Morgunblaðið - 03.11.2020, Side 1

Kosningadagur er runninn upp í
Bandaríkjunum og verður kosið til
bæði þings og forseta í dag. Þær
skoðanakannanir sem gerðar hafa
verið nú rétt fyrir kjördag benda
flestallar til þess að Joe Biden, for-
setaframbjóðandi demókrata og
fyrrverandi varaforseti, muni bera
sigur úr býtum. Þá þykja demó-
kratar standa sterkt að vígi í bar-
áttunni um Bandaríkjaþing, þar
sem þeir eygja þann möguleika að
ráða yfir báðum deildum þingsins í
fyrsta sinn frá árinu 2010.
Ekki er þó hægt að afskrifa
sigurvonir Donalds Trumps Banda-
ríkjaforseta með öllu, þar sem
mjótt er á mununum í nokkrum af
þeim lykilríkjum sem ráðið geta úr-
slitum, og hafa því Trump og Biden
varið miklum tíma í þeim ríkjum
síðustu daga.
Gríðarmikil kjörsókn hefur verið
að þessu sinni og stefnir allt í að
þátttaka í kosningunum verði hin
mesta í 120 ár. Ljóst er hins vegar
að hátt hlutfall atkvæða hefur verið
greitt utan kjörfundar og er því tal-
ið hugsanlegt að hvorki Biden né
Trump verði búnir að tryggja sér
meirihluta kjörmanna á kosninga-
nóttinni sjálfri, þar sem slík at-
kvæði eru jafnan talin síðast.
Fylgst verður grannt með kosn-
ingunum í alla nótt á kosningavöku
mbl.is. »13
Barist um hvert atkvæði
 Kosið verður til bæði þings og forseta í BNA í dag
 Óvíst að niðurstöður muni liggja fyrir á kosninganótt
Donald
Trump
Joe
Biden
Þ R I Ð J U D A G U R 3. N Ó V E M B E R 2 0 2 0
Stofnað 1913  259. tölublað  108. árgangur 
MIKILVÆGT AÐ
TÓNLIST FÁI AÐ
HEYRAST
ENN KLÁR Í KOLLINUM
ÞRÁTT FYRIR ALDUR
FÉKK 21 M-GJÖF Í
FIMMTÁN LEIKJUM
MEÐ BREIÐABLIKI
AÐEINS 245 ÁRA 6 SVEINDÍS JANE 27HANNA ÞÓRA 28
Guðni Einarsson
gudni@mbl.is
Landspítalinn tók í gær í notkun
nýja deild á Landakoti fyrir fólk með
COVID-19-veikindi, sem er í bata-
ferli en þarf enn á sjúkrahúsvist að
halda. Deildin verður þar sem gjör-
gæsludeild Landakots var áður.
Páll Matthíasson, forstjóri Land-
spítalans, segir að afkastageta spít-
alans takmarkist annars vegar af til-
tækum, sérhæfðum mannskap og
hins vegar af því að útskrifa fólk sem
lokið hefur meðferð.
„Við sköpum þau rými sem við
þurfum á að halda. Við erum til að
mynda fyrir löngu komin út fyrir
þau gjörgæslurúm sem við höfum,
strangt til tekið, en ef þörf krefur þá
endurskipuleggjum við starfsemina
og færum til fólk til að geta brugðist
við þörfinni,“ sagði Páll. Hann segir
að spurningin sé ekki fyrst og
fremst hvað Landspítalinn geti tekið
við mörgum Covid-sjúklingum, sem
sé þá vissulega á kostnað annarrar
þjónustu, heldur hvað hægt sé að út-
skrifa marga sjúklinga sem lokið
hafa meðferð. »4
Lykillinn að geta
útskrifað fleiri
 Ný kórónuveirudeild á Landakoti
Alexander Kristjánsson
Gunnlaugur Snær Ólafsson
Í það minnsta tveir eru látnir og
fimmtán særðir, þar af sjö alvarlega,
eftir skotárás í Vínarborg í Austurríki
í gærkvöldi. Óttast er að fleiri hafi lát-
ist, en það hafði ekki fengist staðfest
er Morgunblaðið fór í prentun. Árásin
var gerð í nágrenni bænahúss gyð-
inga í borginni.
Árásarmenn létu til skarar skríða á
sex stöðum og hleyptu að sögn sjón-
arvotta af hundruðum skota. Lög-
regla skaut einn þeirra til bana og
handtók nokkra, en annarra er enn
leitað. Óvíst er hve margir árásar-
mennirnir voru. Yfirvöld í nágranna-
ríkinu Tékklandi hafa tekið upp
landamæraeftirlit til að varna því að
árásarmennirnir sleppi úr landi.
Sebastian Kurz, kanslari Austur-
ríkis, segir að árásin sé hryðjuverk og
að Austurríkismenn muni aldrei láta
slíkt kúga sig. Þjóðarleiðtogar um alla
Evrópu hafa sent Austurríkismönn-
um samúðaróskir.
„Það eru allir í algjöru áfalli. Á mið-
nætti byrjar annað útgöngubann út af
kórónuveirunni og það voru margir
að nýta síðasta tækifærið til að fara á
veitingastaði áður en þeim verður lok-
að. Það var líka óvenjulega hlýtt og
margir sem hafa nýtt tækifærið til að
fara niður í bæ áður en öllu er lokað,“
sagði Helga Björk Arnardóttir, íbúi í
Vín, þegar Morgunblaðið náði tali af
henni í gærkvöldi. Borgaraþjónusta
utanríkisráðuneytisins hvetur Íslend-
inga í Vín til að láta vita af sér.
Hryðjuverk framið í Vínarborg
 Létu til skarar skríða á sex stöð-
um í nágrenni bænahúss gyðinga
AFP
Hryðjuverk Lögregla og her leita árásarmanna sem komust undan. „Árásarmennirnir eru þungvopnaðir og hættulegir,“ segir innanríkisráðherra. Fólki er ráðlagt að halda sig heima.
 Minnst fimmtán hafa verið særðir
og óttast er að nokkrir hafi látið lífið
 Einn árásarmanna skotinn og
annar handtekinn. Nokkurra leitað