Feykir - 21.08.2019, Blaðsíða 5

Fótbolti 4. deild
Kormákur/Hvöt skrefi nær úrslitakeppninni
Lið Kormáks/Hvatar hefur heldur betur sýnt
hvað í því býr í 4. deildinni að undanförnu en
liðið hefur nú unnið átta leiki í röð og er í
góðum séns með að skila sér í úrslitakeppni
um sæti í 3. deild nú þegar ein umferð er eftir
óleikin í B-riðli. Á laugardaginn fengu
Húnvetningarnir lið ÍH í heimsókn á
Blönduósvöll og unnu glæsilegan 6-0 sigur.
Ingvi Rafn kom K/H yfir á 23. mínútu og
Diego Moreno Minguez gerði sitt fyrsta mark í
leiknum á 37. mínútu en hann átti eftir að fara
heim með splunkunýtt hatt-trikk á ferilskránni
þegar leik var lokið. Staðan var 2-0 í hálfleik en
það var Ingvi Rafn sem bætti við öðru marki sínu
á 58. mínútu. Diego bætti við marki úr víti á 79.
mínútu, Bergsveinn Snær gerði fimmta mark
K/H á 89. mínútu og loks kórónaði Diego
dagsverkið með marki á fyrstu mínútu
uppbótartíma.
Kormákur/Hvöt er nú í öðru sæti B-riðils
með 32 stig og mætir liði Úlfanna í lokaumferðinni
en Úlfarnir eru í fjórða sæti riðilsins. Þá mætast
einnig innbyrðis liðin tvö sem eru að berjast um
sæti í úrslitunum; Hvíti riddarinn (31 stig) og
topplið Snæfells (34 stig). Húnvetningar þurfa
því að sigra í síðustu umferðinni til að gulltryggja
sætið í úrslitakeppninni.
Aðspurður um möguleika K/H að komast
upp í 3. deild, ef liðið kemst í úrslitakeppnina,
segir Bjarki Már Árnason, þjálfari: „Ég met það
svo að við séum í góðum séns, en já, það eru
erfiðir mótherjar framundan. Við erum í raun að
fara i hálfgerða bikarkeppni eins og úrslitakeppnin
er. Ef við spilum vel, og eins og við getum, þá eru
allir vegir færir.“ /ÓAB
ÍÞRÓTTAFRÉTTIR Fleiri íþróttafréttir á Feykir.isF
MÍ í tugþraut
Ísak Óli rauf 7000-stiga múrinn
Meistaramót Íslands í fjölþrautum
frjálsíþrótta, öllum aldursflokkum, fór fram á
Þórsvelli á Akureyri helgina 17.-18. ágúst. Ísak
Óli Traustason var eini keppandi UMSS að
þessu sinni en hann gerði vel og landaði
silfurverðlaunum eftir æsispennandi keppni.
Úrslit í tugþraut karla voru eftirfarandi: 1.
Benjamín Jóhann Johnsen ÍR 7012 stig, 2. Ísak Óli
Traustason UMSS 7007 st., 3. Sindri Magnússon
Bbliki 6576 st., 4. Andri Fannar Gíslason KFA
6490 st., 5. Gunnar Eyjólfsson UFA 6456 st., 6.
Bjarki Rósantsson Bbliki 5862 stig. Á Tindastóll.
is segir að keppnin um sigurinn hafi verið
æsispennandi og skildu aðeins fimm stig þá að í
lokin, Benjamín Jóhann og Ísak Óla, sem í fyrsta
sinn rauf 7000-stiga múrinn, átti fyrir 6723 stig.
„Þá er viðburðaríku, erilsömu en skemmtilegu
utanhússtímabili lokið. Endaði tímabilið á því að
brjóta 7000 stiga múrinn í tugþraut sem klárlega
var stærsta markmið sumarsins. Takk allir fyrir
frábært frjálsíþróttasumar og núna tekur við
kærkomin hvíld í smá tíma og svo heldur vinnan
áfram,“ skrifar Ísak Óli á Facbooksíðu sína. /PF
Ísak Óli Traustason tugþrautakappi. MYND: FB
Fótbolti - Inkasso deild kvenna
Enn einn sigurinn í hús
hjá Stólastúlkum
Sunnudaginn síðasta
mættust lið Tindastóls og
Augnabliks úr Kópavogi á
gervigrasinu á Króknum.
Þetta var fyrsti leikurinn í
14. umferð Inkasso-
deildarinnar og ljóst að með
sigri héldu Stólastúlkur
veikri von um sæti í efstu
deild lifandi. Það fór svo að
lið Tindastóls reyndist
sterkari aðilinn og uppskar
3-1 sigur en Murielle Tiernan
gerði tvö mörk í síðari
hálfleik eftir að Laufey
Harpa náði forystunni fyrir
lið Tindastóls í fyrri hálfleik.
Jafnræði var með liðunum
framan af og fengu gestirnir
fyrsta færi leiksins en Lauren
varði vel í marki Tindastóls.
Murr fékk nokkur ágæt
hálffæri en hún náði ekki nógu
miklum krafti í skotin til að
trufla Telmu Ívars í marki
gestanna. Stólastúlkur náðu að
bjarga á marklínu eftir að
Lauren hafði hálfvarið skot
gestanna en það var loks á 37.
mínútu sem ísinn var brotinn.
Þá eltu Vigdís Edda og Telma
markvörður Augnabliks
boltann út úr teignum upp við
endamörk, Telma náði að
sparka frá en boltinn datt fyrir
vinstri bakvörð Stólanna,
Laufeyju Hörpu, sem lagði
boltann fyrir sig og átti síðan
glæsilega spyrnu í fjærhornið
á marki gestanna. Staðan 1-0 í
hálfleik.
Eftir um tíu mínútna leik í
síðari hálfleik komst Eva Rún
inn fyrir vörn gestanna og
komst í boltann á undan
Telmu í markinu sem lenti
harkalega á Evu og vítaspyrna
staðreynd. Eva Rún varð að
yfirgefa völlinn sökum meiðsla
og var þá búin að vera inn á í
tíu mínútur. Murr skoraði af
öryggi úr vítinu og næstu
mínúturnar var lið Tindastóls
baráttuglatt og reyndi mikið
að koma boltanum á Murr og
Vigdísi. Á 65. mínútu gerði
Murr þriðja mark Tindastóls.
Hún fékk fasta sendingu fram
þar sem hún var með bakið í
markið, kassaði boltann inn
fyrir vörn Augnabliks og hún
reyndist síðan sterkari á
sprettinum en varnarmenn-
irnir og renndi boltanum
framhjá Telmu í markinu.
Ótrúleg knattspyrnukona og
svona mörk gerir engin nema
Murr. Hún mætti samt fagna
mörkunum aðeins meir svona
til að gleðja áhorfendur. Eftir
þetta komust gestirnir meira
inn í leikinn og þeir jöfnuðu á
80. mínútu eftir röð mistaka í
vörn Tindastóls. Ekki tókst
þeim að minnka muninn
frekar og lokatölur því 3-1.
Næst mæta stelpurnar liði
Grindavíkur suður með sjó og
um að gera fyrir stuðningsfólk
Tindastóls að fjölmenna á
Mustad-völlinn næstkomandi
laugardag en leikurinn hefst
kl. 16. /ÓAB
Laufey og Kolbrún fagna marki þeirrar fyrrnefndu. MYND: ÓAB
Fótbolti 2. deild
Gaddfreðnir Garðbæingar lutu í gras
Lið Kormáks/Hvatar hefur
heldur betur sýnt hvað í því
býr í 4. deildinni að
undanförnu en liðið hefur nú
unnið átta leiki í röð og er í
góðum séns með að skila sér
í úrslitakeppni um sæti í 3.
deild nú þegar ein umferð er
eftir óleikin í B-riðli. Á
laugardaginn fengu
Húnvetningarnir lið ÍH í
heimsókn á Blönduósvöll og
unnu glæsilegan 6-0 sigur.
Tindastólsmenn tóku á
móti Knattspyrnufélagi Garða-
bæjar (KFG) á grasvellinum á
Króknum sl. laugardag. Liðið
hefur þó sýnt talsverð bata-
merki upp á síðkastið og
Garðbæingar, sem virkuðu
gaddfreðnir í norðlenska
norðanstrekkingnum, reyndust
Stólunum frekar þægilegur
andstæðingur. Lokatölur 3-0
en lið Tindastóls sem fyrr í
botnsætinu en nú með níu stig.
Heimamenn fengu óskabyrjun
þegar Arnar Ólafs gerði ágætt
mark úr teignum strax á 5.
mínútu. Á 12. mínútu var
boltanum stungið inn fyrir á
Kyen Nicholas sem náði að
hrista af sér varnarmenn KFG
og skora af öryggi. Lið gestanna
var talsvert með boltann en
Tindastólsmenn voru feyki
vinnusamir og vörðust og
börðust eins og ljón. Garð-
bæingar fengu fá færi í fyrri
hálfleik, lítil ógn var úr
hornspyrnum þeirra og þau fáu
skot sem þeir áttu ógnuðu varla
marki Faerbers sem átti óvenju
náðugan dag í búrinu. Staðan
2-0 í hálfleik.
Kyen Nicholas skorar þriðja og síðasta
mark leiksins í gær með þrumuskoti.
MYND: ÓAB
Stemning í klefanum eftir sigurleik gegn toppliði Snæfells á
dögunum. Frá vinstri: Bjarki Már Árnason, Ágúst Friðjónsson,
Kristófer Már Tryggvason, Pétur Arnar Kárason og fyrir aftan
er Róbert Guðmundsson. MYND: BMÁ
Í síðari hálfleik voru
gestirnir áfram meira með
boltann og fengu 2-3 sæmileg
skotfæri um og upp úr miðjum
hálfleiknum en í raun var meiri
hætta á ferðum þegar Stólarnir
sóttu og náðu að halda
boltanum niðri. Á 80. mínútu
kom rothöggið. Kyen Nicholas
náði boltanum úti á hægri kanti
til móts við vítateig KFG, hann
skaust inn á teig, lét vaða á
markið og Stefán Björn í marki
gestanna kom litlum vörnum
við. Frábært mark. Sennilega
væri staða Stólanna í deildinni
betri ef Englendingurinn hefði
skilað sér fyrr í skagfirsku
sumarparadísina. Fátt markvert
gerðist það sem eftir lifði og
annar sigur Tindastóls
kærkominn. /ÓAB
31/2019 5