Morgunblaðið - 18.05.2020, Qupperneq 9

FRÉTTIR 9Innlent
MORGUNBLAÐIÐ MÁNUDAGUR 18. MAÍ 2020
Óseyrarbraut 12, 220 Hafnarfirði | Klettagörðum 5, 104 Reykjavík | stolpigamar@stolpigamar.is
Gámaleiga
Er gámur lausnin fyrir þig?
Við getum líka geymt gáminn fyrir þig
568 0100
stolpigamar.is
HAFÐU
SAMBAND
Búslóðageymsla z Árstíðabundinn lager z Lager z Sumar-/vetrarvörur
Frystigeymsla z Kæligeymsla z Leiga til skemmri eða lengri tíma
Fjarfundabúnaður hefur reynst þingmönnum
ágætlega á tímum kórónuveiru og hefur aukin
notkun slíks búnaðar jafnvel auðveldað sam-
skipti við erlenda kollega, að sögn Sigríðar Á.
Andersen, þingmanns Sjálfstæðisflokksins og
formanns utanríkismálanefndar Alþingis.
Sigríður segir að vonandi sé búnaðurinn
kominn til að vera hvað varðar alþjóðastarf en
tími sé kominn til þess að nefndir fari aftur að
hittast í eigin persónu.
„Ég hef jafnvel verið í meiri samskiptum við
kollega mína erlendis en ég var fyrir þetta. Ég
tók frumkvæði að því að heyra í kollegum mín-
um á Norðurlöndum í upphafi þessa faraldurs
og hef setið fleiri fundi með þeim heldur en ég
hefði gert alla jafna,“ segir Sigríður.
Hún telur að ekki sé raunhæft að halda úti
svo mörgum utanferðum þingmanna frá Al-
þingi eins og gert hefur verið hingað til og von-
ar því að það sé komið til að vera að þingmenn
nýti sér fjarfundabúnað til að funda á alþjóða-
vettvangi í auknum mæli.
„Auðvitað kemur þetta ekki í staðinn fyrir
óformleg samskipti sem menn eiga á ráð-
stefnum erlendis en stundum hefur manni
fundist Alþingi teygja sig ansi langt til að
ferðast fyrir tveggja tíma fund í einhverju fjar-
lægu landi.“
Sigríður telur að nýta megi búnaðinn áfram,
til dæmis til þess að auðvelda fólki af lands-
byggðinni að koma inn á fundi nefnda Alþing-
is. ragnhildur@mbl.is
Fundur Helga Vala Helgadóttir, formaður velferðarnefndar, fundar í fjarfundabúnaði.
Morgunblaðið/Kristinn Magnússon
Tækni Sigríður á fundi utanríkismálanefndar. Hún telur hefðbundna fundi tímabæra.
Fjarfundabúnaður eykur alþjóðasamskipti
Reykjavík, Kópavogur, Garðabær,
Selfoss, Reykjanesbær, Hafnar-
fjörður og í gær Akranes. Götubiti á
hjólum hefur komið við í 25 hverfum
síðan í lok mars við fögnuð íbúa á
hverjum stað og sumarið er rétt að
byrja. Þá er stefnan að taka landið,
ef guð og gamlir trukkar lofa.
„Það vilja líka allir að við komum
aftur! Samhliða afléttingunum á
samkomutakmörkunum erum við að
spýta enn frekar í og fara enn víðar.
Við viljum líka geta boðið fleira fólki
á hvern stað og gert meiri hátíðir í
kringum þetta,“ segir Róbert Aron
Magnússon, framkvæmdastjóri
Götubita, sem stendur að því að
ferðast með hersingu matarvagna
um ólík hverfi og opna tímabundið
útisvæði þar sem boðið er upp á allar
helstu gerðir af götubita.
Róbert talar um hátíðir. Í fyrra-
sumar stóð hann að götubitahátíð í
Laugardal og á Miðbakka í miðbæ
Reykjavíkur, þar sem allt fór saman,
útivera, sælkeragötubiti og
skemmtiatriði. Ef samkomutak-
markanir leyfa er það aftur stefnan í
sumar en í bili fara Róbert og fé-
lagar hans um með níu matarvagna
og tjalda til eins kvöldverðar, ef svo
má segja. Þeir stilla upp um fimm-
leytið og eru fram yfir kvöldmat,
íbúar mæta og fá sér frumlegan
kvöldmat.
„Við stoppum og þetta skapar
vissa stemningu með góðri matar-
lykt í hverfinu. Við erum að því leyti
bara eins og ísbíllinn, það er gleði-
stund þegar við mætum,“ segir Ró-
bert. Ísbíll – nema matarvagnarnir
eru í þessu tilfelli níu og bjóða ekki
upp á ís, heldur allt frá humarlokum
og hamborgurum til kjúklinga-
vængja og takós. Götubiti á hjólum
er alltaf væntanlegur í hverfið
manns og best er að fylgjast með
honum á Facebook hjá Reykjavík
Street Food.
Íbúar í 25 hverfum
fengið að borða
 Eins og ísbíll, nema níu matarvagnar
Morgunblaðið/Íris
Garðabær Götubitinn var opnaður í
Garðabæ og á Akranesi um helgina.