Málfríður - 15.11.1988, Síða 26
NÁMSKEIÐ Á SCHÆFFERGÁRDEN
Námskeið var haldið á Schæffer-
gárden, Gentofte, Danmörku dag-
ana 25. júlí til 4. ágúst 1988. Var það
í þriðja sinn sem námskeið er haldið
þar fyrir dönskukennara í fram-
haldsskólum.
Kirsten Friðriksdóttir og Elísabet
Valtýsdóttir tóku að sér fyrir hönd
Félags dönskukennara að sjá um
undirbúning og stjórn námskeiðsins
og nutu þar aðstoðar Birgit Henrik-
sen, sem er mörgum kennurum að
góðu kunn. Birgit aðstoðaði m.a.
við að benda á og útvega fyrirlesara
á námskeiðið.
Pátttakendur voru 25 og komu frá
eftirtöldum skólum: MR, MA, MK,
MH, Verzlunarskólanum, Flens-
borg, Kvennaskólanum, Ármúla-
skóla og Fjölbrautaskólunum Breið-
holti, Selfossi, Suðurnesjum og
Garðabæ.
Á Schæffergárden var, eins og
margir vita frá fyrri námskeiðum,
aðbúnaður allur hinn besti. Má þar
t.d. nefna eins manns herbergi,
hlaðborð í hádeginu og þríréttað á
kvöldin (og fá undirritaðar vatn í
munninn við upprifjun þessa). Með
tilkomu nýrrar álmu á Schæffergárd-
en er öll aðstaða til kennslu og hvers
kyns námskeiðs- og fundarhalda
ljómandi góð. Ekki spillti umhverf-
ið; hollustusamlegir skógarstígar
styttu marga nóttina í morgunend-
ann, a.m.k. hjá þeim sem töldu sig
þurfa að hafa hemil á línunum. Enn-
fremur má nefna að útsölur voru í
fullum gangi og styrktu þátttakend-
ur því nokkuð vel danska fatafram-
leiðendur þann klukkutíma sem þeir
höfðu frjálsan dag hvern.
Þykir okkur nú rétt að fara að
nálgast kjarna málsins, þ.e. hið and-
lega fóður sem við fengum í stórum
og vel útilátnum skömmtum.
Fyrsti fyrirlesarinn var Birgit
Henriksen. Hún er cand. mag. í
ensku og trúarbragðasögu. Hefur
hún einkum starfað innan ensku-
deildar Kaupmannahafnarháskóla
með aðferðafræði sem sérsvið. Bir-
git fjallaði um málfræði í tungumála-
kennslu; „Grammatikkens placer-
ingi sprogundervisningen. Forskell-
26
ige máder at arbejde med
grammatik i sprogundervisningen.“
Hún tók meðal annars fyrir breyttan
hugsunarhátt gagnvart málfræði í
tungumálakennslu. Hún benti á að
víða væru teikn á lofti um að mál-
fræði væri nú að öðlast meiri virð-
ingu en verið hefur lengi og umræða
í gangi um hvernig mætti tengja mál-
fræðina þeim framförum sem orðið
hafa varðandi aðra þætti tungumála-
kennslu á síðustu árum. Birgit gerði
grein fyrir helstu áhersluatriðum
ýmissa fræðimanna á þessu sviði, en
of langt mál yrði að rekja það hér.
í stuttu máli má segja að „lingvist-
isk kompetens" sé hluti af „kom-
munikativ kompetens" og því fari
fjarri að þessi hugtök séu óskyld og
ósamrýmanleg.
Hún sýndi okkur ýmsar gerðir
verkefna, allt frá hefðbundnum inn-
fyllingarverkefnum til verkefna þar
sem textinn útheimti jafnframt lausn
á gátum eða heilabrotum og dró
þannig athygli frá málfræðiþættin-
um (leikur leiðir til náms!).
Síðasta dag námskeiðsins kom
Birgit aftur og fjallaði þá um „gam-
bits“, en það efni tók hún einnig
fyrir á Laugarvatnsnámskeiði STÍL í
september 1987.
John Jörgensen var annar í röð
fyrirlesara. Hann er skólastjóri í Ár-
ósum, kennir innflytjendum
dönsku, sérsvið hans er hljóðfræði
(lingvistik). Fyrirlestur hans bar
heitið „Talefærdighed med specielt
henblik pá indlæring af udtale“.
Hann talaði um helstu einkenni
dansks talmáls og lagði sérstaka
áherslu á að rétt hljómfall í setningu
skipti mjög miklu máli fyrir skilning
þess innfædda á tali útlendings. Þol-
inmæði/úthaldi þess innfædda væru
þröng takmörk sett þegar hann/hún
hlustaði á útlending tala móðurmál
sitt með einhverju undarlegu hljóm-
falli.
John lagði einnig áherslu á að við
leiðréttingu skipti miklu máli að
greina hvers konar villur nemendur
gera og vinna með eitt atriði í einu
og rifja reglulega upp.
Þess má og geta að okkur þótti
flestum Jón þessi hinn skemmtileg-
asti fyrirlesari.
Enskukennararnir Knud Bæk
Helt og Birthe Dahl, sem unnið hafa
mjög mikið saman, tóku fyrir efnið
„Skrivepædagogik“ og fóru þar á
kostum.
Þau byrjuðu á því að vitna í E.M.
Forster: „Hvordan kan jeg vide
hvadjegtænker, förjegser, hvad jeg
har skrevet?“
Kennsla þeirra var skemmtileg
blanda af fræðilegri umfjöllun,
reynslusögum og stuttum verkefn-
um sem við fengum að reyna á eigin
skinni. Þau leggja afar mikla áherslu
á að láta nemendur skrifa oft en stutt
í einu. Stundum eru slík skrif notuð
sem uppkast að einhverri lengri rit-
smíð, t.d. heimaritgerð. Þau telja að
þýðingarstflar með tilheyrandi leið-
réttingarvinnu skili ekki árangri sem
erfiði, heldur beri að leggja sem
mesta áherslu á „creative writing".
Þátttakendur gerðu danskri
menningu að sjálfsögðu sómasamleg
skil. Má þar nefna að hópurinn sá
tvær nýjar verðlaunamyndir: „Ba-
bettes gæstebud'' eftir sögu Karen
Blixen og „Pelle Erobreren“ eftir
sögu Martin Andersen Nexö. Söfn-
um voru einnig gerð tilhlýðileg skil.
Farið var um slóðir Islendinga í
fylgd jtess frábæra leiðsögumanns,
séra Ágústs Sigurðssonar. Höfðum
við hina bestu skemmtun af.
Við þágum boð hjá Dansklærer-
foreningen. Var okkur kynnt starf-
semi félagsins yfir hvítvínsglasi í
Söpavillionen.
Síðasta daginn var gerð úttekt á
námskeiðinu og bar öllum saman
um ágæti fyrirlesara, stjórnenda og
auðvitað þá líka þátttakenda. Sá
galli var helst tíndur til, að efni nám-
skeiðs hafi verið of viðamikið fyrir
svo stuttan tíma.
Að lokum viljum við undirritaðar
færa þeim Kirsten og Elísabetu, svo
og öllum þeim er sóttu þetta nám-
skeið eða stóðu að því á einhvern
hátt, bestu þakkir. Við hlökkum til
næsta námskeiðs á Schæffergárden.
Anna Sigríður Árnadóttir MK
Þórhildur Oddsdóttir MK