Morgunblaðið - 03.11.2020, Qupperneq 19

MINNINGAR 19
MORGUNBLAÐIÐ ÞRIÐJUDAGUR 3. NÓVEMBER 2020
✝ Björn ArnarBergsson var
fæddur í Reykja-
vík 13. júlí 1935,
sonur hjónanna
Söru Ólafsdóttur
og Bergs Arn-
björnssonar sem
bjuggu lengst af á
Akranesi. Björn
lést á líknardeild
Landspítalans í
Kópavogi þann 22.
október 2020.
Björn ólst upp í Reykjavík,
Borgarnesi og Akranesi.
Systkini hans voru Ólafur, f.
1927, d. 2008, Þorgerður, f.
1928, d. 2008, Guðrún, f. 1933,
d. 2018, og Auður, f. 1945, d.
1963.
Björn kvæntist eftirlifandi
eiginkonu sinni, Ingibjörgu
Ingólfsdóttur, þann 1. janúar
1958Foreldrar Ingibjargar
voru Ingólfur Gunnlaugsson
og Sesselja Sveinsdóttir.
Börn Björns og Ingibjargar
eru: 1) Sesselja, fædd 30. októ-
ber 1957. Hún á Ingu Maríu
og Ara Björn með fyrrverandi
eiginmanni sínum, Ólafi
Unnari Kristjánssyni. Inga
María er gift Ásgeiri Viðari
maí 1975. Ingólfur Arnar,
fæddur 17. ágúst 1976. Hann
er giftur Carynu Gladys Boliv-
ar og saman eiga þau Ingi-
björgu Carmen.
Björn og Inga bjuggu lengst
af á Garðabrautinni á Akra-
nesi, í húsinu sem þau byggðu
þar. Síðustu sautján árin áttu
þau heimili á Prestastíg í
Grafarholti.
Björn lauk meistaraprófi í
rafvirkjun 1959 og varð síðar
meistari í rafveituvirkjun.
Hann vann alla tíð hjá RARIK
og sá um Borgarfjörðinn.
Hann var bæði í línuviðgerð-
um og sá um að tengja bæi og
bústaði. Einnig las hann af
mælum og sinnti viðhaldi.
Fjölskyldan fór ósjaldan með
honum í ferðirnar upp í Borg-
arfjörð.
Björn var mikið í veiði,
bæði skot- og laxveiði. Þau
hjónin byggðu bústað við
Vesturhópsvatn og undu sér
þar löngum stundum. Björn
Arnar var í björgunar- og
hjálparsveitinni á Akranesi og
fóru þau hjónin á sumrin í æf-
ingaferðir upp á hálendi Ís-
lands, löngu áður en ferðir
þangað tíðkuðust. Þau ferð-
uðust alla tíð mikið um landið
og víða í Evrópu.
Útför Björns fer fram frá
Áskirkju í dag, 3. nóvember
2020. Í ljósi aðstæðna verða
aðeins hans nánustu við-
staddir.
Árnasyni og eiga
þau saman Freyju
Rún og Írisi Kötlu.
Ari Björn á soninn
Ólaf Árna með
fyrrverandi sam-
býliskonu sinni,
Hildi Árnadóttur.
2) Sara, fædd 16.
febrúar 1962, gift
Gulleik Løvskar.
Hún á Arnar Ólaf
Hvanndal með
fyrrverandi sambýlismanni
sínum, Ólafi Hvanndal, f.
1962, d. 2014. Fyrri sambýlis-
kona Arnars er Fanney Hólm
Margrétardóttir og saman
eignuðust þau Kristófer Egg-
ert. Núverandi sambýliskona
Arnars er Þórunn Hafdal og
saman eiga þau Storm Gulleik.
Fyrir á Þórunn synina Berg
Andra og Hávarð Arnar. 3)
Inga Birna, fædd 6. júlí 1965.
Inga Birna á Stellu Björt með
Gunnari Bergmann Trausta-
syni og Guðmund Ámundason
með eiginmanni sínum,
Ámunda Guðmundssyni. Stella
er í sambúð með Alexander
Fannari Kristjánssyni og eiga
þau soninn Véstein Flóka. 4)
Ingólfur, andvana fæddur 26.
Elsku pabbi reyndist mér
alltaf vel og var góður og
traustur vinur. Ég er óendan-
lega þakklátur fyrir að hafa átt
hann að. Hann var af gamla
skólanum, fæddur 1935 en var
samt óhræddur við að tjá vænt-
umþykju sína til sinna nánustu.
Ég á eftir að sakna hlýlegs
faðmlagsins sem hann var
óspar á. Ég á líka eftir að sakna
hnyttinna tilsvara og samtala
um lífið, dauðann og allt þar á
milli.
Pabbi var fróðleiksfús og for-
vitinn um lífið og tilveruna og
var til dæmis mikill aðdáandi
Lifandi vísinda og horfði alltaf
á „Nýjustu tækni og vísindi“
með mér og afa þegar ég var
lítill strákur.
Og hann var einnig forvitinn
um hið ókunna og las til dæmis
bækur Erichs von Däniken.
Hann var með opinn huga og
vissi að við vitum ekki allt. En
hann var sannfærður um að
eitthvað biði okkar allra að
þessu lífi loknu. Hann sagði
mér eitt sinn að hann óttaðist
sko ekki dauðann, nei hann
væri eiginlega þvert á móti
bara svolítið spenntur að fá að
sjá hvað væri handan móðunnar
miklu. Það var mér huggun að
vita til þess að hann hefði þessa
trú þegar hann kvaddi.
Það er svo skrítið að hugsa
til þess að hann sé ekki lengur
hérna með okkur, en minning-
arnar lifa og ég á nóg af þeim.
Stórt safn af góðum minningum
um góðan mann sem hugsaði
vel um fjölskyldu sína og vini.
Hans verður sárt saknað.
Hvíl í friði elsku pabbi.
Þinn sonur,
Ingólfur Arnar.
Í dag kveðjum við pabba,
heiðarlegan og traustan mann.
Hann átti góða vini í gegnum
lífið og var mjög trygglyndur.
Hann var húmoristi, fannst
gaman að koma okkur til að
hlæja og lagði töluvert í grínið.
Hann var hugmyndaríkur og
munum við eftir honum með
sprell og mömmu hlæjandi.
Fjölskylda pabba var stór og
hann náinn sínum systkinum.
Þau Stella systir hans bjuggu á
Akranesi nálægt hvort öðru.
Heimilin runnu saman og
frændsystkinahópurinn var stór
og náinn. Óli bróðir hans bjó í
Reykjavík og Dúna í Kópavogi.
Fjölskyldur þeirra voru líka
barnmargar og hátíð í bæ þeg-
ar þau komu í heimsókn á
Akranes eða við suður til
þeirra.
Pabbi og mamma voru saman
í 65 ár og fögnuðu demants-
brúðkaupi 1. janúar 2018. Þau
kynntust sumarið 1955 í Forna-
hvammi og voru saman alla tíð
eftir það. Pabbi var hávaxinn
og grannur með eldrautt, liðað
hár og glettinn augnsvip.
Mamma var lítil og nett, með
blásvart hár, bókelsk, jafnlynd
og dul. Á einu ferðalaginu um
landið var pabbi á spjalli við
mann í Kaupfélaginu á Egils-
stöðum. Mamma spurði hann
hvort þetta hefði verið gamall
skólafélagi þar sem hún kann-
aðist ekki við manninn. Nei,
hann hafði hitt hann í Kaup-
félaginu á Höfn deginum áður.
Foreldrar okkar ferðuðust mik-
ið um landið, með okkur börnin
og vinahópnum. Við fórum í
tjaldútilegur og dagsferðir með
nesti á sólríkum dögum. Fórum
í skautaferðir í Skorradal þar
sem pabbi dró okkur á snjóþot-
um á bílnum og skautuðum á
stöðuvötnum hér og þar í Borg-
arfirði. Á frosnum vötnum gat
maður séð niður á botn, sem
var spennandi og ógnvekjandi.
Við urðum aldrei hrædd því
pabbi vissi hvað hann var að
gera. Oft fórum við til Reykja-
víkur til fjölskyldu mömmu,
stundum í snarvitlausu veðri.
Einmitt það sem pabbi var van-
ur; þvælast um sveitir í veð-
urofsa vinnunnar vegna. Einu
sinni á leið til Reykjavíkur
skreiddumst við í gegnum snjó-
byl með þokuljósin á þar til við
komum að stórum skafli. Pabbi
fór þá út með skóflu og mokaði,
setti keðjur undir bílinn og kom
okkur heilum í bæinn.
Hann keypti gjarnan nýjustu
græjur og sniðugt dót sem
hann fann. Oft voru þetta raf-
tæki og alls kyns vasaljós og
ýmsar nýjungar handa mömmu.
Eitt af þessu var græja til
skera kartöflur og fengum við
fyrstu frönsku kartöflurnar
sem við höfðum séð og bragðað
áður en þær fengust á veitinga-
stöðum.
Pabbi var rómantískur og
stjanaði við mömmu. Á veturna
skóf hann bílinn áður en
mamma vaknaði, hitaði hann
upp og hellti upp á könnuna.
Hann var morgunhani en
mamma næturhrafn. Þau bættu
hvort annað upp eins og dagur
og nótt.
Hjá RARIK ók hann nálægt
milljón kílómetrum. Við gætum
fundið það út nákvæmlega, því
hann skráði það vegna vinnunn-
ar og henti engu. Við munum
hann við skrifborðið og mamma
að elda og stússa, þá heyrðum
við hann kalla eitthvað á þessa
leið: „Inga, hvar var ég á
fimmtudaginn í síðustu viku?“
„Þú fórst upp í Andakílsárvirkj-
un um morguninn, hringdir í
hádeginu frá Vatnshömrum og
sagðist vera á leiðinni inn í
Lundarreykjadal.“ Í bílnum var
talstöð, við heyrðum oft kall úr
henni, pabba svara og ljúka
samtalinu með: yfir og út.
Við kveðjum pabba í dag,
með þakklæti í hjarta og minn-
umst lífsins með honum. Hann
trúði á áframhaldandi líf og að
eftir dauðann myndi hann hitta
foreldra sína og systkini. Við
sjáum hann því fyrir okkur
glaðan með sinni upprunafjöl-
skyldu, það er fallegt.
Sesselja, Sara og
Inga Birna.
Meira: mbl.is
minningar
Elsku afi minn, ég kveð þig
með söknuði og minnist allra
góðu stundanna þegar ég kom
til ykkar ömmu upp á Akranes
þegar ég var lítil. Þú varst allt-
af mikil barnagæla og ég man
hvað það var gott að kúra á
stóru bumbunni þinni þegar ég
var þreytt.
Bestu stundirnar okkar
tveggja saman voru allir bíltúr-
arnir okkar niður á bryggju að
skoða fuglana, þú leyfðir mér
að sitja frammí og ég mátti
stjórna útvarpinu. Mér fannst
líka alltaf æðislegt að fá að fara
með þér í vinnuna. Þú leyfðir
mér að velja bækur á bókasafn-
inu sem var á hæðinni fyrir
neðan skrifstofuna þína og svo
sat ég hjá þér og las. Í kaffitím-
anum dýfðirðu iðulega sykur-
mola í kaffi og gafst mér.
Þú varst mikill græjukall og
varst sá fyrsti sem ég vissi af
sem eignaðist þráðlausan síma.
Þú komst heim ofsaspenntur
með ristastóra tösku, settir upp
NMT-símann og hringdir í
hann úr heimasímanum. Þetta
fannst mér alveg ótrúlegt og
hélt að þú hlytir að vera ein-
hvern veginn að gabba okkur,
það hefði verið þér líkt.
Á sumrin fór ég oft með ykk-
ur ömmu í bústaðinn ykkar við
Vesturhópsvatn og hef haldið í
þá hefð eftir að ég óx úr grasi
og eignaðist mín eigin börn.
Ein mín uppáhaldsminning af
þér er í eitt skipti þegar ég var
að hlaupa út til að loka hliðinu
út á veg, þá sast þú í sólinni við
Selið og kallaðir til mín: „Ertu
þarna elsku stelpan mín.“
Ég er þakklát fyrir að dætur
mínar og eiginmaður hafi feng-
ið að kynnast þér elsku afi
minn. Hvíldu í friði.
Inga María.
Björn Arnar
Bergsson
Einar Þorláks-
son, fyrrum sveit-
arstjóri á Blöndu-
ósi, er látinn eftir
langa og farsæla
starfsævi.
Hann var sveitarstjóri
Blönduóss árin 1963-1978, þá
Einar Ingvi
Þorláksson
✝ Einar IngviÞorláksson
fæddist 3. janúar
1927. Hann lést 7.
október 2020.
Útförin fór fram
17. október 2020.
var hann einnig
fulltrúi í sveitar-
stjórn um tíma.
Á þeim tíma sem
hann var sveitar-
stjóri var sveitarfé-
lagið í mikilli mótun
og uppbygging
mikil á þessum ár-
um. Þetta tímabil
er líklega eitthvert
mesta uppbygging-
artímabil í mörgum
byggðarlögum á landsbyggðinni.
Á þessum tíma var meðal ann-
ars uppbygging Hitaveitu
Blönduóss í gangi sem var veru-
legt hagsmunamál byggðarlags-
ins.
Einar var öflugur í störfum
sínum og hafði ríkan áhuga á
velgengni og framþróun svæð-
isins og er ástæða fyrir okkur
samferðamennina að þakka fyrir
það.
Þegar sveitarstjórnarstörfun-
um lauk sneri Einar sér að
verslunarrekstri í Vísi og varð
Verslunin Vísir með öflugan
rekstur um árabil þar sem þau
hjónin og fjölskyldan öll þjónaði
viðskiptavinum sínum af alúð og
ræktarsemi.
Einar var ungur mikill áhuga-
maður um íþróttastarf og var
þátttakandi bæði sem íþrótta-
maður og öflugur félagsmaður
innan ungmennafélagsstarfsem-
innar.
Þegar aldurinn knúði dyra
naut hann þess að fylgjast með
sýningum og íþróttaumfjöllun í
sjónvarpinu en hann naut þess
að vera með gott minni og skýra
hugsun til æviloka.
Þá var hann mikill áhugamað-
ur um tónlist og var lengi þátt-
takandi í söngstarfsemi og tón-
listarflutningi hér á staðnum,
þessi áhugi hefur erfst vel til af-
komenda hans.
Ég vil með þessum orðum
þakka framlag Einars til okkar
samfélags og minnist hans sem
trausts félaga sem lét gott af sér
leiða með ákveðni og hógværð.
Minningin lifir um traustan
mann.
Við Vilborg flytjum Arndísi
og fjölskyldunni allri okkar sam-
úðarkveðjur.
Valgarður Hilmarsson
Eiginmaður minn, faðir okkar, tengdafaðir,
afi og langafi,
ÖRLYGUR HÁLFDANARSON
bókaútgefandi,
lést á hjúkrunarheimilinu Sóltúni
föstudaginn 30. október.
Útförin verður auglýst síðar.
Þóra Þorgeirsdóttir
Þorgeir Örlygsson Iðunn Reykdal
Hálfdan Örlygsson Guðbjörg Geirsdóttir
Arnþór Örlygsson
barnabörn og barnabarnabörn
Elsku hjartans móðir okkar, tengdamóðir,
amma og langamma,
ANNA H. SIGURJÓNSDÓTTIR,
Sóleyjarima 21,
lést á Hrafnistu Laugarási
fimmtudaginn 29. október.
Hrönn Scheving Björn Björnsson
Kristín V. Samúelsdóttir Kjartan Viðarsson
Bára Scheving Kjartan Guðjónsson
barnabörn og langömmubörn
Ástkær faðir okkar, tengdafaðir og afi,
SÉRA ÁRNI SIGURÐSSON,
lést á Litlu-Grund mánudaginn 26. október.
Útförin fer fram frá Bústaðakirkju
fimmtudaginn 5. nóvember klukkan 13.
Í ljósi aðstæðna verða aðeins nánustu
ættingjar og vinir viðstaddir.
Útförinni verður streymt á www.sonik.is/arni
Arnór Árnason Ásta Rögnvaldsdóttir
Hildur Árnadóttir Pétur Böðvarsson
barnabörn og barnabarnabörn
Eiginkona mín, móðir okkar
og tengdamóðir,
GUÐBJÖRG TÓMASDÓTTIR
menntaskólakennari,
lést á Landspítala Landakoti föstudaginn
30. október.
Útförin auglýst síðar.
Fyrir hönd barnabarna, barnabarnabarna og annarra
aðstandenda,
Guðbjartur Kristófersson
Tómas Guðbjartsson Dagný Heiðdal
Hákon Guðbjartsson Magnea Árnadóttir
Ingibjörg Guðbjartsdóttir Brynjólfur Þór Gylfason
Okkar ástkæri
STEINGRÍMUR SIGURJÓNSSON
byggingafræðingur
verður jarðsungin frá Grensáskirkju
þriðjudaginn 3. nóvember klukkan 15.
Vegna aðstæðna verða bara þeir nánustu
viðstaddir. Athöfninni verður streymt á
http://www.sonik.is/steingrimur
Blóm og kransar afþakkaðir en þeim sem vilja minnast hans er
bent á Flugbjörgunarsveit Reykjavíkur hjá Landsbjörg.
Aðstandendur
Ástkær faðir okkar, tengdafaðir, afi
og langafi,
JÓHANN ÓSKAR HÓLMGRÍMSSON
fv. bóndi í Vogi,
Hvassaleiti 56,
lést á Landspítalanum 31. október.
Sigríður Jóhannsdóttir Jón Skúli Indriðason
Hólmgrímur Jóhannsson
Svanhvít Jóhannsdóttir
Ragnar Axel Jóhannsson Olga Friðriksdóttir
Ingvaldur Jóhannsson Ásdís Hallgrímsdóttir
barnabörn og barnabarnabörn