Morgunblaðið - 16.09.2020, Blaðsíða 16

16 MINNINGAR
MORGUNBLAÐIÐ MIÐVIKUDAGUR 16. SEPTEMBER 2020
✝ Sigurður G.Emilsson fædd-
ist í Hafnarfirði 22.
september 1931.
Hann lést á Hrafn-
istu í Hafnarfirði 4.
september 2020.
Foreldrar Sig-
urðar voru Emil
Jónsson, fv. ráð-
herra, f. 27. októ-
ber 1902, d. 30.
nóvember 1986, og
Guðfinna Sigurðardóttir, hús-
freyja, f. 18. febrúar 1894, d. 6.
október 1981.
Systkini hans voru: Ragnar, f.
1923, d. 1990, Vilborg, f. 1928, d.
2013, Jón, f. 1929, d. 2010, Sig-
hvatur Birgir, f. 1933, d. 2005,
og Guðrún, f. 1936.
Sigurður giftist 26. nóvember
1960 Guðfinnu Björgvinsdóttur,
f. 5. júlí 1937, d. 15. september
2014. Foreldrar Guðfinnu voru
Björgvin Helgason sjómaður, f.
10. júlí 1904, d. 20. júlí 1967, og
Þorbjörg Eyjólfsdóttir hús-
freyja, f. 18. nóvember 1904, d.
2. ágúst 2007.
Systkini hennar voru: Sól-
veig, f. 1929, d. 2017, og Eyjólf-
Hvaleyrarholtinu í Hafnarfirði,
þar sem þau bjuggu í nærri
hálfa öld. Árið 2007 fluttu þau
síðan að Drekavöllum 18 í Hafn-
arfirði.
Sigurður varð stúdent frá
Menntaskólanum á Akureyri
1952 og viðskiptafræðingur frá
Háskóla Íslands 1956. Hann
starfaði lengst af eða í yfir
fjörutíu ár hjá Bæjarfógetanum,
síðar Sýslumanninum í Hafn-
arfirði. Sigurður sinnti um ára-
bil kennslu við Iðnskólann í
Hafnarfirði og sat í stjórn Spari-
sjóðs Hafnarfjarðar auk nokk-
urra annarra félaga. Hann
starfaði mikið fyrir Alþýðu-
flokkinn og var um tíma ritstjóri
Alþýðublaðs Hafnarfjarðar
ásamt því að sitja í nefndum og
ráðum fyrir flokkinn á vegum
bæjarins. Sigurður var í mörg-
um félögum, t.d. Badminton-
félagi Hafnarfjarðar, golf-
klúbbnum Keili og Bridgefélagi
Hafnarfjarðar. Hann lék í nokk-
ur skipti með öldungalandsliði
Íslands í golfi.
Útför Sigurðar fer fram frá
Hafnarfjarðarkirkju í dag, 16.
september 2020, kl. 13.
Vegna aðstæðna í samfélag-
inu verður athöfnin einungis
fyrir nánustu fjölskyldu og vini.
Öðrum sem hafa áhuga á að
vera viðstaddir athöfnina er vel-
komið að hafa samband við að-
standendur.
ur, f. 1933, d. 2013.
Börn Sigurðar
og Guðfinnu eru: 1)
Emil Sigurðsson, f.
31. júlí 1959, stýri-
maður, í sambúð
með Gerði Guðjóns-
dóttir, f. 12. maí
1958. Dóttir Gerðar
er Bergdís Norð-
dahl, f. 1989.
2) Björgvin Sig-
urðsson, f. 17.
ágúst 1963, skipstjóri, kvæntur
Sigurbjörgu M. Sigurðardóttur,
f. 12. janúar 1965. Börn þeirra
eru Sigurður Gunnar, f. 1989,
kvæntur Heena Baniya, f. 1997,
Finnur Emil, f. 1991, Aldís
Helga, f. 1997, og Matthildur
Veiga, f. 2006.
3) Ingvar Þór Sigurðsson, f. 4.
febrúar 1971, lögfræðingur,
kvæntur Rósu Dögg Flosadótt-
ur, f. 26. nóvember 1975. Börn
þeirra eru Eva Dís, f. 2005, og
Flosi Freyr, f. 2011.
Sigurður ólst upp á Aust-
urgötu 37 og síðar Kirkjuvegi 7
í Hafnarfirði. Hann og Guð-
finna, eiginkona hans, byggðu
sér síðar hús á Þúfubarði 3 á
Lífsglaður, fróður og
skemmtilegur eru á meðal
þeirra orða sem fyrst koma upp
í hugann þegar ég sest niður og
skrifa þessar línur og minnist
elskulegs föður míns.
Pabbi hefði orðið níræður á
næsta ári og samfylgd okkar
því orðin nokkuð löng. Maður
er samt aldrei tilbúinn að
kveðja. Á svona stundu saknar
maður pabba síns, verður lítill
og minningarnar streyma fram.
Pabbi var alltaf til staðar tilbú-
inn að hlusta, leiðbeina og gefa
góð ráð.
Pabbi var fæddur og uppal-
inn í Hafnarfirði. Bjó lengi við
Austurgötuna og síðar á
Kirkjuveginum í miðbænum.
Skólagangan hófst í Lækjar-
skóla og síðan lá leiðin í Flens-
borg. Hann fór ungur í sveit á
sumrin hjá móðurbróður sínum,
séra Ingvari Sigurðssyni á
bænum Desjamýri á Borgar-
firði eystri. Síðar vann hann á
sumrin við viðhald vita og
dýpkun hafna umhverfis landið.
Pabbi varð stúdent frá Mennta-
skólanum á Akureyri 1952.
Hann útskrifaðist síðan sem
viðskiptafræðingur frá Háskóla
Íslands 1956.
Pabbi starfaði lengst af eða í
yfir fjörutíu ár hjá Bæjarfóg-
etanum, síðar Sýslumanninum í
Hafnarfirði. Þar annaðist hann
umboðið fyrir almannatrygg-
ingarnar. Pabbi sinnti störfum
sínum við embættið af alúð og
samviskusemi. Hann leiðbeindi
og aðstoðaði þá sem til hans
leituðu jafnvel umfram það sem
starfsskyldur hans buðu hon-
um. Auk starfa við sýslumanns-
embættið sinnti pabbi m.a.
kennslu í Iðnskólanum í Hafn-
arfirði og sat t.d. um tíma í
stjórn Sparisjóðs Hafnarfjarðar
auk annarra fyrirtækja.
Pabbi og mamma byggðu sér
heimili á Hvaleyrarholti í Hafn-
arfirði og bjuggu þar í nærri
hálfa öld. Pabbi lét til sín taka
við húsbygginguna. Hann lagði
mikið á sig til að koma húsinu
upp og oft var vinnudagurinn
langur. Það var gaman að alast
upp á holtinu. Hverfið var að
mótast og þar var mikið af
ungu fólki og börnum. Heimilið
á Þúfubarðinu var fallegt og
með stórum garði sem pabbi
hafði yndi af að rækta. Við vor-
um þrír bræðurnir og nær und-
antekningalaust mikið líf og
fjör á heimilinu. Pabbi var dug-
legur að eyða tíma með okkur
bræðrunum, m.a. fara með okk-
ur á skíði og í veiði.
Áhugamál pabba voru mörg,
má þar nefna bridds sem hann
stundaði lengi með Bridgefélagi
Hafnarfjarðar og badminton
sem hann stundaði árum saman
með Badmintonfélagi Hafnar-
fjarðar. Hann hóf síðan að leika
golf eftir miðjan aldur en það
aftraði honum ekki frá því að
komast í öldungalandslið Ís-
lands sem hann lék með í nokk-
ur skipti á erlendri grundu.
Pabba fannst golfið svo
skemmtilegt að hann vann í
nokkur sumur hjá golfklúbbn-
um Keili eftir að hann varð sjö-
tugur og var hættur störfum
hjá sýslumannsembættinu.
Pabbi gat verið ákveðinn og
hafði gríðarlegt keppnisskap.
Það skilaði honum mörgum
sigrum og titlum á badminton-
vellinum, við spilaborðið og eins
úti á golfvelli. Pabbi var alla tíð
harður FH-ingur. Gott gengi
íþróttafólks úr FH gladdi hann
alltaf jafn mikið.
Pabbi hafði mikinn áhuga á
þjóðmálum og hafði oft sterkar
skoðanir á hlutum. Hann var
jafnaðarmaður og starfaði um
tíma mikið fyrir Alþýðuflokkinn
í Hafnarfirði, var m.a. ritstjóri
Alþýðublaðs Hafnarfjarðar um
skeið og sat jafnframt í nefnd-
um og ráðum fyrir flokkinn á
vegum bæjarins.
Þegar mamma lést fyrir
nokkrum árum höfðu þau pabbi
flutt í fallega íbúð á Drekavöll-
um í Hafnarfirði. Pabbi bjó þar
áfram þar til nú síðsumars þeg-
ar hann flutti inn á Hrafnistu í
Hafnarfirði. Síðustu ár hefur
hann líka notið þjónustu Hrafn-
istu því þangað hefur hann m.a.
sótt dagvistun og nokkrar
hvíldarinnlagnir.
Það sem einkenndi pabba þó
alltaf mest var lífsgleðin og
bjartsýnin sem hann bjó yfir.
Hann var mikill sögumaður og
grínisti af guðs náð og það var
því alltaf gaman að vera í
kringum hann. Pabbi var góður
afi og fátt gladdi hann meira en
að fá barnabörnin í heimsókn
eða heyra tíðindi af þeim.
Að leiðarlokum þökkum við
pabba fyrir allan þann góða
tíma sem við höfum átt saman
og allt það sem hann hefur
kennt okkur. Blessuð sé minn-
ing hans.
Ingvar Sigurðsson.
Elsku pabbi.
Það er erfitt að trúa því að
þú sért farinn frá okkur.
Eftir sitja fallegar minningar
með ykkur mömmu sem kvaddi
okkur allt of fljótt, af holtinu,
völlunum, á ferðalögum og í
veiðitúrum svo ekki sé minnst á
golfið. Þær voru ófáar ferðirnar
á golfvöllinn, þar sem þú varst
á heimavelli. Þú sagðir það oft
við mig að þú vildir hafa byrjað
mikið fyrr að stunda þessa
íþrótt því þú fannst þig vel þar.
Þú varst öllum stundum á vell-
inum hjá golfklúbbnum Keili.
Engan óraði fyrir því að þú af-
rekaðir að fara holu í höggi og
vera svo valinn í golflandsliðið.
Eftir að starfsævi þinni lauk
varst þú orðinn starfsmaður á
golfvellinum. Við fórum oft
saman á golfmót hjá Keili og
öðrum klúbbum og oftast hafðir
þú vinninginn úr þeim ferðum.
Einnig fórum við saman til út-
landa að spila. Maður heyrði að
menn kepptust um að spila með
þér í holli því þú hafðir mikið
keppnisskap. En að leiðarlok-
um að sinni vil ég, elsku pabbi,
þakka þér og mömmu fyrir allt
það sem þið gáfuð mér og mín-
um.
Þar til næst að við hittumst
aftur.
Kallið er komið,
komin er nú stundin,
vinaskilnaðar viðkvæm stund.
Vinirnir kveðja
vininn sinn látna,
er sefur hér hinn síðsta blund.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(V. Briem)
Hver minning dýrmæt perla að
liðnum lífsins degi,
hin ljúfu og góðu kynni af alhug
þakka hér.
Þinn kærleikur í verki var gjöf, sem
gleymist eigi,
og gæfa var það öllum, er fengu að
kynnast þér.
(Ingibjörg Sigurðardóttir)
Ljúfar voru stundir
er áttum við saman.
Þakka ber Drottni
allt það gaman.
Skiljast nú leiðir
og farin ert þú.
Við hittast munum aftur,
það er mín trú.
Hvíl þú í friði
í ljósinu bjarta.
Ég kveð þig að sinni
af öllu mínu hjarta.
(Maren Jakobsdóttir)
Blessuð sé minning þín,
elsku pabbi, og takk fyrir allt.
Emil, Gerður og Bergdís.
Það var gott að alast upp á
Þúfubarðinu hjá pabba og
mömmu enda voru þau mjög
samstiga í uppeldi okkar
bræðra. Aldrei man ég eftir því
að okkur hafi skort neitt og það
var alltaf nóg að bíta og brenna
þökk sé eljusemi ykkar
mömmu, enda voruð þið sam-
rýnd á flestum sviðum og
mamma alveg einstök húsmóðir
og hugsaði afar vel um þig og
okkur strákana.
Pabbi var mikill íþróttamað-
ur og tók sjaldnast þátt í ein-
hverjum leik án þess að það
yrði að keppni, má þar nefna
bridge, badminton, fótbolta,
skíði og síðast golfið sem átti
hug hans síðustu árin sem hann
gat spilað heilsunnar vegna.
Til marks um keppnisskapið
hans þá byrjaði hann í golfi á
miðjum aldri og komst í lands-
lið öldunga.
Svo átti hann líka drauma-
höggið í golfi – hola í höggi.
Pabbi fylgdi okkur bræðrum
vel úr hlaði og fylgdist alltaf vel
með öllu sem við vorum að gera
alveg til dauðadags. Ég var í
siglingum hjá Eimskip í nokkur
ár hér áður fyrr og þá var
pabbi með sjókort af Norður-
Atlantshafinu til að fylgjast
með hvar við vorum því á þeim
tíma sendu fragtskip alltaf veð-
urskeyti sem lesin voru upp í
veðurfréttum í útvarpinu og
eftir að ég fór aftur á fiskiskip
þá fylgdist hann alltaf vel með
aflabrögðum.
Það var pabba og okkur
bræðrum afar þungbært þegar
mamma féll frá árið 2014 eftir
erfið veikindi, en pabbi spjaraði
sig ótrúlega vel eftir það og fór
að taka þátt í félagsstarfi aldr-
aðra á Hrafnistu í Hafnarfirði
og líkaði afar vel og má starfs-
fólkið í dagvistinni hafa þökk
fyrir því hann var afskaplega
Sigurður G.
Emilsson
Ástkær eiginkona mín, móðir, tengdamóðir,
amma og langamma,
GUÐRÚN JÓNSDÓTTIR,
Hulduhlíð 44,
Mosfellsbæ,
lést á Landspítalanum í Fossvogi
þriðjudaginn 1. september.
Útförin fer fram frá Fossvogskirkju föstudaginn 18. september
klukkan 13.
Jón Jónsson
Trausti Jónsson
Gísli Jónsson
Jóhann Jónsson Jakobína V. Guðmundsdóttir
Jón Guðmundur Jónsson Ingibjörg Hólm Einarsdóttir
og fjölskyldur þeirra
Elsku afi okkar, tengdafaðir og langafi,
HÁKON GUÐMUNDUR TORFASON,
lést á Hjúkrunarheimilinu Sunnuhlíð
Kópavogi sunnudaginn 13. september.
Útför hans fer fram frá Lindakirkju í
Kópavogi mánudaginn 21. september
klukkan 13.
Hákon Hallgrímsson Hrefna Guðmundsdóttir
Unnur Hallgrímsdóttir
Þór Hallgrímsson Sandra Heimisdóttir
Hallgrímur Þór Ingólfsson
og barnabarnabörn
Ástkær eiginmaður minn, faðir okkar,
tengdafaðir, afi og langafi,
ODDLEIFUR ÞORSTEINSSON
bóndi,
Haukholtum, Hrunamannahreppi
lést að kvöldi fimmtudagsins 10. september
Útförin fer fram frá Skálholtskirkju þriðjudaginn 22. september
klukkan 13. Jarðsett verður í Hrunakirkjugarði.
Elín Kristmundsdóttir
Ásta Oddleifsdóttir Ólafur Stefánsson
Elín Oddleifsdóttir Eiríkur Egilsson
Jón Þorsteinn Oddleifsson Helga Margrét Pálsdóttir
barnabörn og barnabarnabörn
Ástkær eiginkona mín, móðir, tengdamóðir,
amma og langamma,
JENNÝ JÚLÍUSDÓTTIR,
Árhvammi, Öxnadal,
lést í faðmi fjölskyldunnar miðvikudaginn
9. september.
Útför fer fram frá Akureyrarkirkju föstudaginn 18. september
klukkan 10.30. Vegna aðstæðna verða fjöldatakmarkanir í
kirkjunni en athöfninni verður streymt á facebook, jarðarfarir í
Akureyrarkirkju-beinar útsendingar.
Blóm og kransar afþakkaðir. Þeim sem vilja minnast hennar er
bent á heimahlynningu á Akureyri, reikningur 162-05-62158, kt.
570397-2819.
Guðmundur Heiðmann
Heiðar Karl Unnur Elva
Hlíf Jón Þórir
Þórarinn Heiðmann Sigríður Jóna
Ingvi Rúnar Rannveig Björg
Ólöf Sveinbjörn
Júlíus Geir Selma
Guðmundur Arnar Ingibjörg
ömmubörn og langömmubörn
Elskulegi faðir minn og afi,
HREINN BJARNASON
bóndi,
Stakkhömrum 12,
áður til heimilis á Berserkseyri
í Eyrarsveit,
lést á hjartadeild Landspítalans sunnudaginn 13. september.
Útförin verður auglýst síðar.
Ástrós Geirlaug Hreinsdóttir
Agnes Rós Egilsdóttir
Guðmundur Viktor Egilsson Ehdeb Aref Jasmin Afra
Hjörtur Hreinn Hjartarson