Morgunblaðið - 05.09.2020, Qupperneq 48

Steinþór Guðbjartsson
steinthor@mbl.is
Skjöldur til minningar um Hjálmar
Kristin Aðalsteinsson, íþróttakenn-
ara og Íslandsmeistara í borðtennis,
sem andaðist 25. janúar síðastliðinn,
var afhjúpaður við íþróttahús Haga-
skóla síðdegis í gær. Við sama tæki-
færi var nafn nýlegs tennisvallar þar
gert opinbert, og heitir hann Hjalla-
völlur.
Hjálmar, eða Hjalli eins og hann
var gjarnan nefndur, sérhæfði sig í
borðtennis og tennis. Hann æfði og
keppti fyrir KR á sínum yngri árum,
var landsliðsmaður og landsliðsþjálf-
ari í borðtennis auk þess sem hann
æfði og þjálfaði tennis í mörg ár.
Vinum hans þótti því við hæfi að
heiðra minningu hans með fyrr-
nefndum hætti.
Samtakamáttur
Þórhallur Ólafsson lagði til við
Reykjavíkurborg 2018 að bílastæði
við enda íþróttahúss Hagaskóla yrði
aftur gert að tennisvelli. Hugmyndin
fór í hverfisval sama ár, var valin
áfram og úr varð tennisvöllur. Í apríl
sem leið reifaði hann við Ólaf Jó-
hannsson, föður sinn og vin Hjalla,
hvort ekki væri við hæfi að nefna
völlinn Hjalla- eða Hjálmarsvöll.
„Ég greip hugmyndina á lofti, hafði
samband við nokkra félaga og spurði
hvað þeim fyndist um að setja
nokkrar krónur í að láta útbúa fal-
legan og látlausan minningarskjöld
og festa til dæmis á vegg íþrótta-
hússins við völlinn,“ segir Ólafur.
„Allir voru samþykkir og því var
hafist handa við að útfæra hug-
myndina.“
Í undirbúningsnefndinni voru auk
Ólafs Ingibjörg Halldórsdóttir, Elín
Mjöll Jónasdóttir, Hafdís Guð-
mundsdóttir, Guðrún Þóra Hjalta-
dóttir, Margrét Ásgeirsdóttir og
Erna Valsdóttir. Margrét Björns-
dóttir, ekkja Hjálmars, var höfð með
í ráðum auk þess sem Stefán Örn
Sigurðsson, æskuvinur hans, var
fenginn til liðs við hópinn.
Leyfi til framkvæmdarinnar
fékkst hjá borginni og stjórnendum
Hagaskóla. Formaður KR veitti
samþykki fyrir því að KR-merkið
yrði á skildinum og í kjölfarið var
hann gerður. Starfsmenn borgar-
innar sáu um að hreinsa beð á svæð-
inu, fjarlægja illgresi og gróðursetja
nýjar plöntur auk þess sem málað
var yfir veggjakrot og völlurinn girt-
ur af.
Þetta er eini almennings-
tennisvöllurinn í Vesturbænum og
Ólafur segir að vel fari á því að hann
sé á svæðinu. Mikill tennisáhugi sé
fyrir vestan læk og enn sé í minnum
haft þegar Boris Spasskí lék tennis á
Melaskólalóðinni meðan heims-
meistaraeinvígið við Bobby Fischer í
skák stóð yfir 1972. „Íþróttin á allt
gott skilið og ánægjulegt er að minn-
ast Hjalla með þessum hætti,“ segir
Ólafur.
Margrét Ásgeirsdóttir, sem býr á
horni Neshaga og Furumels, tekur í
sama streng. „Völlurinn hefur verið
nánast í notkun allan daginn og fram
á kvöld í vor og sumar, jafnt virka
daga sem um helgar,“ segir hún.
Bætir við að völlurinn hafi verið
lyftistöng fyrir hreyfiþörf íbúa á
tíma samkomubanns. „Stálpaðir
krakkar og ungt fólk er í meirihluta
iðkenda og miðaldra fólk virðist vera
að uppgötva völlinn. Mér finnst
ánægjulegt að fylgjast með ungling-
um leika sér í tennis á laugardags-
kvöldum. Ég hef aldrei orðið vör við
hávaða og læti frá vellinum og um-
gengni er til fyrirmyndar.“
Hjallavöllur og
minningarskjöldur
Morgunblaðið/Eggert
Íþróttir Hjálmar var síbrosandi og
fór flestra sinna ferða á hjóli.
 Tennisvöllur nefndur eftir Hjálmari Kristni Aðalsteinssyni
Sómi Margrét Björnsdóttir, ekkja Hjálmars, afhjúpaði minningarskjöldinn.
... stærsti
uppskriftarvefur
landsins!
LAUGARDAGUR 5. SEPTEMBER 249. DAGUR ÁRSINS 2020
5 6 9 0 9 0 0 0 0 0 9 0 0
Í lausasölu 1.196 kr.
Áskrift 7.530 kr. Helgaráskrift 4.700 kr.
PDF á mbl.is 6.677 kr. iPad-áskrift 6.677 kr.
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Íslenska U21 árs landslið karla í fótbolta vann í gær af-
ar huggulegan 1:0-sigur á Svíþjóð í undankeppni EM á
Víkingsvelli. Sveinn Aron Guðjohnsen skoraði sig-
urmarkið er hann negldi boltanum í netið með enninu
eftir hornspyrnu frá Ísak Bergmann Jóhannessyni.
Svíþjóð vann leik liðanna á heimavelli sínum fyrir ári
síðan 5:0 og var sigurinn því sérstaklega sætur. Ísland
er í þriðja sæti riðilsins, fjórum stigum á eftir Írlandi
sem er í toppsætinu og á enn möguleika á að tryggja
sér sæti á EM. »41
Glæsilegur sigur íslensku
strákanna á Svíum í Fossvogi
ÍÞRÓTTIR MENNING
Fiðluleikarinn Nicolas Lolli, sellóleikarinn Halla Bryndís
Gylfadóttir og píanóleikarinn Mathias Susaas Hal-
vorsen koma saman í fyrsta sinn í Hannesarholti sem
tríóið Reykjavik Mozart Ensemble á hádegistónleikum
á morgun, sunnudaginn 6. september, kl. 12.15. Í þessu
fyrsta verkefni sínu sem tríó takast þau á við tvö stór-
verk fyrir píanótríó eftir Smetana og Schubert. Frá
fyrstu æfingu smullu þau saman í leikgleði án þess að
þurfa að tala, segir í tilkynningu um tónleikana. Öll eru
þau sammála um að kammertónlist skuli vera frjáls,
sjálfsprottin, sveigjanleg og full af gleði.
Reykjavík Mozart Ensemble leikur
verk eftir Smetana og Schubert