Víðförli - 15.05.1983, Qupperneq 12

Sagnfræðingar segja að fá ártöl muni skipta máli í kirkjusögu þessarar
aldar. Eitt af þessum fáu ártölum er þó 1948. Þann 23. ágúst það ár var Al-
kirkjuráðið stofnað í Amsterdam og þar með komið ákveðið form á sam-
starf kristinna kirkna.
Þangað til hafði kirkjusagan ein-
kennst af sívaxandi klofningi milli
kirkjudeildanna, en með stofnun
Alkirkjuráðsins var farið með fullum
ásetningi að leita þeirrar einingar
sem á að vera einkennandi fyrir
kristna kirkju samkvæmt Nýja testa-
mentinu.
Sú einingarhreyfing sem leiddi til
stofnunar Alkirkjuráðsins kallast á
erlendum málum ekumeniska hreyf-
ingin og hefur ekki fundist gott ís-
lenskt orð fyrir það ennþá. Nafnið er
dregið af gríska orðinu "oikoumene"
sem þýðir nánast heimsbyggðin.
Þessi hreyfing vinnur að samfélagi
allra kirkna með tilliti til hins sameig-
inlega vitnisburðar þeirra og þjón-
ustu. Þetta var reynt að orða svo á
heimsþingi Alkirkjuráðsins í Nýju
Dehli á Indlandi 1961: „ Alkirkjuráðið
er samfélag kirkna á grundvelli heil-
agrar ritningar sem játa Drottinn
Jesú Krist sem Guð og frelsara og
leitast þess vegna við það í samein-
ingu að vinna að sameiginlegu köll-
unarverki til dýrðar Guði, föður, syni
og heilögum anda. “
Forsaga
En stofnun Alkirkjuráðsins gerðist
að sjálfsögðu ekki upp úr þurru. Á
síðustu öld voru stofnuð nokkur
heimssamtök á „ekumeniskum"
grundvelli s.s. KFUM, KFUK og
Kristna stúdentahreyfingin. En fyrst
og fremst var hvatinn á trúboðsakr-
inum. Menn gátu umborið það að
fjórar kirkjur væru á sama götuhorni í
Englandi, en hvernig var hægt að út-
skýra það fyrir nýkristnu fólki að
kirkjan var svo klofin sem raun bar
vitni. Þar eru menn annaðhvort
kristnir eða ekki, umbúðirnar hurfu
fyrir kjarnanum sjálfum, kirkjurnar
urðu að starfa saman en ekki keppa
saman.
1921 var stofnað alþjóðlegtkristni-
boðssamband og samstarf jókst
meðal þeirra sem fjölluðu um þær
spurningar sem uppi voru um trú og
kirkjuskipan og einnig þeirra sem
sinntu ábyrgð kirkjunnar í málefnum
samfélagsins. í fyllingu tímans komu
fulltrúar frá 146 kirkjum í 50 löndum
og stofnuðu Alkirkjuráðið. Kaþólska
kirkjan var ekki með og er ekki enn,
nema sem áheyrnarfulltrúi, en flest-
ar ortodoxukirkjurnar hafa gerst fé-
lagar. íslenska kirkjan var einn af
stofnendum Alkirkjuráðsins.
Hvað er í rauninni
Alkirkjuráðið?
Alkirkjuráðið er fyrst og fremst sam-
félag kirkna. Það er engin yfirkirkja
sem hefur yfir aðildarkirkjunum að
segja. Hver aðildarkirkja heldur sér-
Ferill Alkirkjuráðsins frá stofnun 1948. Heimsþingin 6 eru merkt með stærra letri, en mikilvægar ráðstefnur um margvísleg mál eru merkt með
minna letri.
12- VÍÐFÖRLI