Feykir - 21.08.2019, Blaðsíða 2
Ég fann lyktina af haustinu á
mánudagsmorguninn þegar
ég kom út. Þessi sérstaki
keimur sem varla er hægt að
lýsa með orðum en flestir
þekkja þó. Alls ekki slæm
lykt en ber með sér einhverja
angurværð og vekur eftirsjá
eftir sumrinu alltof stutta.
Samt er ágúst bara rétt
rúmlega hálfnaður og enn
slatti eftir af sumrinu
samkvæmt dagatalinu.
Það er fleira en lyktin ein sem minnir á haustið. Það er
reyndar talsvert langt síðan byrjað var að auglýsa að
skólatöskurnar fáist hjá „okkur“ og skólabækurnar og
tölvurnar og ýmislegt fleira. Og svo er bara allt í einu komið
að því, skólabekkirnir fyllast af Finnum og Jónum og Siggum
og Drésum sem horfa með mismikilli eftirvæntingu til
komandi vetrar sem enginn veit nákvæmlega hvað bera mun
í skauti sér. Samt er ágúst bara rétt rúmlega hálfnaður.
Fjallskilaseðlarnir birtast einn af öðrum og gefa til kynna að
hausti að. Haustslátrun er meira að segja hafin á
Hvammstanga til að bjarga grillveislum ágústmánaðar þar
sem kótelettukjötið var sagt búið í landinu, sem reyndist víst
eitt allsherjar ágústgabb.
Veðurfræðingarnir eru farnir að spá næturfrosti og enn er
snjór í fjöllum síðan um næstsíðustu helgi þegar enn var ekki
komið fram í miðjan ágúst.
Ég veit vel að heilafrumurnar í mér eru ekki alveg eins
sprækar og þær eitt sinn voru en einhvern veginn finnst mér
að haustið sé alltaf að færa sig upp á skaftið og troða sér fram
fyrir síðustu sumardagana í röðinni. Ég ætla að leyfa mér að
fullyrða að til skamms tíma hafi maður almennt getað verið
nokkuð öruggur um kartöflugrös og ber fram yfir miðjan
september þegar ein og ein frostnótt fór að banka upp á. Og
kótelettubirgðir entust til næstu sláturtíðar enda ekki búið að
telja landsmönnum trú um að offramleiðsla á kindakjöti
kæmi í veg fyrir eðlilegan hagvöxt í landinu. En þá byrjuðu
skólarnir líka ekki fyrr en í september, meira að segja ekki
fyrr en um miðjan september í sveitum landsins enda voru
börnin þar mun bráðgerari en kaupstaðabörnin og þurftu
styttri tíma til að tileinka sér fræðin sem þeim stóðu til boða.
Kannski er það þegar að er gáð ekki aldurinn sem veldur
þessari hnignun heilafrumanna í höfðinu á mér, heldur gæti
þetta bara verið þessi almenna hrörnun sem virðist gæta
nokkuð víða í umhverfinu.
Fríða Eyjólfsdóttir
blaðamaður
LEIÐARI
Haustþefur
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Óli Arnar Brynjarsson, oli@feykir.is
Eysteinn Ívar Guðbrandsson, bladamadur@feykir.is
Áskriftarverð: 555 kr. hvert tölublað með vsk. Lausasöluverð: 685 kr. með vsk.
Áskrift og dreifing: Nýprent ehf. Sími 455 7171. Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Í síðustu viku var tæpum 716 tonnum landað á Sauðárkróki og var það Viðey RE 50 sem var
þar aflahæst með 295 og hálf tonn. Steinunn SF 10 var aflahæst á Skagaströnd með 62 og
hálft tonn en heildaraflinn þar var 87 og hálft tonn. Á Hofsósi var landað rúmum 14
tonnum, þar var dragnótabáturinn Njáll frá Ólafsfirði aflahæstur með 11,6 tonn og á
Hvammstanga landaði Harpa HU 4 tæpum 14 tonnum.
Heildarafli síðustu viku á Norðurlandi vestra var 831.512 kíló. /FE
Aflatölur 11. – 17. ágúst 2019
Viðey RE aflahæst
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
Hafrún HU 12 Dragnót 13.832
Kambur HU 24 Handfæri 344
Steinunn SF 10 Botnvarpa 62.522
Særif SH 25 Lína 7.835
Alls á Skagaströnd 87.514
HOFSÓS
Alfa SI 65 Handfæri 704
Ásdís ÓF 250 Handfæri 273
Elva Björg SI 84 Handfæri 73
Njáll ÓF 275 Dragnót 11.606
Skotta SK 138 Handfæri 670
Ösp SK 135 Handfæri 797
Alls á Hofsósi 14.123
HVAMMSTANGI
Harpa HU 4 Dragnót 13.889
Alls á Hvammstanga 13.889
SAUÐÁRKRÓKUR
Akurey AK 10 Botnvarpa 160.688
Dagur SK 17 Rækjuvarpa 14.843
Drangey SK 2 Botnvarpa 221.419
Gjávík SK 20 Handfæri 452
Hafborg SK 54 Þorskfiskinet 2.400
Hafey SK 10 Handfæri 634
Kaldi SK 121 Þorskfiskinet 599
Kristín SK 77 Handfæri 503
Már SK 90 Handfæri 1.613
Onni HU 36 Dragnót 17.113
Óskar SK 13 Handfæri 216
Viðey RE 50 Botnvarpa 295.506
Alls á Sauðárkróki 715.986
SKAGASTRÖND
Blíðfari HU 52 Handfæri 996
Dagrún HU 121 Handfæri 1.520
Dísa HU 91 Handfæri 465
FISK-Seafood, dótturfélag Kaupfélags
Skagfirðinga, hefur keypt allan hlut Gildis
lífeyrissjóðs í Brimi, sem áður hét HB Grandi. Á
Fréttablaðinu.is kemur fram að hluturinn hafi
verið rúmlega fimm milljarðar króna. Fyrir
eignarhlutinn í Brim fékk Gildi meðal annars
afhent bréf FISK-Seafood í Högum, en FISK átti
samanlagt tæplega 4,6 prósenta hlut í
smásölurisanum.
„Gildi fór með liðlega 8,5 prósenta hlut í
Brimi og er sá hlutur kominn í hendur FISK-
Seafood sem gerir félagið að einum stærsta
hluthafa útgerðarrisans. Markaðsvirði Brims er
rúmlega 63 milljarðar króna.
Gildi var stærsti hluthafinn í Högum fyrir
viðskiptin með 12,5 prósenta hlut. Ekki hafa
fengist staðfestar upplýsingar hvort Gildi hafi í
viðskiptunum tekið yfir allan hlut FISK-
Seafood í Högum, eða aðeins hluta hans, en
sjávarútvegsfyrirtækið seldi allan eignarhlut
sinn í Högum, samkvæmt heimildum
Markaðarins, samtals 55,5 milljónir hluta, á
genginu 41,5 krónur á hlut, jafnvirði um 2,3
milljarða króna,“ segir á frettabladid.is. /PF
FISK kaupir allan hlut Gildis í Brimi
SKAGAFJÖRÐUR
Um verslunarmannahelgina hóf heimafólk í
Fljótum söfnun fyrir leiktækjum fyrir börnin og
unglingana í sveitinni og þá sem sækja hana
heim. Í Facebookfærslu sem birtist á síðunni
Við erum ættuð úr Fljótunum segir:
„Eftir að skólinn lagðist af og börnin þurfa
um langan veg í skóla er lítið fyrir þau á
svæðinu. Okkur langar að gera svæði þar sem
þau geta hist á sumardögum/kvöldum og leikið
sér saman. Ærslabelgur varð fyrir valinu hjá
þeim sem það fyrsta sem safnað yrði fyrir.“
Söfnunin fór vel af stað en meðal annars rann
ágóði af kaffisölu á Ketilási til hennar.
Belgurinn, sem ætlunin er að kaupa, kostar í
kringum eina milljón króna og vantar enn
töluvert upp á þá upphæð svo betur má ef duga
skal.
Þeir sem vilja leggja málefninu lið geta lagt inn
framlög á reikning Íbúa- og átthagafélags
Fljóta, reikningsnúmer 0347-26-006706,
kennitala 670617-1140. /FE
Safnað fyrir ærslabelg í Fljótunum
SKAGAFJÖRÐUR
Ærslabelgurinn á Hofsósi er vinsælt leiktæki. MYND FE
2 31/2019