Víkurfréttir - 16.09.2020, Blaðsíða 31
Stórsigur Þróttar
2. DEILD KARLA: Þróttarar eru á góðu róli þessa dagana og unnu
léttan 4:0 sigur á KF á Vogaídýfuvellinum í síðustu umferð. Þróttur
situr nú í fjórða sæti 2. deildar karla eftir þrjá sigurleiki í röð.
Það tók Þróttara tæpan hálftíma að brjóta niður vörn KF en á 29.
mínútu fengu þeir dæmt víti sem Alexander Helgason skoraði úr. Ey-
steinn Þorri Björgvinsson bætti öðru marki við fimm mínútum síðar
(34') og staðan í hálfleik 2:0 fyrir Þrótti.
Á þriggja mínútna kafla í seinni hálfleik gerðu Þróttarar út um leikinn.
Fyrst skoraði Hubert Rafal Kotus (59') og Andri Jónasson bætti fjórða
markinu við (62') og gulltryggði stórsigur Þróttar.
Skyldusigur Njarðvíkinga
2. DEILD KARLA: Njarðvík lék gegn Kára á Rafholtsvellinum í
Njarðvík á sunnudag. Það voru Njarðvíkingar sem fóru með sigur af
hólmi og sitja þeir því ennþá í þriðja sæti 2. deildar karla eftir sextán
umferðir. Selfoss og Kórdrengir unnu bæði sína leiki og eru fjórum
stigum fyrir ofan Njarðvík.
Það var skoski markvarðahrellirinn Kenneth Hogg sem skoraði fyrra
mark Njarðvíkinga á 5. mínútu og var það eina markið sem var skorað
í fyrri hálfleik.
Í byrjun seinni hálfleik setti Kári ágætis pressu á Njarðvíkinga en
Ivan Prskalo náði þó að koma Njarðvík í tveggja marka forystu á 66.
mínútu og með því innsiglaði hann 2:0 sigur.
Njarðvíkingar eru því komnir með 33 stig og sitja áfram í þriðja sæti,
fjórum stigum á eftir toppliðunum, en Þróttur fylgir fast á hæla þeirra
með 31 stig.
Víðir í vondum málum
2. DEILD KARLA: Víðismenn léku ekki um helgina þar sem leiknir
voru frestaðir leikir úr níundu umferð. Leikur Víðis og Völsungs var
eini leikur þeirrar umferðar sem var búið að leika áður en til frestana
kom. Víðir tapaði þeim leik 2:1 á útivelli.
Staða Víðismanna er alls ekki góð í deildinni. Víðir er aðeins þremur
stigum frá Dalvík/Reyni sem situr í næstneðsta sæti deildarinnar og
Víðir er með talsvert lakara markahlutfall. Það er ljóst að Víðismenn
þurfa að girða sig í brók því lítið má út af bera svo ekki fari illa.
Grindvískt markaregn
2. DEILD KVENNA: Kvennalið Grindavíkur lék gegn HK á þriðjudag
og sigruðu 3:0 með mörkum Unu Rósar Unnarsdóttur (15’), Unnar
Stefánsdóttur (56’) og Melkorku Ingibjargar Pálsdóttur (90’).
Um síðustu helgi gerðu þær góða ferð til Hafnar í Hornafirði og
sigruðu lið Sindra 4:0. Una Rós Unnarsdóttir (31’), Eva Lind Daníels-
dóttir (45’), Júlía Ruth Thasaphong (49’) og Birgitta Hallgrímsdóttir
(75’ víti) skoruðu mörkin.
Grindavíkurstúlkur sitja í öðru sæti deildarinnar með 23 stig.
Reynismenn aftur hrokknir í gang
3. DEILD KARLA: Reynir virðist vera hrokkinn í gang og hefur nú
unnið fjóra leiki í röð eftir að Reynismenn lögðu Ægi 3:2 á útivelli.
Um helgina léku þeir gegn Vængjum Júpiters á Blue-vellinum. Reynis-
mönnum hafði örlítið fatast flugið í síðustu leikjum en þeir rifu sig í
gang eftir að hafa lent í tvígang undir í leiknum.
Það voru Vængir Júpiters sem skoruðu fyrsta markið á 12. mínútu
en á þeirri 18. jafnaði markahrókurinn Magnús Sverrir Þorsteinsson
leikinn.
Vængir Júpiters komust aftur yfir í byrjun seinni hálfleiks (49’)
en þá hysjuðu Reynismenn upp um sig buxurna, skoruðu þrjú mörk
(Krystian Wiktorowicz, 58’, Guðmundur Gísli Gunnarsson, 61’ og
Fufura Barros, 68’ og 75’) og sigldu góðum sigri í höfn eftir tvo dapra
tapleiki.
Lengjudeild karla:
Keflvíkingar lönduðu mikilvægum sigri í Eyjum
Það var auðvitað markahrókurinn Joey Gibbs sem skoraði fyrsta mark
leiksins gegn ÍBV á 13. mínútu og þannig stóðu leikar í hálfleik.
Í seinni hálfleik sóttu Eyjamenn í sig
veðrið og voru líklegri til að jafna
leikinn en Keflvíkingar að bæta í.
Þrátt fyrir það að Vestmanneyingar
virtust hafa stjórn á leiknum náðu
Keflvíkingar að bíta frá sér og á 83.
mínútu bætti Gibbs við öðru marki.
Það kom svo í hlut Kian Williams að
gulltryggja sigur Keflvíkinga tveimur
mínútum síðar (85’).
Eyjamenn náðu að svara þegar
venjulegur leiktími var við það að
renna út (90’) en þá var það orðið
of seint og Keflvíkingar lönduðu
góðum sigri.
Grindavík missti niður tveggja marka forystu
Grindvíkingar léku gegn Víkingi í
síðustu umferð Lengjudeildar karla.
Grindavík komst í 2:0 en missti for-
ystuna niður í 2:2 jafntefli. Það var
Aron Jóhannsson sem skoraði eina
mark fyrri hálfleiks og Grindvíkingar
leiddu 1:0 þegar gengið var til bún-
ingsklefa.
Víkingar urðu fyrir því óláni að
skora sjálfsmark snemma í seinni
hálfleik (53’) en rifu sig í gang og
minnkuðu muninn tveimur mín-
útum síðar.
Á 66. mínútu gerði Josip Zeba sig
sekan um algert dómgreindarleysi
þegar hann virtist gefa andstæðingi
sínum olnbogaskot og fékk að líta
rauða spjaldið. Brotið átti sér stað
þegar Víkingar voru að taka auka-
spyrnu á eigin vallarhelmingi svo
olnbogaskotið var algerlega glóru-
laust. Manni fleiri tókst Víkingum
að jafna leikinn á 77. mínútu og þar
við sat.
Grindvíkingar sitja í sjötta sæti
deildarinnar, einu stigi á eftir Þór en
eiga leik gegn Keflavík til góða. Þeir
mæta liði Leiknis frá Reykjavík á
miðvikudag klukkan 16:30.
Keflavík vann
Aftureldingu
LENGJUDEILD KVENNA:
Keflavík fór með sigur af hólmi
þegar kvennalið Keflavíkur tók
á móti Aftureldingu í 15. umferð
Lengjudeildar kvenna.
Aðeins eitt mark var skorað í
leiknum. Það kom á fimmtándu
mínútu og var þar að verki
Claudia Nicole Cagnina með sitt
fyrsta mark fyrir félagið og það
var ekki af verra taginu. Cagnina
fékk háa og langa sendingu inn
fyrir vörn Aftureldingar og af-
greiddi boltann með góðri snert-
ingu viðstöðulaust yfir markvörð
gestanna sem átti engan mögu-
leika á að verja. Glæsilegt mark.
Markið dugði Keflavík til sigurs
því fleiri urðu mörkin ekki. Kefl-
víkingar voru betri aðilinn í
leiknum þótt Afturelding legði
aukinn kraft í sóknina á síðustu
mínútunum.
Keflavík situr í öðru sæti
Lengjudeildar kvenna, fjórum
stigum á eftir Tindastóli og sjö
stigum fyrir ofan Hauka sem eiga
leik til góða.
Keflvíkingurinn Elías Már Óm-
arsson skoraði í þriðja leiknum í
röð í hollensku B-deildinni í knatt-
spyrnu síðasta laugardag. Hann
gerði tvö mörk í útileik gegn FC
Dordrecht en Excelsior vann 1:3
og er í fjórða sæti í deildinni með
tvo sigra en liðið tapaði um þar-
síðustu helgi.
Heimamenn í FC Dordrecht
náðu forystu en síðan skoraði Elías
Már tvö mörk á tveimur mínútum.
Thomas Kotte innsiglaði sigur Ex-
celsior á 89. mínútu.
Elías Már hefur skorað sjö mörk
í þessum þremur leikjum, tvær
tvennur og eina þrennu.
Risaslagur í Keflavík
Keflvíkingar heyja harða baráttu við Fram um efsta sætið í Lengjudeild karla. Þeir mættu ÍBV á Hásteinsvelli í
síðustu umferð og unnu mikilvægan sigur á meðan Fram, sem situr í efsta sætinu, náði aðeins jafntefli á heima-
velli gegn Vestra. Aðeins munar tveimur stigum á Keflavík og Fram en Keflavík á leik til góða. Á miðvikudag
mætast þessi lið á Nettóvellinum í Keflavík og hefst leikurinn klukkan 16:30.
Joey Gibbs skoraði tvö gegn ÍBV og er
langmarkahæstur í Lengjudeildinni með átján mörk.
Claudia Nicole Cagnina.
Elías Már með
sjö mörk
í þremur leikjum
Josip Zeba var rekinn af
velli eftir glórulaust brot.
vÍKURFRÉTTIR á sUðURNEsJUM Í 40 áR // 31