Morgunblaðið - 20.07.2020, Blaðsíða 32

Hljómsveitin Góss, sem er skipuð þeim Sigurði Guð-
mundssyni, Sigríði Thorlacius og Guðmundi Óskari, er
á flakki um landið í júlímánuði. Næsti viðkomustaður
þeirra er hinn vinsæli tónleikastaður Græni hatturinn á
Akureyri en þar leikur Góss annað kvöld, þriðjudag,
klukkan 21. Fyrsta plata Góss, Góssentíð, var tilnefnd
sem plata ársins á Íslensku tónlistarverðlaununum. Á
tónleikunum á morgun hyggjast þau bjóða upp á „létt
og skemmtilegt prógramm þar sem aðalmarkmiðið er
að skapa hugljúfa kvöldstund fyrir tónleikagesti“.
Þremenningarnir í Góss skemmta
gestum á Græna hattinum
Sigurður Bogi Sævarsson
sbs@mbl.is
„Gróður hér dafnar, enda leggjum
við okkur eftir því að hirða vel um
garðinn og sýna starfi þess fólks
sem til hans sáði fulla virðingu,“
segir Sigríður Hjartar í Múlakoti í
Fljótshlíð. Á sunnudag um komandi
helgi, 26. júlí, verður þar efnt til há-
tíðar í tilefni þess að 150 ár eru liðin
frá fæðingu Guðbjargar Þorleifs-
dóttur sem þar var húsfreyja. Hún
var nafntoguð fyrir garðinn í Múla-
koti, þar sem fyrstu plöntur voru
settar niður um aldamótin 1900.
Venusvagn, kóngaljós
og risaklukka
„Upphaf ræktunarstarfsins var
1897, en þá setti Guðbjörg niður í
garði sínum reyniplöntur sem feng-
ar voru í Nauthúsagili undir Eyja-
fjöllum. Þær urðu stæðileg tré og
eru til prýði í garðinum. Er viður úr
sumum þessum trjám nú í bekkjum
og borðum sem við höfum komið fyr-
ir í garðinum hérna,“ segir Sigríður.
Guðbjörg Þorleifsdóttir var fædd
í Múlakoti árið 1870 og átti heima
þar alla tíð. Þau Túbal Karl
Magnússon maður hennar hófu þar
búskap 1897 og áttu þar heima til
dauðadags – en Guðbjörg lést 1958.
Hún fékk ung mikinn áhuga á hvers
konar ræktun og lýðveldisárið 1944
var garðurinn orðinn 1.000 fer-
metrar.
„Af þessum stað í Rangárvalla-
sýslu fóru miklar sögur um land allt,
enda var oft frá honum greint í blöð-
um og útvarpi. Þá kom ræktunar-
fólk, jafnvel frá útlöndum, í Múlakot
til að sjá með eigin augum hvaða
yndisgróður þrifist þar, en Guðbjörg
var einkar lagin að koma plöntum á
legg. Sprotar sem hún gróðursetti
öðluðust líf,“ segir Sigríður og nefnir
úr flóru Guðbjargargarði til dæmis
venusvagn, kóngaljós, risaklukku,
garðabrúðu og fingurbjargarblóm;
að ógleymdri eldliljunni, sem ásamt
venusvagninum varð einkennisblóm
staðarins.
Menningarstarfsemi
Elsti hluti Múlakotsbæjarins er
frá árinu 1897. Húsið var stækkað
árið 1928 og aftur 1946, en lengi var
á þessum stað gistihús og veitinga-
sala sem lagðist af árið 1982. Endur-
gerð hússins, sem sjálfseignar-
stofnunin Gamli bærinn í Múlakoti
stendur fyrir, er komin vel á veg.
„Við sjáum fyrir okkur að í húsinu
geti verið margvísleg menningar-
stafsemi í framtíðinni, svo ríkur er
þessi staður af sögum og ævintýrum
sem við viljum halda til haga,“ segir
Sigríður um hátíðina á sunnudag
sem hefst klukkan 15.
Morgunblaðið/Sigurður Bogi
Ræktunarkonur Sigríður Hjartar hér í Múlakoti við lágmynd af Guðbjörgu Þorleifsdóttur eftir Einar Jónsson.
Afmæli í yndisgarði
 Fallegur reitur
í Fljótshlíðinni er
fullur ævintýra
Múlakot Í garðinum sem var kominn í órækt en er að nýju orðinn fallegur.
Sá hluti gamla Múlakotsbæjarins sem hefur verið endurgerður í bakgrunni.
MÁNUDAGUR 20. JÚLÍ 202. DAGUR ÁRSINS 2020
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 697 kr.
Áskrift 7.530 kr. Helgaráskrift 4.700 kr.
PDF á mbl.is 6.677 kr. iPad-áskrift 6.677 kr.
Tíu met litu dagsins ljós á Íslandsmótinu í 50 metra
laug í sundi í Laugardalslaug um helgina. Fimm þeirra
komu í gær og fimm á laugardag. Karen Mist Arngeirs-
dóttir kom fyrst í mark í þremur greinum á mótinu og
Kristín Helga Hákonardóttir sigraði í þremur greinum á
mótinu og lenti einu sinni í öðru sæti, eins og Patrik
Viggó Vilbergsson. Anton Sveinn McKee vann allar fjór-
ar greinarnar sem hann tók þátt í, en Anton er eini ís-
lenski íþróttamaðurinn sem hefur tryggt sér sæti á Ól-
ympíuleikunum í Tókýó. »27
Tíu met á Íslandsmótinu í 50 metra
laug í Laugardalslauginni
ÍÞRÓTTIR MENNING