Morgunblaðið - 18.05.2020, Qupperneq 26

26 ÍÞRÓTTIR
MORGUNBLAÐIÐ MÁNUDAGUR 18. MAÍ 2020
Þýskaland
Augsburg – Wolfsburg ........................... 1:2
 Alfreð Finnbogason lék ekki með Augs-
burg vegna meiðsla.
Düsseldorf – Paderborn ......................... 0:0
 Samúel Kári Friðjónsson lék ekki með
Paderborn vegna meiðsla.
Dortmund – Schalke ................................ 4:0
Hoffenheim – Hertha Berlín ................... 0:3
RB Leipzig – Freiburg ............................ 1:1
E. Frankfurt – Mönchengladbach.......... 1:3
Köln – Mainz ............................................. 2:2
Union Berlín – Bayern München............ 0:2
Staðan:
Bayern M. 26 18 4 4 75:26 58
Dortmund 26 16 6 4 72:33 54
Mönchengladb. 26 16 4 6 52:31 52
RB Leipzig 26 14 9 3 63:27 51
Leverkusen 25 14 5 6 45:30 47
Wolfsburg 26 10 9 7 36:31 39
Freiburg 26 10 7 9 35:36 37
Schalke 26 9 10 7 33:40 37
Hoffenheim 26 10 5 11 35:46 35
Köln 26 10 3 13 41:47 33
Hertha Berlín 26 8 7 11 35:48 31
Union Berlin 26 9 3 14 32:43 30
E.Frankfurt 25 8 4 13 39:44 28
Augsburg 26 7 6 13 37:54 27
Mainz 26 8 3 15 36:55 27
Düsseldorf 26 5 8 13 27:50 23
Werder Bremen 24 4 6 14 27:55 18
Paderborn 26 4 5 17 30:54 17
B-deild:
Aue – Sandhausen ................................... 3:1
 Rúrik Gíslason var ekki í leikmannahópi
Sandhausen.
Karlsruher – Darmstadt......................... 2:0
 Guðlaugur Victor Pálsson lék allan leik-
inn með Darmstadt.
Hvíta-Rússland
BATE Borisov – Slutsk ........................... 3:0
 Willum Þór Willumsson lék allan leikinn
með BATE Borisov.
 Efstu lið: BATE 19, Torpedo BeIAZ 18,
Energetyk-BGU 18, Slutsk 16, Shakhtyor
15, Isloch 15, Dinamo Brest 13.
Færeyjar
TB Tvöreyri – KÍ Klaksvík ..................... 1:2
Víkingur – Skála ....................................... 5:2
ÍF Fuglafjörður – HB Þórshöfn ............. 1:3
EB/Streymur – NSÍ Runavík ................. 0:3
B36 Þórshöfn – AB Argir ........................ 3:0
 Efstu lið: NSÍ Runavík 6, B36 Þórshöfn
6, HB Þórshöfn 6, Víkingur 4, ÍF 3, KÍ 3.
KNATTSPYRNA
KÖRFUBOLTI
Kristófer Kristjánsson
kristoferk@mbl.is
Körfuknattleikskonan Embla Krist-
ínardóttir er gengin til liðs við bik-
armeistara Skallagríms og mun hún
því leika listir sínar í Borgar-
firðinum í Dominos-deildinni næsta
vetur. Embla, sem spilar stöðu bak-
varðar, gengur til liðs við Skallagrím
frá Fjölni í Grafarvoginum þar sem
hún lék á síðustu leiktíð í fyrstu
deildinni en hún hjálpaði liðinu að
vinna sér inn sæti í efstu deild. Í
samtali við Morgunblaðið um
helgina sagði Embla, 24 ára, að
breyttar aðstæður hjá sér persónu-
lega leiddu til þessara félagsskipta.
„Ég fékk vinnu í Borgarnesi og
vantaði íbúð. Ég ætlaði að vera í
Fjölni en þeir gátu ekki komið til
móts við það. Þeir hjá Skallagrími
voru búnir að hafa samband við mig
áður og ég heyrði í þeim aftur. Upp
úr því komu þessi félagsskipti.“
Embla er uppalinn Keflvíkingur og
þar hefur hún unnið Íslands- og bik-
armeistaratitla, síðast árið 2018.
Einnig spilaði hún um nokkurra ára
bil með Grindavík. Skallagrímur
varð bikarmeistari í boltagrein í
fyrsta skipti í sögu félagsins þegar
liðið vann KR í úrslitaleiknum í febr-
úar og ríkti gríðarleg stemning í
kringum liðið á þeim tíma. Embla
líkir stemningunni í Borgarnesi við
tímann sinn hjá Grindavík og segist
spennt fyrir því að taka þátt í kom-
andi verkefnum með liðinu.
„Þetta er mjög spennandi, stemn-
ingunni svipar til þess þegar ég var í
Grindavík. Þetta er lítill bær og allir
einhvern veginn inni í þessu, ef leikir
vinnast þá vita allir af því. Það er
ekki bara liðið sem stendur eitt og
sér, það eru allir sem styðja, það er
mjög spennandi.“
Metnaður í Borgarnesi
Skallagrímur var í 4. sæti á Ís-
landsmótinu þegar keppni var aflýst
vegna kórónuveirufaraldursins sem
herjað hefur á heimsbyggðina
undanfarna mánuði. Guðrún Ósk
Ámundadóttir mun áfram þjálfa lið-
ið og þá hefur liðinu tekist að fram-
lengja samninga við sterka leikmenn
á borð við framherjann Gunnhildi
Lind Hansdóttur og bakvörðinn
Keiru Robinson en sú bandaríska
var einn besti leikmaður mótsins í
vetur. Þá segist Embla vita til þess
að félagið ætli jafnvel að styrkja sig
enn frekar. „Ég veit að þeir eru að
reyna að fá fleiri leikmenn og liðið
ætlar að gera gott mót á næsta tíma-
bili.“
Embla spilaði lítið í tæpt ár undir
lokin hjá Keflavík vegna meiðsla eða
áður en hún skipti yfir í Fjölni. Hún
hefur hins vegar náð sér að fullu og
er tilbúin í slaginn í vetur. Jafnvel
kom það sér vel fyrir hana að keppni
var aflýst í vor enda gefur það henni
færi á að koma sér í enn betra stand
fyrir næstu leiktíð.
„Ég meiðist undir lokin hjá Kefla-
vík og er í raun ekki að spila neitt í
tæpt ár áður en ég fer í Fjölni. Ég
ætlaði alltaf að koma inn í Fjölni í
janúar, hjálpa liðinu að komast upp í
úrvalsdeild og spila svo allavega eitt
ár með þeim þar. Svo breytast bara
aðstæður hjá mér og þess vegna er
ég að skipta um félag. Það er
kannski fínt að tímabilið endaði, ég
hef meiri tíma til að koma mér í
form.“
Embla var nokkuð óvænt valin í
landsliðshópinn sem fór á Smáþjóða-
leikana í Svartfjallalandi á síðasta
ári enda hafði hún verið meidd í að-
draganda mótsins. Þar vann liðið
fjóra af fimm leikjum sínum og
hreppti silfur. Hún á að baki 21
landsleik með A-landsliðinu en seg-
ist þó lítið hugsa um að vinna sér aft-
ur inn sæti þar. „Ég hef ekkert
hugsað út í það, það er enn mikil
óvissa í kringum þetta allt. Ég
komst mjög óvænt inn í hópinn síð-
ast og var þá ekki búin að spila í ein-
hverja mánuði. Ég hugsa ekkert of
mikið um það, ef það gerist þá gerist
það.,“ bætti Embla við í samtali við
Morgunblaðið.
Mikil
stemning í
Borgarnesi
 Skallagrímur styrkir sig fyrir vet-
urinn  Breyttar aðstæður hjá Emblu
Morgunblaðið/Hari
Happafengur Landsliðskonan Embla Kristínardóttir er sigursæl körfu-
boltakona og hokin af reynslu þrátt fyrir að vera einungis 24 ára gömul.
Willum Þór Willumsson lék allan
leikinn með hvítrússneska knatt-
spyrnuliðinu BATE þegar liðið
vann öruggan heimasigur gegn
Slutsk í úrvalsdeildinni þar í landi
um helgina. Leiknum lauk með 3:0-
sigri BATE sem var að vinna sinn
fimmta deildarleik í röð. Liðið hef-
ur verið á miklu skriði en það tap-
aði síðast leik í byrjun apríl.
BATE er í toppsæti úrvalsdeild-
arinnar með nítján stig eftir níu
leiki og er með einu stigi meira en
Torpedo-Bel AZ og BGU Minsk eft-
ir níu spilaðar umferðir.
Fimmti sigur
BATE í röð
Morgunblaðið/Árni Sæberg
Á skriði Willum Þór Willumsson og
liðsfélagar hans eru í frábæru formi.
Aleksander Ceferin, forseti knatt-
spyrnusambands Evrópu, fullyrðir
að Meistaradeild Evrópu og Evr-
ópudeildin muni klárast í sumar en
margar deildarkeppnir í Evrópu
stefna á endurkomu á næstu vikum
eftir kórónuveirufaraldurinn.
Þá greindi forsetinn einnig frá
því að lið sem koma frá löndum þar
sem íþróttaviðburðir hafa verið
bannaðir fram á haustið, líkt og
Ajax og PSG, muni þurfa að spila á
hlutlausum völlum en bæði Frakkar
og Hollendingar hafa aflýst sínum
deildarkeppnum. sport@mbl.is
Meistaradeildin
klárast í sumar
AFP
Forseti Slóveninn Aleksander Ce-
ferin hefur stýrt UEFA frá 2016.
18. maí 1987
Íslendingar koma heim með
27 gullverðlaun frá Smáþjóða-
leikunum í
Mónakó, þar af
22 í sundi. Ragn-
heiður Runólfs-
dóttir er sig-
ursælasti
keppandi leik-
anna en hún
vann til sjö gullverðlauna og
setti þrjú Íslandsmet. Eðvarð
Þór Eðvarðsson vann sex gull-
verðlaun í karlaflokki. Hin
fimm verðlaunin hlýtur Ísland
í frjálsíþróttum og júdó.
18. maí 1999
„Þegar við komum frá leikn-
um tóku alls um 50.000 manns
á móti okkur í miðbænum og
fögnuðurinn var gríðarlegur
eins og nærri má geta. Stóð
hann yfir fram undir morg-
un,“ segir Þórður Guðjónsson
landsliðsmaður í knattspyrnu
við Morgunblaðið. Hann hafði
þá gulltryggt Genk sinn
fyrsta meistaratitil í belgísku
knattspyrnunni
með því að
skora síðara
mark liðsins í
sigri á Harel-
beke, 2:1, í
lokaumferð
deildarinnar.
Bjarni og Jóhannes Karl,
bræður Þórðar, eru einnig í
leikmannahópi meistaraliðs-
ins.
18. maí 2009
Ísland sigrar Sviss, 33:31, í
vináttulandsleik kvenna í
handknattleik í Framhúsinu í
Safamýri. Sólveig Lára
Kjærnested er markahæst í ís-
lenska liðinu með átta mörk
og Harpa Sif Eyjólfsdóttir
skorar sex.
Á ÞESSUM DEGI
Knattspyrnumaðurinn Guðlaugur
Victor Pálsson, sem leikur með B-
deildarliði Darmstadt, var eini Ís-
lendingurinn sem var á skýrslu í
Þýskalandi um helgina þegar 1.
deildin og B-deildin fóru aftur af
stað eftir tæplega tveggja mánaða
hlé vegna kórónuveirufaraldursins.
Guðlaugur Victor lék allan leikinn
á miðsvæðinu hjá Darmstadt sem
tapaði 2:0 á útivelli fyrir Karlsruher.
Þrír aðrir Íslendingar leika í
Þýskalandi en landsliðsframherjinn
Alfreð Finnbogason lék ekki með 1.
deildar liði Augsburg sem tapaði 2:1
á heimavelli gegn Wolfsburg. Fram-
herjinn glímir við meiðsli á hné og er
óvíst hvort hann verði klár í slaginn
með liðinu þegar það heimsækir
Schalke 24. maí næstkomandi.
Þá er Samúel Kári Friðjónsson,
leikmaður botnliðs Paderborn í
þýsku 1. deildinni, að glíma við
meiðsli og hann var því fjarverandi
þegar liðið gerði markalaust jafntefli
gegn Fortuna Düsseldorf.
Rúrik Gíslason var svo ekki í hóp
hjá B-deildarliði Sanhausen sem
tapaði 3:1 á útivelli gegn Aue.
bjarnih@mbl.is
Ljósmynd/@sv98
Sending Guðlaugur Victor Pálsson á fleygiferð í leiknum gegn Karlsruher.
Einn Íslendingur
kom við sögu
 Alfreð og Samúel glíma við meiðsli