Kópavogsblaðið - 29.03.2014, Page 4

Kópavogsblaðið4
Að morgni 7. mars árið 1975 strandaði Ms. Hvassafell, þá nýjasta
skip Skipadeildar Sambandsins,
við Flatey á Skjálfanda. Um
borð í skipinu, sem flutti yfir
þúsund tonn af áburði, voru
19 manns, með áhöfn. Þar af
var ein kona sem var ólétt og
komin langt á leið. Í nýlegu
„Máli dagsins,“ sem efnt er til á
hverjum þriðjudagseftirmiðdegi
í safnaðarheimili Kársnessóknar,
var þessa einstaka björgunar-
afreks minnst. Ásgeir Jóhannes-
son, fyrrverandi forstjóri, fékk
til sín þá Ingvar Hólmgeirsson,
skipstjóra og Vilhjálm Pálsson,
fyrrverandi formann björgunar-
sveitarinnar Garðars frá Húsavík,
til að rifja upp þessa giftursam-
legu björgun.
Sat fast í fjörunni við Flatey
Hvassafell fékk á sig brotsjó rétt
fyrir utan Flatey. Það snérist í
153 gráður og sigldi á fullri ferð
í gegnum brimlöðrið og sat fast í
fjörunni. Hópur björgunar-
sveitarmanna og sjómanna frá
Húsavík vann stórmerkilegt
björgunarafrek við gríðarlega
erfiðar aðstæður. „Þessu afreki
hefur ekki verið haldið verulega
á lofti. Fjölmiðlar á þessum tíma
gáfu því lítinn gaum, hugsanlega
vegna þess að engin slys urðu
á fólki og engin sérstaklega
fréttnæm, dramatísk atvik urðu.
Sannast þar hið fornkveðna að
góðar fréttir þykja sjaldnast stór-
fréttir. En afrek björgunarmanna
var ekki minna, nema síður sé,
þó ekkert hafi farið úrskeiðis og
enginn slasaðist,“ segir Ásgeir
Jóhanesson.
Endurfundir í Kópavogi:
Björgunarsveitarmenn rifja
upp einstaka sjóbjörgun við
Flatey fyrir 40 árum
Fyrstu viðbrögð
Vilhjálmur Pásson, fyrrum for-
maður björgunarsveitarinnar
Garðars frá Húsavík, segir að
Hannes Hafstein, sem þá var
framkvæmdastjóri Slysavarnar-
félags Íslands, hafi vakið sig
með símtali að morgni 7. mars
og tilkynnt sér að Hvassafell
hafi strandað við Flatey. „Hann
bað mig að kanna hvort hægt
væri að komast sjóleiðina ves-
tur í eyju og hvort ég teldi að
möguleiki væri þar á björgun.
Ég hafði strax samband við
mína menn með útkalli til að
reyna að ná saman hópi sem
yrði í viðbragðsstöðu ef hægt
yrði að sigla út. Síðan athugaði
ég með skipakost. Tveir stærstu
bátarnir voru Jón Sör, sem var
54 tonn og skipstjóri Pétur
Olgeirsson, og svo Svanur ÞH,
35 tonn, og skipstjóri Ingvar
Hólmgeirsson. Ég hafði samband
við Ingvar en hann var allra
manna kunnugastur þarna, enda
Flateyingur að uppruna, og
spurði hvort hann treysti sér til
að fara með björgunarsveitina út
í Flatey og koma henni í land.“
Haugasjór og slæmt veður
„Þegar Villi hafði samband við
mig þá þurfti ég auðvitað að
kanna veðrið,“ segir Ingvar
Hólmgeirsson, skipstjóri. „Það
reyndist vera mjög slæmt.
Norðaustan stormur, líklega ein
9 vindstig, haugasjór, éljagangur
og snjókoma á móti. Það voru
auðvitað allir bátar í landi, en
ég kvaðst skyldi reyna þetta, en
Þessi björgun er
einstök í sögu
Slysavarnarfélags
Íslands að því leiti að fara
þurfti 15 sjómílna leið í
foráttuveðri, koma búnaði
og mönnum í land við mjög
ótryggar aðstæður og hefja
síðan göngu við afar erfið
skilyrði með þungan búnað
á öxlum – og sömu leið til
baka með skipbrotsmenn.
Góður rómur var gerður að framsögu Ásgeirs Jóhannessonar í „Máli dagsins“
í safnaðarheimili Kópavogskirkju á dögunum um einstakt björgunarafrek.