Víkurfréttir - 16.09.2020, Blaðsíða 29

VF-myndir: Hilmar Bragi
– Hvað er framundan?
„Það eru þessi tveir leikir, á móti
Lettum og Svíum. Við tókum fyrstu
æfinguna áðan af því að voru leikir
hjá svo mörgum í gær og fyrradag,
við tókum bara létta æfingu og erum
rétt að byrja að hugsa út í Letta-
leikinn núna. Hann verður þann 17.
september. Núna er frí í Pepsi Max-
deildinn svo maður þarf ekkert að
pæla í henni, hún er bara sett á smá
pásu.“
Stúdent í vor
Sveindís og kærastinn hennar, Sig-
urður Ingi Bergsson, útskrifuðust
bæði úr Fjölbrautaskóla Suðurnesja í
vor. Þau vita hvorugt hvert hugurinn
stefnir í framhaldinu og ákváðu því
að taka sér frí frá skóla í ár á meðan
þau hugsa næstu skref.
Var pirruð yfir því að vera á bekknum
Fjórtán ára skoraði fjögur mörk á fimmtán mínútum í bikarleik
„Ég var bara pirruð yfir því að vera á bekknum og langaði að láta þjálf-
arann vita af mér,“ segir Sveindís Jane Jónsdóttir og hlær þegar blaða-
maður hittir hana á æfingasvæði Keflvíkinga í vikunni. Hin fjórtán ára
gamla Sveindís komst heldur betur í sviðsljósið eftir að hún skoraði
fjögur mörk á fimmtán mínútum í bikarleik Keflavíkur og Álftaness
um liðna helgi. Hún kom þá inn á sem varamaður og gjörbreytti spenn-
andi leik í stórsigur Keflvíkinga. Staðan var 1:1 þegar hún kemur inn
á völlinn en það tók hana einungis sex mínútur að skora þrennu. Hún
bætti fjórða markinu við skömmu síðar og lagði upp síðasta markið í
1:6 sigri Keflvíkinga.
„Ég er mjög spennt fyrir sumrinu
og er virkilega ánægð með okkar
hóp og þjálfarann. Okkur gekk
ekkert svakalega vel í fyrra en ég
held að það breytist í sumar. Við
erum með ungt lið en mér finnst
við mjög góðar. Að mínu mati erum
við búnar að bæta okkur mikið frá
því í fyrra,“ segir Sveindís sem
hefur nú skorað eitt mark í deild-
inni og svo þessi fjögur í bikarnum.
Sveindís Jane byrjaði að æfa
með meistaraflokki Keflvíkinga
í fyrra. Hún var að klára níunda
bekk og á því ár eftir í grunnskóla.
Hún hefur ýmist leikið sem kant-
maður eða framherji. Nú er hún
einungis frammi og raðar inn mörk-
unum. Á undirbúningstímabilinu
hefur hún verið iðin við kolann
og skorað grimmt. Í yngri flokkum
hefur hún einnig verið dugleg við
að skora mörkin. Sveindís horfir
mikið á fótbolta og hefur brenn-
andi áhuga. Hún fylgist vel með
landsliðinu og lítur mikið upp til
leikmanna eins og Margrétar Láru
og Söru Bjarkar sem hafa gert það
gott með landsliðinu og sem at-
vinnumenn. Hún ætlar sér að horfa
á Ísland á EM karla í sumar og býst
við skemmtilegri keppni.
Vil skora í hverjum leik
og stefnir á A-landsliðið
„Mig langar bara að komast í
A-landsliðið. Það er helsta mark-
miðið,“ segir Sveindís sem hefur
þegar fengið forsmekkinn af því að
spila fyrir Íslands hönd. Hún var
yngsti leikmaðurinn sem fór með
U17 ára landsliðinu til Finnlands
um daginn. Þar lék hún í þremur
leikjum og skoraði eitt mark gegn
Rússum.
Eins og sönnum framherja
sæmir þá ætlar Sveindís sér auð-
vitað að skora sem mest í sumar.
„Markmiðið er auðvitað að skora
í hverjum einasta leik og vera sem
mest í byrjunarliðinu. Ég ætla að
standa mig bara eins vel og ég get,“
segir hin marksækna Sveindís. Hún
æfir mikið og sjálf fer hún oft í fót-
bolta og æfir sig á milli æfinga. Eins
á hún það til að mæta snemma á
æfingar þar sem hún vinnur í
ákveðnum hlutum til þess að bæta
sig sem leikmann. „Það er eina sem
virkar, að æfa sig mikið og vel,“
segir Sveindís að lokum.
Mikið efni á ferð
Það var snemma ljóst hvert Sveindís Jane
stefndi. Hér grípum við niður í viðtal sem
Víkurfréttir tóku við hana fjórtán ára
gamla eftir að hún hafði komið inn á
sem varamaður í bikarleik Keflavíkur
og Álftaness. Staðan var 1:1 þegar
Sveindísi var skipt inn á í seinni hálf-
leik og tíu mínútum síðar hafði hún
skorað þrennu, tíu mínútum síðar
bætti hún fjórða markinu við í
6:1 sigri. Viðtalið birtist á vf.is
þann 30. maí 2016.
Já, ekki spurning!
Það verður að
vera svoleiðis til
að fullkomna árið.
Ég ætla að verða
Íslandsmeistari ...
Vill sjá
Sveindísi
fara beint í
byrjunarliðið
Í hlaðvarpsþættinum Heimavöllurinn sem
Mist Rúnarsdóttir sér um á Fótbolti.net,
og var á dagskrá nokkrum klukkutímum
eftir að landsliðshópurinn var kynntur (10.
september), sagði Gylfi Tryggvason, knatt-
spyrnuþjálfari og umsjónarmaður fótbolta-
hlaðvarpsins Fantabrögð, að honum finnist
Sveindís eigi að koma beint inn í byrjunar-
liðið gegn Lettlandi.
„Ég vil persónulega bara sjá Sveindísi
fara beint í byrjunarliðið. Ég myndi setja
hana á kantinn. Út frá því hvernig hún er
búin að vera,“ sagði Gylfi. „Sveindís er ger-
samlega búin að snýta þessari deild, hún er
búin að vera mikill yfirburðarmaður á öllum
völlum sem hún hefur spilað á. Mögulega er
þetta algjör gullmoli fyrir íslensku þjóðina
á næstu árum. Ég vil bara henda henni í
djúpu laugina.“
– Þetta er búið að vera sérstakt ár,
sama hvernig á það er litið, og við-
burðarríkt hjá þér. Nýútskrifuð
og hvert er stefnan þá tekin?
„Jú, ég einmitt útskrifaðist í vor en ætla
að taka mér árspásu frá náminu á meðan
ég geri upp við mig hvað ég ætla að læra.
Núna er ég að vinna í Sandgerðisskóla og
ætla að taka ár í vinnu áður en ég fer í há-
skóla – en ég er ekki viss um hvað ég ætla
að læra. Þess vegna tók ég þessa pásu. Ég
er að finna reyna hvar áhuginn liggur og
vona að þessi pása hjálpi mér að finna eitt-
hvað skemmtilegt sem mig langar að læra.
Ég er stuðningsfulltrúi í Sandgerðis-
skóla og svo bruna ég á æfingar í bænum
eftir vinnu, svo það er nóg að gera. Kærastinn
minn kláraði á sama tíma og ég og hann er í
svipuðum sporum og ég – veit ekki hvað hann
ætlar að læra. Svo hann tók sér líka árs pásu
og fékk líka vinnu í Sandgerðisskóla,“ segir
Sveindís og hlær. „Við vitum ekkert hvað við
ætlum að gera. Það er svolítið fyndið að við
skyldum svo fá vinnu á sama staðnum – en
hentugt.“
– Lokaspurning: Ætlarðu að
verða Íslandsmeistari?
„Já, ekki spurning! Það verður að vera svoleiðis
til að fullkomna árið. Ég ætla að verða Íslands-
meistari.“
Þrátt fyrir ungan aldurhefur Sveindís Jane verið
einn af máttarstólpum Keflvíkinga undanfarin ár.
Hún er nú á lánssamningi hjá Breiðabliki en
svo er spurning hvort hún snúi ekki heim
og leiki með Keflavík í efstu deild að ári.
vÍKURFRÉTTIR á sUðURNEsJUM Í 40 áR // 29
Sveindís Jane og Sigurður Ingi,
kærastinn hennar, útskrifuðust bæði frá
Fjölbrautaskóla Suðurnesja í vor.