Morgunblaðið - 06.07.2020, Blaðsíða 9

Morgunblaðið/Þorgeir Baldursson
Hitaveita Orkuöryggi á Akureyri eykst til mikilla muna með lögninni nýju.
„Orkuöflun og afhendingaröryggi
hitaveitunnar verður traustara með
þessum framkvæmdum,“ segir Ant-
on Benjamínsson verkefnisstjóri hjá
Norðurorku. Á vegum fyrirtækisins
er nú unnið að uppsetningu nýrrar
aðveituæðar frá Hjalteyri inn til
Akureyrar. Verkið er tekið í áföng-
um og eftir því sem fram vindur er
nýja lögnin tengd við þá sem fyrir
er. Sú flytur um 160 l/sek af heitu
vatni, en með viðbótinni verður
flutningsgetan ríflega þreföld miðað
við hvað nú er. Lögnin er að nálgast
Skjaldarvík, skammt norðan við
Akureyri, og fer á leiðinni þangað
meðal annars undir ósa Hörgár.
Mikil þörf er fyrir meira af heitu
vatni á Akureyri, jafnhliða uppbygg-
ingu og íbúafjölgun þar. Borholur á
Hjalteyri leysa úr þeim vanda, en
fram undan er að þar verði smíðuð
ný dælustöð, loftskilja og annar til-
heyrandi búnaður. Það er verkefni
næsta árs en öll nýja Hjalteyrar-
lögnin til Akureyrar, sem verður alls
um 20 kílómetrar, verður fullgerð
eftir um tvö ár.
„Til þessa hefur heitt vatn fyrir
Akureyri að mestu verið sótt að
Laugalandi í Eyjafjarðarsveit. Það
svæði skilar hins vegar ekki nægu
vatni í dag og notkun á því þarf að
stýra og vera í jafnvægi svo jafn-
vægið raskist ekki til lengri tíma,“
segir Anton. sbs@mbl.is
Sækja meira heitt
vatn frá Hjalteyri
FRÉTTIR 9Innlent
MORGUNBLAÐIÐ MÁNUDAGUR 6. JÚLÍ 2020
Ómar Friðriksson
omfr@mbl.is
Vonir eru bundnar við að vegur nýsköpunar fari
vaxandi og nýsköpun verði aukinn aflvaki í at-
vinnulífinu. Nýjustu samanburðarkannanir
benda til að svo gæti orðið. Ísland er nú talið
standa sig vel í nýsköpun að því er fram kemur í
umfjöllun Hugverkastofu á vefsíðu stofnunar-
innar, því samkvæmt Evrópsku stigatöflunni um
nýsköpun á árinu 2020, sem birt var nýlega, er
Ísland í tólfta sæti af 37 löndum sem samanburð-
urinn nær til.
Fram kemur að nýsköpun hér á landi var yfir
meðaltali í fyrra samanborið við ríki innan Evr-
ópusambandsins og staða Íslands sem nýsköp-
unarlands er sögð sterk.
Frammistaða Íslands fór
dvínandi á árunum eftir 2012
Þróunin hér á landi hefur þó ekki öll verið upp
á við því frammistaða Íslands hefur dvínað þegar
litið er yfir lengra tímabil eða frá 2012 samanbor-
ið við ESB-lönd. Aðrar Norðurlandaþjóðir
standa Íslandi framar því Svíþjóð, Finnland og
Danmörk eru í öðru til fjórða sæti á evrópsku
stigatöflunni og Noregur er í níunda sæti.
Ef litið er á einstaka mælikvarða um hug-
verkaeignir innan ríkjanna lendir Ísland undir
meðaltalinu meðal Evrópusambandslanda en þá
er sjónum beint að fjölda alþjóðlegra einkaleyfa-
umsókna, vörumerkjaumsókna og hönnunar-
umsókna.
Efla á drifkraftinn í nýsköpun hér á landi með
stofnun sameiginlegs þróunarfélags sem Brim og
Akraneskaupstaður hafa komið á fót og fyrir-
huguðu rannsóknar- og nýsköpunarsetri sem
kynnt var fyrir helgi.
Hugverkaréttindi eru lykilþáttur í allri ný-
sköpun og kom fram í skýrslu Hugverkastofu
Evrópusambandsins og Evrópsku einkaleyfa-
stofunnar í fyrra að íslensk fyrirtæki sem leggja
mikið upp úr hugverkaréttindum stæðu undir
39,6% af vergri landsframleiðslu og sköpuðu
29,2% allra starfa hér á landi.
Jón Gunnarsson, samskiptastjóri Hugverka-
stofu, greinir frá þessu í nýútkominni ársskýrslu
stofunnar. Jón bendir á að í rannsókninni komi
einnig fram að íslensk fyrirtæki sem leggja mik-
ið upp úr hugverkaréttindum standa undir rúm-
lega 50 þúsund störfum hér á landi. Stærstur
hluti þeirra er fyrirtæki sem leggja mikið upp úr
vörumerkjum. „Skýrslan sýnir einnig að hug-
verkaiðnaður greiðir umtalsvert hærri laun en
annar iðnaður. Fyrirtæki sem nýta sér hug-
verkaréttindi í miklum mæli greiða að meðaltali
47% hærri laun en önnur fyrirtæki. Talan er enn
hærri hjá fyrirtækjum sem nýta sér einkaleyfi í
miklum mæli en þau greiða að meðaltali 72%
hærri laun,“ segir Jón í grein í ársskýrslunni.
Tölur um stöðu Íslands leiða í ljós að hlutfall
atvinnugreina sem leggja mikið upp úr hug-
verkaréttindim til atvinnu er hlutfallslega hið
sama hér á landi og að jafnaði í löndum Evrópu-
sambandsins.
Novartis AG á flest einkaleyfin
Umsóknum íslenskra aðila um skráningu
hugverka fækkaði þó á seinasta ári. Þannig
fækkaði t.a.m. vörkumerkjaumsóknum ís-
lenskra aðila um 26% á milli ára á sama tíma og
umsóknum erlendra aðila fjölgaði um 2%.
Um seinustu áramót voru skráð vörumerki
hér á landi um 60.500 talsins en þar af voru 7.500
í eigu íslenskra aðila. 8.400 einkaleyfi voru skráð
hér á landi um seinustu áramót og voru aðeins
85 þeirra í eigu íslenskra aðila. Þegar kemur að
skráningum á hönnun er hlutdeild Íslendinga
öllu betri en af 960 skráðum hönnunar-
hugverkum á Íslandi um áramótin voru 135 í
eigu íslenskra aðila.
Alls voru 8.423 einkaleyfi í gildi á Íslandi um
sl. áramót og það fyrirtæki sem átti flest er
svissneska lyfjafyrirtækið Novartis AG sem er
með alls 146 einkaleyfi hér á landi.
Sterk staða í nýsköpunarstiganum
 Ísland er í tólfta sæti á meðal 37 þjóða í nýjum samanburði á stöðu nýsköpunar á árinu 2020
 Fyrirtæki sem leggja mikið upp úr hugverkaréttindum standa undir rúmlega 50 þúsund störfum
Morgunblaðið/Styrmir Kári
Nýsköpun og rannsóknir Ísland er talið
standa sig vel skv. nýjum samanburði.
Klippt og beygt
fyrirminni og
stærri verk
ÍSHELLU 1 | HAFNARFIRÐI | S. 534 1500 | KAMBSTAL.IS
Sími 555 2992 og 698 7999
• Við hárlosi
• Mýkir liðina
• Betri næringar-
upptaka
Náttúruolía sem hundar elska
Við höfum notað Dog Nikita hundaolíu fyrir hundana
okkar í 3 ár og við erum ekkert á því að hætta.
Feldurinn á þeim er mjúkur, fallegur og hárlosið á
þeim gengur fyrr yfir. Þófarnir eru mjúkir og sléttir
en ekki harðir og grófir eins og þeir verða oft.Við
mælum með Dog Nikita hundaolíu.
Páll Ingi Haraldsson
EldurÍs hundar
Við mælum með Dog NIKITA hundaolíu
NIKITA hundaolía - Selaolía fyrir hunda
• Gott við exemi
• Betri og sterkari
fætur