Bæjarins besta - 16.06.1999, Side 7
en tónleika af því tagi.“
„Eiginiega með
petta á heilanum"
- Aftur á móti vita flestir
hér um annað áhugamál þitt -
áhuga þinn á bættum land-
samgöngum á Vestfjörðum...
„Ef rétt er að nefna það
áhuga. Ég er eiginlega með
þetta á heilanum. Já, ég hef
nú verið að reyna að beita
méreftirmegni íþeim málum.
Mér finnst það skipta miklu
máli fyrir mig og fyrir svæðið
hér að geta komist akandi til
höfuðborgarinnar án þess að
taka í það heilan dag.“
-1 vor varslu að safna und-
irskriftum á bensínstöðvum
og víðar. Hvernig gekk?
„Ég get ekki kvartað yfir
þvf að fá um þúsund undir-
skriftir. Um þessar mundir er
ég að láta unga frænku mína
slá fæðingardagana og sveit-
arfélögin inn í Excel og þá er
hægt að skoða þetta dálítið
skemmtilega, flokka undir-
skriftirnar eftir búsetu, sjá
hvaða árgangur hefur verið
duglegastur að skrifa undir og
fá aðrar lýðfræðilegar upplýs-
ingar. Ég ætla að hafa það allt
klárt þegar þetta verður af-
hent.“
- Þú þarft ekki leyfi tölvu-
nefndar?
„Ég vona ekki. Á listanum
eru aðeins nöfn og kennitölur
og sveitarfélög. Innslátturinn
er einungis til að átta sig betur
áþessu. Öllurn varí sjálfsvald
sett hvort þeir skrifuðu undir.
Já, og þarna sér maður líka
skiptinguna eftir kynjum. Það
hallarákvenkynið, sýnistmér.
Karlarnir fara líklega frekar
inn á bensínstöðvarnar. Ég fór
ekki mikið með þetta á aðra
staði.“
Meíra um ætt og fjölskyldu
Móðir Jónasar Guðmunds-
sonar er Bergljót Líndal,
hjúkrunarforstjóri á Heilsu-
verndarstöð Reykjavíkur.
Faðir Jónasar var Guðmundur
Jónasson kennari, sem var í
þann veginn að taka við starfi
framkvæmdastjóra Rauða
kross íslands þegar hann féll
frá. Guðmundur átti (að sjálf-
sögðu!) bróður í lögfræðinga-
stétt.
Stjúpfaðir Jónasar varEinar
Þ. Guðjohnsen, ferðafrömuð-
urog höfundur leiðsögubóka,
framkvæmdastjóri Ferðafé-
lags íslands og síðan einn af
stofnendum Útivistar. Berg-
ljót og Einar kynntust þegar
Jónas var á þrettánda ári. Sfð-
ustu æviárin var Einar mikið í
leiðsögu ferðafólks í rútuferð-
um á Vestfjörðum.
Föðurætt Jónasar er úr Flat-
ey á Skjálfanda, sem nú er
komin í eyði. „Þar ólst faðir
minn upp í stórum systkina-
hópi. Ég náði því einu sinni
sem barn að heimsækja afa
og ömmu í Flatey meðan þau
bjuggu þar enn. Mér fannst
ég nú hverfa talsvert langt aft-
ur í tímann. Það var gaman að
fara þangað og upplifa það.
Sigurjón tannlæknir á ísafirði
mun líka vera ættaður úr Flat-
ey á Skjálfanda. Ég hef ekki
hitt hann sjálfur ennþá en hann
sagði dóttur minni sem var
hjá honum um daginn að þau
væru frændsystkini. Ég þarf
að fara að heilsa upp á hann!
Líklega hafa afar okkar verið
bræður.“
Embættisbústaðurinn
í Bolungarvík
Jónas Guðmundsson býr
ásamt fjölskyldu sinni að
Miðstræti 1 í Bolungarvík.
Það er embættisbústaður og
rnikið hús. „Mér er sagt að
það hafi verið byggt í þrennu
lagi. Þess vegna er fyrirkomu-
lagið innandyra ekki það allra
heppilegasta. En þetta hús er
ekki alslæmt og hér fer að
mörgu leyti vel um okkur. Ef
ég hefði haft grun um að ég
ætti eftir að vera hér í níu ár,
þá hefði ég samt ef til vill
reynt að finna annað húsnæði.
En þegarmaðurséralltaffyrir
sér að fara eitthvert annað, þá
vill verða minna úr hlutun-
um.“
- H ver spilar á píanóið hér?
„Konan mín gerði það í eina
tíð. Og elsta stelpan mín er að
læra núna.“
Fréttafíkill en er að lagast
- Hvert er helsta áhugamál
þitt í tómstundum - fyrir utan
samgöngumál?
„Ég hef oft leitt að því hug-
ann, aðég myndi lenda í vand-
ræðum ef ég yrði spurður um
tómstundagaman. Það er að
minnsta kosti ekkert sem
heltekur mig. Ég gutla í hinu
og þessu. Ég er að dunda svo-
lítið við vefsíðugerð í tölvu.
Og það fer óhemju tími í að
lesa öll þessi blöð og tímarit
sem maður er áskrifandi að.
Það tekur tíma að lesaTímarit
lögfræðinga,Time, tölvublöð,
vikublöð, BB, Moggann og
DV og hitt og þetta. Ég veit
ekki hvort á að flokka það
undir ósiði að eyða öllum
þessum tíma í að lesa þetta.
En eins og sagt er, þá gerir
maður ckkert illt af sér á með-
an. Það er hreinlega orðið
hlutastarf að fylgjast með
þegar fréttafíklar eiga í hlut.“
- Þú ert fréttafíkill...
„Ég jaðra við það. En ég er
nú aðeins að skána. Mér nægir
orðið að heyra yfirlitið í frétt-
unum, ef það er ekki neitt
sérstakt. Mér líst vel á breyt-
ingarnar á kvöldfréttatfmum
útvarps og sjónvarps.“
- Síður að þeir taki tíma
manns núna...
„Já, maðurgleymirsexfrétt-
unum. Maður segir æ,æ, en
eftir á að hyggja er það ágætt.
Undir kvöldmatnum hlustar
maður svo bara á sjónvarps-
fréttirnar í útvarpinu."
- Ertu bókaormur?
„Nei, ég er nú ekki bóka-
ormur. En ég hef gaman af
bókum. Ég er bara ekki nærri
nógu duglegurað lesa í seinni
tíð, finnst mér. Maður gefur
sér ekki nógu mikinn tíma.
Samt reyni ég nú að fylgjast
með.“
Hrikaiegt málverk
og engu líkt
Athyglin beinist að all-
mörgum myndverkum á
veggjum. Einkum er það eitt
gríðarstórt málverk, heldur af
hrikalegra taginu, sem fangar
augað. Ishaf, ísjakar, selir,
maður og bátur. Allt heldur
draugalegt og groddalegt.
Minnir í allri áferð á kolteikn-
ingu. Ártalið 1930 blasir við í
horninu en ekki er auðgert að
átta sig á höfundinum. Enda
kentur í ljós, að hér á í hlut
listamaður seiri mun lítt hafa
fengist við stór málverk en er
þeim mun betur þekktur sent
teiknari.
„Þetta er nú ekki beint
hlýleg mynd að hafa uppi á
vegg. Hún er eftir Tryggva
Magnússon teiknara, sem gaf
afa mínum hana einhverju
sinni. Ég hafði þessa mynd
fyrir augunum heima hjá afa
og ömmu. Ég ætla að hafa
hana uppi þangað til ftnn eitt-
hvað notalegra. Smáfrítt er
þetta ekki, það skal ég viður-
kenna. en dálítið sérstakt. Mér
finnst þetta eiginlega engu
líkt, hvorki eftir Tryggva né
nokkurn annan.“
Það skal tekið fram, að aðr-
ar myndir á heimili Jónasar
sýslumanns og fjölskyldu
hans eru öllu mjúklátari og
hlýlegri. Hann kveðst hafa
gaman af því að fara á mál-
verkasýningar og stúdera
myndir. „En þvf miður er mað-
ur alltaf á svo miklu spani
fyrir sunnan að það er varla
neinn tími til þess.“
Sláttumaðurinn
- Lóðin hér er geysistór...
„Allt of stór!“
- Grasspretta lofar nú þegar
mjög góðu. Stendur húsbónd-
inn mjög í garðslætti?
„Hann neyðist til þess. Það
er víst órjúfanleg hefð að karl-
arnir sjái um slíkt hér í bæ. Ég
hef að vísu ekki látið reyna
neitt sérstaklega á það og hef
bara tekið að mér að slá. Að
vísu er ég ekkert of duglegur
við það. En það sem slegið
hefur verið hér, það hef ég
slegið, að minnsta kosti að
mestu leyti.“
Bulungarvík og framtíðin
- Hver er framtíð Bolung-
arvíkur?
„Hún ertvísýn. Hún byggist
ekki á meiri sjávarútvegi en
er hér í dag, að því er ég best
get séð. Eitthvað annað verður
að koma til. Hvað það verður
veit ég ekki. En með þcirri
tækni sem er að tröllríða öllu
er ég að gæla við að menn sjái
einhver sóknarfæri á því sviði
hér. Ef við færum suður, þá
þyrftum við að ftnna húsnæði
handa fímm manna fjölskyldu
og það væri ekkert einfalt mál.
Fasteignaverð þar er orðið svo
hátt. Hér fást húsin aftur á
móti fyrir brot af því sem verið
er að borga í Reykjavík. Ég
velti þvf fyrir mér hvort fólk
muni ekki sjá sér einhvern
hag í þessu - að spara sér
fimm-sex milljónir í húsnæð-
iskaupuirt og koma hingað og
gera eitthvað hér. Sérstaklega
barnafólk. Ég lít ekki á Bol-
ungarvík sem eitthvert ein-
angrað fyrirbæri, heldur lít ég
á alla norðanverða Vestfirði
sem eina heild. Við erum öll
hvert upp á annað komin. Við
verðum að fara að átta okkur
betur á því en mér fmnst fólk
hafa gert fram að þessu. Þetta
er allt sama svæðið. Án öflugs
ísafjarðar værum við ekki vel
sett hér í Bolungarvík.“
- Hefði átt að sameina öll
sveitarfélögin hér í eitt þegar
Isafjarðarbær varð til fyrir
nokkrum árum? Eða hefði það
engu breytt?
„Ég veit ekki hvort það
hefði breytt miklu. Við værum
kannski eitthvað öflugri út á
við. En þessi kostur er ennþá
fyrir hendi. Menn geta klárað
dæmið ef þeim sýnist svo. Ég
tel að það liggi ekki líftð á.
Menn ættu að flýta sér hægt í
þessu efni. Þetta er dýrt hjá
þeim þarna innfrá. Hér erum
við með allt sem þarf, skóla
og sundlaug og önnur þjón-
ustumannvirki. Hagkvæmar
einingar, til þess að gera. Ég
get ckki séð að við Bolvík-
ingar höfum neinn sérstakan
hag af þvf að taka þátt í slíkum
rekstri á Þingeyri og Flateyri
og öðrum stöðum hér í
grenndinni. En ég sé það fyrir
tnér, að fyrr eða síðar komi að
því.“
Lionsklúbburinn ng
útsýnisskífan við Úsvör
- Þú tekur töluverðan þátt í
félagsstarfi. Þú ert í Lions-
klúbbnum héríBolungarvík...
„Já, það tilheyrir nú emb-
ættinu að vera þar. Þetta er að
mörgu leyti ágætur félags-
Jónas ásamt eiginkonu sinni, Sólrúnu Geirsdóttur og börn-
uitum, Helgu Theodóru, Halldóru og Þórhildi Bergljótu.
skapur."
- Það var að frumkvæði
þínu og klúbbsins sem skiltið
fallega með bæjarkortinu var
settuppfyrirnokkrumárum...
„Já, og nú erum við að fara
að setja upp sjónskífu fyrir
ofan Osvörina. Vonandi verð-
ur hún komin upp fyrir mán-
aðamót.“
Fóturinn undir skífunni
verður ekki steyptur stöpull,
eins og algengast er, heldur
listaverk úr stáli og grjóti sem
Jón Sigurpálsson hefur hann-
að. „Þetta blasir við frá vegin-
um og þarf að líta vel út. Ég er
mjög ánægður með þessa hug-
mynd Jóns.“
Friðsemdarfólk
I þann mund sem samtali
okkar Jónasar lýkur hvarflar
hugurinn aftur að öllum lög-
fræðingunum sem áður var
getið.
- Það væri ekki árennilegt
að lenda í útistöðum og mála-
ferlum við þig og þína stór-
fjölskyldu...
„Ég skal ekki segja. Við vilj-
um leysa tnálin í góðu. þá
sjaldan að eitthvað er. Ég held
að við séum nú yfirleitt frið-
semdarfólk“, segir Jónas.
Undirritaður gengur út f
aðvífandi sumarnóttina sem
er engin nótt á þessum slóð-
um. Rauðgullinni fegurð him-
insins bregður á fannirnar
miklu sem ennþá teygja sig í
sjó fram handan við Djúpið.
Grasið á lóðinni sprettur sem
óðast og kallar á sláttumann.
Tjaldhælarnir sem hér voru
reknir í svörð til einnar nætur
fyrir bráðum níu árum eru
kjurir á sínum stað.
- Hlynur Þór Magnússon.
STlGÞk
STIGA
ORF -
A|ŒLSMIÐJAN ÞRISTUR EHF
VÉLA VERSL UN
sy Sindragata 8 • ísafirði • Sími 456 4750
SLÁTTUVÉLAR, ORF
LIMGERÐISKLIPPUR OG
MOSATÆTARAR I ÚRVALI
STIGA RAFMAGNS-
LIMGERÐISKLIPPUR
3SOW
STIGA
RAFMAGNS-
SLÁTTUVÉL
MEÐ GARÐ-
HIRÐIPOKA
LITLA GARÐA
STIGA TURBO
SLÁTTUVÉL
MEÐ GARD-
HIRÐIPOKA
GÓD FVRIR
HEIMILI
MIÐVIKUDAGUR 16. JÚNÍ 1999 1