Víðförli - 15.05.1983, Síða 3

— Það eru svo margir á sjúkra-
stofnunum sem koma sér hjá því
að tala um það sem liggur dauð-
vona sjúklingi þyngst á hjarta,
nefnilega dauðann.
Kristilegt félag heilbrigðisstétta
vill meðal annars veita starfsfólki
sjúkrahúsa þá andlegu uppbygg-
ingu að því finnist það í stakk búið
til þess að mæta þessum djúpstæðu
þörfum sjúklingsins.
Sem önnur kristileg félög stefnir
KFH að því að fólk komist til trúar
á Jesú Krist, eignist sjálft hina
kristnu eilífðarvon og geti borið
Guði vitni í starfi sínu að hlynna að
manneskjunni sem heild.
Margrét heimsækir aldraða konu í Laugarnessókn en þar starfar hún sem safnaðarsystir í hluta-
starfi.
Ad hlynna aö öllum
þörfum sjúklingsins
Margrét Hróbjartsdóttir geðhjúkr-
unarfræðingur er formaður Kristi-
legs félags heilbrigðisstétta sem
starfað hefur hérlendis í 5 ár og er
þáttur í alþjóðlegri hreyfingu sem
nær til á annað hundrað þjóða.
Margrét er spurð hvernig starfinu
sé háttað hérlendis.
„Það eru vikulegar bænastundir
með starfsliði á sjúkrastofnunum,
aðallega hér í Reykjavík. Þar er beð-
ið fyrir sjúklingum og starfsliði, sem
gjarnan kemur með bænalista. Þetta
er því fyrirbænastarf, sem fer vax-
andi. Við lærum að biðja saman. Síð-
an höfum við opna fundi mánaðar-
lega, 3. mánudag í hverjum mánuði
í Laugarneskirkju, en laugardaginn
á undan höfum við bænadag. Þá
komum við saman sem viljum til
íhugunar, kyrrðarstundar og fyrir-
bænar. Á mánaðarfundunum er yfir-
leitt erindi sem tengist kristinni trú
og heilbrigðismálum, viðhorfum til
manneskjunnar allrar.
Síðan höfum við boðið sjúklingum
til aðventukvölda á sjúkrahúsum og
elliheimilum og hafa þau verið afar
vel sótt. Og nú á páskaföstunni
höfðum við einnig fundi fyrir starfs-
fólk og sjúklinga á Landsspítalan-
um. Það var í tilraunaskyni en verð-
ur haldið áfram. Áformaður er annar
fundur á Landakoti í júní.
Okkur hefur fundist eðlilegast að
byrja starfið á sjúkrahúsunum með
bænastundum. Það er hið sjálfsagða
upphaf á starfi kristins manns.
Fundirnir koma síðan og brátt er
tíminn réttur til þess að stofna
biblíuleshópa. Þannig er t.d. um
hópinn sem hittist til bænastunda á
öldrunarlækningardeild Landsspít-
alans, hann er orðinn það mótaður
og fastur í sessi."
Þú talar gjarnan um manninn
allan og þarfir hans.
„Hjúkrunarfræðin tekur æ meir
inn í myndina hinar andlegu og trú-
arlegu þarfir mannsins, að það þurfi
að hlynna að öllum þáttum
mannsins, að manneskjunni í heild.
Líkamlegt og andlegt ástand
mannsins er svo samtengt.
En hinar andlegu þarfir eru svo
margs konar, meðal þeirra eru hinar
trúarlegu þarfir, þörf mannsins eftir
samfélagi við Guð. Svo eru hinar sál-
arlegu þarfir, sem mótast af því
hvernig við upplifum tilveruna og
umhverfið.
Þessi hreyfing innan heilbrigðis-
fræðinnar, að líta á manneskjuna
sem heild, fer um allan heim nú, og
breytir að sjálfsögðu meðferð sjúkl-
inganna.
Við sjáum þessa breytingu glögg-
lega hérlendis á svo áþreifanlegum
hlutum sem kapellum á sjúkrastofn-
unum. Nú er farið að gera ráð fyrir
þeim strax á teikniborðinu. T.d.
Múlabær sem nýlega er kominn í
notkun fyrir aldraða og fatlaða, þar
er fullbúin kapella, nýlega var vígð
kapella á sjúkrahúsinu á Neskaup-
stað, í Sunnuhlíð í Kópabogi er kap-
ella, á vistheimilinu við Dalbraut
sömuleiðis, og margir þekkja hina
gullfallegu kapellu kvennadeildar
Landsspítalans. Þar eiga margir
dýrmætar kyrrðarstundir. “
Hver eru næstu verkefni Kristi-
legs félags heilbrigðisstétta?
„Við höfum nýlega látið endur-
prenta 10 þúsund eintök af mynda-
bæklingi, sem settur hefur verið í
öll náttborð á sjúkrahúsum
landsins. Þar eru bænir, holl lesning
fyrir lasið fólk og þar er bent á þá
þjónustu félagsmanna að vitja
sjúkra sem þess óska. Þar segir enn-
fremur: „Ef þú vilt tala við einhvern,
heyra Guðs orð eða neyta heilagrar
kvöldmáltíðar, leitaðu þá upplýs-
inga um guðsþjónustur og viðtals-
tíma sjúkrahúsprestsins. Hann er
meir en fús að koma til þín.
Kristilegt félag heilbrigðisstétta
hefur það fyrir stöðugt verkefni að
finna leiðir inn í hjörtu mannanna
með vitnisburði Guðs — með von til
vonlítilla, til fólks sem er óttaslegið,
vegna ástands heimsins og eigin að-
stæðna. Okkur er trúað fyrir hinu ei-
lífa lífsins orði, sem eitt linar þennan
ótta og kveikir von.
Það er mikil ábyrgð."
Stjórn Kristilegs félags heilbrigðis-
stétta veitir nánari upplýsingar
um starf félagsins en hana skipa
auk Margrétar:
Vigdís Magnúsdóttir, hjúkrunar-
forstjóri Landsspítalans, Rannveig
Sigurbjörnsdóttir, félagshjúkrunar-
fræðingur, Sólveig Óskarsdóttir,
læknir, sr. Lárus Halldórsson og Sig-
ríður Halldórsdóttir, hjúkrunar-
kennari.
VÍÐFÖRLI - 3