Bæjarins besta - 24.03.1993, Page 7

BÆJARINS BESTA • Miðvikudagur 24. mars 1993
7
Fegurðarsamkeppni Vestfjarða 1993:
Hver verður
kjörin fegursta
stúlka Vestfjarða?
EINS og komið hefur fram
hér í blaöinu, þá munu átta
stúlkur taka þátt í kcppninni
um fegurstu stúlku Vest-
fjarða scm fram fer í veit-
ingahúsinu Krúsinni nk.
laugardagskvöld.
Urslitakvöldið hefst klukk-
an 19 með fordrykk. Klukkan
20 munu stúlkurnar ganga í
salinn klæddar síðkjólum og
síðan verður boðið uppá þrí-
réttaða máltíð. Stúlkurnar
munu síóan koma fram í tísku-
sýningu frá Jóni og Gunnu og
Krismu og börn á aldrinum 7-
12 ára munu sýna viðstöddum
dansinn „Grease”, klædd föt-
um frá Legg og Skel. Danspar
frá Dagnýju Björk danskennara
mun sýna gestum syrpur úr
standard- og latindönsum.
Síðan koma stúlkurnar á sund-
fatnaði frá „Belgor” og síðan
í síðkjólum sem fyrirtæki á
Isafirði sáu til að keypt yrðu
fyrir stúlkurnar.
Sjálf krýningin fer síðan
fram á miðnætti en þá mun
dómnefndin væntanlega vera
búin að velja fegursta fljóð
Vestfjarða 1993 ásamt ljós-
myndafyrirsætu ársins. Stúlk-
urnar sjálfar munu síðan velja
vinsælustu stúlkuna úr sínum
hópi. Dómnefnd kvöldsins
verður skipuð fimm mönnum,
þremur frá Reykjavík og tveim-
ur Vestfirðingum, þeim Selmu
Stefánsdóttur, fegurðardrottn-
ingu Vestfjarða 1991 og Mört-
hu Marteinsdóttur sem kosin
var ljósmyndafyrirsæta Vest-
fjarða sama ár.
Að krýningunni lokinni
verður dansleikur til kl. 03 og
er hann öllum opinn.
Nýr aðili hefur bæst í hóp
þeirra sem styrkja keppninaen
það er fyrirtækið Rek-IS hf. í
Reykjavík sem m.a. selurhinar
vinsælu No Name snyrtivörur.
Rek-IS gefur ungfrú Vestfirðir
veglegan gjafapakka með
snyrti vörum frá No Name, ljós-
myndafyrirsætan fær ilmvatn
frá Gale Hayman Beverley
Hills, ásamt því að næst þegar
hún kemur til Reykjavíkur fær
hún Make-up frá förðunar-
meisturum No Name. Vin-
sælasta stúlkna fær síðan No
Name snyrtivörur. A úrslita-
kvöldinu verða allar stúlkurnar
farðaðar með No Name
snyrtivörum og mun Svana í
Krismu sjá um það verk.
-s.
Bolungarvík:
Arshátíð Grunnskólans,
Tónlistarskólans og Tópas
Árshátíð Grunnskóla Bol-
ungarvíkur, Tónlistarskóla
Bolungarvíkur og Félagsmið-
stöðvarinnar Tópas verður í
Víkurbæ á laugardaginn.
Sýningar verða tvær; sú fyrri
klukkan 14 og sú síðari
klukkan 20.30. Athygli er
vakin á því að kaffisala
verður einungis á fyrri sýn-
ingunni, en það er breyting
frá fyrri árum.
Þaó eru nemendur á aldr-
inum cllefu til sextán ára sem
skemmta og er dagskráin fjöl-
breytt; leikrit, söngur, dans og
fleira.
Aðgangseyrir verður 200
krónur fyrir börn yngri en tólf
ára en 500 krónur fyrir eldri.
Verð á veitingum er 400
krónur fyrir eldri en tólf ára en
200 krónur fyrir yngri.
Um kvöldið leikur hljóm-
sveitin Víkurbandið endur-
gjaidslaustfyrirdansi unglinga
fædda 1980 eða fyrr og mun
dansinn duna til klukkan 2 eftir
miðnætti. Allur ágóði árshá-
tíðarinnar rennur í ferðasjóð
nemenda í níunda og tíunda
bekk.
-hjlf
María Aðalbjamardóttir frá Gamla bakaríinu bauð gestum
upp á hinar ýmsu vörur m.a. kókoslengjur og kossa.
ísafjörður:
Fagranesið yfirfylltist
strax við opnun
-„Skíðakolaportið” fékk góðar undirtektir
„ÞETTA gekk mjög vel.
Skíðakolaportið fékk mjög
góðar undirtektir, bæði hjá
þeim sem voru með sölubása
og hjá bæjarbúum. Eg gat
ekki betur heyrt en að allir
væru mjög ánægðir” sagði
Kristín Karlsdóttir ein af
driffjöðrunum hjá Skíðafél-
agi ísafjarðar um árangurinn
af „skíðakolaportinu” sem
haldið var um borð í djúp-
bátnum Fagranesi síðast-
liðinn sunnudag.
Á „skíðakolaportinu” seldu
sautján aðilar vörur sínar og
voru þeir allir mjög ánægðir
með viðtökur bæjarbúa að
sögn Kristínar. Á annað þús-
und manns komu um borð í
Fagranesið þær fjórar klukku-
stundir sem verslunin stóð yfir
og gerðu margir þeirra góð
kaup enda margar vörur á
niðursettu verði. Þegar skipið
opnaði klukkan tvö yfirfylltist
skipið af fólki sem virtist vera
mjög ánægt með þessa ný-
breytni. Þegar líða tók á daginn
gerðist fjöldinn „viðráðan-
legri” og var enn fjöldi fólks
um borð þegar yfir lauk um
klukkan sex.
Það var Skíðafélag Isa-
fjarðar sem stóð fyrir „skíða-
kolaportinu” og hafði félagið
120 þúsund krónur upp úr
deginum. Komu þeir peningar
inn vegna leigu á sölubásum
og kaffisölu sem stóð yfir í
matsal skipsins. Djúpbáturinn
hf., eigandi Fagranessins lét
skipið endurgjaldslaust til
Skíðafélagsins og vill Skíða-
félagið koma á framfæri þökk-
um til eigenda skipsins sem og
allra þeirra sem tóku þátt í að
gera „skíðakolaportið” að
veruleika.
Ljósmyndari blaðsins leit
inn í skipið um þrjúleytið á
sunnudag og tók þá með-
fylgjandi myndir.
. -s.
Margir lögðu leið sína að kynningarhás Tryggva Tryggva-
sonar umboðsmanns Vífilsfells á Isafirði en þar var gestum
boðið upp á að smakka snakk og kók.
Aðalfundur
Sögufelags ísfiröinga verður haldinn á
Hótel ísafirði - 5. hæð, miðvikudaginn 31.
mars 1993 kl. 20.30.
Dagskrá:
1. Skýrsla stjórnar um starfsemi félags
ins.
2. Reikningar félagsins lagðir fram til
afgreiðslu.
3. Talning atkvæða og lýst stjórnarkjöri.
4. Tiliögur um starfsemi félagsins á næsta
ári.
5. Elísabet Gunnarsdóttir segir frá húsa-
könnun, sem nú fer fram á ísafirði, og
sýnir myndir af gömlum húsum.
6. Önnur mál.
Aðalfundur
Aðalfundur Skotfélags ísafjarðar verður haldinn
í kvöld, 24. mars, að Hótel ísafirði, 5. hæð kl. 20.30
Fundarefni:
Venjuleg aðalfundarstörf.
Nýir félagar velkomnir. Kaffiveitingar.
Stjómin.
í IÐNAÐARRÁÐUNEYTIÐ
NÝSKÖPUN í SMÁIÐNAÐI
Iðnaðarráðuneytið áformar í samstarfi
við Iðntæknistofnun íslands, Byggða-
stofnun og atvinnuráðgjafa út um land
að veita styrki, þeim sem hyggjast efna
til nýjunga í smáiðnaði eða stofna ný
iðnfyrirtæki, einkum á landsbyggðinni.
Styrkirnir eru fyrst og fremst ætlaðir til
aðgreiðafyrirtæknilegum undirbúningi,
hönnun, stofnsetningu nýrrar fram-
leiðslu, svo og markaðssetningu. Þeir
eru ætlaðir þeim, sem hafa þegar skýrt
mótuð áform um slíka starfsemi og
leggja í hana eigið áhættufé.
Umsækjendur snúi sér til iðn- og at-
vinnuráðgjafa eða Iðntæknistofnunar
íslands, fyrir 23. apríl næstkomandi.