Morgunblaðið - 10.08.2020, Blaðsíða 10

10 FRÉTTIRInnlent
MORGUNBLAÐIÐ MÁNUDAGUR 10. ÁGÚST 2020
Aron Þórður Albertsson
aronthordur@mbl.is
„Það er búið að ganga mjög vel hjá
okkur. Aðsóknin hefur verið mikil
og við erum mjög sátt með sum-
arið,“ segir Agnes Anna Sigurðar-
dóttir, framkvæmdastjóri Bjórbað-
anna og Bruggsmiðjunnar Kalda í
Eyjafirði.
Bjórböðin hafa verið vinsæll
áfangastaður ferðamanna hér á
landi, en þar stendur fólki til boða
að baða sig í bjór og slaka á. Hvert
bað rúmar tvo einstaklinga en rúm
þrjú ár eru frá því böðin opnuðu.
Segir Agnes að það hafi í raun
komið á óvart hversu vel hefur
gengið það sem af er ári. Þannig
varð fyrirtækið ekki fyrir sama
höggi og önnur ferðaþjónustufyrir-
tæki.
„Við lokuðum útipottunum þar
sem er samgangur, en veitingastað-
urinn og bjórböðin eru áfram opin.
Við förum eftir settum reglum þar
og pössum að allt sé gert í sam-
ræmi við fyrirmæli sóttvarna-
yfirvalda.Við settum alla í 25%
hlutfall þegar faraldurinn stóð sem
hæst en höfum verið að ráða fólk
aftur og svo voru allir komnir aftur
í 100% vinnu í júlí,“ segir Agnes og
bætir við að nær allir gestir Bjór-
baðanna í sumar séu Íslendingar.
Er það jafnframt umtalsverð
breyting samanborið við síðustu ár.
„Þetta voru kannski 55% Íslend-
ingar fyrir faraldur en núna eru
þetta eiginlega eingöngu Íslend-
ingar og þeir hafa fyllt skarðið sem
erlendu ferðamennirnir skildu eftir.
Mynstrið er því breytt en að sama
skapi takmörkuðum við afgreiðslu-
tímann,“ segir Agnes.
Breyttu afgreiðslutímanum
Að hennar sögn var ráðist í
ákveðnar breytingar á afgreiðslu-
tíma til að laga hann betur að
neysluvenjum Íslendinga. Af þeim
sökum eru Bjórböðin nú lokuð á
mánudögum og þriðjudögum. „Við
ákváðum að breyta þessu í sam-
ræmi við venjur Íslendinga og
þetta var niðurstaðan,“ segir Agnes
sem ráðgerir að um 100 gestir fari
í böðin á degi hverjum. Er það ein-
ungis hluti gesta en fjölmargir hóp-
ar koma einvörðungu til að snæða
á veitingastað fyrirtækisins sem
starfræktur er undir sama þaki.
Óvíst hvernig haustið verður
Hjá fjölmörgum fyrirtækjum í
ferðaþjónustu má gera ráð fyrir að
róðurinn taki að þyngjast þegar
líður á veturinn. Segir Agnes að
Bjórböðin séu þar engin und-
antekning.
„Við reiknum með að stytta af-
greiðslutímann, en vera með opið
um helgar. Það er talsvert af hóp-
um sem vilja koma og það verður
opnað fyrir þá. Hins vegar er mað-
ur aðeins kvíðinn fyrir vetrinum
enda veit maður ekkert hvernig
haustið verður.“
Bjórböðin hafa haldið
dampi eftir faraldur
Morgunblaðið/Hari
Útipottar Búið er að loka útipottunum á svæðinu. Þrátt fyrir ástandið hefur þó tekist að halda bjórböðum opnum.
 Viðskiptavinir Bjórbaðanna nær eingöngu Íslendingar
hafðu það notalegt
handklæðaofnum
Vagnhöfða 11 - 110 Reykjavík - www.ofnasmidja.is - sími 577 5177
Eigum úrval af
Forsætisráðherra og dómsmálaráð-
herra hafa lagt fram fjögur frum-
varpsdrög til umsagnar á Samráðs-
gáttinni þar sem lagðar eru til
breytingar á lögunum um kynrænt
sjálfræði frá 2019 og á fleiri lögum.
Þar er m.a. lagt til að réttur ein-
staklinga til að breyta opinberri
skráningu kyns, og samhliða nafni,
miðist við 15 ára aldur í stað 18 ára.
„Lagt er til að sérhver einstakling-
ur sem náð hefur 15 ára aldri hafi
rétt til þess að breyta skráningu á
kyni sínu í þjóðskrá. Að því er varð-
ar börn yngri en 15 ára er gert ráð
fyrir að þau geti með fulltingi for-
sjáraðila sinna breytt opinberri
skráningu kyns síns,“ segir í um-
fjöllun.
Í bráðabirgðaákvæði laganna um
kynrænt sjálfræði nr. 80/2019 var
kveðið á um að skipaðir yrðu starfs-
hópar sem var m.a. falið að gera til-
lögur um lagabreytingar til að
tryggja réttindi transfólks og inter-
sex fólks, réttindi barna sem fæðast
með ódæmigerð kyneinkenni og
endurskoða aldursviðmið til lækk-
unar vegna réttar til að breyta
skráningu kyns. Frumvarpsdrög
forsætis- og dómsmálaráðherra
byggjast á tillögum starfshópanna.
Þegar upphaflegt frumvarp um
kynrænt sjálfræði var lagt fram var
kveðið á um að ungmenni sem náð
hefðu 15 ára aldri hefðu sjálfstæðan
rétt til að ákveða hvort þau vildu
breyta kynskráningu sinni. Í um-
fjöllun allsherjar- og menntamála-
nefndar var aldursviðmiðið hins
vegar hækkað í 18 ár þar sem fram
komu þau sjónarmið að varhugavert
væri að börn frá 15 ára aldri gætu
breytt skráningu á kyni án þess að
afstaða forsjáraðila lægi fyrir. Var
starfshópi falið að skoða málið bet-
ur. Niðurstaða hópsins var sú að
sjálfstæður réttur til að breyta
opinberri skráningu kyns ætti að
miðast við 15 ára aldur. Unglingar
hafi við þann aldur almennt nægan
þroska til að taka afstöðu til þess
hvort rétt sé fyrir þau að breyta
kynskráningu og geri sér grein fyrir
afleiðingum þess. Forsætisráðherra
hefur nú tekið þessa tillögu nefnd-
arinnar inn í frumvarpsdrögin.
Læknisfræðilegar forsendum
Í öðru frumvarpi forsætisráð-
herra er að finna tillögur sem
byggja á niðurstöðum starfshóps til
að bæta réttindi barna sem fæðast
með ódæmigerð kyneinkenni. Bent
er á að einstaklingar með ódæmi-
gerð kyneinkenni hafi í gegnum tíð-
ina um allan heim orðið fyrir kerfis-
bundinni mismunun og
réttindaskerðingu, m.a. vegna
ónauðsynlegra og skaðlegra læknis-
fræðilegra inngripa.
,,Lagt er til að meginreglan verði
sú að varanlegar breytingar á kyn-
einkennum barns yngri en 16 ára
sem fæðist með ódæmigerð kynein-
kenni skuli einungis gerðar í sam-
ræmi við vilja barnsins. Sé barn
sökum ungs aldurs ófært um að
veita slíkt samþykki eða af öðrum
sökum ófært um að gefa til kynna
vilja sinn skal þó heimilt að breyta
kyneinkennum þess varanlega ef
heilsufarslegar ástæður krefjast
þess og þá einungis að undan-
gengnu ítarlegu mati á nauðsyn
breytinganna og afleiðingum þeirra
til skemmri og lengri tíma,“ segir í
umfjöllun.
Í frumvarpi dómsmálaráðherra
er að finna ný ákvæði sem bætt
verði í barnalögin um foreldrisstöðu
transfólks og einstaklinga með hlut-
lausa kynskráningu. Lagðar eru til
breyttar skilgreiningar hugtakanna
faðir og móðir eftir breytingu á kyn-
skráningu. omfr@mbl.is
Breytt kyn-
skráning miðist
við 15 ára aldur
 Leggja til breytingar á lögum um kyn-
rænt sjálfræði í ráðherrafrumvörpum
„Það er svo margt spennandi við
Grænland og margar sögur sem okkur
langar til að segja,“ segir Steinarr
Logi Nesheim, kvikmyndaframleið-
andi og einn stofnenda
framleiðslufyrirtækisins Polarama.
Hann og Kidda Rokk, framleiðandi
og einnig meðeigandi Polarama, hafa
unnið að samstarfssamningi við græn-
lensku kvikmyndaframleiðendurna
Emile Herling Péronard og Pipaluk K.
Jørgensen. Þau hafa nú opnað útibú í
Nuuk á Grænlandi undir nafninu Pol-
arama Greenland.
Þegar Steinarr og Kidda unnu hjá
Sagafilm við framleiðslu á þáttaröðinni
Ísalög gafst þeim tækifæri til að kynn-
ast grænlenskri menningu og kviknaði
þá áhugi á samstarfinu. Sögusvið þátt-
anna er Grænland en stærstur hluti
seríunnar var tekinn upp á Íslandi.
„Tildrögin að þessu verða þegar við
kynntumst grænlenskum framleið-
endum í gegnum þessa þáttaseríu og
þegar hugmyndin kom upp var hún
bara sjálfsögð,“ segir Steinarr og held-
ur áfram:
„Grænlensk handrit hafa sína sér-
stöðu og menningin er sérstaklega
áhugaverð,“ segir hann.
Í umfjöllun Screendaily segir frá því
að skattaafsláttur á íslenskum kvik-
myndum hafi nýlega tekið gildi fyrir
tökur í Grænlandi líkt og önnur Evr-
ópuríki. Þannig væri hægt að taka upp
80% af kvikmynd á Íslandi og 20% af
myndinni á Grænlandi og fá skattaaf-
slátt.
Vilja framleiða kvik-
myndir á Grænlandi
 Samstarf við grænlenska framleiðendur
Samstarf Steinarr og Kidda ætla í samstarf við grænlenska framleiðendur.