Bæjarins besta - 13.05.2015, Page 4

4 MIÐVIKUDAGUR 13. MAÍ 2015
Útgefandi: Gúttó ehf., kt. 680501-2620
Afgreiðsla og ritstjórn: Silfurgötu 1, Ísafirði, sími 456 4560
Ritstjóri BB og bb.is: Sigurjón J. Sigurðsson, 892 5362, bb@bb.is
Ábyrgðarmaður: Sigurjón J. Sigurðsson.
Blaðamaður: Smári Karlsson, 866-7604, smari@bb.is
Auglýsingar: Sími 456 4560, auglysingar@bb.is
Prentvinnsla: Litróf ehf.
Upplag: 2.200 eintök
Dreifing: Íslandspóstur. Dreift án endurgjalds inn á öll heimili
á norðanverðum Vestfjörðum
Stafræn útgáfa: www.bb.is / facebook.com/pages/bbis
Önnur útgáfa: Á ferð um Vestfirði
ISSN 1670-021X
Tekið er á móti auglýsingum á póstfangið bb@bb.is.
Auglýsingar þurfa að berast fyrir kl. 17 á mánudögum
fyrir útgáfudag sem er almennt á fimmtudögum.
Ritstjórnargrein
Hvað gera bændur nú?
Spurning vikunnar
Treystir þú íslenskum stjórnmálamönnum?
Netspurningin er birt vikulega á bb.is og þar geta lesendur
látið skoðun sína í ljós. Niðurstöðurnar eru síðan birtar hér.
Alls svöruðu 469.
Já sögðu 63 eða 13%
Nei sögðu 385 eða 82%
Veit ekki sögðu 21 eða 5%
Þrír rúmlega tvítugir piltar á
Ísafirði hafa verið dæmdir í
þriggja til sex mánaða fangelsi,
skilorðsbundið, fyrir ýmis brot í
Héraðsdómi Vestfjarða. Sá fjórði,
maður á sjötugsaldri, var dæmd-
ur til að greiða sekt í ríkissjóð.
Sá sem hlaut þyngstu refsing-
una, sex mánaða skilorðsbundið
fangelsi, játaði á sig innbrot,
eignaspjöll og þjófnað en sam-
kvæmt sakaskrá var hann í tví-
gang dæmdur í skilorðsbundið
fangelsi árið 2013. Hann var í
fyrra dæmdur til greiðslu sektar
fyrir fíkniefnabrot. Fram kemur
í dómi héraðsdóms að þrátt fyrir
að maðurinn, sem er 23 ára gam-
all, hafi tvisvar rofið skilorð
dóms þykir rétt að skilorðsbinda
refsingu hans á ný´.
Sá sem fékk fimm mánaða skil-
orðsbundinn dóm er 21 árs að
aldri. Hann játaði fyrir dómi
eignaspjöll, húsbrot, þjófnað og
landaframleiðslu. Samkvæmt
sakavottorði var í tvígang dæmd-
ur til að greiða sekt til ríkissjóðs
vegna lögbrota árið 2013 og
2014. Í nóvember í fyrra fékk
hann skilorðsbundinn þriggja mán-
aða fangelsisdóm.
Sá þriðji er 22 ára gamall og
var hann dæmdur í þriggja mán-
aða skilorðsbundið fangelsi fyrir
húsbrot og vörslu fíkniefna. Hann
er líkt og félagar hans með skil-
orðsbundna refsingu á bakinu frá
árinu 2013. Í fyrra var hann í
tvígang dæmdur til greiðslu sekt-
ar til ríkissjóðs fyrir lögbrot.
Fjórði maðurinn var dæmdur
fyrir áfengisframleiðslu og gert
að greiða 200 þúsund krónur í
sekt. Sá hefur aldrei hlotið dóm.
Dæmdir fyrir ýmis brot
Þróun á raforkumarkaði og
staða Orkubús Vestfjarða kallar
á endurskoðun á stefnu fyrirtæk-
isins. Í ársskýrslu Orkubúsins
segir Viðar Helgason stjórnar-
formaður að Landsvirkjun hafi
boðað að á næstunni verði dregið
verulega úr framboði á ótryggðri
orku og hækkun verðs í lang-
tímasamningum. Ljóst er að
orkuverð frá virkjunum fer hækk-
andi og segir Viðar að Orkubúið
þurfi að auka eigin framleiðslu
eins og kostur er og tryggja sér
hagkvæma langtímasamninga
fyrir því sem á vantar til að hægt
sé að mæta þörfum viðskiptavina
fyrirtækisins fyrir orku. Vegna
hækkandi raforkuverðs segir
Viðar fyrirséð að ýmsir smærri
virkjanakostir sem fram til þessa
hafi ekki verið hagkvæmir, gætu
orðið framkvæmanlegir.
Hann segir að fyrirtækið þurfi
að aðlaga sig að breyttu umhverfi
til að geta uppfyllt skyldur sínar
betur á næstu árum og segir þörf
á ákveðinni endurskoðun á stefnu
fyrirtækisins. Nefnir hann í því
sambandi skipulag þess, áhersl-
ur, markaðsnálgun, verðstefnu,
uppbyggingu orkuframleiðslu. Á
síðasta ári nam eigin vinnsla
Orkubúsins 44,5% af þeirri orku
sem skilað var til viðskiptavina
fyrirtækisins. – smari@bb.is
Orkubú Vestfjarða þarf
að endurskoða stefnuna
Alls hafa 59 sveitarfélög af 74
hafa sett sér siðareglur og sent
innanríkisráðuneytinu til stað-
festingar að því er fram kemur í
tilkynningu frá ráðuneytinu.
Fjögur af þeim fimmtán sveitar-
félögum sem ekki hafa innleitt
siðareglur eru á Vestfjörðum. Þau
eru Bolungarvík, Ísafjarðarbær,
Strandabyggð og Súðavíkur-
hreppur. Í sveitarstjórnarlögum
frá 2011 er kveðið á um skyldu
sveitarstjórna að setja sér siða-
reglur. Ákvæðið er nýmæli og
sett í kjölfar umræðu um siða-
reglur kjörinna fulltrúa og mikil-
vægi þeirra. Ráðuneytið er kunn-
ugt um nokkur sveitarfélög í við-
bót hvar undirbúningur að gerð
siðareglna er á lokastigi.
Siðareglur sem sveitarstjórn
setur gilda fyrir fulltrúa í sveitar-
stjórn sem og nefndir og ráð sveit-
arstjórnar. Reglurnar þurfa stað-
festingu innanríkisráðuneytisins
og skulu þær birtar opinberlega á
vefsíðu sveitarfélaga og þannig
aðgengilegar öllum. Í yfirliti
ráðuneytisins segir að eftirfarandi
sveitarfélög eigi enn eftir að setja
sér siðareglur og senda til ráðu-
neytisins: • Akrahreppur • Bol-
ungarvíkurkaupstaður • Gríms-
nes- og Grafningshreppur • Hörg-
ársveit • Ísafjarðarbær • Reykja-
nesbær • Skorradalshreppur•
Strandabyggð • Stykkishólms-
bær• Súðavíkurhreppur • Sval-
barðshreppur • Svalbarðsstrand-
arhreppur • Sveitarfélagið Skaga-
strönd • Tjörneshreppur • Vest-
mannaeyjabær. – smari@bb.is
Fjögur sveitarfélög hafa
ekki innleitt siðareglur
Um miðjan apríl leitaði BB frétta af ráðningu veiðieftirlits-
manns í starfsstöð Fiskistofu á Ísafirði, í kjölfar auglýsingar í
febrúar. Í lok mánaðarins lágu fyrir upplýsingar frá Fiskistofu
um að ekki verði ráðinn eftirlitsmaður að svo stöddu. Ástæðan
var einföld. Af átta umsækjendum um stöðuna uppfylltu þrír
skilyrði sem gerð eru til veiðieftirlitsmanna. En kálið varð ekki
sopið þótt í ausuna væri komið. Áður en til úthlutunar kom
drógu allir þrír umsóknir sínar til baka.
Eftir allt sem á undan er gengið í tilvist útibús Fiskistofu á Ísa-
firði voru þetta mikil vonbrigði, þegar loksins átti að taka til
hendinni. ,,Við viljum svo sannarlega vera með starfsemi fyrir
vestan. Nú þurfum við að skoða hvort við auglýsum aftur,“ voru
viðbrög fiskistofustjóra. Auglýsum aftur, eða hvað?
Um svipað leyti og þessi óvænta staða kom upp funduðu
ráðamenn Ísafjarðarbæjar með fiskistofustjóra um framtíð útibús
Fiskistofu á Ísafirði. Á fundinum mun hafa komið fram ótvíræður
vilji yfirvalda um uppbyggingu útibús á Ísafirði og líklegt væri
að lögð yrði áhersla á önnur störf, samhliða veiðieftirliti. Þessu
ber að fagna. Ætla verður að efndir fylgi orðum.
Um sama leyti átti sér einnig stað fundur bæjaryfirvalda með
forstjóra Hafrannsóknastofnunar. Þar var rætt um möguleika á
eflingu útibús stofnunarinnar í Þróunarsetrinu á Ísafirði og auk-
ið samstarf við Háskólasetur Vestfjarða. Af því tilefni þykir BB
rétt að rifja upp fátt eitt í leiðara BB í febrúar 2004, þar sem fjall-
að var um nokkur verkefni (stofnanir) sem vel ættu heima á
landsbyggðinni, þar á meðal ,,Miðstöð atferlis- og eldisrannsókna
á þorski“ og ,,Rannsókn á áhrifum veiðarfæra á lífríki hafsins.“
Viðfangsefni sem hljóta að skipta fiskveiðiþjóð eins og Íslendinga
miklu máli. Viðfangsefni sem fram til þessa hafa mætt tómlæti
yfirvalda. Hafi framgangur þeirra átt sér stað væri fróðlegt að
yfirvöld upplýstu, hvenær og hvar?
Þótt ekki fáist svar við hvað valdi fráhvarfi umsækjenda um
stöðu veiðieftirlitsmanns hér vestra, er spurningin eigi að síður
áreitin. En, hvað sem vangaveltum um ástæðurnar fyrir viðsnún-
ingi þremenninganna líður, er spurningin sem brennur á Vestfirð-
ingum: Hvað gera bændur nú? Það hljóta að finnast menn sem
eru tilbúnir að taka slaginn. s.h.