
finna einstaklinga til þess að gegna
þar trúnaðarstörfum. Það er því
ekki hægt að ætla annað en fram-
tíð Eyverja sé björt og vonandi að
næstu 90 ár verði jafn gæfurík og
hin fyrri 90! Gjör rétt, þol ei órétt.
Eyverjar í 90 ár!
Það er því ekki hægt að ætla annað en
framtíð Eyverja sé björt og vonandi að
næstu 90 ár verði jafn gæfurík og hin
fyrri 90! Gjör rétt, þol ei órétt.
ALMA
INgóLFSdóTTIR
varaformaður Eyverja
Myndir úr starfi Eyverja á síðustu árum.