Kópavogsblaðið - 29.03.2014, Síða 3

Kópavogsblaðið 3
Elfur Logadóttir:
„Mikið starf að vera
bæjarfulltrúi í Kópavogi.“
Afsakið orðbragðið, en það er drullu mikið starf að vera bæjarfull-
trúi í Kópavogi,“ sagði Elfur
Logadóttir, vara bæjarfulltrúi
Samfylkingar, við upphaf máls
síns á bæjarstjórnarfundi þegar
tillaga Ómars Stefánssonar
um starfshlutfall bæjarfulltrúa
var til umræðu. Elfur flutti
tilfinningaþrungna ræðu þar
sem hún dró saman ábyrgðina
sem lögð er á herðar bæjarfull-
trúa, vinnuálag og tímann sem
fer í að sinna þessu starfi fyrir
bæjarbúa. Í ræðunni sagðist
Elfur hafa mikinn metnað fyrir
því að mæta undirbúin á fundi,
en það taki mikla orku að
fylgjast með öllum málum
og setja sig inn í þau.
„Þetta er miklu meira en 27%
starf. Fyrir utan að sinna
pólitískum skyldum þarf að
fylgjast með listum, menningu,
íþróttum og fleira. Fyrir vikið
þá er ekki mikið eftir til að
afla upplýsinga og setja sig inn
í mál. Ég hef ekki alltaf náð
að lesa allt en ég kem aldrei
óundirbúinn á fundi. Það á
enginn bæjarfulltrúi að vera
settur í þá stöðu að vera illa
undirbúinn eða óundirbúinn
fyrir fundi,“ sagði Elfur sem
bætti því við að oft sé boðað til
funda með einungis sólarhrings
fyrirvara og þarf þá að reiða sig
á upplýsingar embættismanna
til að setja sig inn í mál.
„Ég kveinka mér ekki undan
andvökunætum að lesa gögn
sem varða sveitarfélagið mitt.
En ég geri mér fyllilega grein
fyrir að það sé fáranlegt að
halda að starf bæjarfulltrúa í
Kópavogi sé bara 27% starf,“
sagði Elfur á bæjarastjórnar-
fundinum og bætti því við að
tækifærið til að gera þetta væri
núna því ljóst væri að mikil
endurnýjun myndi eiga sér stað
eftir næstu kosningar og því
væru núverandi bæjarfulltrúar
ekki að hygla sjálfum sér. „Ef
við ætlum að hafa gott fólk til
að sinna starfinu sínu vel þá
þýðir það hærri laun og hærra
starfshlutfall,“ sagði Elfur.
Karen Elísabet Halldórsdóttir,
bæjarfulltrúi Sjálfstæðis-
flokksins, tók undir þetta
og sagði þetta mál hafa haf-
ist í nefndinni Betri bragur,
sem hún og Pétur Ólafsson,
Samfylkingu, hefðu átt sæti í.
Markmiðið hafi verið að bæta
starfið í bæjarstjórn. Umræðan
í bæjarstjórn hafi hins vegar
farið á hvolf. 27% starfsskylda
af þingfarakaupi hafi verið
neyðarúrræði til að útskýra
laun bæjarfulltrúa í Kópavogi.
„Við þurfum einhverntímann
að hafa hugrekki til að horfast
í augu við bæjarbúa og spyrja:
„Hvað finnst ykkur vera í lagi
að við vinnum mikið fyrir
ykkur?“ Ég þarf að vera tilbúin
við símann ef bæjarbúar, starfs-
menn, forstöðumenn og fleiri
þurfa á mér að halda og ég geri
það auðvitað. En gerir fólk sér
almennt grein fyrir hvað þetta
er mikil vinna? Til að ég vinni
þetta nægilega vel þá tek ég
tímann frá annarri vinnu eða
fjölskyldu,“ sagði Karen sem
lagði það til að óháður aðili
yrði fenginn til að meta
starfskjör bæjarfulltrúa.
Ármann Kr. Ólafsson, bæjar-
stjóri, kvaddi sér hljóðs og
sagðist vera andvígur því að
bæjarfulltrúar væru að ákveða
sjálfir launin sín. Betra væri ef
launakjör bæjarfulltrúa væru
ákveðin af öðrum, til dæmis hjá
Samtökum sveitarfélaga.
Tillöguni var vísað til forsætis-
nefndar Kópavogs.
Fjörlegar umræður í bæjarstjórn um starfs- og launakjör bæjarfulltrúa.
Elfur Logadóttir, varabæjarfulltrúi
Samfylkingar í bæjarstjórn Kópavogs.
Karen Elísabet Halldórsdóttir,
bæjarfulltrúi Sjálfstæðisflokksins.
Ármann Kr. Ólafsson, bæjarstóri.
Skák:
Álfhólsskóli Íslands-
meistari í skák,
þriðja árið í röð
Álfhólsskóli fór með sigur af hólmi í Íslandsmóti barnaskólasveita í skák
um helgina en 49 sveitir tóku
þátt í mótinu. Fyrirfram mátti
búast við nokkrum sveitum
í toppbaráttunni. Það kom á
daginn að eftir fyrri keppnis-
dag voru margar sveitir við
toppinn en Íslandsmeistararnir
í Álfhólfsskóla höfðu þó
tveggja vinninga forskot á
Hraunvallaskóla og Rimaskóla.
Í sjöttu umferð mættust Álf-
hólsskóli og Hraunvallaskóli.
Álfhólsskóli vann þá viðureign
3-1 eftir þónokkrar sviptingar.
Í sjöundu umferð lögðu þeir
svo aðra hönd á bikarinn með
sannfærandi sigri á Rimaskóla
3-1. Hörðuvallaskóli hefur á að
skipa harðskeyttri sveit leiddri
áfram af Vigni Vatnari Stefáns-
syni. Sveit skólans náði einum og
hálfum vinningi af Álfhólsskóla
í áttundu og næstsíðustu umferð
og setti þar með mikla spennu í
mótið þar sem Rimaskóli vann
sína viðureign 4-0.
Fyrir lokaumferðina hafði því
Álfhólsskóli einn og hálfan
vinning í forskot á Rimaskóla.
Erfitt verkefni beið Álfhólsskóla
í síðustu umferðinni þegar
sveitin tefldi við Ölduselsskóla
sem hefur á að skipa sterkri
sveit og sérstaklega eru efstu
tvö borðin sterk með Mykael
Kravchuk og Óskar Víking
Davíðsson. Fór svo að Óskar
vann sína skák og kom Öldu-
seli þannig yfir í viðureigninni.
Taugar Álfhólsskólamanna héldu
þó vel og höfðu þeir viðureignina
2,5-1,5, sem dugði til sigurs.
Álfhólsskóli er því Íslands-
meistari barnaskólasveita
2014 og það þriðja árið í röð.
Sveit Rimaskóla varð í öðru
sæti og vann sér þannig rétt til
þátttöku á Norðurlandamóti
barnaskólasveita rétt eins og
Álfhólsskóli en keppnin fer fram
á Íslandi í haust. Hörðuvallaskóli
tók svo bronsið eftir harða
baráttu. Munar þar mikið um
árangur Vignis Vatnars sem
tapaði aðeins hálfum vinningi
niður.
„Álfhólsskóli er vel að sigrinum
kominn. Gríðarlega gott utan-
umhald er um alla skákiðkun og
kennslu í skólanum. Metnaðar-
fullir skákmenn, sterkur
foreldrahópur og svo er Lenka
Ptacniková einstakur þjálfari
sem á mikinn heiður skilið fyrir
framlag sitt til skákuppbygg-
ingar í Kópavogi. Sveitin mun
endurnýjast töluvert á næsta ári
en Felix Steinþórsson og Guð-
mundur Agnar Bragason tefldu
nú á sínu síðasta Íslandsmóti
barnaskólasveita. Þeir kappar
hafa heldur betur skilað sínu á
síðustu árum,“ segir í frétt á vef
Álfhólsskóla.
Íslandsmeistarar Álfhólsskóla
1. Felix Steinþórsson
2. Guðmundur Agnar Bragason
3. Halldór Atli Kristjánsson
4. Róbert Luu
Liðstjóri: Lenka Ptácníková
Íslandsmeistarar í skák, þriðja
árið í röð.
Tilbúið á einungis 2-3 mín .
Ferskt og fljótlegt!