Harmonikublaðið - 01.09.2016, Síða 5

Sumarverkin hjá FHUR
Frá síðasta tölublaði Harmonikublaðsins hefur sitt hvað drifið á
daga í starfi Félags harmonikuunnenda í Reykjavík. Vetrarstarfinu
lauk með aðalfundi 1. júní að vanda, en áður en að því kom léku
félagarnir í nokkrum stórmörkuðum höfuðborgarsvæðisins í tilefni
Harmonikudagsins 7. maí og daginn eftir fór fram skemmtifundur
í Iðnó.
Verulegt áhugaleysi gerði vart við sig og aðsóknin talsvert undir
væntingum. Hljómsveit félagsins reið á vaðið undir stjórn Reynis
Jónassonar, en Reynir hefur séð um stjórnina í vetur ásamt Sigurði
Alfonssyni, sem næst sté á svið og lék dúett ásamt Þorkatli Jónssyni,
en þeir höfðu ekki leikið saman í ríflega fimmtíu ár, eða frá því
þeir voru að læra á harmonikur sem unglingar. Bæði þessi atriði
tókust ágætlega.
Hljómsveit FHUR í Iðnó 8. maí
Næstir til leiks voru þeir Reynir Jónasson og nemandi hans Garðar
Einarsson. Var þetta frumraun þess síðarnefnda á sviði, en Garðar
hefúr um árbil leikið í hljómsveit FHUR. Þá var komið að Guð-
mundi Samúelssyni. Hann mætti með hnappanikku, en hann
hefur samkvæmt traustum heimildum ætíð leikið á píanónikku.
Hann lék nokkur lög og gerði grín að sjálfum sér fyrir klaufaskap,
en baðst síðan undan uppklappi nema hann fengi að skipta um
hljóðfæri. Þá kvað heldur betur við annan tón. Meistarinn heillaði
salinn og lék nokkur lög til viðbótar, eins og honum er einum
lagið. Þar á meðal Misty af mikilli tilfinningu. Þá var komið að
rúsínunni í pylsuendanum, Kvennasveit FHUR. Þær leika allar í
hljómsveit félagsins, en hafa hist og stillt saman strengi aukalega.
Þær luku skemmtifundinum áður en haldið var til móts við sum-
arið.
Eftir aðalfund félagsins 1. júní, þar sem kosinn var nýr formaður
Steinþóra Agústsdóttir, var sjómannadagsballið næst á dagskrá í
Hörpunni, en þar héldu uppi fjörinu Sveinn Sigurjónsson á nikku,
ásamt þeim Jóni Guðmundssyni gítarleikara, Jónasi Bjarnasyni
bassaleikara og Steini Inga Sigurjónssyni trommara. Þá voru gestir
teknir til kostanna. Fljótlega eftir Varmaland um verslunarmanna-
helgina, tók við menningarnótt í Reykjavík, en FHUR hefur um
árabil leikið á horni Klapparstígs og Skólavörðustígs. Þau Vigdís
Jónsdóttir, Haukur Ingibergsson, Vindbelgirnir og Þorleifur Finns-
son léku fyrir borgargesti frá tvö til fimm eftir hádegi í sól og blíðu,
sem legið hefur yfir höfuðborginni frá í vor. Þá er bara að bíða eftir
næsta balli í Breiðfirðingabúð.
Friðjón Hallgrímsson
Myndir: Siggi Harðar, Steinþóra Agústsdóttir
Dansað í miðbænum á „menningarnótt“
Kvennó í Iðnó. Halldóra Bjarnadóttir, Elsa Kristjánsdóttir, Gyða Guðmundsdóttir,
Guðrún Erla Aðalsteinsdóttir og Elísabet Halldóra Einarsdóttir. Eggert Kristins-
son, gamli Hljóma trommarinn skreytti með
Þorkell Jónsson og Sigurður Alfonsson spila saman á ca. 50 ára Jresti
Ekki skil égafhverju mönnum finnstpetta betra. Guðmundur íþungum pönkum
5