Harmonikublaðið - 01.09.2015, Síða 22

Harmonikuhátíð í Ásbyrgi
Harmonikuunnendur í Húnavatnssýslum og Nikkólína úr Dölum blésu til
harmonikuhátíðar í Asbyrgi í Miðfirði helgina 12.-14. júní. Hátíðin hófst
með dansleik kl. 21- 01 á föstudagskvöldið, þá var útisvæðið orðið nokkuð
þétt skipað, harmonikuunnendur komnir víða að enda veðrið sólbjart og
fallegt og skemmtileg helgi framundan í góðum félagsskap.
Það var stórsveit Nikkólínu sem spilaði fyrir dansi þetta kvöld, var sveitin
þannig skipuð að á harmoniku spiluðu Halldór Þ. Þórðarson, stjórnandi
sveitarinnar, Asgerður Jónsdóttir, Sigvaldi Fjeldsted, Melkorka Benedikts-
dóttir, Guðbjartur A. Björgvinsson, Ragnar Ingi Aðalsteinsson, Jóhann
Elísson, Ingimar Einarsson og Sigrún Halldórsdóttir, á gítar Hafliði Olafs-
son, á bassa Haraldur Reynisson og á trommur Ríkarður Jóhannsson. Svo
komu frábærir gestir sem tóku klukkutíma rispu á ballinu, það voru þær
Hildur Petra og Vigdís á harmonikur, með þeim spiluðu Árni Ketill Frið-
riksson á trommur, á gítar var Hermann Ingi Aðalsteinsson og hann söng
líka og svo plokkaði Halli Reynis bassann. Og svo dönsuðu allir í dynjandi
galsa ogþeir dönsuðupolka og ræla og valsa, meðan danslagið dunaði og svall...
allt fram til kl. 1 og þá svifu menn heitir og sælir út í svalt næturloftið.
Laugardagurinn heilsaði svo bjartur og fagur, menn tóku það rólega, spjallað
og spilað á útisvæðinu. Skemmtidagskráin hófst kl. 14, þar komu fram
nemendur frá Tónlistarskóla Húnaþings vestra undir stjórn Elínborgar
Sigurgeirsdóttur skólastjóra. Fyrst spiluðu Elín Jóna Rósenberg og Elínborg
Sigurgeirsdóttir fjórhent á píanó, þá spiluðu systkinin frá Bessastöðum
Magnús Björn Jóhannsson á gítar og Fríða Rós Jóhannsdóttir á píanó. Kristín
Kristjánsdóttir tónlistarkennari söng við undirleik Elínborgar og einnig
Skúli Einarsson á Tannstaðabakka, hann er nemandi Olafs Einars Rúnars-
sonar. Guðmundur Jóhannesson tók nokkur lög á nikkuna. Þá komu óvæntir
gesti, Sandlóurnar, kvennakór sem starfaði lengi við góðan orðstír undir
stjórn Ólafar Pálsdóttur og undirleikari þeirra var alltaf Þorvaldur Pálsson
á Bjargi. Þær höfðu fengið útkall frá Þorvaldi og brugðust vel við, komu
með honum og tóku nokkur lög við frábærar undirtektir. Flottur kór og
undirleikari og vonandi skemmta þau okkur aftur á næstu hátíð.
Þá var kominn tími á kaffihlaðborðið árlega, þar svignuðu borð undan
kræsingum og sá hvergi högg á vatni þótt gestir gerðu veitingunum góð skil.
A meðan á borðhaldi stóð var líka veisla fyrir andann, fyrst spilaði hin
skemmtilega kvennasveit FHUR nokkur lög, sveitina skipuðu að þessu sinni
Elsa Kristjánsdóttir, Elísabet H. Einarsdóttir og Guðrún Erla Aðalsteins-
dóttir. Svo stigu á svið Hildur Petra og Vigdís og kynntu lög af diskinum
sem þær voru að gefa út. Flott hjá þeim og skemmtilegur diskur. Kaffið rann
ljúflega niður við þýða harmonikutónana, svona á þetta að vera.
Um kvöldið var svo dansleikur frá kl. 21-01, það var Sveinn Sigurjónsson
og hljómsveit sem sáu um fjörið. Dansinn var stiginn af miklum móð og
allir skemmtu sér vel. Þegar ballið var hálfnað var tekið hefðbundið hlé til
að draga í happdrættinu, en þar var fjöldi góðra vinninga að vanda. M.a.
gróðurmold, fræ og laukar, þannig að nú er ræktaður matlaukur á Breiðaból-
stað með kartöflunum. Þegar lukkulegir vinningshafar voru búnir að sækja
happafenginn til Melkorku og Sólveigar var dansinum haldið áfram af krafti
þar til að Svenni endaði skemmtunina með fjöldasöng og gestir mynduðu
hring á dansgólfinu og sungu saman af hjartans lyst. Héldu síðan sælir og
ánægðir út í bjarta, en svala vornóttina.
Veðrið lék við okkur þessa helgi, bjart og fallegt og glampandi sólskin alla
helgina, en það verður að viðurkennast að hitastigið svona yfir blánóttina
var ekki mjög hátt. En gestir komu svo heitir af dansleik að það hefur örugg-
lega yljað þeim til sólarupprásar.
Þetta samstarf Húnvetninga og Nikkólínu hefur verið mjög gott og skemmti-
legt. Sólveig formaður HUH tilkynnti líka í lok hátíðar að búið væri að
ákveða harmonikuhátíðina á sama tíma að ári. Og þá er bara að taka frá
helgina og skemmta sér með okkur í Ásbyrgi, hittumst hress!
Bent er á sérstaka myndasíðu frá Asbyrgi. Þar eru margar stórkostlegar
myndir frá mótinu, www.harmoniku-unnendur.com SH
Myndir: Sigurður Harðarson
Heiðurshjón í Asbyrgi. Bragi og Ingrid Hlíðberg
Hljómsveit Dalamannsins Sveins Sigurjónssonar sá um að halda fólki við efnið. Frá
vinstri: Helgi E. Kristjánsson, Sveinn Ingi Sigurjónsson, Sveinn Sigurjónsson ogjón
Guðmundsson
Reynir Jónasson í sól og sumaryl. Hundur meistarans hlýðir á í andakt
Drœtti aldrei frestað í Ásbyrgi. Sólveig, Melkorka og Elísabet útdeila lífigœðum
22