Víðförli - 15.08.1989, Blaðsíða 15

Hugflæði í Skálholti
Halla Jónsdóttir erformaður
kvennastarfsnefndar kirkjunnar.
Dagana 30. apríl og 1. maí var
haldin í Skálholtsskóla
hugflæðiráðstefna um safnaðar-
uppbyggingu og fræðslumál
kirkjunnar. Til ráðstefnu þessar-
rar hafði verið boðið á 4. tug
þátttakenda víðsvegar af að
landinu. Stór hluti ráðstefnugesta
voru vígðir starfsmenn hinnar
íslensku þjóðkirkju en leikmenn
áttu þar nokkra fulltrúa.
Meginhugmyndin að baki
hugflæðiráðstefnum er að safna
saman áhugahóp um tiltekið
málefni, og ef vel á að takast til
verður innan hópsins að vera til
staðar sem breiðust og
fjölbreytílegust reynsla og þekk-
ing. Og það átti vissulega við um
hópinn í Skálholti. Enda voru
umræður líflegar og sjónarmiðin
ótrúlega misjöfn og mörg.
í upphafi ráðstefnunnar kynnti
annars vegar sr. Bernharður
Guðmundsson okkur nokkrar
hugleiðingar um fræðslumál inn-
an kirkjunnar og óskaði eftir
sjónarmiðum um markmið og
leiðir í endurskipulagningu
fræðslumála kirkjunnar. Hins
vegar flutti sr. Gunnar
Kristjánsson erindi um
safnaðaruppbyggingu, og kynnti
að nokkru leyti tillögur nefndar
þeirrar er unnið hefur með
verkefni þetta um nokkurt skeið.
Sr. Gunnar dró upp dökka mynd af
stöðu kirkjunnar í dag og varpaði
fram ólíkum hugmyndum og
leiðum til úrbóta. Hér var spum-
ingum varpað fram sem segja má
að hafi verið meginkjami í allri
þeirri umræðu sem fram fór.
Nokkur styttri erindi vom síðari
daginn þar sem þátttakendur
miðluðu af reynslu sinni.
Ragnheiður Sverrisdóttir djákni
kynnti diakonat (þjónusta djákna)
sem engin hefð er til fyrir innan
íslensku kirkjunnar. Sr. Vigfús
Ingvar sagði frá reynslu sinni af
uppbyggingu safnaðarins út frá
myndum smáhópa. Hér er stigið
stórt skref í þá átt að breyta presta-
kirkju íleikmannakirkju. Skortur
á þjálfuðum og reyndum
leiðtogum hafði verið sr. Vigfúsi
helsta hindrunin í tilraun hans á
Egilsstöðum með starf þetta. Sr.
✓
Valgeir Astráðsson og Sverrir
Norðfjörð lýstu mjög athyglis-
verðu samstarfi arkitektsins og
safnaðarins við hönnun og
byggingu Seljakirkju. Sr. Óm
Bárður sagði frá tilraunum sínum í
Grindavíkurkirkju sem einnig
byggði á starfi lítilla sam-
félagshópa, en hann taldi það sína
höfuðerfiðleika eins og sr. Vigfús
Ingvar, skortur á leiðtogum. Sr.
Jón Ragnarsson sagði frá
hugmyndum og tilraun sinni að
tengja foreldra fermingarbama
kirkjunni með því að gera þau
ábyrg fyrir hluta fermingar-
fræðslunnar.
Auk þess sögðu fjölmargir frá
reynslu sinni af safnaðarstarfi,
fræðslumálum og ræddu stöðu
kirkjunnar í dag og hugsanlegar
leiðir til úrbóta.
Það var afar ánægjulegt að fá
tækifæri til að vera með á
hugflæðiráðstefnunni í Skálholti.
Fyrir mér var mjög margt nýtt, og
fannst mér oft að sjónarmiðin
væm ótrúlega mörg. Sé það rétt að
íslenska kirkjan standi nú á
tímamótum, þar sem henni er
lífsnauðsyn að endurmeta og ef til
vill að breyta að einhverju leyti
fyrri starfsaðferðum sínum er
augljóst að innan kirkjunnar eru til
staðar forsendur þær sem
nauðsynlegar em til að breytingar
verði til hins betra, þ.e. brennandi
löngun til að boða fagnaðarer-
indið, mýgrútur nýrra hugmynda
og löngun til að takast á við ný
verkefni.
Umgjörð hugflæðiráðstefn-
unnar í Skálholti var helgihald er
var í höndum sr. Kristjáns Vals.
Hátíðleiki og einfaldleiki ein-
kenndi það í alla staði. Helgi-
stundin í Skálholtskirkju í lok
ráðstefnunnar gleymist seint.
Blessunin, fyrirbænin og friðurinn
þaðan fylgja okkur eftir.
Halla Jónsdóttir.
Laus prestaköll
Þrír prestar hafa sagt embættí
sfnu lausu, þótt prestaköllin hafl
ekki enn verið auglýst, enda ber
samkvæmt nýjum lögum að gefa
sóknamefndum kost á að kalla
prest tíl þjónustu áður en auglýst
Þeir sr. Sigurvin Elíasson á
Skinnastað í Þingeyjarprófasts-
dæmi og sr. Fjalarr Sigurjónsson
prófastur á Kálfafellsstað hafa
báðir látið af embætti sökum
aldurs. En sr. Yrsa Þórðardóttir á
Hálsi í Þingeyjar-prófastsdæmi
hefur tekið við starfi á vegum
Evrópuráðsins f Strassborg.
15